Kasinatian sa Pagkat-on 4: Pag-ugmad og Kahimtang nga adunay Gugma, Pagtahud, ug Katuyoan
Kasinatian sa Pagkat-on 4
Pag-ugmad og Kahimtang nga adunay Gugma, Pagtahud, ug Katuyoan
Kinatibuk-ang Pagpasabut
Kini nga kasinatian sa pagkat-on naglangkob sa mosunod nga mga konsepto:
Pagsabut sa impluwensya sa Kristohanong gugma
Pag-ugmad og kahimtang nga adunay gugma ug pagtahud
Pag-establisar og pagbati nga adunay katuyoan diha sa classroom
Mahinungdanong mga Konsepto
Imahe
handbook cover
“Kon ang mga magtutudlo ug mga estudyante nahigugma ug nagtahud sa Ginoo, sa usag usa, ug sa pulong sa Dios, ang pagkat-on mapalambo. Ang giambitan nga pagbati nga adunay katuyoan nagsentro sa mga paningkamot ug mga gilauman ug naghatag og direksyon sa kasinatian diha sa classroom” (Gospel Teaching and Learning: A Handbook for Teachers and Leaders in Seminaries and Institutes of Religion [2012], 13).
Kristohanong Gugma: Usa ka Impluwensya alang sa Kaayohan
Ang atong kinabuhi nahimong mas maayo ug mas buhong tungod sa impluwensya sa Kristohanong mga indibidwal. Samtang mamalandong kita sa atong kinabuhi, matag usa kanato mahibalo sa mabinationg mga binuhatan sa nagpakabana nga mga tawo nga nakaimpluwensya kanato alang sa kaayohan.
Imahe
seminary class
Hunahunaa ang usa ka magtutudlo, lider, o laing tawo nga nagpakita og Kristohanong gugma ug nakahimo og kalainan sa imong kinabuhi. Giunsa niya sa pagtabang kanimo nga mobati niana, ug ngano man? Irekord ang imong mga hunahuna ug mga impresyon diha sa study journal o sa laing dapit diin maka-refer ka niini ug makahimo sa pagpakigbahin niini sa imong inservice leader o sa grupo.
Ingon nga ang tawo nga imong nahunahunaan adunay positibong impluwensya kanimo, isip mga seminary ug institute teacher, makahimo kita og kalainan sa kinabuhi sa atong mga estudyante. Ato kining mabuhat pinaagi sa pag-ugmad og kahimtang sa Kristohanong gugma ug pagtahud diha sa classroom.
Gospel Teaching and Learning Handbook Activity
Imahe
handbook cover
Ang mosunod nga kalihokan mopalambo sa imong panabut sa panginahanglan sa pag-ugmad og kahimtang sa pagkat-on nga adunay gugma ug pagtahud ug kon unsaon sa pagmugna niana nga kahimtang.
Tun-i ang seksyon 2.2.1 (“Love and Respect”) diha sa mga pahina 13–14 sa imong Gospel Teaching and Learning nga handbook. Linyahi ang mga pulong nga makatabang sa pagpalambo sa imong panabut (1) kon nganong importante nga makabaton og kahimtang nga adunay gugma ug pagtahud diha sa classroom ug (2) kon unsaon sa pag-ugmad niana nga kahimtang.
Pag-ugmad og Kahimtang nga adunay Gugma ug Pagtahud: Ngano ug Unsaon
Ang mosunod nga mga video nagpakita sa daghang mga baruganan ug mga pamaagi nga gipaila diha sa seksyon 2.2.1 (“Love and Respect”) sa Gospel Teaching and Learning nga handbook. Tan-awa kini nga mga video ug pamalandunga ang imong mga tubag sa mga pangutana nga nagsunod sa mga gihulagway sa video sa ubos.
Tan-awa ang video nga “Teach with Charity” (1:44), nga anaa sa churchofjesuschrist.org. Dinhi niini nga video, si Elder Neil L. Andersen sa Korum sa Napulog Duha ka mga Apostoles namahayag nga mahinungdanon nga ang mga magtutudlo mapuno sa tiunay nga gugma ni Kristo. Samtang magtan-aw ka, pangitaa kon giunsa sa pagpakita sa Ginoo og gugma niadtong Iyang gitudloan.
Human nimo matan-aw ang video, isulat sa imong study journal ang mubo nga mga tubag sa mosunod nga mga pangutana:
Giunsa sa pagpakita sa Manluluwas sa Iyang gugma niadtong Iyang gitudloan?
Unsaon nako pagpakita og gugma ug pagtahud niadtong akong gitudloan?
Tan-awa ang video nga “Sister Egan’s Class” (2:17), nga anaa sa churchofjesuschrist.org. Dinhi niini nga video, si Sister Egan, gitawag nga seminary teacher, mipakita kon sa unsang paagi nga epektibong makaugmad og kahimtang nga adunay gugma, pagtahud ug katuyoan. Tan-awa kon giunsa niya ug sa iyang mga estudyante sa pagpakabana sa usag usa ug pagmugna sa ingon nga kahimtang.
Human nimo matan-aw ang video, isulat sa imong study journal ang mubo nga mga tubag sa mosunod nga mga pangutana:
Unsay gibuhat ni Sister Egan ug sa iyang mga estudyante aron makaugmad og kahimtang nga adunay gugma ug pagtahud?
Unsay akong mabuhat aron makaugmad og kahimtang sa pagkat-on nga adunay gugma ug pagtahud diha sa akong classroom?
Pagtabang sa Tanang mga Estudyante
Si Elder Jeffrey R. Holland sa Korum sa Napulog Duha ka mga Apostoles nagtudlo:
Imahe
Elder Jeffrey R. Holland
“Kon ang [mga estudyante] dili moapil, tingali dili pa kamo makatudlo kanila, apan mahimong higugmaon ninyo sila. Ug kon karong adlawa kamo mahigugma kanila, tingali makatudlo na kamo kanila ugma” (“Pagtudlo ug Pagkat-on sa Simbahan,” Ensign, Hunyo 2007, 70).
Ang mga estudyante tingali nagkalisud sa nagkadaiyang mga hagit: problema sa pamilya, sakit, mga kalisdanan sa pagkat-on, pisikal nga mga kakulangan, ug uban pa. Magmahimong sensitibo sa ilang indibidwal nga mga kahimtang ug mga panginahanglan. Dili tanang mga estudyante molihok dayon kalabut sa imong mga paningkamot sa pag-ugmad og kahimtang nga adunay gugma ug pagtahud. Ang mosunod nga video nagpakita kon unsaon sa mga magtutudlo sa pagtabang aron makaimpluwensya sa mga estudyante nga usahay morag walay reaksyon diha sa klase.
Tan-awa ang video nga “Reaching the Individual” (1:28), nga anaa sa churchofjesuschrist.org. Samtang magtan-aw ka niini nga video, pangitaa kon sa unsang paagi nga ang Kristohanong gugma ug kamabination sa magtutudlo nakadapit og kausaban ngadto sa kasingkasing sa usa ka estudyante.
Pag-ugmad og Pagbati nga adunay Katuyoan
Imahe
handbook cover
“Ang pagbati nga adunay katuyoan nga giambitan sa magtutudlo ug sa estudyante makapalambo sa pagtuo ug makahatag og direksyon ug kahulugan sa kasinatian diha sa classroom. Ang mga estudyante kinahanglang makasabut nga nagtambong sila og klase aron makaila sa Langitnong Amahan ug sa Iyang Anak, nga si Jesukristo, ug aron sa pag-uswag paingon sa kinabuhing dayon pinaagi sa pagtuon sa mga kasulatan ug sa mga pulong sa mga propeta” (Gospel Teaching and Learning,15).
Diha sa classroom, importante usab kini alang sa mga magtutudlo ang pag-ugmad og kahimtang nga adunay katuyoan sama sa pag-ugmad nila og kahimtang nga adunay gugma ug pagtahud.
Gospel Teaching and Learning Handbook Activity
Imahe
handbook cover
Ang mosunod nga kalihokan sa handbook makatabang kanimo nga masabtan kon unsa ka importante ang pag-ugmad og kahimtang nga adunay katuyoan diha sa imong classroom.
Basaha ang seksyon 2.2.2 (“A Sense of Purpose”) diha sa pahina 15 sa imong Gospel Teaching and Learning nga handbook. Diha sa imong handbook, linyahi ang mga pulong nga makapalambo sa imong panabut sa:
Unsay buot ipasabut alang nimo ug sa imong mga estudyante nga mag-ambitay og pagbati nga adunay katuyoan.
Unsaon nimo ug sa imong mga estudyante sa pag-ugmad niini nga kahimtang diha sa classroom.
Mga Pamaagi Nga Makatabang sa Pag-ugmad og Pagbati nga adunay Katuyoan
Tan-awa ang video nga “A Sense of Purpose” (8:32), nga anaa sa churchofjesuschrist.org. Dinhi niini nga video, pipila ka mga magtutudlo ug mga estudyante mipakigbahin og mga pamaagi nga nakatabang sa pag-ugmad og pagbati nga adunay katuyoan diha sa ilang mga classroom. Samtang magtan-aw ka niini nga video, pangitaa ang mga paagi sa pag-ugmad og pagbati nga adunay katuyoan diha sa imong classroom.
Mga Pangutana nga Makatabang sa mga Magtutudlo sa Pag-ugmad og Kahimtang nga adunay Gugma, Pagtahud, ug Katuyoan
Usahay ang pagpamalandong sa mosunod nga mga pangutana samtang magtudlo ka sa imong mga estudyante makatabang nimo sa pag-ugmad og kahimtang nga adunay gugma, pagtahud ug katuyoan:
Nakahibalo ba ang akong mga estudyante nga gihigugma nako sila?
Kon akong mabantayan nga lisud nga magpakabana, nag-ampo ba ko aron mapuno sa gugmang putli, ang tiunay nga gugma ni Kristo (tan-awa sa Moroni 7:47–48)?
Sa unsang mga paagi nga ang mga pagtulun-an ug ehemplo sa Manluluwas makaimpluwensya sa akong inter-aksyon ngadto sa akong mga estudyante ug sa ilang inter-aksyon ngadto sa usag usa?
Unsa nga yanong mga aksyon ang akong gihimo aron kanunay nga makaserbisyo, makapanalangin, ug makaampo alang sa akong mga estudyante?
Nasabtan ba sa akong mga estudyante nga ang katuyoan sa among klase mao ang pagtuman sa Tumong sa Seminaries and Institutes of Religion—aron matabangan sila nga makasabut ug makasalig sa mga pagtulun-an ug sa Pag-ula ni Jesukristo?
Ang mga kalihokan sa pagkat-on nga akong gipili nakatabang ba nga matuman ang among katuyoan ug wala makabalda kanamo sa pagkab-ot sa Tumong sa Seminaries and Institutes of Religion?
Migahin ba ko og panahon aron magtuon ug makasabut sa scripture block ug aron makita kon sa unsang paagi nga ang Manluluwas mao ang sentro sa leksyon?
Andam ba ko nga mohatag sa saktong pagtagad ngadto sa akong mga estudyante gikan sa ilang pag-abut hangtud na sa ilang pagbiya sa classroom?
Sa unsang mga paagi nga kanunay nakong gibansay ug gidapit ang akong mga estudyante nga makatuman sa ilang mga tahas diha sa espirituhanong pagkat-on?
Imahe
teacher studying
Summary ug Paggamit
Mga Baruganan nga Angayang Hinumduman
Kon ikaw ug ang imong mga estudyante nahigugma ug nagtahud sa Ginoo, sa usag usa, ug sa pulong sa Dios, ang pagkat-on mapalambo.
Makapalambo ka og tinuod nga gugma alang sa imong mga estudyante pinaagi sa pagtinguha sa gasa sa gugmang putli pinaagi sa sinsero nga pag-ampo, sama sa gitudlo ni propeta Mormon (tan-awa sa Moroni 7:47–48).
Ang pagbati nga adunay katuyoan nga giambitan nimo ug sa imong mga estudyante makapalambo sa pagtuo ug makahatag og direksyon ug kahulugan sa kasinatian diha sa classroom.
Ang pagbati nga adunay katuyoan mahimong maugmad kon ikaw ug ang imong mga estudyante makasabut nga nagtambong sila og klase aron makaila sa Langitnong Amahan ug sa Iyang Anak, nga si Jesukristo, ug aron sa pag-uswag paingon sa kinabuhing dayon pinaagi sa pagtuon sa mga kasulatan ug sa mga pulong sa mga propeta.
Imahe
President Dieter F. Uchtdorf
“Paghunahuna og usa ka lunsay, gugma nga makabuntog sa tanan nga inyong mahunahuna. Karon pilo-piloa kana nga gugma sa walay sukod nga kantidad—mao kana ang sukod sa gugma sa Dios alang kaninyo” (Dieter F. Uchtdorf, “Ang Gugma sa Dios,” Ensign o Liahona, Nob. 2009, 22).
“Busa, Unsa Man?”
Sa pagtapos niining kasinatian sa pagkat-on, isulat ang pipila ka mga butang nga imong buhaton basi sa mga baruganan nga imong nakat-unan karon.