Kasinatian sa Pagkat-on 8

Pagsabut, Pagbati, ug Paggamit sa Doktrina ug mga Baruganan

Kinatibuk-ang Pagpasabut

Kini nga kasinatian sa pagkat-on naglangkob sa mosunod nga mga konsepto:

• Pagpalambo og tinguha nga mosunod sa ebanghelyo

• Pagsabut sa doktrina ug mga baruganan

• Pagbati sa kamatuoran ug kaimportante sa doktrina ug mga baruganan

• Paggamit sa doktrina ug mga baruganan

Mahinungdanong mga Konsepto

Ang sumbanan sa pagkat-on naghatag sa mahinungdanong mga butang nga makatabang aron masilsil ang ebanghelyo sa atong mga hunahuna ug kasingkasing. Dinhi niining kasinatian sa pagkat-on, atong hisgutan ang pagsabut, pagbati sa kamatuoran ug kaimportante, ug paggamit sa doktrina ug mga baruganan.

Ang katuyoan niining kasinatian sa pagkat-on mao ang paghatag og mubo nga pasiuna ngadto sa mga aspeto sa sumbanan sa pagkat-on. Samtang nagserbisyo ka isip seminary o institute teacher, makabaton ka og daghan pa nga mga oportunidad sa pagkat-on ug pagpraktis niining mga kahanas.

Pagsabut, Pagbati sa Kamatuoran ug Kaimportante, ug Paggamit sa Doktrina ug mga Baruganan

Ang sambingay bahin sa mga bahandi usa ka metapora alang sa pagtuon sa mga kasulatan. Ang mosunod nga tulo ka mga elemento makatabang nato aron makasabut kon unsay atong mabuhat diha sa atong pagtuon human nato maila ang importante nga mga kamatuoran sa ebanghelyo.

1. Sabta ang doktrina ug mga baruganan

   looking at gem

   Gitun-an sa batan-ong babaye ang matag bahandi nga iyang nadiskubrihan, mainampingong misusi sa mga porma ug mga aspeto niini.

   scriptures on mobile phone

   Kon atong madiskubrihan ang mga bahandi sa kamatuoran diha sa porma sa doktrina ug mga baruganan, mahimo nga mainampingon natong tun-an ang matag usa aron mas makasabut sa kahulugan ug kamahinungdanon niini.

2. Batia ang kamatuoran ug kaimportante sa doktrina ug mga baruganan

   young woman

   Ang batan-ong babaye mibati nga ang pagdayeg sa matag bahandi mitubo diha kaniya.

   young woman

   Samtang makaangkon kita og mas lawom nga panabut sa mga kamatuoran nga atong nadiskubrihan, mobati kita sa kaimportante, kalabutan, ug kadinalian niini.

3. Gamita ang Doktrina ug mga Baruganan

   two people on beach

   Ang amahan sa batan-ong babaye midapit niya sa pagkonsiderar kon unsay iyang himoon sa mga bahandi nga iyang nadiskubrihan.

   sharing pass-along card

   Kay nakaangkon og pagpamatuod ug pagdayeg alang sa doktrina o baruganan, kinahanglan natong ikonsiderar ang piho nga mga paagi nga ato kining magamit sa atong kaugalingong kinabuhi.

illustration of woman, scriptures

Ang mga propeta ug mga apostoles sa ulahing mga adlaw mihatag og gibug-aton sa kaimportante sa pagpalambo og tinguha sa pagsunod sa ebanghelyo. Ang pagsabut sa konteksto ug sa sulod sa mga kasulatan aron mahibaloan ang importante nga doktrina ug mga baruganan usa ka maayong pagsugod aron makaangkon og kahibalo sa mga kamatuoran sa ebanghelyo. Pero ang pagtabang sa unsay atong nahibaloan sa atong hunahuna nga matisok sa atong kasingkasing, sa kanunay adunay dugang pa nga kinahanglan gayud natong buhaton. Kinahanglan gayud nga magtinguha kita sa:

1. Pagsabut sa doktrina ug mga baruganan nga atong nahibaloan.

2. Pagbati sa kamatuoran ug kaimportante niini.

3. Paggamit niini sa atong kinabuhi.

Kining tulo ka mga elemento sa sumbanan sa pagkat-on magtinabangay aron sa pagdapit sa Espiritu Santo, nga motabang kanato nga makapalambo og tinguha sa pagsunod sa ebanghelyo.

Gospel Teaching and Learning Handbook Activity

handbook cover

Ang Gospel Teaching and Learning: A Handbook for Teachers and Leaders in Seminaries and Institutes of Religion (2012) naglangkob sa importante nga impormasyon bahin sa matag usa niining mga aspeto sa sumbanan sa pagkat-on. Diskubriha kon unsay gitudlo sa handbook pinaagi sa pagbasa sa nahibaloan nga mga seksyon diha sa handbook ug sa pagtubag sa nag-uban nga mga pangutana.

1. Sabta ang doktrina ug mga baruganan

   Pangitaa ang seksyon 2.5.2 (“Understand Doctrine and Principles”) diha sa mga pahina 28–29 sa imong Gospel Teaching and Learning nga handbook. Samtang magtuon ka, pangitaa ang mga tubag sa mosunod nga mga pangutana:

   • Unsay buot ipasabut sa “makasabut og doktrina o baruganan sa ebanghelyo”?

   • Unsaon nako sa pagpalambo sa akong pagsabut sa doktrina ug mga baruganan sa ebanghelyo nga akong nahibaloan?

2. Batia ang kamatuoran ug kaimportante sa doktrina ug mga baruganan

   Pangitaa ang seksyon 2.5.3 (“Feel the Truth and Importance of Doctrines and Principles”) diha sa mga pahina 29–30 sa imong Gospel Teaching and Learning nga handbook. Samtang magtuon ka, pangitaa ang mga tubag sa mosunod nga mga pangutana:

   • Nganong importante man alang nako nga mobati sa kamatuoran ug kaimportante sa doktrina o baruganan nga akong nahibaloan?

   • Unsay akong mahimo isip usa ka tigkat-on aron madapit ang impluwensya sa Espiritu sa pagtabang nako nga mobati sa kamatuoran ug kaimportante sa doktrina o baruganan nga akong nahibaloan?

   • Unsa ang tahas sa Espiritu Santo niini nga proseso?

3. Gamita ang doktrina ug mga baruganan

   Pangitaa ang seksyon 2.5.4 (“Apply Doctrine and Principles”) diha sa mga pahina 30–31 sa imong Gospel Teaching and Learning nga handbook. Samtang magtuon ka, pangitaa ang mga tubag sa mosunod nga mga pangutana:

   • Unsaon nako sa pagkahibalo kon naggamit ba ko sa baruganan sa ebanghelyo nga akong nakat-unan?

   • Unsay mahitabo sa akong kinabuhi samtang mogamit ko sa doktrina o baruganan nga akong nahibaloan?

   • Unsay akong mabuhat diha sa akong personal nga pagtuon aron maka-focus og dugang sa paggamit sa mga kamatuoran nga akong nakat-unan?

Sa tanang materyal nga bag-o lang nimong natun-an diha sa Gospel Teaching and Learning nga handbook, atong i-focus sa tulo ka mahinungdanong mga sugyot. Sa mosunod nga lista, ang matag elemento giparisan og usa ka aksyon nga imong mahimo samtang magtinguha ka sa pagsabut, pagbati sa kamatuoran ug sa kaimportante, ug paggamit sa mga kamatuoran nga imong nakat-unan diha sa mga kasulatan.

1. Sabta ang doktrina ug mga baruganan

   I-analisar ang kahulugan sa doktrina o baruganan pinaagi sa pagpangutana ug pagpangita sa mga tubag.

2. Batia ang kamatuoran ug kaimportante sa doktrina ug mga baruganan

   “Pamalandungi ang epekto sa baruganan diha sa imong kinabuhi o sa kinabuhi sa uban.

3. Gamita ang doktrina ug mga baruganan

   Ikonsiderar kon unsa nga pihong aksyon ang kinahanglan nimong himoon aron magamit ang doktrina o baruganan sa imong kinabuhi.

Paggamit sa Sumbanan sa Pagkat-on

Tan-awa ang video nga “Understand, Feel, and Apply Principles” (7:12), nga anaa sa churchofjesuschrist.org. Dinhi niini nga video, tulo ka mga magtutudlo ang naghisgot sa ilang mga paningkamot sa pagsabut, pagbati sa kamatuoran ug kaimportante, ug paggamit sa doktrina ug mga baruganan diha sa Lucas 5:1–11.

Irekord ang duha o tulo ka mga ideya nga imong nabantayan samtang nagtan-aw ka niining panaghisgutan diha sa study journal o sa laing dapit diin maka-refer ka niini ug makahimo sa pagpakigbahin niini sa imong inservice leader o sa grupo.

Giniyahan nga Kalihokan sa Pagpraktis

barges on sea

Diha sa Ether 6:1–12, atong mabasa nga gipapadpad sa Ginoo sa hangin ang mga kasko sa mga Jaredite paingon sa gisaad nga yuta. Ang mosunod maoy usa ka baruganan nga atong mahibaloan niini nga tudling: Samtang mosalig kita sa Ginoo ug mobuhat sa Iyang kabubut-on, giyahan Niya ang atong kinabuhi. Sunda ang mga lakang sa ubos nga maningkamot sa pagsabut, pagbati sa kamatuoran ug kaimportante, ug paggamit niini nga baruganan. Irekord ang imong mga tubag ug mga hunahuna diha sa imong mga kasulatan o personal nga journal.

1. Palamboa ang imong panabut bahin sa baruganan

   I-analisar ang kahulugan sa baruganan pinaagi sa pagpangutana sama sa mosunod ug sa pagpangita sa mga tubag:

   • Unsay buot ipasabut sa mosalig?

   • Unsay buot ipasabut sa mosalig diha sa Ginoo?

   • Nganong makahimo man ang Ginoo sa paggiya sa kinabuhi niadtong mosalig Kaniya?

   • Unsaon man paggiya sa Ginoo ang kinabuhi sa usa ka indibidwal?

2. Tinguhaa nga mobati sa kamatuoran ug kaimportante sa baruganan

   “Pamalandungi ang epekto sa baruganan diha sa imong kinabuhi o sa kinabuhi sa uban, lakip na ang mga indibidwal gikan sa mga kasulatan o sa kasaysayan sa Simbahan.

   • Sa unsang mga paagi nga ang imong kinabuhi ug pagpamatuod nagpakita sa kamatuoran niini nga baruganan?

   • Sa unsang mga paagi nga ang kinabuhi ug mga pagpamatuod sa uban nga imong nahunahunaan nagpakita sa kamatuoran niini nga baruganan?

3. Gamita ang baruganan

   Ikonsiderar kon unsa nga pihong aksyon ang kinahanglan nimong himoon aron magamit ang doktrina o baruganan sa imong kinabuhi.

Kinaugalingong Pagpraktis nga Kalihokan

Christ healing a palsied man

Pagpili og baruganan nga imong nahibaloan diha sa imong pagtuon sa Lucas 5:12–26 sa kasinatian sa pagkat-on 7 o pagpili og baruganan nga nahibaloan diha sa seksyon 3.2 (“Luke 5: An Example”) diha sa mga pahina 42–46 sa Gospel Teaching and Learning nga handbook. Dayon buhata ang mosunod:

1. Palamboa ang imong panabut bahin sa baruganan.

   I-analisar ang kahulugan sa doktrina o baruganan pinaagi sa pagpangutana ug pagpangita sa mga tubag.

2. Tinguhaa nga mobati sa kamatuoran ug kaimportante sa baruganan.

   “Pamalandungi ang epekto sa baruganan diha sa imong kinabuhi o sa kinabuhi sa uban.

3. Gamita ang baruganan.

   Ikonsiderar kon unsa nga pihong aksyon ang kinahanglan nimong himoon aron magamit ang doktrina o baruganan sa imong kinabuhi.

Irekord ang pipila sa imong mga hunahuna ug mga impresyon gikan niini nga kalihokan diha sa study journal o sa laing dapit diin maka-refer ka niini ug makahimo sa pagpakigbahin niini sa imong inservice leader o grupo.

Summary ug Paggamit

Mga Baruganan nga Angayang Hinumduman

• Ang tumong sa pagkat-on sa ebanghelyo mao ang pagdapit sa Espiritu Santo sa pagtabang kanato nga makuha ang doktrina ug mga baruganan sa ebanghelyo gikan sa atong hunahuna ngadto sa atong kasingkasing.

• Ang pagsabut sa doktrina o baruganan naglakip sa pagkasayud dili lamang kon unsay gipasabut niini pero kon sa unsang paagi kini makaapekto sa atong kinabuhi.

• Ang klaro nga pagsabut sa doktrina o baruganan makaandam kanato nga mobati sa kamatuoran ug kaimportante niini.

• Ang pagbati sa kamatuoran ug kaimportante sa doktrina o baruganan makapalambo sa atong tinguha sa paggamit niini sa atong kinabuhi.

• Ang paggamit mahitabo kon kita mosulti, maghunahuna, ug magpakabuhi sumala sa unsay atong nakat-unan.

Elder Robert D. Hales

“Ang tinuod nga magtutudlo, sa higayon nga magtudlo siya sa mga kamatuoran [sa ebanghelyo], … modala [sa mga estudyante] ngadto sa dugang nga ang-ang aron makaangkon sa espirituhanong pagsaksi ug sa panabut diha sa ilang kasingkasing nga mopahinabo sa aksyon ug sa pagbuhat” (Robert D. Hales, “Teaching by Faith” [usa ka gabii kauban si Elder Robert D. Hales, Peb. 1, 2002], 5, si.churchofjesuschrist.org).

“Busa, Unsa Man?”

Sa pagtapos niining kasinatian sa pagkat-on, isulat ang pipila ka mga butang nga imong buhaton basi sa mga baruganan nga imong nakat-unan karon.