Kasinatian sa Pagkat-on 13

Pagdesisyon kon Unsaon Pagtudlo: Pagpakita og Hugot nga Pagtuo

Kinatibuk-ang Pagpasabut [Overview]

Kini nga kasinatian sa pagkat-on naglangkob sa mosunod nga mga konsepto:

• Pagbaton og pagsalig sa gahum sa pulong sa Dios

• Pagpakita og hugot nga pagtuo diha sa Ginoo ug sa Espiritu

• Mosalig sa imong mga estudyante

Mahinungdanong mga Konsepto

Tulo ka Sentro [Core] nga mga Gituohan

Ang “itudlo” nga paragraph sa Tumong sa Seminaries and Institutes of Religion namahayag: “Itudlo nato sa mga estudyante ang mga doktrina ug mga baruganan sa ebanghelyo nga makita diha sa mga kasulatan ug sa mga pulong sa mga propeta. Kini nga mga doktrina ug mga baruganan sa ebanghelyo gitudlo sa paagi nga mogiya ngadto sa pagsabut ug pagkalig-on. Motabang kita sa mga estudyante nga ilang matuman ang ilang tahas [role] diha sa proseso sa pagkat-on ug moandam kanila sa pagtudlo sa ebanghelyo ngadto sa uban” (Gospel Teaching and Learning: A Handbook for Teachers and Leaders in Seminaries and Institutes of Religion [2012], x).

Kini nga paragraph nagpasabut nga ang mga aksyon sa epektibong mga magtutudlo nagpakita og tulo ka sentro nga mga gituohan:

1. Makabaton kita og pagsalig sa gahum sa pulong

2. Makapakita kita og hugot nga pagtuo diha sa Ginoo ug sa Espiritu

3. Makasalig kita sa mga estudyante

Dinhi niini nga kasinatian sa pagkat-on, imong madiskubrihan ang mahinungdanong mga konsepto nga gitumong aron mapalambo ang imong panabut ug pagtuo sa matag usa niining tulo ka mga elemento.

3-legged stool

Sama sa tagsa-tagsa ka tiil sa usa ka bangko nga dunay tulo ka tiil, ang matag usa sa sentro nga mga gituohan mahinungdanon. Ang mga magtutudlo mas makasinati og kalampusan kon ang ilang mga pamaagi nahiangay sa tanan niining tulo ka sentro nga mga gituohan.

2-legged stool

Hinoon, usahay ang mga pamaagi sa mga magtutudlo wala mahiangay sa unsay ilang gituohan diha sa ilang kasingkasing. Sama sa usa ka bangko nga dunay tulo ka tiil nga dili malampusong makabalanse kon dunay bali o nawala nga tiil, ang Gospel Teaching and Learning nga handbook nagsugyot nga kon ang mga magtutudlo dili malampuson, kasagaran tungod kini kay kulang ang usa sa mosunod nga mga elemento:

1. Pagsalig sa gahum sa pulong

2. Hugot nga pagtuo diha sa Ginoo ug sa Espiritu

3. Pagsalig sa mga estudyante

Tan-awa ang video nga “Three Core Beliefs” (1:47), nga available sa churchofjesuschrist.org. Dinhi niini nga video, si Chad Webb, ang administrator sa Seminaries and Institutes of Religion, naghisgot bahin sa usa ka higayon sa dihang gibati niya nga ang iyang pamaagi sa pagtudlo wala mahiangay sa iyang sentro nga gituohan. Tan-awa kon unsay iyang giplanohang buhaton tungod niini nga kasinatian.

Pagsalig sa Gahum sa Pulong

Basaha ang duha ka paragraph ubos sa subheading nga “Confidence in the power of the word” diha sa seksyon 4.1.3 sa Gospel Teaching and Learning nga handbook (mga pahina 47–48). Dayon basaha ang mosunod nga mga tudling sa kasulatan:

• 2 Timoteo 3:15–17

• 2 Nephi 25:23, 26

• Alma 31:5

• Helaman 3:29–30

Samtang magbasa sa handbook ug sa mga kasulatan, buhata ang mosunod:

• Pangita og mga pulong nga nagpakita sa mga panalangin nga mahatag sa mga kasulatan diha sa imong kinabuhi ug sa kinabuhi sa imong mga estudyante.

• Pamalandungi ang mga kasinatian sa dihang ang mga kasulatan nakapanalangin sa imong kinabuhi o sa kinabuhi sa uban. Ikonsiderar ang pagrekord sa imong mga hunahuna ug mga impresyon.

Sa mga classroom diin ang mga magtutudlo ug mga estudyante dunay pagsalig sa gahum sa pulong, ang mga kasulatan dunay importante nga tahas sa pagtudlo ug pagkat-on. Tan-awa ang video nga “Scripture-Centered Teaching” (3:20), nga available sa churchofjesuschrist.org. Dinhi niini nga video, gipasabut ni Brother Webb kon sama sa unsa kini diha sa usa ka classroom ug nganong importante kini. Samtang magtan-aw kamo, hinumdumi ang mosunod nga mga pangutana:

• Unsa may imong makit-an sa usa ka classroom diin ang mga kasulatan mao ang sentro sa pagtudlo ug pagkat-on?

• Nganong importante man alang sa mga magtutudlo nga himoon ang mga kasulatan nga maoy sentro sa mga kasinatian sa mga estudyante diha sa classroom?

Irekord ang imong mga tubag niining mga pangutana diha sa usa ka study journal o sa laing dapit diin maka-refer ka niini ug makahimo sa pagpakigbahin niini sa imong inservice leader o sa grupo.

Hugot nga pagtuo diha sa Ginoo ug sa Espiritu

Basaha ang duha ka paragraph ubos sa subheading nga “Faith in the Lord and in the Spirit” diha sa seksyon 4.1.3 sa Gospel Teaching and Learning nga handbook (pahina 48). Samtang magbasa, pangitaa kon sa unsang paagi nga ang pagpakita og hugot nga pagtuo diha sa Ginoo ug sa Espiritu makahimo og kalainan sa kinabuhi sa imong mga estudyante.

Tan-awa ang video nga “The Lord Knows Every Need” (0:45), nga available sa churchofjesuschrist.org. Kini nga video makapalambo sa imong panabut kon sa unsang paagi nga ang pagpakita og hugot nga pagtuo diha sa Ginoo ug sa Espiritu makapanalangin kanimo ug sa imong mga estudyante. Samtang magtan-aw ka, hinumdumi ang mosunod nga mga pangutana:

• Isip usa ka magtutudlo, unsa ang pipila ka mga paagi nga imong mapakita ang hugot nga pagtuo diha sa Ginoo ug sa Espiritu?

• Sa unsang paagi nga ang imong pagsalig sa Ginoo ug sa Espiritu mahimong usa ka panalangin sa imong mga estudyante?

Irekord ang imong mga tubag niining mga pangutana diha sa usa ka study journal o sa laing dapit diin maka-refer ka niini ug makahimo sa pagpakigbahin niini sa imong inservice leader o sa grupo.

Pagsalig sa mga Estudyante

Basaha ang unang upat ka paragraph ubos sa subheading nga “Trust in the students” diha sa seksyon 4.1.3 sa Gospel Teaching and Learning nga handbook (pahina 48). Samtang magbasa, pangita og mga pulong nga nagpakita nganong makasalig ka sa mga abilidad sa imong mga estudyante nga makakat-on, makatudlo, ug makagamit sa doktrina ug mga baruganan sa ebanghelyo.

Tan-awa ang video nga “Expecting More from Your Students” (2:21), nga available sa churchofjesuschrist.org. Kini nga video nagpakita kon sa unsang paagi nga ang mga gilauman ug pagsalig sa usa ka magtutudlo sa iyang mga estudyante nakatabang kanila nga “mobati sa mga pag-aghat sa Espiritu” (Bonnie L. Oscarson, “Greater Expectations” [satellite broadcast sa Seminaries and Institutes of Religion, Ago. 5, 2014], churchofjesuschrist.org/broadcasts) ug nakaimpluwensya sa ilang pagkakabig. Samtang magtan-aw ka, hinumdumi ang mosunod nga pangutana:

• Sa unsang paagi nga ang usa ka klase nga dunay magtutudlo nga misalig sa mga abilidad sa mga estudyante nga makakat-on, makatudlo, ug makatuman sa ebanghelyo lahi kay sa klase nga dunay magtutudlo nga ubos ra og mga gilauman o minus ra og pagsalig sa mga estudyante?

Irekord ang imong mga hunahuna bahin niini nga pangutana diha sa usa ka study journal o sa laing dapit diin maka-refer ka niini ug makahimo sa pagpakigbahin niini sa imong inservice leader o sa grupo.

Summary ug Paggamit

Mga Baruganan nga Angayang Hinumduman

Aron epektibong makatudlo, ang imong mga pamaagi sa pagtudlo kinahanglan nga nahiangay gayud sa mosunod nga tulo ka sentro nga mga gituohan:

1. Makabaton kita og pagsalig sa gahum sa pulong sa Dios.

2. Makapakita kita og hugot nga pagtuo diha sa Ginoo ug sa Espiritu.

3. Makasalig kita sa mga estudyante.

Matag karon ug unya makatabang ang pagpangutana sa imong kaugalingon kon sa unsang paagi nga ang imong mga pamaagi ug mga aksyon diha sa klase nagpakita sa paggamit niining tulo ka sentro nga mga gituohan.

Elder Henry B. Eyring

“Nangamuyo ako kaninyo, alang sa inyong kaugalingon ug alang sa mga estudyante, nga magbaton og hugot nga pagtuo nga ganahan sila nga mobasa [sa Basahon ni Mormon], dili nga inyo silang pugson sa pagbuhat niini, apan madani sila sa pagbuhat niini” (Henry B Eyring, “The Book of Mormon Will Change Your Life” [symposium sa CES bahin sa Basahon ni Mormon, Ago. 17, 1990], 2, si.churchofjesuschrist.org).

“Busa, Unsa Man?”

Sa pagtapos niining kasinatian sa pagkat-on, isulat ang pipila ka mga butang nga imong buhaton basi sa mga baruganan nga imong nakat-unan karon.