កូរិនថូស ទី១ ១២

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

កូរិនថូស ទី១ ១២

អំណោយទានខាងវិញ្ញាណ

យុវជន និង យុវនារីមួយក្រុមរីករាយជុំគ្នា នៅពេលពួកគេទៅលេងនៅទីក្រុងប៉ារីសប្រទេសបារាំង ។

ប៉ុលបានសរសេរទៅពួកបរិសុទ្ធនៅក្រុងកូរិនថូស ដើម្បីជួយពួកគេឲ្យស្គាល់ពីតម្រូវការរបស់ពួកគេដើម្បីរួបរួមនៅក្នុងព្រះគ្រីស្ទ ។ គាត់បានបង្រៀនថា ប្រសិនបើសមាជិកទាំងអស់នឹងស្គាល់ ហើយប្រើប្រាស់អំណោយទានខាងវិញ្ញាណដែលពួកគេបានទទួលពីព្រះអម្ចាស់ នោះពួកគេអាចដូចជាផ្នែកផ្សេងៗនៃរូបកាយដែលធ្វើការរួមគ្នាដោយសាមគ្គីភាព ។ មេរៀននេះ មានគោលបំណងជួយអ្នកឲ្យស្គាល់អំណោយទានខាងវិញ្ញាណ ដែលព្រះអម្ចាស់បានប្រទានឲ្យអ្នក ដើម្បីអ្នកផ្ដល់ពរដល់អ្នកដទៃ និងពង្រឹងសាសនាចក្ររបស់ទ្រង់ ។

ការទទួលអំណោយ

តើអំណោយដ៏មានអត្ថន័យមួយដែលអ្នកបានទទួលគឺជាអ្វី ?
តើអំណោយនេះជះឥទ្ធិពលអ្វីខ្លះដល់ជីវិតរបស់អ្នក ? តើវាអនុញ្ញាតឲ្យអ្នកធ្វើអ្វីបានខ្លះ ?
តើអ្នកមានអារម្មណ៍យ៉ាងណា ចំពោះអ្នកដែលបានផ្តល់អំណោយដល់អ្នក ?

នៅពេលអ្នកសិក្សា កូរិនថូស ទី១ ១២ អ្នកនឹងរៀនអំពីអំណោយទានខាងវិញ្ញាណដែលព្រះវរបិតាសួគ៌ប្រទានដល់បុត្រាបុត្រីរបស់ទ្រង់ ។ សូមរកមើលមូលហេតុដែលទ្រង់ប្រទានអំណោយទានទាំងនេះ ហើយស្វែងរកការបំផុសគំនិតពីព្រះវិញ្ញាណបរិសុទ្ធ ដើម្បីជួយអ្នករកឃើញអំណោយទានដែលបានប្រទានឲ្យអ្នក ។

ព្រះអម្ចាស់ប្រទានអំណោយទានខាងវិញ្ញាណដល់យើង

« អំណោយទានខាងវិញ្ញាណ គឺជាពរជ័យ ឬលទ្ធភាពដែលត្រូវបានប្រទានឲ្យដោយព្រះដល់បុត្រាបុត្រីរបស់ទ្រង់ តាមរយៈព្រះចេស្ដានៃព្រះវិញ្ញាណបរិសុទ្ធ » ( ប្រធានបទដំណឹងល្អ« Spiritual Gifts » topics.ChurchofJesusChrist.org ) ។

សូមរៀនអំពីអំណោយទានខាងវិញ្ញាណដោយអាន កូរិនថូស ទី១ ១២:៣–១១ ។ ( សូមកត់សម្គាល់ថាពាក្យ « ដោយមុខៗ » ខទី ១១ មានន័យថា « រៀងៗខ្លួន » ឬ « មួយម្តងៗ » ) ។

តើមានអំណោយទានខាងវិញ្ញាណណាខ្លះ ដែលបានរៀបរាប់នៅក្នុងខគម្ពីរទាំងនេះ ?

មានអំណោយទានខាងវិញ្ញាណផ្សេងៗគ្នាជាច្រើន ។ ដើម្បីរៀនអំពីអំណោយទានខាងវិញ្ញាណផ្សេងទៀត សូមអាន មរ៉ូណៃ ១០:៨–១៨; គោលលទ្ធិ និងសេចក្តីសញ្ញា ៤៦:១១–២៦ និងសេចក្ដីថ្លែងការណ៍ដូចតទៅនេះ ដោយអែលឌើរ ម៉ាវីន ជេ អាស្តុន ( ឆ្នាំ ១៩១៥–១៩៩៤ ) ក្នុងកូរ៉ុមនៃពួកសាវកដប់ពីរនាក់ ៖

ខ្ញុំសូមលើកឡើងអំពីអំណោយទានមួយចំនួនដែលមិនតែងតែបង្ហាញឲ្យឃើញ ឬគួរឲ្យកត់សម្គាល់នោះទេ ប៉ុន្តែវាសំខាន់ខ្លាំងណាស់ … ៖ អំណោយទាននៃការសួរ អំណោយទាននៃការស្តាប់ អំណោយទាននៃការឮ និងការប្រើសំឡេងតូចរហៀង អំណោយទាននៃការយំ អំណោយទាននៃការចៀសវាងជម្លោះ … អំណោយទាននៃការស្វែងរកអ្វីដែលសុចរិត អំណោយទាននៃការមិនកាត់សេចក្តីគេ អំណោយទាននៃការស្វែងរកព្រះសម្រាប់ការណែនាំ … អំណោយទាននៃការខ្វល់ខ្វាយចំពោះអ្នកដទៃ អំណោយទាននៃការអាចសញ្ជឹងគិត អំណោយទាននៃការអធិស្ឋាន អំណោយទាននៃការថ្លែងទីបន្ទាល់ដ៏អស្ចារ្យមួយ ។

( សូមមើល ម៉ាវិន ជេ អាស្តុន « There Are Many Gifts » Ensign ខែ វិច្ឆិកា ឆ្នាំ ១៩៨៧ ទំព័រ ២០ )

តើនរណាខ្លះ ដែលព្រះអម្ចាស់ប្រទានពរជាមួយនឹងអំណោយទានខាងវិញ្ញាណទាំងនេះ ?
តើការណ៍នេះជួយអ្នកឲ្យយល់អ្វីខ្លះអំពីព្រះអម្ចាស់ ?

សេចក្តីពិតមួយដែលអ្នកអាចដឹងនោះគឺថា ព្រះអម្ចាស់ប្រទានដល់សមាជិកម្នាក់ៗនៃសាសនាចក្ររបស់ទ្រង់យ៉ាងហោចណាស់នូវអំណោយទានខាងវិញ្ញាណមួយ ដើម្បីប្រទានពរដល់អ្នកដទៃ ។

សូមសញ្ជឹងគិតថា តើអំណោយទានខាងវិញ្ញាណអ្វី ដែលអ្នកដឹងថា ព្រះបានប្រទានដល់អ្នក ។ ប្រសិនបើអ្នកមានការលំបាកក្នុងការស្គាល់អំណោយទានខាងវិញ្ញាណរបស់អ្នក សូមទៅសួរឪពុកម្តាយ ឬអ្នកដឹកនាំ ។ ពររបស់លោកអយ្យកោរបស់អ្នក អាចបង្ហាញពីអំណោយទានខាងវិញ្ញាណមួយចំនួនរបស់អ្នកផងដែរ ។

សូមសរសេរនៅលើក្រដាសមួយសន្លឹកដោយប្រើប៊ិច ឬខ្មៅដៃ ។

ព្រះអម្ចាស់សព្វព្រះទ័យឲ្យយើងផ្ដល់ពរដល់គ្នាទៅវិញទៅមក

សូមអាន កូរិនថូស ទី១ ១២:១៤–២០ ដើម្បីស្វែងរកការប្រៀបធៀបដែលប៉ុលបានប្រើ ដើម្បីជួយយើងឲ្យស្គាល់ពីសារៈសំខាន់នៃការរួមចំណែករបស់យើងម្នាក់ៗ ។

នៅក្នុងវគ្គបទគម្ពីរនេះ តើប៉ុលប្រៀបធៀបសាសនាចក្រទៅនឹងអ្វី ? តើការប្រៀបធៀបនេះបង្រៀនអ្នកអ្វីខ្លះអំពីអំណោយទានខាងវិញ្ញាណ ?
តើអ្នកធ្លាប់បានទទួលពរជ័យតាមរយៈអំណោយទានខាងវិញ្ញាណរបស់អ្នកដទៃដែរឬទេ ?

ដើម្បីយល់ពីគំរូនៃបុគ្គលម្នាក់ដែលបានចែកចាយអំណោយទានខាងវិញ្ញាណរបស់ពួកគេជាមួយអ្នកដទៃ អ្នកអាចមើលវីដេអូ « With All Your Heart » ( ៣:២៦ ) ដែលមាននៅលើគេហទំព័រ ChurchofJesusChrist.orgដែលប្រាប់អំពីយុវជនម្នាក់ដែលត្រូវបានហៅឲ្យប្រើអំណោយទានពីព្រះអម្ចាស់ ដែលគាត់ទើបតែបានស្គាល់អំណោយទាននោះ ។ នៅពេលអ្នកមើល សូមយកចិត្តទុកដាក់លើការបំផុសគំនិតពីព្រះវិញ្ញាណបរិសុទ្ធអំពីរបៀបដែលអ្នកអាចប្រើអំណោយទានរបស់អ្នក ដើម្បីផ្តល់ពរដល់អ្នកដទៃ ។

With All Your Heart
One young man overcomes his fears while magnifying his calling.

សូមសញ្ជឹងគិតពីរបៀបដែលអំណោយទានខាងវិញ្ញាណ ដែលអ្នកត្រូវបានប្រទានឲ្យបានផ្តល់ពរដល់អ្នក និងរបៀបដែលអ្នកអាចប្រើវាដើម្បីផ្តល់ពរដល់គ្រួសារ វួដ ឬសាខារបស់អ្នក និងអ្នកដទៃទៀត ។ អ្នកអាចចង់កត់ត្រានៅក្នុងសៀវភៅកំណត់ហេតុការសិក្សារបស់អ្នកនូវចំណាប់អារម្មណ៍ពីព្រះវិញ្ញាណបរិសុទ្ធអំពីអំណោយទានរបស់អ្នក ។

ជម្រើស ៖ តើចង់រៀនសូត្របន្ថែមទៀតទេ ?

តើខ្ញុំអាចប្រើអំណោយទានខាងវិញ្ញាណរបស់ខ្ញុំ ដើម្បីបម្រើអ្នកដទៃដោយរបៀបណា ?

ប្រធាន ឌៀថើរ អេហ្វ អុជដូហ្វ ដែលកាលនោះជាគណៈប្រធានទីមួយ បានចែកចាយពីរបៀបដែលយើងអាចធ្វើតាមគំរូរបស់ព្រះយេស៊ូវគ្រីស្ទ ៖

“You Are My Hands”
As disciples of Jesus Christ, our Master, we are called to support and heal rather than condemn.

នៅពេលខ្ញុំគិតពីព្រះអង្គសង្គ្រោះ ជារឿយៗខ្ញុំបានស្រមៃពីទ្រង់ដោយមានព្រះហស្ដលូកមក លួងលោម ព្យាបាល ប្រទានពរ និងស្រឡាញ់ ។ ហើយទ្រង់តែងតែមានបន្ទូល ជាមួយគេ ពុំដែល មើលងាយមនុស្សឡើយ ។ ទ្រង់ស្រឡាញ់អ្នករាបសា និងទន់ទាប ហើយយាងទៅជាមួយនឹងពួកគេ ដោយធ្វើការងារបម្រើដល់ពួកគេ ហើយផ្ដល់សេចក្ដីសង្ឃឹម និងសេចក្តីសង្គ្រោះ ។ 

នោះគឺជាអ្វីដែលទ្រង់បានធ្វើ អំឡុងពេលព្រះជន្មរមែងស្លាប់របស់ទ្រង់ វាគឺជាអ្វីដែលទ្រង់នឹងធ្វើ ប្រសិនបើទ្រង់នឹងគង់នៅក្នុងចំណោមយើងសព្វថ្ងៃនេះ ហើយវាគឺជាអ្វីដែលយើងគួរធ្វើក្នុងនាមជាសិស្សរបស់ទ្រង់ និងជាសមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។… 

នៅពេលយើងធ្វើតាមគំរូដ៏ល្អឥតខ្ចោះរបស់ទ្រង់ នោះដៃរបស់យើងអាចប្រែក្លាយទៅជាព្រះហស្ដរបស់ទ្រង់ ភ្នែករបស់យើងក្លាយជាព្រះនេត្ររបស់ទ្រង់ ហើយដួងចិត្តរបស់យើងក្លាយជាព្រះទ័យរបស់ទ្រង់ ។

( ឌៀថើរ អេហ្វ អុជដូហ្វ « You Are My Hands » Liahona ខែ ឧសភា ឆ្នាំ ២០១០ ទំព័រ ៦៨ )

អែលឌើរ ដេវីឌ អេ បែដណា ក្នុងកូរ៉ុមនៃពួកសាវកដប់ពីរនាក់បានបង្រៀន ៖

យើងទទួលអំណោយទានខាងវិញ្ញាណ ដើម្បីផ្តល់ពរដល់មនុស្សផ្សេងទៀត ។ ប្រសិនបើយើងប្រាថ្នាចង់បានអំណោយទាន ដោយសារយើងចង់បាន នោះយើងប្រហែលជានឹងមិនទទួលបានវាទេ ។ នៅពេលយើងព្យាយាមបម្រើអ្នកដទៃស្របតាមការបង្រៀនរបស់ព្រះយេស៊ូវគ្រីស្ទ នោះយើងត្រូវបានប្រទានពរឲ្យមានអំណោយទានខាងវិញ្ញាណ ហើយបង្កើនសមត្ថភាពឲ្យធ្វើការបម្រើនោះបាន ។

( ដេវីឌ អេ បែដណា នៅក្នុង « Understanding Heavenly Father’s Plan » ChurchofJesusChrist.org/prophets-and-apostles/unto-all-the-world/understanding-heavenly-fathers-plan )

តើខ្ញុំអាចធ្វើដូចម្តេច ប្រសិនបើខ្ញុំមិនដឹងថា ខ្ញុំមានអំណោយទានខាងវិញ្ញាណដ៏សំខាន់មួយផងនោះ ?

ការទូន្មានពីអែលឌើរ ជែហ្វ្រី អ័រ ហូឡិន ក្នុងកូរ៉ុមនៃពួកសាវកដប់ពីរនាក់អាចរកឃើញនៅក្នុងវីដេអូ « Songs Sung and Unsung » ( ចាប់ពីនាទីទី ០:៥៧ ដល់នាទីទី ២:៥៧ ) ។ វីដេអូនេះមាននៅគេហទំព័រ ChurchofJesusChrist.org ។

“Songs Sung and Unsung”
When you’re feeling low and your days are difficult, remember, “the Savior hears the songs you cannot sing. ”Don’t give up. “Believe in yourself and believe in Him.”

អែលឌើរ ចន ស៊ី ភីងគ្រី ជុញ្ញ័រ ក្នុងពួកចិតសិបនាក់ បានចែកចាយឧទាហរណ៍មួយអំពីបងស្រីម្នាក់ដែលរៀនថា គាត់មានអំណោយទានខាងវិញ្ញាណដែលគាត់បានមើលរំលង ៖

ថ្ងៃមួយមានបងស្រីដែលបាក់ទឹកចិត្តម្នាក់បានទូលអង្វរថា « ឱព្រះអម្ចាស់អើយ តើការងារបម្រើផ្ទាល់របស់ខ្ញុំម្ចាស់គឺជាអ្វីទៅ ? » ទ្រង់បានតបថា « សូមយកចិត្តទុកដាក់លើមនុស្សដទៃ » ។ វាគឺជាអំណោយទានខាងវិញ្ញាណ ! ចាប់តាំងពីពេលនោះមក គាត់បានរកឃើញអំណរជាប្រចាំ ក្នុងការយកចិត្តទុកដាក់លើអស់អ្នកដែលត្រូវបានគេបំភ្លេចចោល ហើយព្រះបានធ្វើការតាមរយៈគាត់ដើម្បីប្រទានពរដល់មនុស្សជាច្រើន ។ ទោះបីអំណាយទានខាងវិញ្ញាណមួយចំនួន ពុំធ្វើឲ្យយើងលេចធ្លោនៅក្នុងបទដ្ឋាននៃពិភពលោកនេះក្តី ប៉ុន្តែវាមានភាពចាំបាច់ចំពោះព្រះ និងកិច្ចការរបស់ទ្រង់ ។

( ចន ស៊ី ភីងគ្រី ជុញ្ញ័រ « I Have a Work for Thee » Liahona ខែ វិច្ឆិកា ឆ្នាំ ២០១៧ ទំព័រ ៣៣–៣៤ )

តើខ្ញុំគួរធ្វើដូចម្តេច នៅពេលខ្ញុំមានអារម្មណ៍ថា គ្មានសមត្ថភាពគ្រប់គ្រាន់ដើម្បីបំពេញកិច្ចការរបស់ខ្ញុំក្នុងសាសនាចក្រ ?

ប្រធាន ឌៀថើរ អេហ្វ អុជដូហ្វ ដែលកាលនោះនៅក្នុងគណៈប្រធានទីមួយបានបង្រៀន ៖

អ្នកអាចនឹងមានអារម្មណ៍ថា មានមនុស្សផ្សេងទៀតដែលមានសមត្ថភាព ឬមានបទពិសោធន៍ច្រើនជាង ដែលអាចបំពេញការហៅ និងការចាត់តាំងរបស់អ្នកបានប្រសើរជាងអ្នក ប៉ុន្តែព្រះអម្ចាស់បានប្រទានការទទួលខុសត្រូវនេះដល់អ្នក ដោយសារហេតុផលមួយ ។ ប្រហែលជា មានមនុស្ស និងដួងចិត្តជាច្រើន ដែលមានតែអ្នកប៉ុណ្ណោះដែលអាចឈោងទៅជួយបាន ។ ប្រហែលជាគ្មាននរណាម្នាក់ផ្សេងទៀត អាចធ្វើវាតាមរបៀបដូចគ្នានោះបានឡើយ ។

( ឌៀថើរ អេហ្វ អុជដូហ្វ « Lift Where You Stand » លីអាហូណា ខែ វិច្ឆិកា ឆ្នាំ ២០០៨ ទំព័រ ៥៦)