Aafiaga e Aoao ai 13

Filifili Pe Faapefea Ona Aoao Atu: Faaaoga le Faatuatua

Vaaiga Aoao

O lenei aafiaga e aoao ai e aofia ai manatu nei:

Ia talitonu atoatoa i le mana o le upu a le Atua
Faaaoga le faatuatua i le Alii ma i le Agaga
Faatuatuaina au tamaiti aoga

Manatu Autu

Talitonuga Autu e Tolu

O le palakalafa “aoao atu” o le Sini Faamoemoeina o Seminare ma Inisitituti o Mataupu Faalelotu ua taua: “Tatou te aoao atu tamaiti aoga i aoaoga faavae ma mataupu faavae o le talalelei o loo maua i tusitusiga paia ma afioga a perofeta. O nei aoaoga faavae ma mataupu faavae e aoao atu i se ala e tau atu ai i le malamalama ma le faagaeetiaina. Tatou te fesoasoani i tamaiti aoga e faataunuu la latou matafaioi i le faagasologa o le aoaoina ma saunia i latou e aoao atu le talalelei i isi.” (Aoao Atu ma le Aoaoina Mai o le Talalelei: O se Tusitaulima mo Faiaoga ma Taitai i Seminare ma Inisitituti o Mataupu Faalelotu [2012], x).

O lenei palakalafa ua faaataata mai faapea o faatinoga a faiaoga mataalia e atagia mai ai ni talitonuga autu taua e tolu:

E mafai ona tatou talitonu atoatoa i le mana o le upu
E mafai ona tatou faaaoga le faatuatua i le Alii ma i le Agaga
E mafai ona tatou faatuatuaina ia tamaiti aoga

I lenei aafiaga e aoao ai, o le a e suesueina manatu autu ua fuafuaina e faalautele ai lou malamalama ma le talitonuga i vaega taitasi o nei elemene e tolu.

E pei o vae taitasi o se nofoa e tolu vae, o talitonuga autu taitasi o le tolu e taua. O faiaoga o le a sili atu le aafia i le faamanuiaina pe afai o a latou metotia e ogatasi ma nei talitonuga autu e tolu.

Ae ui i lea, o nisi taimi o metotia a faiaoga e le ogatasi ma mea latou te talitonu i ai i o latou loto. E pei lava o se nofoa e tolu vae e le mafai ona paleni lelei ma se vae ua gau pe misi, o le tusitaulima Aoao Atu ma le Aoaoina mai o le Talalelei ua fautua mai faapea afai e le faamanuiaina faiaoga, e masani lava ona o se tasi o elemene nei ua leai:

Ia talitonu atoatoa i le mana o le upu
Faatuatua i le Alii ma i le Agaga
Faatuatuaina ia tamaiti aoga

Maimoa le vitio “Three Core Beliefs” (1:47), e maua i le LDS.org. I lenei vitio, ua talanoa Chad Webb, le faatonu o Seminare ma Inisitituti o Mataupu Faalelotu, e uiga i se taimi na ia lagona ai o ana auala e aoao ai e lei ogatasi ma ona talitonuga autu. Matauina le mea na ia filifili e fai ona o lenei aafiaga.

1:47

Talitonuga i le Mana o le Upu

Faitau parakalafa e lua i lalo o le soaautu “Talitonuga i le mana o le upu” i le vaega 4.1.3 o le tusitaulima Aoao Atu ma le Aoaoina Mai o le Talalelei (itulau 54–55). Ona faitau lea o fuaitau o mau nei.

Ao faitau mai le tusitaulima ma tusitusiga paia, fai mea nei:

Vaavaai mo upu po o fuaitau na e faaalia ai faamanuiaga e mafai ona aumai e tusitusiga paia i lou olaga ma olaga o au tamaiti aoga.
Mafaufau loloto i aafiaga na faamanuiaina ai lou olaga po o olaga o isi e tusitusiga paia Mafaufau e tusi ou manatu ma lagona.

I potuaoga o loo i ai ni faiaoga ma tamaiti aoga e i ai le talitonuga i le mana o le upu, o tusitusiga paia e i ai le matafaioi autu i le aoaoina atu ma le aoaoina mai. Maimoa le vitio “Scripture-Centered Teaching” (3:20), e maua i le LDS.org. I lenei vitio, ua faamatalaina e Brother Webb foliga vaaia o lenei mea i se potuaoga ma aisea e taua ai. Ao e maimoa, manatua fesili nei:

O a mea o le a e vaaia i se potuaoga e avea ai tusitusiga paia o le totonugalemu o le aoao atu ma le aoaoina mai?
Aisea e taua ai mo faiaoga le avea o tusitusiga paia ma totonugalemu o aafiaga o tamaiti aoga i le potuaoga?

3:20

Tusi au tali i nei fesili i se api o talaaga e suesue ai po o se isi nofoaga e mafai ona e toe maua ai ma faasoa atu i ou taitai mo aoaoga faafaiaoga po o le vaega.

Faatuatua i le Alii ma i le Agaga

Faitau parakalafa e lua i lalo o le soaautu “Faatuatua i le Alii ma i le Agaga” i le vaega 4.1.3 o le tusitaulima Aoao Atu ma le Aoaoina Mai o le Talalelei (itulau 54). Ao faitau, vaavaai pe faapefea e le faaaogaina o le faatuatua i le Alii ma i le Agaga ona mafai ona faia se eseesega i olaga o au tamaiti aoga.

Maimoa le vitio “The Lord Knows Every Need” (0:45), e maua i le LDS.org. O lenei vitio o le a fesoasoani e faalauteleina lou malamalama i le ala e mafai ona faamanuiaina ai oe ma au tamaiti aoga i le faaaogaina o le faatuatua i le Alii ma i le Agaga. Ao e maimoa, manatua fesili nei:

I le avea ai ma se faiaoga, o a nisi o auala e mafai ona e faaalia ai le faatuatua i le Alii ma i le Agaga?
O le a faapefea e lou faatuatuaina o le Alii ma i le Agaga ona avea ma se faamanuiaga i au tamaiti aoga?

0:45

Tusi au tali i nei fesili i se api o talaaga e suesue ai po o se isi nofoaga e mafai ona e toe maua ai ma faasoa atu i lou taitai mo aoaoga faafaiaoga po o le vaega.

Faatuatuaina ia Tamaiti Aoga

Faitau parakalafa muamua e fa i lalo o le soaautu “Faatuatuaina ia Tamaiti Aoga” i le vaega 4.1.3 o le tusitaulima Aoao Atu ma le Aoaoina Mai o le Talalelei (itulau 54). Ao faitau, vaavaai mo upu ma fuaitau na e faaalia ai pe aisea e mafai ai ona e faatuatuaina ia malosiaga o tamaiti aoga e aoao mai, aoao atu, ma faaaoga aoaoga faavae ma mataupu faavae o le talalelei.

Maimoa le vitio “Expecting More from Your Students” (2:21), e maua i le LDS.org. O lenei vitio ua faaalia ai pe na faapefea e faamoemoega ma le faatuatuaina e se tasi faiaoga o ana tamaiti aoga ona fesoasoani ia i latou “e lagona le galue o le Agaga” (Bonnie L. Oscarson, “Greater Expectations” [Faasalalauga i le satelite a Seminare ma Inisitituti o Mataupu Faalelotu, Aok. 5, 2014], lds.org/broadcasts) ma uunaia ai lo latou liua. Ao e maimoa, manatua le fesili lenei:

E mafai faapefea e se vasega ma se faiaoga e faatuatuaina ia malosiaga o tamaiti aoga ona aoao mai, aoao atu, ma ola i le talalelei ona ese mai se vasega e i ai se faiaoga e leai se faamoemoega pe itiiti le talitonuina o tamaiti aoga?

2:21

Tusi ou manatu e uiga i lenei fesili i se api o talaaga e suesue ai po o se isi nofoaga e toe maua ai ma faasoa atu i lou taitai mo aoaoga faafaiaoga po o le vaega.

Aotelega ma le Faaaogaina

O Mataupu Faavae ia Manatua

Ina ia mafai ona aoao atu ma le mataalia, o au metotia e tatau ona faatumauina i talitonuga autu nei e tolu:

E i ai lo tatou talitonuga i le mana o le upu a le Atua.
E mafai ona tatou faaaoga le faatuatua i le Alii ma i le Agaga.
E mafai ona tatou faatuatuaina ia tamaiti aoga.

Mai i lea taimi i lea taimi, e mafai ona fesoasoani le fesili ia te oe lava pe faapefea e au metotia ma faatinoga i le vasega ona atagia ai le faaaogaina o nei talitonuga autu.

“Ou te aioi atu ia te outou, mo outou lava ma tamaiti aoga, ia faatuatua o le a latou mananao e faitau [le Tusi a Mamona], e le faapea e tatau ona e uunaia i latou ia fai ae faapea o le a ia faalatalataina atu i latou ia te ia” (Henry B Eyring, “The Book of Mormon Will Change Your Life” [CES symposium on the Book of Mormon, Aok. 17, 1990], 2, si.lds.org).

“Ona, a lea?”

Ina ia faaiu lenei aafiaga e aoao ai, tusi i lalo nisi o mea o le a e faia e faalagolago i mataupu faavae na e aoaoina i le aso.