Aafiaga e Aoao ai 8

Malamalama, Lagonaina, ma le Faaaogaina o Aoaoga Faavae ma Mataupu Faavae

Vaaiga Aoao

O lenei aafiaga e aoao ai e aofia ai vaega nei:

• Mauaina o le talalelei i o tatou loto

• Malamalama i Aoaoga Faavae ma Mataupu Faavae

• Lagonaina le moni ma le taua o aoaoga faavae ma mataupu faavae

• Faaaogaina o aoaoga faavae ma mataupu faavae

Manatu Autu

O le mamanu e aoao ai ua saunia faavae na e fesoasoani e faatumauina le talalelei i o tatou mafaufau ma loto. I lenei aafiaga e aoao ai, o le a tatou talanoaina le malamalama, lagonaina le moni ma le taua o, ma faaaogaina aoaoga faavae ma mataupu faavae.

O le faamoemoega o lenei aafiaga e aoao ai o le saunia o se folasaga puupuu i vaega o le mamanu e aoao ai. Ao e auauna atu o se faiaoga o le seminare po o le inisitituti, o le a e maua le tele o avanoa e aoao ai e uiga i [tomai] ma faataitai tomai nei.

Malamalama, Lagonaina le Moni ma le Taua o, ma Faaaoga Aoaoga Faavae ma Mataupu Faavae

O le faataoto o le maa taua o se tala faatusa mo le suesueina o tusitusiga paia. O elemene nei e tolu e fesoasoani ia i tatou e malamalama ai i mea e mafai ona tatou faia i la tatou suesuega pe a uma ona tatou faailoaina upumoni taua o le talalelei.

1. Malamalama i aoaoga faavae ma mataupu faavae

   

   Na suesue e le tamaitai talavou maa taua taitasi na ia mauaina, ma iloilo ma le faaeteete lona siepi ma foliga.

   

   Ao tatou mauaina maa taua o le upumoni i le tulaga o aoaoga faavae ma mataupu faavae, tatou te suesueina ma le faaeteete i latou taitasi ina ia malamalama atili i lona uiga ma le taua.

2. Lagona le moni ma le taua o aoaoga faavae ma mataupu faavae

   

   Na lagona e le tamaitai talavou le loto faafetai mo maa taua taitasi ua tupu ae i lona loto.

   

   Ao tatou maua se malamalama sili atu o upumoni tatou te mauaina, tatou te lagonaina lo latou taua, talafeagai, ma le manaomia vave.

3. Faaaoga Aoaoga Faavae ma Mataupu Faavae

   

   Na valaaulia e le tama o le tamaitai talavou o ia e mafaufau i mea e mafai ona ia faia i maa taua na ia mauaina.

   

   O le mauaina o se molimau o ma faafetaia se aoaoga faavae po o se mataupu faavae, e tatau ona tatou mafaufau i ni auala faapitoa e mafai ona tatou faaaoga ai i o tatou lava olaga.

Ua faamamafaina mai e perofeta ma aposetolo o aso e gata ai le taua o le teuina loloto o le talalelei i o tatou loto. Malamalama i le talaaga ma le anotusi o tusitusiga paia ina ia faailoa ai le taua o aoaoga faavae ma mataupu faavae o le talalelei o se amataga lelei e maua ai le malamalama o upumoni o le talalelei. Ae ina ia fesoasoani i mea ua tatou iloa i o tatou mafaufau ina ia loloto le goto ifo i o tatou loto, e masani ona tele atu mea e tatau ona tatou faia. E tatau ona tatou saili ia:

1. Malamalama i aoaoga faavae ma mataupu faavae ua tatou faailoaina.

2. Lagona lo latou moni ma le taua.

3. Faaaoga loa i o tatou olaga.

O nei elemene e tolu o le mamanu e aoao ai e galulue faatasi e valaaulia le Agaga Paia, lea e fesoasoani ia i tatou e faaloloto ai le talalelei i o tatou loto.

Aoao Atu ma le Aoaoina Mai o le Talalelei Tusitaulima o Gaoioiga

Aoao Atu ma le Aoaoina Mai o le Talalelei: O se Tusitaulima mo Faiaoga ma Taitai i Seminare ma Inisitituti o Mataupu Faalelotu (2012) e maua ai faamatalaga taua e uiga i nei vaega taitasi o le mamanu e aoao ai. Suesue mea ua aoao mai e le tusitaulima i le faitauina o vaega ua faasino mai i le tusitaulima ma taliina fesili e fesootai i ai.

1. Malamalama i aoaoga faavae ma mataupu faavae

   Suesue le vaega 2.5.2 (“Malamalama i Aoaoga Faavae ma Mataupu Faavae”) i itulau 32–33 o lau tusitaulima Aoao Atu ma le Aoaoina Mai o le Talalelei. A o e suesue, vaavaai mo tali i fesili nei:

   • O le a le uiga o le “malamalama i se aoaoga faavae po o se mataupu faavae o le talalelei”?

   • E faapefea ona ou faateleina lou malamalama o aoaoga faavae ma mataupu faavae o le talalelei ua ou faailoaina?

2. Lagona le moni ma le taua o aoaoga faavae ma mataupu faavae

   Suesue le vaega 2.5.3 (“Lagonaina o le Upumoni ma le Taua o Aoaoga Faavae ma Mataupu Faavae”) i itulau 32–33 o lau tusitaulima Aoao Atu ma le Aoaoina Mai o le Talalelei. A o e suesue, vaavaai mo tali i fesili nei:

   • Aisea e taua ai mo au le lagonaina o le moni ma le taua o se aoaoga faavae po o se mataupu faavae ua ou faailoaina?

   • O le a le mea e mafai ona ou faia o se tagata aoao e valaaulia ai le uunaiga a le Agaga e fesoasoani ia te au e lagonaina le moni ma le taua o se mataupu po o se aoaoga faavae ua ou faailoaina?

   • O le a le matafaioi e faia e le Agaga Paia i lenei faagasologa?

3. Faaaoga aoaoga faavae ma mataupu faavae

   Suesue le vaega 2.5.4 (}“Faaaogaina o Aoaoga Faavae ma Mataupu Faavae”) i itulau 34–35 o lau tusitaulima Aoao Atu ma le Aoaoina Mai o le Talalelei. A o e suesue, vaavaai mo tali i fesili nei:

   • E faapefea ona ou iloa pe o ou faaaogaina se mataupu faavae o le talalelei ua ou aoaoina?

   • O le a le mea o le a tupu i lou olaga ao ou saili e faaaoga le aoaoga faavae po o le mataupu faavae ua ou faailoaina?

   • O a mea e mafai ona ou faia i lau suesuega patino e taulai atili ai i le faaaogaina o upumoni ua ou aoaoina?

Mai mea uma na e suesueina i le tusitaulima Aoao Mai ma le Aoaoina Atu o le Talalelei, sei tatou taulai atu i fautuaga autu e tolu. I le lisi lenei, ua faapea elemene taitasi ma se tasi o faatinoga e mafai ona e faia ao e saili e malamalama, lagona le moni ma le taua o, ma faaaoga upumoni e te aoaoina i tusitusiga paia.

1. Malamalama i aoaoga faavae ma mataupu faavae

   Iloilo le uiga o le aoaoga faavae po o le mataupu faavae i le faia o fesili ma sailia tali.

2. Lagona le moni ma le taua o aoaoga faavae ma mataupu faavae

   Mafaufau i le taua o le mataupu faavae i lou olaga po o olaga o isi.

3. Faaaoga aoaoga faavae ma mataupu faavae

   Mafaufau po o lea le faatinoga e tatau ona e faia e faaaoga ai le aoaoga faavae po o le mataupu faavae i lou olaga.

Faaaogaina o le Mamanu e Aoao ai

Maimoa i le vitio “Understand, Feel, and Apply Principles” (7:12), e maua i le LDS.org. I lenei vitio, e talanoaina e faiaoga e toatolu a latou taumafaiga ia malamalama, lagonaina le moni ma le taua o, ma faaaoga aoaoga faavae po o mataupu faavae i le Luka 5:1-11.

Tusi ni manatu se lua pe tolu na taua ia te oe ao e maimoa i lenei talanoaga i se api o talaaga suesue po o se isi nofoaga e mafai ona e toe vaai i ai ma faasoa atu i lau taitai o aoaoga po o le vaega.

Gaoioiga Faataitai e Taialaina

I le Eteru 6:1–12, tatou te faitau ai faapea na faia e le Alii le matagi e taitaia vaa o sa Iareto i le nuu folafolaina. O se tasi o mataupu faavae e tatau ona tatou faailoaina i lenei savali: Pe a tatou faatuatuaina le Alii ma faia Lona finagalo, o le a Ia taitaiina le ala o o tatou olaga. Mulimuli i laasaga i lalo i se taumafaiga e malamalama, lagonaina le moni ma le taua o, ma faaaoga lenei mataupu faavae. Tusi au tali ma manatu i au tusitusiga paia po o lau api o talaaga patino.

1. Atiina ae lou malamalama o le mataupu faavae

   Iloilo le uiga o le mataupu faavae i le faia o fesili e pei o [fesili] nei ma saili mo ni tali:

   • O le a le uiga o le faalagolago?

   • O le a le uiga o le faalagolago i le Alii?

   • Aisea e mafai ai e le Alii ona taitaia olaga o i latou e faalagolago ia te Ia?

   • E faapefea e le Alii ona taitaia le ala o le olaga o se tagata?

2. Saili e lagona le moni ma le taua o le mataupu faavae

   Mafaufau i le taua o le mataupu faavae i lou olaga po o olaga o isi, e aofia ai tagata mai tusitusiga paia po o le talafaasolopito o le Ekalesia.

   • O a auala ua faaalia ai e lou olaga ma le molimau le moni o lenei mataupu faavae?

   • O a auala ua faaalia ai e olaga ma molimau a isi e te mafaufau i ai le moni o lenei mataupu faavae?

3. Faaaoga le mataupu faavae

   Mafaufau i se faatinoga faapitoa e tatau ona e faia e faaaoga ai le aoaoga faavae po o le mataupu faavae i lou olaga.

Gaoioiga e Faataitai e Oe Lava ia

Filifili se mataupu faavae na e faailoaina i lau suesuega o le Luka 5:12–26 i le aafiaga e aoao ai 7 pe filifili se mataupu faavae i le vaega 3.2 (“Luka 5: O se Faataitaiga”) i le itulau 46 o le tusitaulima Aoao Atu ma le Aoaoina Mai o le Talalelei. Ona fai lea o le mea lenei:

1. Atiina ae lou malamalama i le mataupu faavae.

   Iloilo le uiga o le aoaoga faavae po o le mataupu faavae i le faia o fesili ma saili mo ni tali.

2. Saili e lagona le moni ma le taua o le mataupu faavae.

   Mafaufau i le taua o le mataupu faavae i lou olaga po o olaga o isi.

3. Faaaoga le Aoaoga Faavae.

   Mafaufau i se faatinoga faapitoa e tatau ona e faia e faaaoga ai le aoaoga faavae po o le mataupu faavae i lou olaga.

Tusi nisi o ou manatu ma lagona mai lenei gaoioiga i se api o talaaga e suesue ai po o se isi nofoaga e mafai ona e toe maua ai ma faasoa atu i lou taitai o le aoaoga po o le vaega.

Aotelega ma le Faaaogaina

O Mataupu Faavae ia Manatua

• O le faamoemoega o le aoaoina o le talalelei o le valaaulia lea o le Agaga Paia e fesoasoani ia i tatou ia aumaia aoaoga faavae ma mataupu faavae o le talalelei mai o tatou mafaufau i totonu o o tatou loto.

• O le malamalama i se aoaoga faavae po o se mataupu faavae e aofia ai le iloaina e le gata i lona uiga ae faapea foi le ala e aafia ai o tatou olaga.

• O se malamalama manino i se aoaoga faavae po o se mataupu faavae e saunia ai i tatou e lagona lona moni ma le taua.

• O le lagonaina o le moni ma le taua o se aoaoga faavae po o se mataupu faavae e faateleina ai lo tatou manao e faaaoga i o tatou olaga.

• O le faaaogaina e tupu pe a tatou tautatala, mafaufau, ma ola e tusa ai ma mea ua tatou aoaoina.

“O se faiaoga moni, afai loa ua na aoaoina atu mea moni [o le talalelei ], … ua na aveina atu tamaiti aoga i se laasaga sili atu ia mauaina se molimau faaleagaga ma le malamalamaaga i o latou loto lea na te aumaia le galueaiina ma le faia” (Robert D. Hales, “Teaching by Faith” [o se afiafi faatasi ma Elder Robert D. Hales, Fep. 1, 2002], 5, si.lds.org).

“Ona, a lea?”

Ina ia faaiuina lenei aafiaga e aoao ai, tusi i lalo nisi o mea o le a e faia e faalagolago i mataupu faavae na e aoaoina i le aso.