Kasinatian sa Pagkat-on 14

Pasiuna sa Doktrinal Mastery

Kinatibuk-ang Pagpasabut [Overview]

Kini nga kasinatian sa pagkat-on naglangkob sa mosunod nga mga konsepto:

• Pagsabut sa mga katuyoan ug sa gitinguha nga mga sangputanan sa Doktrinal Mastery

• Pagkat-on ug paggamit sa balaanong mga baruganan alang sa pag-angkon og espirituhanong kahibalo sa Doktrinal Mastery

• Pag-master sa doktrina sa ebanghelyo ni Jesukristo

• Pag-implementar sa Doktrinal Mastery sulod sa lawak klasehanan

Pahinumdom: Kini nga kasinatian sa pagkat-on maghatag og kinatibuk-ang pagpasabut sa mga baruganan ug mga kalihokan sa Doktrinal Mastery. Alang sa mas detalyado nga pagribyu, palihug tan-awa sa Mahinungdanon nga Dokumento sa Doktrinal Mastery, ug sa“Kinatibuk-ang Pagpasabut sa Doktrinal Mastery” nga handout, ug sa doctrinalmastery.churchofjesuschrist.org.

Mahinungdanong mga Konsepto

Nganong Adunay Doktrinal Mastery?

Isip mga magtutudlo sa Seminaries and Institutes of Religion, maningkamot kita sa pagtabang nga matukod ang ilang pundasyon diha kang Jesukristo pinaagi sa pagtabang nga sila makasabut, motuo, ug magsunod sumala sa Iyang doktrina (tan-awa sa Helaman 5:12). Hinoon, sa karon ang mga magtutudlo ug mga estudyante parehong nag-atubang og dagkong mga hagit sa pagpalig-on sa pagtuo kang Jesukristo. Ikonsiderar ang pipila ka ehemplo niini nga mga hagit sa imong kinabuhi ug sa kinabuhi sa imong mga estudyante. Si Elder M. Russell Ballard sa Korum sa Napulog Duha ka mga Apostoles mihulagway sa pipila ka mahagitong mga sitwasyon nga giatubang sa mga estudyante ug sa mga magtutudlo:

“Wala na ang mga panahon nga ang mga estudyante panalipdan gikan sa mga tawo nga moatake sa Simbahan. …

“… Dili tanan sa inyong mga estudyante dunay pagtuo aron makasagubang sa umaabut. …

“[Ania kita karon sa panahon] diin ang mga estudyante dunay akses diha dayon pinaagi sa computer sa lahi-lahing panan-aw mahitungod sa Simbahan. Karon, unsay ilang makita sa ilang mga device maingon og makahagit sa pagtuo labaw kay sa makadugang og pagtuo. …

“Tungod niini nga mga hagit, ang Board of Education sa Simbahan bag-o lang miaprubar og bag-ong inisyatibo sa seminary nga gitawag og Doktrinal Mastery. … Kining bag-o nga inisyatibo magtutok sa pagpalambo ug pagpalig-on sa pagtuo sa atong mga estudyante diha kang Jesukristo ug pagdugang sa ilang abilidad nga masunod ug magamit ang ebanghelyo sa ilang kinabuhi. …

“Kini nga inisyatibo dinasig ug tukma sa panahon. Magdala kini og talagsaong impluwensya sa atong kabatan-onan” (M. Russell Ballard, “Ang mga Oportunidad ug Responsibilidad sa mga Magtutudlo sa CES sa ika 21 nga Siglo” [mga pakigpulong ngadto sa Church Educational System religious educators, Peb. 26, 2016]).

Unsa ang Doktrinal Mastery?

Aron matabangan ka nga mas makasabut sa inisyatibo sa Doktrinal Mastery, tan-awa ang video “What Is Doctrinal Mastery?” (3:53), makita sa churchofjesuschrist.org. Samtang magtan-aw ka, hinumdumi ang mosunod nga mga pangutana:

• Ngano nga ang Doktrinal Mastery dinasig ug tukma alang sa atong kabatan-onan karon?

• Unsa ang gitinguha nga mga sangputanan sa Doktrinal Mastery?

Ang Gitinguha nga mga Kalampusan sa Doktrinal Mastery

Ang Doktrinal Mastery magtutok sa duha ka sangputanan:

• Ang pagkat-on ug paggamit sa balaang mga baruganan alang sa pag-angkon og espirituhanong kahibalo

• Ang pag-master sa doktrina sa ebanghelyo ni Jesukristo ug sa mga tudling sa kasulatan diin kana nga doktrina gitudlo

Kining duha ka sangputanan nagsuporta sa usag usa ug makatabang sa mga estudyante nga matukod ang ilang pundasyon diha kang Jesukristo ug sa Iyang doktrina. Kon makab-ot sa mga estudyante kini nga mga sangputanan, mapalawman nila ang ilang pagkakabig ug makatabang usab sa uban sa paghimo sa samang butang.

Niini nga kasinatian sa pagkat-on, atong masusi ang matag usa ka kalampusan sa Doktrinal Mastery sa mas detalyadong paagi, makita nato giunsa kini sa pag-implementar diha sa lawak klasehanan, ug mas masabtan kon sa unsang paagi ang mga estudyante hingpit nga mapanalanginan ni Jesukristo ug sa Iyang doktrina.

Pag-angkon og Espirituhanong Kahibalo

Ang unang sangputanan mao ang pagtabang sa imong mga estudyante nga makakat-on ug makagamit sa balaanong mga baruganan alang sa pag-angkon og espirituhanong kahibalo. Ang Dios nasayud sa tanang butang ug maoy tinubdan sa tanang kamatuoran. Kay kita Iyang gihigugma, gusto Siyang motabang nato nga makakita sa kamatuoran samtang maningkamot kita sa pagkahibalo ug pagsabut sa Iyang doktrina ug kon mangita man kita og tubag sa atong mga pangutana ug mga kabalaka.

Samtang magtuon ka niini nga seksyon, ikonsiderar ang pipila ka posibling mga pangutana sa imong mga estudyante, sama sa: “Nganong daghan man kaayong pag-antus sa kalibutan?” “Si Joseph Smith ba mihimo gayud og poligamiya?” ug “Gihigugma ba gayud ako sa Dios?”

Ang mosunod nga tulo ka baruganan sa pag-angkon og espirituhanong kahibalo parehong makagiya sa mga magtutudlo ug sa mga estudyante samtang maningkamot sila sa pagkat-on ug pagsabut sa mahangturong kamatuoran, magsulbad og mga pangutana ug mga kabalaka, ug maghimo og mga desisyon sa inadlaw nilang pagpakabuhi:

• Lihukon inubanan sa pagtuo

• Susihon ang mga konsepto ug mga pangutana inubanan sa mahangturong panglantaw

• Tinguhaon ang dugang nga panabut pinaagi sa balaanong gipili nga mga tinubdan

Ang matag usa niini nga mga baruganan gihatagan og dugang nga pagpasabut ug gihulagway diha sa mosunod nga mga seksyon.

Lihukon inubanan sa Pagtuo

Kon molihok kita inubanan sa pagtuo, misalig kita sa Dios ug giuna nato Siya sa pagduol pinaagi sa sinserong pag-ampo, pagtuon, ug pagkamasulundon. Atong gisaligan ang nahibaloan na natong daan nga tinuod ug padayon sa pagpangita og mga tubag. Misalig kita nga ang atong mga pangutana ug mga kabalaka matubag ug masulbad sa gitakdang panahon sa Ginoo.

Tan-awa ang video nga “Paglihok Inubanan sa Pagtuo: Ang Mason sa Bato” (4:58), anaa sa churchofjesuschrist.org. Samtang magtan-aw ka niini nga video, tan-awa kon sa unsang paagi masulbad ang atong mga pangutana ug mga kabalaka sa ngadto-ngadto pinaagi sa padayon nga paglihok inubanan sa pagtuo.

Susihon ang mga Konsepto ug mga Pangutana inubanan sa Mahangturong Panglantaw

Pinaagi sa pagsusi sa mga pangutana, mga kabalaka, sosyal nga mga isyu, ug mga panghitabo sa kasaysayan diha sa konteksto sa plano sa kaluwasan ug sa mga pagtulun-an sa Manluluwas, gidapit nato ang Espiritu Santo sa pagtabang nga atong makita ang mga butang sama sa pagkakita sa Dios niini. Atong tutukan ang importanting mga aspeto sa ebanghelyo ug dili mabalda sa dili kaayo importanting mga detalye.

Tan-awa ang video nga “Pagsabut sa mga Pangutana nga dunay Mahangturong Panglantaw” (2:56), nga anaa sa churchofjesuschrist.org. Samtang magtan-aw ka niini nga video, tan-awa kon unsaon nato sa paghan-ay og usab sa mga pangutana ug mga kabalaka (o makita kini sa laing paagi) ug motan-aw sa mga ideya base sa sumbanan sa kamatuoran nga gihimo sa Ginoo kay sa pagdawat sa ideya o mga pagbana-bana nga gihimo sa kalibutan. Samtang magtan-aw ka, hinumdumi ang mosunod nga pangutana:

• Sa unsang paagi ang pagsabut sa plano sa Amahan alang sa kaluwasan ug sa Iyang doktrina makatabang sa imong mga estudyante aron matan-aw og maayo ang ilang mga pangutana ug mga konsepto inubanan sa mahangturong panglantaw?

Irekord ang imong mga tubag niining mga pangutana diha sa study journal o sa laing dapit diin maka-refer ka niini ug makahimo sa pagpakigbahin niini sa imong inservice leader o sa grupo.

Tinguhaon ang Dugang nga Panabut pinaagi sa Balaanong Gitudlo nga mga Tinubdan

Kon magtinguha kita og dugang nga panabut pinaagi sa balaanong gipili nga mga tinubdan, maangkon nato ang espirituhanong kahibalo pinaagi sa Espiritu Santo, mga kasulatan, mga propeta, mga ginikanan, mga lider sa Simbahan, ug sa ubang kasaligan nga mga tinubdan. Samtang magkat-on kita gikan niini nga mga tinubdan, makakat-on kita sa pagkamatikud ug pag-ila sa eksakto gikan sa sayop.

Hunahunaa ang balaanong gipili nga mga tinubdan nga posibling maoy gamiton nimo ug sa imong mga estuydante sa pagpangita og dugang nga panabut, sama sa mga kasulatan ug sa mga mensahe gikan sa kinatibuk-ang komperensya. Ikonsiderar usab ang ubang kasaligan nga mga tinubdan nga imong magamit, sama sa mga tinubdan nga naa sa “Gospel Topics, Essays, and Other Resources” nga pahina sa churchofjesuschrist.org.

Kalihokan sa Mahinungdanon nga Dokumento sa Doktrinal Mastery

Tun-i ang “Pag-angkon og Esprituhanong Kahibalo” nga seksyon sa Mahinungdanon nga Dokumento sa Doktrinal Mastery aron maribyu ug mas mapamilyar sa mga baruganan sa pag-angkon og espirituhanong kahibalo. Ribyuha ang tulo ka baruganan sa pag-angkon og espirituhanong kahibalo nga gi-outline dinhi sa seksyon, ug badlisi ang ubang importante nga mga aspeto sa pag-angkon og espirituhanong kahibalo.

Pag-master sa Doktrina

Ang Ikaduhang sangputanan kabahin sa Doktrinal Mastery mao ang pag-master sa doktrina sa ebanghelyo ni Jesukristo. Pinaagi sa pag-master sa doktrina, mamahimong mahanas ang mga estudyante sa paggamit sa mga baruganan sa pag-angkon og espirituhanong kahibalo sa ilang pagsiksik sa kamatuoran.

Ang mosunod mao ang tulo ka importanting mga elemento sa pag-master sa doktrina:

• Makasabut sa doktrinal nga mga hilisgutan ug mahinungdanong mga pamahayag sa doktrina

• Makahibalo sa mga doktrinal mastery passage

• Makapasabut ug makagamit sa doktrina

Makasabut sa Doktrinal nga mga Hilisgutan ug Mahinungdanong mga Pamahayag sa Doktrina

Agig dugang sa mga baruganan sa pag-angkon og espirituhanong kahibalo, tun-an sa mga estudyante ang siyam ka doktrinal nga mga hilisgutan. Ang matag doktrinal nga hilisgutan naglakip sa mga pamahayag sa doktrina nga importanting masabtan, tuohan, ug magamit sa mga estudyante. Ang uban niining mga pamahayag sa doktrina gikan sa Mahinungdanon nga Dokumento sa Doktrinal Mastery gitawag og mga mahinungdanong pamahayag sa doktrina. Kini nga mga mahinungdanong pamahayag sa doktrina dunay kalabutan sa mga doktrinal mastery scripture passage nga makatabang sa pagtudlo og pihong mga aspeto sa mga pamahayag sa doktrina.

Pagkahibalo sa mga Doktrinal Mastery Passage

Adunay 25 ka doktrinal mastery passage sa matag kurso sa pagtuon ( sa total nga 100 ka tudling). Kini nga mga tudling sa kasulatan makatabang sa pagtudlo sa mga aspeto sa mahinungdanong mga pamahayag nga may kalabutan sa matag doktrinal nga hilisgutan. Sama pananglit, ang mosunod nga pamahayag sa doktrina may kalabutan sa doktrinal mastery passage gikan sa doktrinal nga hilisgutan nga “Ang Pag-ula ni Jesukristo”: “Nakapahimulos ang matag usa kanato sa sakripisyo ni [Jesukristo] ug nagpakita sa walay sukod nga bili sa matag usa nga anak sa Langitnong Amahan (tan-awa sa DP 18:10–11)” (Mahinungdanon nga Dokumento sa Doktrinal Mastery [2016], 6). Ang pagtabang sa mga estudyante sa paghinumdom niini nga mga tudling, sa pagpangita sa mga tudling, ug pagsabut kon sa unsang paagi ang mga tudling makatabang sa pagtudlo sa doktrina sa Manluluwas usa ka importanting bahin sa imong buluhaton isip magtutudlo.

Pagpasabut ug Paggamit sa Doktrina

Usa ka importanting bahin sa pag-master sa doktrina sa ebanghelyo ni Jesukristo mao ang higayon diin ikapasabut og klaro ang matag mahinungdanon nga pamahayag sa doktrina ug masabtan kon sa unsang paagi ang mga doktrinal mastery passage makatabang sa pagtudlo nianang mahinungdanon nga mga pamahayag. Kon masabtan sa mga estudyante ang doktrina ug makakita ug makahinumdom sa mga doktrinal mastery passage ug sa kaubanan niini nga mahinungdanong mga pamahayag sa doktrina, mas magamit nila ang doktrina ug ikapasabut kini ngadto sa uban. Sigun sa gitudlo ni Presidente Boyd K. Packer (1924–2015) sa Korum sa Napulog Duha ka mga Apostoles, “Ang tinuod nga doktrina, nga nasabtan, makapausab sa mga kinaiya ug batasan” (“Little Children,” Ensign, Nob. 1986, 17).

Kalihokan sa Mahinungdanon nga Dokumento sa Doktrinal Mastery

Ipasabut sa daklit ang siyam ka doktrinal nga mga hilisgutan nga anaa sa Mahinungdanon nga Dokumento sa Doktrinal Mastery aron makita kon giunsa kini sa pag-organisar. Tun-i ang unang paragraph nga naa ubos sa doktrinal nga hilisgutan 3, “Ang Pag-ula ni Jesukristo,” ug pangitaa kon sa unsang paagi ang mga doktrinal mastery passage giusa ngadto sa doktrinal nga mga hilisgutan ug makatabang sa pagtudlo sa mahinungdanong mga pamahayag sa doktrina nga nag-una niini. Hunahunaa kon sa unsang paagi kini nga doktrina makatabang sa mga estudyante nga makatukod sa ilang pundasyon kang Jesukristo ug makasugod sa pagtubag sa kaugalingon nilang mga pangutana ug mga problema, sama sa “Ako gihigugma ba sa Dios?”

Doktrinal Mastery sulod sa Lawak Klasehanan

Karon nga imo nang nasabtan ang mga kalampusan sa Doktrinal Mastery ug kon sa unsang paagi kini makatabang nga matukod ang pundasyon sa mga estudyante kang Jesukristo, atong susihon kon unsaon kini sa paggamit ug pagtudlo diha sa lawak klasehanan.

Ang kurikulum sa Doktrinal Mastery makatabang sa mga magtutudlo ug mga estudyante aron makakat-on ug makagamit sa mga baruganan nga may kalabutan sa pag-angkon og espirituhanong kahibalo ug sa siyam ka doktrinal nga mga hilisgutan. Ang mahinungdanon mga elemento sa kurikulum maglakip sa:

• Pagsabut sa doktrina: Usa ka sumpay-sumpay nga mga kalihokan sa pagkat-on o mga segment nga makatabang sa mga estudyante sa pagpalambo og mas lawom nga panabut sa matag doktrinal nga hilisgutan, sa may kalabutan nga mga pamahayag sa doktrina, ug sa kaubanang mga doktrinal mastery passage.

• Mga praktisanan nga kalihokan: Mga kalihokan nga naglakip sa mga sitwasyon nga pagatun-an, pag-role play, mga senaryo, ug mga pangutana aron matabangan ang mga estudyante nga makagamit sa mga baruganan sa pag-angkon og espirituhanong kahibalo ug doktrina ngadto sa modernong mga kahimtang ug haum nga mga pangutana.

• Mga pagribyu sa Doktrinal Mastery: Mga kalihokan nga makatabang sa mga estudyante sa pagpangita, paghinumdom, ug pag-master sa mahinungdanong mga pamahayag sa doktrina ug sa may kalabutan nga mga doktrinal mastery passage.

Materyal sa Magtutudlo sa Kalihokan sa Doktrinal Mastery

Aron makita kon unsay sitwasyon sa lawak klasehanan, ablihi ang imong materyal sa magtutudlo alang sa Doktrinal Mastery ngadto sa leksyon nga giulohan og “Ang Pag-ula ni Jesukristo.” Diha sa leksyon, susiha ang mosunod nga mga kalihokan sa lawak klasehanan: (1) pagsabut sa doktrina, (2) praktisanan nga mga kalihokan, ug, (3) mga pagribyu sa Doktrinal Mastery. Timan-i nga ang mga kalihokan sa pagsabut sa doktrina, mga mahinungdanon nga pamahayag sa doktrina gipabaga sa pagkasulat ug may kauban nga mga doktrinal mastery passage aron matabangan ang mga estudyante sa pag-master sa doktrina. Hinumdumi nga diha sa mga praktisanan nga kalihokan, gidapit ang mga estudyante sa pagpasabut ug paggamit sa doktrina diha sa mga pangutana ug mga kabalaka gikan sa kaugalingon nilang kinabuhi ug sa kinabuhi sa uban. Samtang moapil ang mga estudyante sa praktisanan nga mga kalihokan, importante nga gamiton ang mga baruganan sa pag-angkon og espirituhanong kahibalo. Sa katapusan, hinumdumi nga ang mga pagribyu sa Doktrinal Mastery gidesinyo sa pagtabang sa mga estudyante aron makapangita, makahinumdom ug ma-master ang mahinungdanong mga pamahayag sa doktrina ug sa kauban nga mga doktrinal mastery passage.

Materyal sa Magtutudlo sa Kalihokan sa Doktrinal Mastery

Aron ikaw mismo makasinati kon unsaon sa paggamit ang Doktrinal Mastery diha sa lawak klasehanan, ablihi ang imong materyal sa magtutudlo alang sa Doktrinal Mastery ngadto sa leksyon nga giulohan og “Ang Pag-ula ni Jesukristo.” Tun-i og maayo ang praktisanan nga kalihokan. Hunahunaa kon unsa kaha ang buhaton ug bation sa imong mga estudyante atol sa klase ug kon unsaon nila sa paggamit ang ilang nakat-unan mahitungod sa mga baruganan sa pag-angkon og espirituhanong kahibalo ug sa mga elemento sa pag-master sa doktrina. Ikonsiderar ang mosunod nga mga pangutana:

• Sa unsang paagi ang Doktrinal Mastery makatabang nga ang mga estudyante makapalig-on sa ilang pagtuo kang Jesukristo ug sa pagsabut sa Iyang doktrina?

• Sa unsang paagi ang Doktrinal Mastery makahatag og dugang nga tubag sa mga pangutana ug mga kabalaka sa mga estudyante (niini nga sitwasyon, “Ako gigihigugma ba sa Dios?”)?

Irekord ang imong mga tubag niining mga pangutana diha sa study journal o sa laing dapit diin maka-refer ka niini ug makahimo sa pagpaambit niini sa imong inservice leader o sa grupo.

Mapanalanginan ang imong mga estudyante kon idugang nila ang mga baruganan ug ang mga kalihokan sa Doktrinal Mastery sa ilang kinabuhi.

Tan-awa ang video nga “Pag-angkon og Espirituhanong Kahibalo: Sugilanon ni Madison” (8:36), nga anaa sa churchofjesuschrist.org. Niini nga video, usa ka batan-ong babaye nga ginganlan og Madison migamit sa mga baruganan sa pag-angkon og espirituhanong kahibalo aron makadawat og mga tubag sa iyang mga pangutana ug sa pagtudlo ug pagtabang sa uban nga mahibalo sa kamatuoran. Samtang magtan-aw ka, hinumdumi ang mosunod nga mga pangutana:

• Sa unsang paagi ang Doktrinal Mastery makatabang sa imong mga estudyante nga itukod ang ilang pundasyon diha kang Jesukristo ug sa Iyang doktrina?

• Sa unsang paagi nga ang mga baruganan sa pag-angkon og espirituhanong kahibalo makatabang sa imong paggiya sa usa ka estudyante sa pagkat-on sa kamatuoran ug pagdiskubre sa mga tubag sa iyang mga pangutana?

• Sa unsang paagi ang mga baruganan sa Doktrinal Mastery makatabang sa mga estudyante sa pagtabang sa uban aron makaangkon og espirituhanong kahibalo?

Dugang nga mga Konsiderasyon sa Doktrinal Mastery

Ang mosunod nga mga konsiderasyon makatabang nimo aron magamit og maayo ang Doktrinal Mastery sa imong lawak klasehanan. Tinguhaa ang tabang sa Ginoo ug ang giya sa imong lokal nga mga coordinator sa pagtino kon unsaon nga ang Doktrinal Mastery maimplementar og maayo sa imong buluhaton ug sa imong mga estudyante.

• Gamita ang handout nga “Kinatibuk-ang Pagpasabut sa Doktrinal Mastery” nga anaa diha sa appendix niini nga manwal alang sa pagribyu ug paghinumdom sa matag elemento sa Doktrinal Mastery ug kon sa unsang paagi ang matag elemento nagsuporta sa usag usa.

• Ang Doktrinal Mastery ug ang pasunod nga pagtulun-an sa kasulatan magkabulag ug lahi-lahi, ug parehas kining importante nga mga elemento sa kasinatian sa mga estudyante sa seminary. Aron molampus ang pagtudlo niining duha, gikinahanglan nga imong maplano og maayo ang imong mga leksyon gamit ang gisugyot nga mga gipaspason sa pagtudlo, nga gibalanse sa imong lokal nga panginahanglan.

• Ang mga konsepto ug mga baruganan sa Doktrinal Mastery, hinoon, magamit gihapon atol sa pasunod nga mga leksyon o sa ubang sitwasyon sa tibuok tuig samtang ang mga pangutana o nga kabalaka motumaw diha sa klase. Ang pagpasabut og maayo sa mga doktrinal mastery passage samtang masugatan nimo kini sa imong pasunod nga pagtuon sa mga kasulatan makatabang sa mga estudyante sa pag-angkon og mas dakong panabut sa konteksto ug sa sulod sa matag tudling ug modugang usab sa kaimportante sa mga kamatuoran nga gitudlo sa matag tudling.

• Ang Doktrinal Mastery gipalambo ug mopuli sa Scripture Mastery nga programa. Ang mga sulod sa scripture mastery nga naa sa unang mga publikasyon pulihan sa mga kalihokan sa doktrinal mastery ug sa mga tudling sa kasulatan.

• Alang sa dugang nga mga pagtulun-an ug giya, bisitaha ang doctrinalmastery.churchofjesuschrist.org.

Summary ug Paggamit

Mga Baruganan nga Angayang Hinumduman

• Ang Doktrinal Mastery usa ka dinasig nga inisyatibo nga mopanalangin sa atong mga estudyante samtang mag-uswag sila ug magsagubang og lisud nga mga hagit.

• Ang Doktrinal Mastery nag-focus og duha ka sangputanan: (1) pagkat-on ug paggamit sa balaanong mga baruganan sa pag-angkon og espirituhanong kahibalo ug (2) pag-master sa doktrina sa ebanghelyo ni Jesukristo ug sa mga tudling sa kasulatan diin gitudlo kana nga doktrina.

• Ang pagtabang sa mga estudyante nga makakab-ot og kalampusan sa Doktrinal Mastery makatabang nga matukod nila ang pundasyon diha kang Jesukristo samtang makasabut sila, motuo, ug magsunod sa Iyang doktrina.

“Ang Doktrinal Mastery usa ka programa sa seminary nga dunay tulo ka tumong: una, sa pagtabang nga makat-on ang atong mga estudyante sa pag-angkon og espiritwal nga kahibalo; ikaduha, sa pagtabang sa mga estudyante nga mahibalo ug makasabut sa doktrina sa Manluluwas—aron mahibalo sa tinuod nga doktrina diha sa ilang hunahuna ug makasabut sa tinuod nga doktrina sa ilang kasingkasing, ug gusto natong motuhop kini sa ilang kasingkasing; ug ikatulo, sa pagtabang nga makat-on ang mga estudyante unsaon paggamit ang doktrina sa ilang kinabuhi, sa paggamit niini sa ilang kaugalingon ug sa paggamit, niini aron sa pagtubag sa ilang mga higala o sa pagtudlo ug pagtabang aron mahibalo ang uban sa kamatuoran” (Kim B. Clark, “Doktrinal Mastery ug Pagpatuhop sa Nakat-unan” [pakigpulong sa Church Educational System religious educators, Peb. 17, 2017]).

Busa, Unsa Man?

Sa pagtapos niining kasinatian sa pagkat-on, isulat ang pipila ka mga butang nga imong buhaton base sa mga baruganan nga imong nakat-unan karon.