Aafiaga e Aoao ai 9

Saunia se Lesona: Filifili Po O A Mea e Aoao Atu

Vaaiga Aoao

Faamatalaga: O isi aafiaga e aoao ai e lima ua fuafuaina e fesoasoani ia te oe e aoao ai pe faapefea ona saunia se lesona. O aafiaga e Aoao ai 9-10 ua taulai atu i le filifilia po o a mea e aoao atu, ae o aafiaga e aoao ai 11-13 ua taulai atu i le filifilia pe faapefea ona aoao atu.

O lenei aafiaga e aoao ai ua aofia ai manatu nei:

• Aoao faasolosolo tusitusiga paia

• Faapaleni po o a mea ma pe faapefea ona aoao atu

• Filifili po o a mea e aoao atu

Manatu Autu

O faiaoga fou faatoa valaaulia e masani ona i ai ni fesili e pei o fesili nei:

• E faapefea ona ese le aoaoina o le seminare mai le aoaoina o isi vasega e pei o le Aoaoga Faavae o le Talalelei, Aualofa, korama a toeaina, ma isi?

• E faapefea ona ou saunia se lesona?

• O le a le tele o le taimi e tatau ona ou faaaluina e filifili ai po o a mea e aoao atu ma pe faapefea ona aoao atu?

• E faapefea ona ou filifili po o a mea e aoao atu?

O lenei aoaoga e aoao ai o le a fesoasoani e taliina ai nisi o fesili nei.

Suesueina ma le Aoaoina Atu o Tusitusiga Paia i le Faasologa

I kosi o le seminare ma le inisitituti na e taulai atu i tusitusiga faavae, o tusi ma mataupu o tusitusiga paia ua aoaoina i le faagasologa ua tuuina mai i tusitusiga paia. O lesona ua faatulagaina i poloka mau nai lo o autu. O poloka mau taitasi e mafai ona i ai ni mataupu se tele, mataupu faavae, ma autu na e mafai ona e faamamafaina. O lenei auala e ese mai kosi o le inisitituti na e aoaoina i se auala o autu.

Maimoa le vitio {“Studying the Scriptures Sequentially” (0:46), e maua i le LDS.org.6} I lenei vitio, ua faamatalaina e Elder David A. Bednar o le Korama a Aposetolo e Toasefululua faamanuiaga o le suesueina o mau i le faasologa.

Aoao Atu ma le Aoaoina Mai o le Talalelei Tusitaulima o Gaoioiga

Faitau le faatomuaga i le mataupu 3 i itulau 40–41 o le Aoao Atu ma le Aoaoina Mai o le Talalelei: O se Tusitaulima mo Faiaoga ma Taitai i Seminare ma Inisitituti o Mataupu Faalelotu (2012) ina ia fesoasoani ia te oe ia malamalama ai pe aisea e taulai ai kosi a seminare ma inisitituti i tusitusiga faavae e aofia ai tusitusiga paia i le faasologa. Ao e faitau i lenei vaega, maka i lau tusitaulima auala o le a faamanuia ai oe ma au tamaiti aoga i le suesueina faasolosolo o tusitusiga paia.

Pe a aoaoina atu se poloka mau faasolosolo, o le a e aoaoina atu le tele o mataupu faavae i se lesona e tasi. O mataupu faavae taitasi e mafai ona maua ai se tulaga ese o le faamamafa.

Maimoa le vitio “Teaching the Scriptures Sequentially” (4:28), o loo maua i le LDS.org. O lenei vitio o lo o faaalia ai ni nai manatu taua e mafaufau ai ao fuafuaina e aoao atu se poloka mau faasolosolo.

O Le A ma le Pe Faapefea: Faapaleni Lau Sauniuniga

I le taimi o le sauniuniga o lesona, e taua le faapaleni o au taumafaiga i le filifilia po o a mea ma pe faapefea ona aoao atu.

Sauniuniga Le Paleni

1. O Le A

   Pe afai e faaalu e se faiaoga le tele o le taimi ma taumafaiga e filifili ai po o a mea e aoao atu, o le a le lava lona taimi e mafaufau ai pe faapefea ona fesoasoani i tamaiti aoga e auai i le aoaoina. E masani ona taunuu lenei mea i lesona na e le fiafia i ai ma mafuli le faatotonugalemu i le faiaoga.

2. Pe Paapefea?

   Pe afai e faaalu tele e se faiaoga le taimi ma le taumafaiga i le filifiliga o le pe faapefea ona aoao atu, e mafai ona leai se faamoemoe ma le mana o lesona. I lenei tulaga, e mafai e tamaiti aoga ona manatua le auala e aoao atu ai nai lo savali musuia mai tusitusiga paia.

Sauniuniga Paleni

“Pe a sauniaina se lesona, e tatau ona filifili faiaoga uma pe: ‘O le a le mea ou te aoao atu?’ ma le ‘E faapefea ona ou aoao atu?’” (Aoaoina Atu ma le Aoaoina Mai o le Talalelei, 58). Faatoa e aoaoina po o le a le mea e tupu pe afai o le po o a mea ma le pe faapefea e leo paleni i lau sauniuniga. Faitau i le taimi nei vaega nei ma tusi uiga o le sauniuniga pe afai o le po o a meama le pe faapefea e paleni.

1. O Le A

   Sauniuni po o a mea e aoao atu e maua ai:

   • Malamalama i le talaaga (siosiomaga, aganuu, ma le faatulagaga).

   • Malamalama i le anotusi (tala o loo talanoaina, tagata, mea e tutupu, lauga, ma faamatalaga musuia).

   • Faailoaina o aoaoga faavae ma mataupu faavae taua.

2. E Faapefea

   Saunia pe faapefea ona aoao atu e maua ai le filifilia o metotia, auala, ma gaoioiga o le a e faaaogaina e fesoasoani ai i tamaiti aoga e aoao (talanoaga faalevasega, galuega tusitusi, galuega faalevaega laiti, ma isi).

Mo nisi faamatalaga, tagai i le vaega 4.3.2 (“Filifili Pe O Le A le Mea e Aoao Atu ma Pe Faapefea ona Aoao Atu”) i le itulau 58 o le tusitaulimaAoao Atu ma le Aoaoina Mai o le Talalelei.

Popolega o se Faiaoga Fou

Maimoa le vitio “Obtain the Word” (8:54), e maua i le LDS.org. I lenei vitio, o Leah Murray o se tina e pisi faatoa valaaulia talu ai nei e avea ma se faiaoga seminare. E pei lava o le tele o faiaoga faatoa valaaulia, ua ia lagonaina le popole e uiga i le mauaina o le taimi e saunia ai lesona ma aoao atu i aso uma. Ua ia mafaufau po o fea lava o le a amata ai. Ao e maimoa i le vitio, vaavaai po o ai ua ia faafesootai pe a ia manaomia le fesoasoani i lona valaauga. Ma le isi, vaavaai po o le a le fautuaga ua ia maua e tusa ai ma le nofoaga e sili le taua e amata ai pe a saunia lesona.

Filifili Po o a Mea e Aoao Atu: Laasaga e Fa

Ao e saunia se lesona, mulimuli i nei laasaga e fa e fesoasoani ia te oe e filifili ai po o a mea e aoao atu. O nei laasaga ua faamatalaina i le tusitaulima Aoao Atu ma le Aoaoina Mai o le Talalelei, vaega 4.3.3 (“Filifili Pe o a Mea e Aoao Atu”), i itulau 58–61.

1. Taulai atu lou mafaufau ma le malosi i tusitusiga paia ia malamalama ai i le talaaga ma le anotusi o le poloka mau.

2. Faailoa ma saili ia malamalama i aoaoga faavae ma mataupu faavae o loo maua i le poloka.

3. Filifili pe o a aoaoga faavae ma mataupu faavae ma e aupito sili ona taua mo au tamaiti aoga e aoao ma faaaoga.

4. Filifili pe o le a le tulaga o le faamamafa e tuu atu i vaega taitasi o le poloka mau.

O le gaoioiga lenei o le a taulai atu i laasaga e fa o le filifiliga po o a mea e aoao atu. Mo vaega taitasi o vaega e fa o le gaoioiga, maimoa le vitio o loo faaalia ai pe faapefea ona faauma laasaga taitasi. Ona faataitai lea o mea na e aoaoina e ala i le fatuina o faamatalaga o le lesona ao otootoina le Mosaea 27.

Gaoioiga o le Sauniuniga o le Lesona

Laasaga 1: Malamalama i le Talaaga ma le Anotusi o le Poloka Mau

O le tusitaulima Aoao Atu ma le Aoaoina Mai o le Talalelei ua tuuina mai ni fautuaga se fa e mafaufau i ai ao saili ia malamalama i le talaaga ma le anotusi o se poloka mau:

• Taulai atu lou mafaufau ma le malosi i le poloka mau seia manino mai ma masani i le anotusi.

• Matau malologa masani i le poloka mau o loo i ai se suiga i le autu po o faatinoga.

• Vaevae le poloka mau i ni fuaiupu po o vaega e laiti atu e faalagolago i malologa masani. (Faamatalaga: O le a e faaaogaina nei vaega e laiti atu e faatulaga ai le sologa lelei o le lesona ma tuuina atu ia manatu laiti i anotusi uma i totonu o se poloka mau.)

• Aotele mea na tutupu i totonu o vaega o fuaiupu taitasi.

Maimoa le vitio “Lesson Preparation: Verse Segments and Summary Statements” (5:08), o loo maua i le LDS.org. I lenei vitio, ua faaalia ai e Sister Wilson nei laasaga.

Ia fatu se pepa o faamatalaga avanoa e tutusa ma lena na e vaai i ai i le vitio, pe faaaoga le pepa e tufa atu ua faaautu “Filifili Po O A Mea e Aoao Atu” lea ua saunia i le faaopoopoga o lenei tusi lesona. Ona faailoa lea o le talaaga ma le anotusi o le poloka mau e ala i le faia o mea nei:

1. Suesue le poloka mau Mosaea 27 ma faamasani i le talaaga ma le anotusi.

2. Matau malologa masani lea e i ai se suiga i le autu po o le faatinoga.

3. Vaevae le poloka mau i ni vaega laiti atu o fuaiupu e faalagolago i nei malologa masani.

4. I lau pepa o faamatalaga, tusi ai le aotelega o fuaitau ua faamatalaina ai mea na tutupu i totonu o vaega o fuaiupu taitasi.

Laasaga 2: Faailoa ma Malamalama i Aoaoga Faavae ma Mataupu Faavae

A uma ona e aoteleina vaega o fuaiupu, o le a e faailoaina aoaoga faavae ma mataupu faavae i vaega taitasi. Ona e tusia lea faamanino, ni fuaitau faigofie na e aotele ai aoaoga faavae ma mataupu faavae na e faailoaina.

Maimoa le vitio “Lesson Preparation: Identify Doctrine and Principles” (2:57), o loo maua i le LDS.org. I lenei vitio, ua faaalia ai e Sister Wilson pe faapefea ona ia faailoaina aoaoga faavae ma mataupu faavae, aoteleina i ni fuaitau faigofie, ma tusia i lana otootoga o le lesona.

Toe foi i au faamatalaga o le lesona mo le Mosaea 27 ma fai mea nei:

1. Faailoa aoaoga faavae ma mataupu faavae i vaega o fuaiupu taitasi.

2. I lau pepa o faamatalaga, tusi ai aoaoga faavae po o mataupu faavae taitasi e faaaoga ai fuaitau manino, ma faigofie.

Laasaga 3: Filifili pe O A Mataupu Faavae ma Aoaoga Faavae e Aupito Sili Ona Taua mo Au Tamaiti Aoga e Aoao ma Faaaoga

O poloka mau e masani ona sili atu anomea e maua ai nai lo mea e mafai ona talanoaina i le vasega. Mafaufau i vaega nei pe a filifili po o a aoaoga faavae ma mataupu faavae e aupito taua mo au tamaiti aoga e aoao ma faaaoga:

• Uunaiga a le Agaga Paia

• O le faamoemoega o le tusitala musuia

• Aoaoga faavae ma mataupu faavae e liua ai

• O manaoga ma malosiaga o au tamaiti aoga

Maimoa le vitio “Lesson Preparation: Decide Which Principles to Emphasize” (5:07), e maua i le LDS.org. I lenei vitio, ua faaalia ai e Sister Wilson pe faapefea ona ia filifili po o a aoaoga faavae ma mataupu faavae e aupito taua mo ana tamaiti aoga e aoao ma faaaoga.

Toe foi i au faamatalaga o le lesona mo le Mosaea 27 ma fai mea nei:

1. Filifili po o fea o aoaoga faavae ma mataupu faavae na e faailoaina e aupito taua mo tamaiti aoga e aoao ma faaaoga. Ao e faia, mafaufau i mea nei:

   • Uunaiga mai le Agaga Paia

   • O le faamoemoega o le tusitala musuia

   • Aoaoga Faavae ma Mataupu Faavae e Liua ai

   • O manaoga ma malosiaga o au tamaiti aoga

2. I lau pepa o faamatalaga, lio pe tuu se maka i aoaoga faavae ma mataupu faavae ua e filifili e aupito taua mo au tamaiti aoga e aoao ma faaaoga.

Laasaga 4: Filifili pe o le a le Tulaga o le Faamamafa e Tuu Atu i Vaega Taitasi o le Poloka Mau

A uma ona filifili aoaoga faavae ma mataupu faavae na e aupito taua mo tamaiti aoga e aoao ma faaaoga, o le isi laasaga o le filifili po o a vaega o fuaiupu o le poloka mau e tatau ona tuuina i ai le faamamafa sili i le taimi o le lesona. O vaega e maua ai upumoni na e faailoaina e aupito taua o le a masani lava ona maua ai le faamamafa sili.

Ina ia fesoasoani ia te oe e filifili le tulaga o le faamamafa e tuuina atu i vaega o fuaiupu taitasi, atonu e te fai ia te oe lava ia nisi o fesili nei, ia e fesootai i le mamanu e aoao ai. I lenei vaega o le fuaiupu, pe o le a ou fuafuaina e fesoasoani i au tamaiti aoga:

• Malamalama i le talaaga ma le anotusi?

• Faailoa aoaoga faavae ma mataupu faavae taua?

• Malamalama i aoaoga faavae ma mataupu faavae?

• Lagonaina o le moni ma le taua o aoaoga faavae ma mataupu faavae?

• Faaaoga upumoni i o latou olaga?

Maimoa le vitio “Lesson Preparation: Determine the Emphasis Level of Each Verse Segment” (6:57), o loo maua i le LDS.org. I lenei vitio, ua faaalia ai e Sister Wilson pe faapefea ona ia faaaoga le mamanu e aoao ai e filifili ai le tulaga o le faamamafa e tuuina atu i le vaega o le fuaiupu i le poloka mau.

Toe foi i au faamatalaga o le lesona mo le Mosaea 27 ma faauma galuega nei:

1. Ao e vaavaai i vaega o fuaiupu i lau pepa o faamatalaga, mafaufau po o le a le tulaga o le faamamafa o le a tuuina atu i vaega taitasi e ala i le fai ifo ia te oe lava o fesili nei mai le mamanu e aoao ai. I lenei vaega o le fuaiupu, pe o le a ou fuafua e fesoasoani i au tamaiti aoga:

   • Malamalama i le talaaga ma le anotusi?

   • Faailoa aoaoga faavae ma mataupu faavae taua?

   • Malamalama i aoaoga faavae ma mataupu faavae?

   • Lagonaina le moni ma le taua o na aoaoga faavae ma mataupu faavae?

   • Faaaoga upumoni i o latou olaga?

2. Tusi le tulaga o le faamamafa ua e filifilia mo vaega taitasi i au faamatalaga o le lesona.

Aotelega ma le Faaaogaina

O Mataupu Faavae ia Manatua

• I kosi o le seminare ma le inisitituti na e taulai atu i tusitusiga faavae, o aoaoga faavae ma mataupu faavae e tatau ona aoaoina atu i le faasologa o loo i ai i tusitusiga paia.

• Pe a saunia se lesona, faapaleni le po o a mea e aoao atu ma le pe faapefea ona aoao atu ia faamautinoa ai.

• Pe a filifili po o a mea e aoao atu:

  1. Taulai atoatoa atu i tusitusiga paia ia malamalama ai i le talaaga ma le anotusi o le poloka mau.

  2. Faailoa ma saili ia malamalama i aoaoga faavae ma mataupu faavae o loo maua i le poloka.

  3. Filifili po o a mataupu faavae ma aoaoga faavae e aupito sili ona taua mo au tamaiti aoga e aoao ma faaaoga.

  4. Filifili pe o le a le tulaga o le faamamafa e tuu atu i vaega taitasi o le poloka mau.

“Filifili, e tusa ai ma gafatia faaletagata ma manaoga o au tamaiti aoga, po o le a le mea e aupito sili le faamuamuaina. Afai o se mataupu faavae autu ua malamalama i ai, faaaogaina faaletagata, ma avea o se vaega o tusitaiala mo le olaga mo tamaiti aoga, ona ausia lea o le sini faamoemoeina e sili le taua” (Richard G. Scott, “To Understand and Live Truth” [o se afiafi ma Elder Richard G. Scott, Feb. 4, 2005], 2–3, si.lds.org).

“Ona, a lea?”

Ina ia faaiuina lenei aafiaga e aoao ai, tusi i lalo nisi o mea o le a e faia e faalagolago i mataupu faavae na e aoaoina i le aso.