កូរិនថូស ទី១ ១១

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

កូរិនថូស ទី១ ១១

តួនាទីដ៏ពិសេស និងដ៏ទេវភាពរបស់បុរស និងស្ដ្រី

យុវជន និង យុវនារីមួយក្រុមកាន់ដៃគ្នាជារង្វង់ ហើយញញឹមដាក់គ្នាដើម្បីលើកទឹកចិត្តគ្នាទៅវិញទៅមក ។

ពេលបន្តការណែនាំ និងការលើកទឹកចិត្តរបស់លោកដល់ពួកបរិសុទ្ធនៅក្រុងកូរិនថូស ប៉ុលបានបង្រៀនថា បុរស និងស្ត្រី ត្រូវធ្វើការជាមួយគ្នា និងគាំទ្រគ្នាទៅវិញទៅមក នៅពេលពួកគេធ្វើតាមព្រះអម្ចាស់ ។ គោលបំណងនៃមេរៀននេះ គឺដើម្បីជួយអ្នកឲ្យយល់កាន់តែច្បាស់ពីមូលហេតុដែលបុរស និងស្ត្រីត្រូវការគ្នាទៅវិញទៅមក ដើម្បីទទួលបានពរជ័យខ្ពស់បំផុតនៅក្នុងផែនការរបស់ព្រះវរបិតាសួគ៌ ។

តួនាទីរបស់ស្ត្រី និងបុរស

គូស្វាមីភរិយាមួយគូ ជិះកង់់កែបពីរហាត់ប្រាណពេលព្រឹក ។

សូមពិចារណាសំណួរខាងក្រោម នៅពេលអ្នកមើលរូបភាពក្រុមជិះកង់កែបពីរ ។

តើជំនាញ ឬសមត្ថភាពអ្វីខ្លះ ដែលត្រូវការដើម្បីជួយក្រុមនេះឲ្យជោគជ័យ ?
តើភាពខុសគ្នារវាងបុគ្គលម្នាក់ៗ អាចពង្រឹងភាពជាដៃគូរបស់ពួកគេ និងជួយពួកគេឲ្យសាមគ្គីគ្នាយ៉ាងដូចម្តេច ?

នៅពេលអ្នកសិក្សា កូរិនថូស ទី១ ១១ សូមសញ្ជឹងគិតអំពីរបៀបដែលបុរស និងស្ត្រី អាចធ្វើការរួមគ្នាដោយសុចរិតក្នុងនាមជាដៃគូស្មើភាពគ្នា ដើម្បីបំពេញតួនាទីដែលបានចាត់តាំងដ៏ទេវភាពរបស់ពួកគេ ហើយមានលក្ខណៈសម្បត្តិគ្រប់គ្រាន់ ទទួលបានជីវិតដ៏នៅអស់កល្បជានិច្ច ។

នៅក្នុង កូរិនថូស ទី១ ១១:១–១៦ ប៉ុលបានថ្លែងអំពីទំនៀមទម្លាប់សង្គមក្នុងចំណោមពួកកូរិនថូសនៅជំនាន់របស់លោក ដែលមិនស្របតាមទស្សនៈរបស់ព្រះអម្ចាស់លើតួនាទីដ៏ទេវភាពរបស់បុរស និងស្ត្រី ។ វាជារឿងសំខាន់ដែលមិនត្រូវច្រឡំទំនៀមទម្លាប់ទាំងនេះជាមួយនឹងសេចក្តីពិតដែលប៉ុលកំពុងបង្រៀនទេ ។

តាមរយៈសាវកប៉ុល ព្រះអម្ចាស់បានបើកសម្ដែងសេចក្ដីពិតអស់កល្បអំពីតួនាទីដ៏ទេវភាពរបស់បុរស និងស្ត្រីនៅក្នុង កូរិនថូស ទី១ ១១:១១–១២ ។

សូមអាន កូរិនថូស ទី១ ១១:១១–១២ ដោយស្វែងរកសេចក្ដីពិតដែលអ្នករៀនអំពី ព្រះ បុរស និងស្ត្រី ។

ស្ត្រី និងបុរសនៅក្នុងភាពជាដៃគូពេញលេញជាមួយព្រះអម្ចាស់

នៅក្នុង កូរិនថូស ទី១ ១១:១១ យើងរៀនថា ទាំងបុរស និងស្ត្រីគឺមានសារៈសំខាន់នៅក្នុងផែនការរបស់ព្រះវរបិតាសួគ៌ ។

កូរិនថូស ទី១ ១១:១១ គឺជាវគ្គបទគម្ពីរចំណេះចំណានខាងគោលលទ្ធិមួយ ។ សូមពិចារណាគូសចំណាំវគ្គបទគម្ពីរចំណេះចំណានខាងគោលលទ្ធិ តាមរបៀបដែលងាយសម្គាល់ ដើម្បីអ្នកអាចរកឃើញវាដោយងាយ ។ អ្នកនឹងរៀនអនុវត្តតាមវគ្គបទគម្ពីរចំណេះចំណានខាងគោលលទ្ធិនេះនៅក្នុងមេរៀនបន្ទាប់ ។

សូមអានសេចក្ដីថ្លែងការណ៍ខាងក្រោមនេះ មកពីការប្រកាសអំពីក្រុមគ្រួសារ និងពីសមាជិកក្នុងកូរ៉ុមនៃពួកសាវកដប់ពីរនាក់ ដោយរកមើលវិធីនានាដែលបុរស និងស្ត្រី មានសារៈសំខាន់នៅក្នុងផែនការរបស់ព្រះវរបិតាសួគ៌ ។

ចេញមកពីការប្រកាសអំពីគ្រួសារ យើងអាន ៖

សុភមង្គលនៅក្នុងជីវិតគ្រួសារ អាចកើតមានឡើង នៅពេលធ្វើតាមការបង្រៀនរបស់ព្រះអម្ចាស់យេស៊ូវគ្រីស្ទ ។ អាពាហ៍ពិពាហ៍ និងគ្រួសារជោគជ័យ គឺត្រូវស្ថាបនា និងថែរក្សានៅក្នុងគោលការណ៍នៃសេចក្តីជំនឿ ការអធិស្ឋាន ការប្រែចិត្ត ការអភ័យទោស ការគោរពគ្នា សេចក្តីស្រឡាញ់ សេចក្តីមេត្តាករុណា ការងារ និងកម្មវិធីកម្សាន្ដល្អៗនានា ។ តាមការតាក់តែងដ៏ទេវភាពនេះ ឪពុកត្រូវបានចាត់ឲ្យធ្វើជាអ្នកដឹកនាំនៅក្នុងគ្រួសាររបស់ខ្លួនដោយសេចក្ដីស្រឡាញ់ និងសេចក្ដីសុចរិត ហើយមានភារកិច្ចក្នុងការផ្គត់ផ្គង់សេចក្ដីត្រូវការក្នុងជីវិត ព្រមទាំងការពារក្រុមគ្រួសារខ្លួនផង ។ ម្តាយមានភារកិច្ចសំខាន់ដើម្បីថែរក្សាបីបាច់កូនចៅរបស់ខ្លួន ។ នៅក្នុងការទទួលខុសត្រូវដ៏ពិសិដ្ឋទាំងនេះ ឪពុក និងម្តាយមានកាតព្វកិច្ចដើម្បីជួយគ្នាទៅវិញទៅមកជាដៃគូស្មើភាពគ្នា ។

( « ក្រុមគ្រួសារ ៖ ការប្រកាសដល់ពិភពលោក » ChurchofJesusChrist.org )

ប្រធាន អិម រ័សុល បាឡឺដ ក្នុងកូរ៉ុមនៃពួកសាវកដប់ពីរនាក់បានបង្រៀន ៖

នៅក្នុងផែនការប្រគល់បព្វជិតភាពដ៏អស្ចារ្យរបស់ព្រះវរបិតាសួគ៌យើង បុរសមានទំនួលខុសត្រូវដ៏សំខាន់ក្នុងការគ្រប់គ្រងបព្វជិតភាព តែពួកគេពុំមែនជាបព្វជិតភាពនោះទេ ។ បុរសស្ត្រីមានតួនាទីខុសគ្នា តែមានតម្លៃស្មើគ្នា ។ ដូចជាស្ត្រីមិនអាចមានកូនបានឡើយ បើគ្មានបុរស ដូច្នេះបុរសក៏មិនអាចអនុវត្តអំណាចពេញលេញនៃបព្វជិតភាពដើម្បីបង្កើតគ្រួសារអស់កល្បមួយបានឡើយ បើគ្មានស្ត្រីនោះ ។ … ក្នុងទស្សវិស័យដ៏នៅអស់កល្បជានិច្ចនោះ ទាំងអំណាចបង្កើតជីវិត និងអំណាចបព្វជិតភាព ត្រូវបានប្រើប្រាស់ ទាំងស្វាមី និងភរិយា ។

( អិម រ័សុល បាឡឺដ « This Is My Work and Glory » Liahonaខែ ឧសភា ឆ្នាំ ២០១៣ ទំព័រ ១៩ )

អែលឌើរ ដេវីឌ អេ បែដណា ក្នុងកូរ៉ុមនៃពួកសាវកដប់ពីរនាក់បានបង្រៀន ៖

ការរួមគ្នាជាពិសេសនៃសមត្ថភាពខាងវិញ្ញាណ រូបកាយ គំនិត និងចិត្តរវាងបុរស និងស្ត្រី គឺជាកត្តាដ៏ចាំបាច់ដើម្បីធ្វើឲ្យផែនការនៃសុភមង្គលកើតមានឡើង ។ « ក្នុងព្រះអម្ចាស់ នោះបុរសមិនមែនជាឥតទីពឹងអាស្រ័យដល់ស្ត្រីឡើយ ហើយស្ត្រីក៏មិនមែនជាឥតពឹងអាស្រ័យដល់បុរសដែរ » ( កូរិនថូស ទី១ ១១:១១ ) ។ បុរស និងស្ត្រី គឺមានបំណងរៀនសូត្រពីគ្នា ពង្រឹង ឲ្យពរជ័យ និងបំពេញឲ្យគ្នាទៅវិញទៅមក ។

( ដេវីដ អេ បែដណា « We Believe in Being Chaste » Liahona ខែ ឧសភា ឆ្នាំ ២០១៣ ទំព័រ ៤១–៤២ )

សូមសរសេរនៅលើក្រដាសមួយសន្លឹកដោយប្រើប៊ិច ឬខ្មៅដៃ ។

ជម្រើស ៖ តើចង់រៀនសូត្របន្ថែមទៀតទេ ?

ចុះប្រសិនបើមនុស្សដែលខ្ញុំស្រឡាញ់មិនរៀបការ ឬគ្មានកូន ?

អ្នកខ្លះអាចនឹងបារម្ភ ឬឆ្ងល់អំពីរបៀបដែលផែនការរបស់ព្រះវរបិតាសួគ៌សម្រាប់ទាំងស្ត្រី និងបុរស អាចត្រូវបានបំពេញចំពោះអ្នកដែលមិនរៀបការ ឬគ្មានកូន ។ ដោយក្តីមេត្តាដ៏ខ្លាំងក្លា ប្រធាន ប៊យដ ខេ ផាកកឺ ( ឆ្នាំ ១៩២៤–២០១៥ ) ក្នុងកូរ៉ុមនៃពួកសាវកដប់ពីរនាក់ បានថ្លែងនូវពាក្យលួងលោមទាំងនេះ ៖

សាក្សី
ប៊យដ៍ ឃេ ផាកកឺ ថ្លែងទីបន្ទាល់អំពីព្រះ ជាព្រះវរបិតា ព្រះយេស៊ូវគ្រីស្ទ និង ព្រះវិញ្ញាណបរិសុទ្ធ ។

អ្នកទាំងឡាយដែលពុំរៀបការ ឬពុំមានកូនចៅ គឺពុំត្រូវបានឃាត់ឃាំងពីពរជ័យដ៏នៅអស់កល្បជានិច្ចដែលពួកគេស្វែងរកនោះទេ ប៉ុន្តែឥឡូវនេះវាហួសពីអ្វីដែលពួកគេអាចធ្វើ ។ …

ការទូលអង្វរដោយទឹកភ្នែក និងការប្រាថ្នាក្នុងទីស្ងាត់របស់អ្នក នឹងរំជួលដួងព្រះទ័យរបស់ព្រះវរបិតា និងព្រះរាជបុត្រា ។ អ្នកនឹងទទួលបានការបញ្ជាក់ដោយផ្ទាល់មួយមកពីទ្រង់ថា ជីវិតរបស់អ្នកនឹងបានពេញលេញ ហើយថាគ្មានពរជ័យសំខាន់ណាមួយនឹងបាត់បង់ឡើយ ។

ក្នុងនាមជាអ្នកបម្រើម្នាក់របស់ព្រះអម្ចាស់ ក្នុងតំណែងដែលខ្ញុំត្រូវបានតែងតាំង ខ្ញុំសូមសន្យានឹងអ្នកទាំងឡាយដែលស្ថិតក្នុងស្ថានភាពនោះថា អ្វីដែលសំខាន់ដល់សេចក្ដីសង្គ្រោះ និងភាពលើកតម្កើងរបស់អ្នក នឹងកើតមានមកលើអ្នកក្នុងពេលកំណត់មួយ ។

( ប៊យដ៍ ឃេ ផាកកឺ «The Witness » Liahona ខែឧសភា ឆ្នាំ ២០១៤ ទំព័រ ៩៥ )

ហេតុអ្វីសាតាំងចង់ឲ្យយើងបែងចែកជាបុរស និងស្ត្រី ?

ប្រធាន ជីន ប៊ី ប៊ីងហាំ អតីតប្រធានសមាគមសង្គ្រោះទូទៅបានបង្រៀន ៖

រួបរួមគ្នាដើម្បីសម្រេចកិច្ចការរបស់ព្រះ
បងស្រីប៊ីងហាំបង្រៀនពីរបៀបធ្វើតាមគំរូរបស់អ័ដាមនិងអេវ៉ាបុរសនិងស្ត្រីអាចធ្វើការជាមួយគ្នាផ្តល់តម្លៃឲ្យគ្នាទៅវិញទៅមកនិងតួនាទីដ៏ទេវភាពពីគ្នាទៅវិញទៅមក ។

ពួកសត្រូវបានទទួលជោគជ័យគួរសមក្នុងគោលដៅរបស់វា ដើម្បីបំបែកបំបាក់ បុរស និងស្ដ្រី ជាការប៉ុនប៉ងដើម្បីយកឈ្នះលើព្រលឹងរបស់យើង ។ លូស៊ីហ្វើរដឹងថា បើវាអាចបំផ្លាញសាមគ្គីភាពរវាងបុរស និងស្ដ្រី បើវាអាចបំភាន់យើងទាក់ទងនឹងគុណតម្លៃដ៏ទេវភាព និងការទទួលខុសត្រូវក្នុងសេចក្ដីសញ្ញារបស់យើងបាន នោះវានឹងមានជោគជ័យក្នុងការបំផ្លាញក្រុមគ្រួសារ ដែលជាផ្នែកដ៏សំខាន់នៃភាពអស់កល្បជានិច្ច ។

សាតាំងញុះញង់ឲ្យមានការប្រៀបធៀប ដែលជាឧបករណ៍មួយដើម្បីបង្កើតឲ្យមានអារម្មណ៍ខ្ពស់ជាង ឬអន់ជាង ដោយលាក់សេចក្ដីពិតដ៏អស់កល្បជានិច្ចមួយថា ភាពខុសគ្នាពីធម្មជាតិរបស់បុរស និងស្ដ្រី គឺត្រូវបានប្រទានមកពីព្រះ ហើយមានតម្លៃស្មើគ្នា ។ វាបានប៉ុនប៉ងដើម្បីបន្ទាបការរួមចំណែករបស់ស្ដ្រី ទាំងនៅក្នុងគ្រួសារ និងក្នុងសង្គមស៊ីវិល ហេតុដូច្នេះ វាបានបន្ថយឥទ្ធិពលលើកស្ទួយរបស់ពួកគេសម្រាប់សេចក្ដីល្អ ។ គោលដៅរបស់វា គឺដើម្បីបង្កើនការប្រជែងយកអំណាច ជាជាងការអបអរនឹងការរួមចំណែកដ៏ពិសេសមួយរបស់បុរស និងស្ដ្រីក្នុងការបំពេញឲ្យគ្នាទៅវិញទៅមក ហើយរួមចំណែកឲ្យមានសាមគ្គីភាព ។

( ជីន ប៊ី ប៊ីងហាំ « United in Accomplishing God’s Work » Liahona ខែ ឧសភា ឆ្នាំ ២០២០ ទំព័រ ៦០–៦១ )