7:

Sulbara ang mga Problema

Report:Daklit nga ipaambit sa grupo ang usa ka lisud nga buluhaton nga inyong nahuman sa miaging semana.

Pamalandungi:Nganong gitugutan man kita sa Langitnong Amahan nga mosagubang og mga problema ug mga hagit?

Tan-awa:“A Bigger Truck? [Mas Dako nga Trak?]” anaa sa srs.lds.org/videos. (Walay video? Basaha ang pahina 19)

Mas Dako nga Trak?

Kon dili mo makatan-aw sa video, basaha kini nga script.

Elder Dallin H. Oaks: Duha ka tawo naghimo og partnership. Naghimo sila og gamay nga tindahan daplin sa busy nga dalan. Nagkuha sila og trak ug gidala kini ngadto sa umahan sa mag-uuma, diin namalit sila og usa ka trak nga melon nga usa ka dolyar kada melon. Ilang gidala ang puno nga trak ngadto sa ilang tindahan daplin sa dalan, diin ilang gibaligya ang mga melon og usa ka dolyar kada melon. Mibalik sila ngadto sa umahan ug mipalit og laing usa ka trak nga melon nga usa ka dolyar kada melon. Gidala kini sa daplin sa dalan, gibaligya nila pag-usab kini nga usa ka dolyar kada melon. Sa ilang pagbalik ngadto sa umahan aron mopalit pag-usab, ang usa ka kauban miingon ngadto sa lain, “Wala man kaayo ta makaganansya niining negosyo, di ba?” “Wala, wa ta makaganansya,” tubag sa iyang kauban. “Sa imong hunahuna nagkinahanglan ba kita og mas dako nga trak?”

(“Focus and Priorities,“ Ensign, Mayo 2001, 82)

Balik sa pahina 18.

Hisguti:Unsa ang tinuod nga problema niini nga istorya? Unsa man ang pipila ka mga opsyon alang sa duha ka tawo?

Basaha:Doktrina ug mga Pakigsaad 9:7–9 ug ang kinutlo gikan ni Elder Robert D. Hales (naa sa tuo)

“Tan-awa, ikaw wala makasabut; ikaw nagdahum nga Ako mohatag niini nganha kanimo, samtang ikaw wala maghunahuna gawas sa pagpangutana kanako.

Apan, tan-awa, Ako moingon nganha kanimo, nga ikaw kinahanglan gayud nga magtuon niini diha sa imong hunahuna; unya ikaw kinahanglan nga mangutana kanako kon kini husto, ug kon kini husto Ako mohimo sa imong dughan nga moinit diha sulod kanimo; busa, imong mabati nga kini husto.

“Apan kon kini dili husto ikaw dili makabaton niana nga mga pagbati, apan ikaw makabaton og kasamok sa hunahuna nga makahimo kanimo sa pagkalimot sa butang nga sayop.”

Doktrina ug mga Pakigsaad 9:7–9

“Ang Ginoo naglaum nga kita makatabang og sulbad sa atong kaugalingong mga problema. … Mga tawo kita nga dunay hunahuna, nga kahibalong mangatarungan. Kita dunay abilidad sa pag-ila sa atong mga panginahanglan, sa pagplano, sa paghimo og mga tumong, ug sa pagsulbad sa atong mga problema.”

Robert D. Hales, “Every Good Gift,” New Era, Ago. 1983, 8, 9

Kalihokan

Step 1: Pagpili og partner, ug basaha ang mga lakang sa ubos.

Step 2: Pagpili og usa ka problema nga inyong giatubang ug isulat kini sa ubos.

Step 3: Gamita ang matag lakang ngadto sa inyong problema.

Ilha:

Tun-i ang mga opsyon:

Desisyuni ug Lihoka:

Basaha:1 Nephi 17:51 ug 1 Nephi 18:2–3 (naa sa tuo)

“Ug karon, kon ang Ginoo aduna nianang dako nga gahum, ug nakahimo sa daghan nga mga milagro taliwala sa mga katawhan, ngano kini nga siya dili makatudlo kanako, nga ako kinahanglan mohimo og usa ka barko?”

1 Nephi 17:51

“Karon ako, si Nephi, wala molalik sa mga kahoy subay sa paagi diin nakat-unan sa mga tawo, ni ako mihimo og barko subay sa paagi sa mga tawo; apan ako mihimo niini sumala sa paagi diin gipakita sa Ginoo kanako; busa, kini wala mosubay sa paagi sa mga tawo.

“Ug ako, si Nephi, mitungas sa bukid kanunay ug ako nag-ampo ngadto sa Ginoo; busa, ang Ginoo mipakita ngari kanako sa mga mahinungdanon nga butang.”

1 Nephi 18:2–3

Hisguti:Sa unsang paagi si Nephi nakahimo og barko?

I-commit:I-commit nga himoon ang mosunod nga mga buluhaton sa semana. I-tsek ang box kon makompleto ninyo ang matag buluhaton.

• Buhata ang mga lakang nga inyong gihisgutan sa kalihokan aron makasugod sa pagsulbad sa inyong problema. Hinumdumi, ayaw paghunong. Nagkinahanglan og panahon ang pagsulbad sa mga problema ug ang paghimo og mga kausaban.

• Ipaambit ang inyong nakat-unan karon mahitungod sa pagsulbad og mga problema ngadto sa inyong pamilya o mga higala.