Seminare
2 Timoteo 4

2 Timoteo 4

“Ua Ou Taofi i le Faatuatua”

O le ola ai i le talalelei a Iesu Keriso e faamanuiaina ai i tatou i auala e tele. E ui o le a tatou feagai ma tofotofoga ma sauaga, ae e ala i le faatuatua ia Iesu Keriso, e mafai ai ona tatou tumau i le lototoa e oo i le iuga. Ina ua mavae le tele o tausaga o taumafai Paulo e mulimuli i le Faaola, sa ia iloa o le a le toe mamao ae fasiotia o ia. I lana tusi mulimuli ia Timoteo, sa ia faailoa atu ai le mafuaaga na aoga ai lona tumau i le faatuatua atoa ma i latou uma o e filifili e tumau i le faatuatua. O lenei lesona ua faamoemoe e fesoasoani ia te oe e avea pe tumau ai le tuuto atu e avea ma soo i le olaga atoa ia Iesu Keriso.

Tumau ai faamaoni

Vaai faalemafaufau pe o le a faape’i le iloa ua lata le taimi e te oti ai.

  • O le a se mea o le a e faamoemoe e mafai ona e fai atu e uiga i lou olaga pe a oo mai lena aso?

  • O le a se mea o le a taua ia te oe i lena taimi? O le a se mea o le a le taua?

  • O le a sou manatu e faapefea ona aafia oe i lena taimi ona o au taumafaiga e mulimuli i le Faaola i lou olaga atoa?

Ina ua mavae le tele o tausaga o auaunaga lototoa a Paulo o se soo o Iesu Keriso, sa tusi atu o ia ia Timoteo mai se falepuipui i Roma ma le iloa o le a lata ona fasiotia o ia. E foliga mai o le tusi mulimuli lea na tusia e Paulo o loo aofia ai i le Feagaiga Fou. Ua faamanuiaina i tatou i le mafai ona faitau i nisi o manatu mulimuli a lenei tamalii maoae a o ia tomanatu i lona olaga ma lona maliu na lata atu.

Sa faatusatusa e Paulo ana taumafaiga e tumau faamaoni i ni faatinoga eseese e lua. Faitau le 2 Timoteo 4:6–7, ma vaavaai mo faatusatusaga a Paulo.

O ni alii se toalua i se paka o loo faipelē i totonu o se maea fusu ma se alii o loo fai ma Laufalī.
E toalua ni alii talavou o loo i i fafo. O loo taufetuli i se malae. O le mea lenei o loo i Lisbon, Potukale.

  • Aisea e ono avea ai le tauivi i se taua lelei ma le faaumaina o se taufetuliga o ni faatusatusaga aoga i le faatumauina o lo tatou faatuatua ia Iesu Keriso i o tatou olaga atoa?

Mafaufau loloto mo se minute pe o a mai oe i lenei taimi i lou olaga i lau taufetuliga pe i lau tauiviga e tumau faamaoni ai ia Keriso. Pe na i ai se taimi na e lagona ai le vaivai, faiaina, po o le faamanu’alia? Pe na i ai se taimi na faaosooso ai oe e togi le solo? Na faapefea ona fesoasoani le Faaola ia te oe i nei tulaga? A o e suesue i le aso, mafaufau pe aisea o le a aoga ai mo oe le faaauau pea ona tamoe i le taufetuliga pe tauivi i le taua o le avea ma soo.

O mea e ofoina mai e le Faaola i e faamaoni

Faitau le 2 Timoteo 4:8, ma vaavaai mo faamanuiaga na saunia e le Faaola mo Paulo ma i latou uma o e tumau ma le faamaoni.

O lenei palealii o se faatusa mo le ola e faavavau faatasi ma le Tama Faalelagi ma Iesu Keriso, ua taua foi o le faaeaga.

  • Aisea e te manatu o le a faamatala ai e Paulo lenei faamanuiaga ua ofoina mai e Iesu Keriso ia i tatou o “se pale o le amiotonu”?

O se tasi o upumoni e mafai ona tatou aoao mai lenei fuaitau o le: Ona o Iesu Keriso, o i latou uma o e tumau faamaoni e oo i le iuga o le a maua le ola e faavavau.

Tusitusi i luga o se fasipepa i se peni po o se penitala. 1.Tali ia le itiiti ifo ma le lua o fesili nei i lau api talaaga mo suesuega:

  • O le a le uiga ia te oe o le fasifuaitau “tumau e oo i le iuga”? O a ni auala e tatau ona e tumau ai i le taimi nei? O le a se mea e faafaigata ai le tumau e oo i le iuga?

  • O a ni auala ua avea ai le Faaola ma faataitaiga sili o le tumau e oo i le iuga? (tagai i le Mataupu Faavae ma Feagaiga 19:16–19).

  • Na faapefea e le tumau o le Faaola e oo i le iuga ona aafia ai i tatou?

Faaalu se taimi e mafaufau ai po o ai e ono aafia i lau filifiliga e tumau e oo i le iuga.

O lo tatou faamoemoe o loo ua taoto ia Iesu Keriso

Na faamalamalama mai e Elder L. Tom Perry (1922–2015) o le Korama a Aposetolo e Toasefululua e faapea, ona o le faigata o le tumau e oo i le iuga, o lea e le mafai ai ona tatou ausia na o i tatou. Sa ia aoao mai:

O le atatosi aloaia mulimuli o Elder L. Tom Perry o le Korama o Aposetolo e Toasefululua, 2004. Na maliu i le aso 30 Me 2015.

O le tumau e oo i le iuga e mautinoa lava e le o se galuega faatino e fai na o oe lava ia. … E manaomia ai le mana togiola o le Faaola.

(L. Tom Perry, “O Le Talalelei a Iesu Keriso,” Liahona, Me 2008, 46)

E pei o Paulo, e toatele isi na tumau e oo i le iuga faatasi ai ma le fesoasoani a le Faaola. Faitau ia le itiiti ifo ma le lua ni fuaitau nei o le Tusi a Mamona. Vaavaai pe na faapefea e se sootaga ma le Faaola ona aafia ai nei perofeta taitasi a o latou tutumau ai ma le faamaoni ma seia oo atu ai i lo latou oti.

  • Na faapefea ona faamatala e nei soo lo latou sootaga ma Iesu Keriso?

  • Na faapefea e lena sootaga ona aafia ai o latou lagona e uiga i lo latou oti?

O le a se fautuaga o le a e tuuina atu?

Tusitusi i luga o se fasipepa i se peni po o se penitala. 2. Tali fesili nei i totonu o lau api talaaga mo suesuega:

  • O le a se fautuaga o le a e tuuina atu i se tagata faamaoni o loo popole e le lava lo latou malosi e tutumau ai?

  • Mata o le a sau tala e fai atu i se tasi ua le o toe mulimuli i le Faaola ma ua lagona nei ua tuai tele ona toe amata? E mafai faapefea ona e faaaogaina le faataitaiga o le olaga o Paulo e fesoasoani ai ia latou iloa e mafai e le Faaola ona fesoasoani ia i tatou e suia ma toe amata?

  • O a laasaga e mafai ona latou faia e liliu atu ai i le Faaola mo se fesoasoani?

O le a le feau mo oe?

Toe foi i le 2 Timoteo 4 ma faitau fuaiupu 6–8, 18. Vaai faalemafaufau ia te oe lava i le lumanai, i le mafai ai ona e tautala i mea na fai mai ai Paulo a o latalata atu i le iuga o lou olaga. Ona tali lea o fesili nei:

  • O le a sou lagona o le a se feau a le Tama Faalelagi mo oe?

  • Na faapefea e mea ua e aoaoina ma lagonaina i le aso ona fesoasoani ia te oe e malamalama atili ai i lou manaomia o Iesu Keriso?

  • O le a se mea ua e lagona le musuia e fai?

Tuu i le Faitalia: O e Manao e Aoao Atili?

E faapefea ona tatou tutumau e oo i le iuga?

Na faamalamalama mai e Elder (1922–2015) o le Korama a Aposetolo e Toasefululua:

O le atatosi aloaia mulimuli o Elder L. Tom Perry o le Korama o Aposetolo e Toasefululua, 2004. Na maliu i le aso 30 o Me 2015.

O le tumau e oo i le iuga e manaomia ai le faamaoni e oo i le iuga, e pei o le tulaga o Paulo, o lē na tau atu ia Timoteo, “Ua ou tau le taua lelei, ua iu ia te au le tausinioga, ua ou taofi i le faatuatua” (2 Timoteo 4:7). E mautinoa lava, e le o se galuega faigofie lenei mea. Ua faamoemoeina ina ia faigata, luitauina, ma, i lona faatumutumuga, ia faaleleia a o tatou saunia e toe foi atu e nonofo faatasi ma lo tatou Tama o i le Lagi ma maua faamanuiaga e faavavau.

(L. Tom Perry, “O Le Talalelei a Iesu Keriso,” Liahona, Me 2008, 46)

Matamata i le vitio “Endure to the End” (2:04), o loo maua i le ChurchofJesusChrist.org, ma vaavaai pe na faapefea ona fesoasoani Peresitene Dieter F. Uchtdorf, o le sa avea muamua ma Au Peresitene Sili, e tali lenei fesili.

2:6

Endure to the End

(D&C 14:7) President Dieter F. Uchtdorf teaches how to endure to the end.

Ae faapefea pe afai e faigata i nisi taimi ona vaai i faamanuiaga o le tumau ai faamaoni?

Sa saunoa mai Elder Jeffrey R. Holland o le Korama a Aposetolo e Toasefululua:

Atatosi Aloaia o Elder Jeffrey R. Holland. Na pueina ia Ianuari 2018.

Aua e te fiu. Savali pea. Taumafai pea. O loo i ai le fesoasoani ma le fiafia i luma atu. … O le a lelei mea uma i le iuga. Ia talitonu i le Atua ma talitonu i mea lelei o le a oo mai.

… E vave oo mai nisi faamanuiaga, o nisi e tuai, o nisi e le oo mai seia oo i le lagi; ae mo i latou e taliaina le talalelei a Iesu Keriso, e oo mai lava.

(Jeffrey R. Holland, “An High Priest of Good Things to Come,” Ensign, Nov. 1999, 38)