Kasinatian sa Pagkat-on 3

Pagtudlo ug Pagkat-on pinaagi sa Espiritu

Kinatibuk-ang Pagpasabut

Kini nga kasinatian sa pagkat-on naglangkob sa mosunod nga mga konsepto:

Pagsabut sa tahas sa Espiritu Santo diha sa pagtudlo ug pagkat-on
Pagtubag sa makita ug dili makita nga mga panginahanglan sa mga estudyante
Pagdapit sa impluwensya sa Espiritu Santo

Mahinungdanong mga Konsepto

Ang Tahas sa Espiritu Santo diha sa Pagtudlo ug Pagkat-on

“Ang pagtudlo ug pagkat-on sa ebanghelyo mahitabo pinaagi sa gahum sa Espiritu Santo. … Pinaagi lamang sa pagtudlo ug pagkat-on pinaagi sa Espiritu nga ang mga estudyante makasabut ug makasalig diha sa mga pagtulun-an ug Pag-ula ni Jesukristo sa ingon nga paagi nga sila mahimong kwalipikado alang sa kinabuhing dayon” (Gospel Teaching and Learning: A Handbook for Teachers and Leaders in Seminaries and Institutes of Religion [2012], 10).

Nganong Magtudlo ug Magkat-on pinaagi sa Espiritu?

Si Sister Christine Park nagtudlo og daily seminary didto sa Redding, California, sulod sa lima ka tuig ug padayon nga nagtinguha nga matubag ang talagsaong mga panginahanglan ug mga kahimtang sa iyang mga estudyante. Tan-awa ang video nga “Students’ Needs” (1:35), nga anaa sa churchofjesuschrist.org. Dinhi niini nga video, si Sister Park mipakigbahin sa iyang mga gilauman alang sa iyang mga estudyante ug usab sa iyang mga kabalaka samtang nagtinguha siya sa pagtabang sa iyang mga estudyante nga makasinati og mas napalambo nga pagkakabig ngadto sa ebanghelyo ni Jesukristo.

1:31

Ingon nga si Sister Park adunay mga estudyante nga adunay nagkadaiyang mga panginahanglan ug mga hagit, ikaw aduna usab. Ang mosunod nga mga ehemplo nagrepresentar sa pipila sa kasagarang mga kahimtang sa estudyante. Hunahunaa kon sa unsang paagi nga ang mga kahimtang sa imong mga estudyante mahimong makaapekto kon unsaon pagdirekta sa Espiritu sa imong pagtudlo.

“Usahay ang eskwelahan grabe nga nakapa-busy nako. Daghan kaayo ko og buhatunon sa lain nakong mga klase.”
“Unta maka-focus ko sa klase karon. Dili kaayo ko maayo mobasa, ug maglisud ko og paminaw.”
“Gilibutan ko og daghan kaayong mga tawo, pero gibati gihapon nako nga nagmagul-anon.”
“Ganahan ko nga nia sa seminary—usa ka dapit diin gibati nako nga gidawat ko.”
“Wala ko kahibalo kon angayan ba gyud ko nga naa dinhi karon. Nakabuhat ko og mga butang nga akong gikaulaw.”
“Gibati nako nga ako ra sa akong pamilya ang walay pagpamatuod.”

Kon mosalig kita sa atong kaugalingong mga abilidad lamang, dili kita makahimo sa pagtubag sa tanang talagsaon nga mga panginahanglan sa atong mga estudyante. Hinoon, kon andam kita ug mosunod sa mga pag-aghat sa Espiritu Santo, giyahan kita nga makatudlo sa paagi nga mas mopalambo ang pagkakabig sa atong mga estudyante ug makatabang sa pagtubag sa ilang makita ug dili makita nga mga panginahanglan.

Tan-awa ang video nga “Teaching by the Spirit” (1:39), nga anaa sa churchofjesuschrist.org. Dinhi niini nga video, gipakigbahin ni Sister Park ang kaimportante sa paggiya sa Espiritu kaniya samtang nagtudlo siya.

1:39

Sunod, tan-awa ang video nga “The Lord Knows Every Need” (0:45), nga anaa sa churchofjesuschrist.org. Dinhi niini nga video, si Elder Richard G. Scott (1928–2015) sa Korum sa Napulog Duha ka mga Apostoles mipasabut kon sa unsang paagi nga ang Espiritu Santo makagiya kanimo sa pagtubag sa mga panginahanglan sa imong mga estudyante.

0:45

Pagdapit sa Espiritu sa Pagtuman sa Iyang Tahas

Kon atong masabtan ang tahas sa Espiritu Santo diha sa pagtudlo ug pagkat-on sa ebanghelyo, buhaton nato ang tanan kutob sa atong mahimo aron sa pagdapit Kaniya sa pagtuman sa Iyang tahas diha sa atong kinabuhi ug sa kinabuhi sa atong mga estudyante (tan-awa sa Gospel Teaching and Learning, seksyon 2.1 [“Teach and Learn by the Spirit”], pahina 11).

Ang mga magtutudlo makahimo sa mosunod aron sa pagdapit sa Espiritu nga matuman ang Iyang tahas:

Maningkamot alang sa personal nga katakus.
Mohalad og usa ka “pag-ampo diha sa hugot nga pagtuo” (D&P 42:14).
Magtinguha nga makaandam pag-ayo alang sa matag leksyon.
Magtinguha sa pag-focus diha sa kasinatian sa pagkat-on sa ilang mga estudyante.
Magtinguha og kalinaw imbis nga mobati og dili maayo ug kabalaka bahin sa ubang mga butang.
Magbaton og diwa sa mapainubsanong pagpangutana.
Moawhag sa mga estudyante sa pagdapit sa Espiritu Santo ngadto sa ilang mga kasinatian sa pagkat-on.

Tan-awa ang video nga “Inviting the Spirit: Teachers” (2:47), nga anaa sa churchofjesuschrist.org. Dinhi niini nga video, ang mga magtutudlo mipakigbahin sa unsay ilang mahimo aron sa pagdapit sa Espiritu ngadto sa ilang kasingkasing ug ngadto sa classroom. Samtang magtan-aw ka sa video, isulat diha sa imong Gospel Teaching and Learning nga handbook ang bahin sa importante nga mga pamaagi nga gusto nimong mahinumduman.

NaN:NaN

Ang mga magtutudlo ug mga estudyante makahimo sa mosunod aron sa pagdapit sa Espiritu sa pagtuman sa Iyang tahas:

Mobasa ug motudlo gikan sa mga kasulatan ug sa mga pulong sa mga propeta.
Mo-focus sa mga ehemplo ug mga panaghisgutan bahin sa Manluluwas ug mopamatuod bahin Kaniya.
Mopahayag sa doktrina ug mga baruganan sa ebanghelyo sa yano ug klarong paagi.
Mogahin og panahon sa mahunahunaong pagpamalandong atol sa mga higayon sa dinasig nga kahilom.
Mopakigbahin sa angay nga personal nga mga kasinatian ug mopamatuod sa doktrina ug mga baruganan.
Mopadayag og gugma ug pasalamat alang sa usag usa ug sa Ginoo.

Tan-awa ang video nga “Inviting the Spirit: Teachers and Students” (2:23), nga anaa sa churchofjesuschrist.org. Dinhi niini nga video, ang mga magtutudlo ug mga estudyante mipakigbahin kon unsa ang ilang mahimo aron sa pagdapit sa Espiritu ngadto sa ilang kasingkasing ug ngadto sa classroom. Samtang magtan-aw ka sa video, isulat diha sa imong Gospel Teaching and Learning nga handbook ang bahin sa importante nga mga pamaagi nga gusto nimong mahinumduman.

2:23

Diha sa imong personal nga journal, irekord ang pipila ka mga impresyon o mga action item nga misantup sa imong hunahuna samtang namalandong ka kon unsaon nimo ug sa imong mga estudyante pagdapit sa Espiritu Santo sa pagtuman sa Iyang tahas diha sa pagtudlo ug pagkat-on sa ebanghelyo.

Tan-awa sa apendiks niini nga manwal alang sa handout nga giulohan og “Pagdapit sa Espiritu Santo sa Pagtuman sa Iyang Tahas sa Pagtudlo ug Pagkat-on sa Ebanghelyo,” nga naglista og mga paagi sa pagdapit sa mga magtutudlo ug mga estudyante sa Espiritu sa pagtuman sa Iyang tahas.

Summary ug Paggamit

Mga Baruganan nga Angayang Hinumduman

“Ang pagtudlo ug pagkat-on pinaagi sa Espiritu mahitabo kon ang Espiritu Santo mohimo sa Iyang tahas o mga buluhaton uban sa magtutudlo, uban sa estudyante, o uban sa duha” (Gospel Teaching and Learning, 10).
Sa imong paghatag og atensyon sa hinay nga mga pag-aghat sa Espiritu, magiyahan ka sa pagtabang nga matubag ang makita ug dili makita nga mga panginahanglan sa mga estudyante.
Kon ikaw ug ang imong mga estudyante makasabut sa importante nga tahas nga gihimo sa Espiritu Santo sa espirituhanong pagkat-on, buhaton nimo ang tanan kutob sa imong mahimo sa pagdapit sa Espiritu sa pagtuman niini nga mga buluhaton.

“Walay mahangturong pagkat-on ang mahitabo kon wala ang pagpalihok sa Espiritu gikan sa langit. … Tungod niini nga rason, kinahanglang itudlo ninyo ang ebanghelyo ‘pinaagi sa Espiritu, gani ang Maghuhupay gipadala aron sa pagtudlo sa kamatuoran’ [D&P 50:14]” (Dieter F. Uchtdorf, “A Teacher of God’s Children” [usa ka gabii kauban si Presidente Dieter F. Uchtdorf, Ene. 28, 2011], 7, si.churchofjesuschrist.org).

“Busa, Unsa Man?”

Sa pagtapos niining kasinatian sa pagkat-on, isulat ang pipila ka mga butang nga imong buhaton basi sa mga baruganan nga imong nakat-unan karon.