Kasinatian sa Pagkat-on 9: Pag-andam og Leksyon: Pagdesisyon kon Unsay Itudlo
Kasinatian sa Pagkat-on 9
Pag-andam og Leksyon: Pagdesisyon kon Unsay Itudlo
Kinatibuk-ang Pagpasabut [Overview]
Pahinumdom: Ang mosunod nga lima ka mga kasinatian sa pagkat-on gitumong aron matabangan ka kon unsaon sa pag-andam og leksyon. Ang mga kasinatian sa pagkat-on 9–10 nakatutok sa pagdesisyon kon unsay itudlo, ug ang mga kasinatian sa pagkat-on 11–13 nakatutok sa pagdesisyon kon unsaon sa pagtudlo.
Kini nga kasinatian sa pagkat-on naglangkob sa mosunod nga mga konsepto:
Pagtudlo sa mga kasulatan sa pasunod nga paagi
Pagbalanse kon unsa ug unsaon sa pagtudlo
Pagdesisyon kon unsay itudlo
Mahinungdanong mga Konsepto
Ang bag-ong gitawag nga mga magtutudlo sa kasagaran dunay mga pangutana sama sa mosunod:
Sa unsang paagi nga ang pagtudlo sa seminary lahi kay sa pagtudlo og laing mga klase sama sa Gospel Doctrine, Relief Society, elders quorum, ug uban pa?
Unsaon nako sa pag-andam og leksyon?
Unsa man kadugayon ang akong igahin sa pagpili kon unsay itudlo ug unsaon sa pagtudlo niini?
Unsaon man nako sa pagdesisyon kon unsay itudlo?
Kining kasinatian sa pagkat-on makatabang sa pagtubag sa pipila niining mga pangutana.
Pagtuon ug Pagtudlo sa mga Kasulatan sa Pasunod nga Paagi
Sa mga kurso sa seminary ug institute nga nakatutok sa sumbanan nga mga basahon, ang mga basahon ug mga kapitulo sa kasulatan gitudlo sa han-ay sigun sa makita diha sa mga kasulatan. Ang mga leksyon giorganisar sumala sa scripture block imbis nga sumala sa mga hilisgutan. Ang matag scripture block mahimong maglangkob og daghang kapitulo, mga baruganan, ug mga hilisgutan nga imong mahatagan og gibug-aton. Kini nga pamaagi lahi kay sa mga kurso sa institute nga gitudlo gamit ang thematic nga pamaagi.
Tan-awa ang video nga “Studying the Scriptures Sequentially” (0:46), nga available sa churchofjesuschrist.org. Dinhi niini nga video, gihulagway ni Elder David A. Bednar sa Korum sa Napulog Duha ka mga Apostoles ang mga benepisyo sa pagtuon sa mga kasulatan sa pasunod nga paagi.
Gospel Teaching and Learning Handbook Activity
Imahe
handbook cover
Basaha ang pasiuna sa kapitulo 3 diha sa mga pahina 38–39 sa Gospel Teaching and Learning: A Handbook for Teachers and Leaders in Seminaries and Institutes of Religion (2012) aron makatabang nga imong masabtan kon ngano nga ang mga kurso sa seminary ug institute nga nakatutok sa sumbanan nga mga basahon naghisgot sa mga kasulatan sa pasunod nga paagi. Samtang magbasa ka niini nga seksyon, markahi diha sa imong handbook ang mga paagi nga ang pagtuon sa mga kasulatan sa pasunod nga paagi makapanalangin kanimo ug sa imong mga estudyante.
Kon magtudlo sa usa ka scripture block sa pasunod nga paagi, magtudlo ka og daghang baruganan sa sulod sa usa ka leksyon. Ang matag baruganan mahatagan og lain-lain nga gibug-aton.
Tan-awa ang video nga “Teaching the Scriptures Sequentially” (4:28), nga available sa churchofjesuschrist.org. Kini nga video nagpakita og pipila ka importante nga mga konsepto nga ikonsiderar kon magplano sa pagtudlo og usa ka scripture block sa pasunod nga paagi.
Unsa ug Unsaon: Pagbalanse sa Imong Pagpangandam
Panahon sa pagpangandam sa leksyon, importante ang pagbalanse sa imong mga paningkamot sa pagdesisyon kon unsay itudlo ug unsaon sa pagtudlo.
Dili Balanse nga Pagpangandam
Imahe
unbalanced scale, What
Unsa
Kon ang usa ka magtutudlo mogahin og taas kaayong panahon ug paningkamot sa pagdesisyon kon unsay itudlo, wala na siyay igong panahon sa pagkonsiderar kon unsaon sa pagtabang sa mga estudyante nga moapil sa pagkat-on. Sa kasagaran moresulta kini sa mga leksyon nga makapalaay ug nakasentro ra gayud sa magtutudlo.
Imahe
unbalanced scale, How
Giunsa
Kon ang usa ka magtutudlo mogahin og taas kaayong panahon ug paningkamot sa pagdesisyon kon unsaon sa pagtudlo, ang mga leksyon mahimong magkulang sa katuyoan ug gahum. Niini nga sitwasyon, ang mga estudyante mahimong mas mahinumdom sa pamaagi sa pagtudlo kay sa dinasig nga mga mensahe gikan sa mga kasulatan.
Balanse nga Pagpangandam
Imahe
balanced scale
“Kon mag-andam og leksyon, ang matag magtutudlo kinahanglan gayud nga modesisyon: ‘Unsa may akong itudlo?’ ug ‘Unsaon man nako sa pagtudlo niini?’” (Gospel Teaching and Learning,52). Imo nang nahibaloan unsay mahitabo kon ang pagtutok sa unsa ug unsaon sa pagtudlo wala nabalanse diha sa imong pagpangandam. Karon basaha ang mosunod nga mga seksyon ug hinumdumi ang mga timailhan sa pagpangandam kon ang pagtutok sa unsa ug unsaon sa pagtudlo nabalanse.
Unsa
Ang pagpangandam kon unsay itudlo naglangkob sa:
Pagsabut sa konteksto (background, kultura, ug kahimtang).
Pagsabut sa sulod [content] (dagan sa istorya, mga tawo, mga panghitabo, mga sermon, ug dinasig nga mga pagpasabut).
Pag-ila sa importante nga doktrina o mga baruganan.
Unsaon
Ang pagpangandam kon unsaon sa pagtudlo naglangkob sa pagtino sa mga pamaagi, ug mga kalihokan nga imong magamit aron matabangan ang mga estudyante nga makakat-on (panaghisgot sa klase, mga pangutana, audiovisual nga mga kapanguhaan, mga gimbuhaton nga isulat, buluhaton sa ginagmayng grupo, ug uban pa).
Alang sa dugang nga impormasyon, tan-awa ang seksyon 4.3.2 (“Decide What to Teach and How to Teach It”) diha sa pahina 52 sa Gospel Teaching and Learning nga handbook.
Kabalaka sa Usa ka Bag-ong Magtutudlo
Tan-awa ang video nga “Obtain the Word” (8:54), nga available sa churchofjesuschrist.org. Dinhi niini nga video, si Leah Murray usa ka busy nga inahan nga bag-o lang nga gitawag isip seminary teacher. Sama sa daghang bag-o nga gitawag nga mga magtutudlo, gibati niya nga nagpanagana bahin sa pagpangita og panahon sa pag-andam og mga leksyon ug sa pagtudlo matag adlaw. Naghunahuna pa gani siya kon asa siya magsugod. Samtang magtan-aw ka sa video, tan-awa kon kinsa ang iyang giduol sa dihang nagkinahanglan siya og tabang bahin sa iyang calling. Usab, tan-awa kon unsa nga tambag ang gihatag ngadto niya kalabut sa labing importante nga dapit kon asa siya magsugod kon mag-andam og mga leksyon.
Pagdesisyon kon Unsay Itudlo: Upat ka mga Lakang
Samtang mag-andam ka og leksyon, sunda kining upat ka mga lakang aron matabangan ka sa pagdesisyon kon unsay itudlo. Kini nga mga lakang gipasabut diha sa Gospel Teaching and Learning nga handbook, seksyon 4.3.3 (“Decide What to Teach”), diha sa mga pahina 52–55.
Itutok ang tanan nimong pagtagad diha sa mga kasulatan aron masabtan ang konteksto ug ang sulod sa scripture block.
Ilha ug tinguhaa nga masabtan ang doktrina ug mga baruganan nga makita diha sa scripture block.
Desisyuni kon unsa nga doktrina ug mga baruganan ang labing importante nga makat-unan ug magamit sa imong mga estudyante.
Desisyuni kon unsa nga gibug-aton ang ihatag sa matag segment sa scripture block.
Ang mosunod nga kalihokan motutok sa upat ka mga lakang sa pagdesisyon kon unsay itudlo. Alang sa matag usa sa upat ka bahin sa kalihokan, tan-awa ang video nga nagpakita kon unsaon pagkompleto sa matag lakang. Dayon praktisa kon unsay imong nakat-unan pinaagi sa paghimo og notes kalabut sa leksyon samtang nag-outline sa Mosiah 27.
Kalihokan sa Pagpangandam og Leksyon
Imahe
two women studying at table
Unang Lakang: Sabta ang Konteksto ug ang Sulod sa Scripture Block
Ang Gospel Teaching and Learning nga handbook naghatag og upat ka mga sugyot nga ikonsiderar kon magtinguha nga masabtan ang konteksto ug ang sulod sa scripture block.
Itutok ang tanan nimong pagtagad diha sa scripture block hangtud mahimong klaro ug pamilyar ang sulod.
Bantayi ang mga natural break diha sa scripture block diin ang pag-usab sa hilisgutan o aksyon nahitabo.
Bahina ang scripture block ngadto sa ginagmay nga mga segment o grupo sa mga bersikulo basi sa mga natural break.Pahinumdom: Gamiton nimo kining ginagmay nga mga segment aron maorganisar ang dagan sa leksyon ug hatagi og pagtagad ang tanang sulod sa scripture block.)
I-summarize kon unsay nahitabo sa sulod sa matag segment sa mga bersikulo.
Tan-awa ang video nga “Lesson Preparation: Verse Segments and Summary Statements” (5:08), nga available sa churchofjesuschrist.org. Dinhi niini nga video, gipakita ni Sister Wilson kini nga mga lakang.
Paghimo og usa ka blangko nga dokumento nga susama sa imong nakita sa video, o gamita ang handout nga giulohan og “Pagtino kon Unsay Itudlo” nga gihatag diha sa apendiks niini nga manwal. Dayon ilha ang konteksto ug ang sulod sa scripture block pinaagi sa pagbuhat sa mosunod:
Tun-i ang scripture block (Mosiah 27) aron mapamilyar sa konteksto ug sa sulod.
Bantayi ang mga natural break diin ang pag-usab sa hilisgutan o aksyon nahitabo.
Bahina ang scripture block ngadto sa ginagmay nga mga grupo sa mga bersikulo basi sa mga natural break.
Diha sa imong dokumento, isulat ang mga summary statement nga naghulagway kon unsay nahitabo sa sulod sa matag segment sa mga bersikulo.
Ikaduhang Lakang: Ilha ug Sabta ang Doktrina ug mga Baruganan
Human nimo ma-summarize ang mga verse segment, ilhon nimo ang doktrina ug mga baruganan sa matag usa. Dayon isulat nimo ang klaro, yano nga mga pamahayag nga nag-summarize sa doktrina ug mga baruganan nga imong naila.
Tan-awa ang video nga “Lesson Preparation: Identify Doctrine and Principles” (2:57), nga available sa churchofjesuschrist.org. Dinhi niini nga video, gipakita ni Sister Wilson kon giunsa niya pag-ila ang doktrina ug mga baruganan, mi-summarize niini sa yano nga mga pamahayag, ug misulat niini diha sa outline sa iyang leksyon.
Balik sa notes kalabut sa imong leksyon alang sa Mosiah 27 ug buhata ang mosunod:
Ilha ang doktrina ug mga baruganan sa matag verse segment.
Diha sa imong dokumento, isulat ang matag doktrina o baruganan gamit ang klaro, yano nga mga pamahayag.
Imahe
hands writing on form
Ikatulong Lakang: Desisyuni kon Unsa nga Doktrina ug mga Baruganan ang Labing Importante nga Makat-unan ug Magamit sa Imong mga Estudyante
Ang mga scripture block kasagaran naglangkob og mas daghang materyal kay sa mahisgutan sa klase. Ikonsiderar ang mosunod nga mga punto sa higayon nga modesisyon kon unsa nga doktrina ug mga baruganan ang labing importante nga makat-unan ug magamit sa imong mga estudyante:
Mga pag-aghat sa Espiritu Santo
Ang tinguha sa dinasig nga tagsulat
Makapakabig nga doktrina ug mga baruganan
Mga panginahanglan ug mga abilidad sa imong mga estudyante
Tan-awa ang video nga “Lesson Preparation: Decide Which Principles to Emphasize” (5:07), nga available sa churchofjesuschrist.org. Dinhi niini nga video, gipakita ni Sister Wilson kon giunsa niya sa pagdesisyon kon unsa nga doktrina ug mga baruganan ang labing importante nga makat-unan ug magamit sa iyang mga estudyante.
Balik sa notes kalabut sa imong leksyon alang sa Mosiah 27 ug buhata ang mosunod:
Desisyuni kon unsa nga doktrina ug mga baruganan nga imong giila ang labing importante nga makat-unan ug magamit sa mga estudyante. Samtang imo kining buhaton, ikonsiderar ang mosunod:
Mga pag-aghat sa Espiritu Santo
Ang tinguha sa dinasig nga tagsulat
Makapakabig nga doktrina ug mga baruganan
Mga panginahanglan ug mga abilidad sa imong mga estudyante
Diha sa imong dokumento, lingini o markahi ang doktrina ug mga baruganan nga imong nadesisyunan nga labing importante nga makat-unan ug magamit sa imong mga estudyante.
Imahe
hand pointing to form
Ikaupat nga Lakang: Desisyuni kon Unsa nga Gibug-aton ang Ihatag sa Matag Verse Segment sa Scripture Block
Human matino ang doktrina ug mga baruganan nga labing importante nga makat-unan ug magamit sa mga estudyante, ang sunod nga lakang mao ang pagdesisyon kon unsa nga mga verse segment sa scripture block ang kinahanglang mahatagan sa labing dako nga gibug-aton atol sa leksyon. Ang mga segment nga naglangkob sa mga kamatuoran nga imong naila isip labing importante sa kasagaran maoy mahatagan sa labing dako nga gibug-aton.
Aron matabangan ka nga makadesisyon kon unsa nga gibug-aton ang ihatag sa matag segment, mahimo nimong pangutan-on ang imong kaugalingon sa pipila sa mosunod nga mga pangutana, nga nahiangay sa sumbanan sa pagkat-on. Niini nga verse segment, nagplano ba ko nga tabangan ang akong mga estudyante nga:
Makasabut sa konteksto ug sa sulod?
Makaila sa importante nga doktrina ug mga baruganan?
Makasabut sa doktrina ug mga baruganan?
Mobati sa kamatuoran ug kaimportante niadtong mga doktrina ug mga baruganan?
Mogamit sa mga kamatuoran diha sa ilang kinabuhi?
Tan-awa ang video nga “Lesson Preparation: Determine the Emphasis Level of Each Verse Segment” (6:57), nga available sa churchofjesuschrist.org. Dinhi niini nga video, gipakita ni Sister Wilson kon giunsa niya paggamit ang sumbanan sa pagkat-on aron makadesisyon kon unsa nga gibug-aton ang ihatag sa matag verse segment sa scripture block.
Balik sa notes kalabut sa imong leksyon alang sa Mosiah 27 ug kompletuha ang mosunod nga mga buluhaton:
Samtang magtan-aw ka sa mga verse segment diha sa imong dokumento, ikonsiderar kon unsa nga gibug-aton ang ihatag sa matag segment pinaagi sa pagpangutana sa imong kaugalingon sa mosunod gikan sa sumbanan sa pagkat-on. Niini nga verse segment, nagplano ba ko nga tabangan ang akong mga estudyante nga:
Makasabut sa konteksto ug sa sulod?
Makaila sa importante nga doktrina ug mga baruganan?
Makasabut sa doktrina ug mga baruganan?
Mobati sa kamatuoran ug kaimportante niadtong mga doktrina ug mga baruganan?
Mogamit sa mga kamatuoran diha sa ilang kinabuhi?
Isulat kon unsa nga gibug-aton ang imong gipili alang sa matag segment diha sa notes kalabut sa imong leksyon.
Summary ug Paggamit
Mga Baruganan nga Angayang Hinumduman
Sa mga kurso sa seminary ug institute nga nakatutok sa sumbanan nga mga basahon, ang doktrina ug mga baruganan kinahanglang itudlo sa han-ay sigun sa makita diha sa mga kasulatan.
Kon mag-andam og leksyon, ang pagbalanse kon unsay itudlo ug unsaon sa pagtudlo mosiguro sa mas gamhanan ug may katuyoan nga kasinatian sa pagkat-on.
Sa higayon nga modesisyon kon unsay itudlo:
Itutok ang tanan nimong pagtagad diha sa mga kasulatan aron masabtan ang konteksto ug ang sulod sa scripture block.
Ilha ug tinguhaa nga masabtan ang doktrina ug mga baruganan nga makita diha sa scripture block.
Desisyuni kon unsa nga doktrina ug mga baruganan ang labing importante nga makat-unan ug magamit sa imong mga estudyante.
Desisyuni kon unsa nga gibug-aton ang ihatag sa matag segment sa scripture block.
Imahe
Elder Richard G. Scott
“Itino, sumala sa indibidwal nga mga kapasidad ug mga panginahanglan sa inyong mga estudyante, kon unsa ang kinatas-an nga prayoridad. Kon ang usa ka mahinungdanon nga baruganan masabtan, ma-internalize, ug mahimong kabahin sa giya sa kinabuhi sa mga estudyante, nan ang labing importante nga tumong nakab-ot na” (Richard G. Scott, “To Understand and Live Truth” [usa ka gabii kauban ni Elder Richard G. Scott, Peb. 4, 2005], 2–3, si.churchofjesuschrist.org).
“Busa, Unsa Man?”
Sa pagtapos niining kasinatian sa pagkat-on, isulat ang pipila ka mga butang nga imong buhaton basi sa mga baruganan nga imong nakat-unan karon.
