Veprat e Apostujve 10, Pjesa 2

Parimet e Marrjes së Zbulesës

Një e re me një libër në prehër dhe duke mbajtur një qiri, që po kthen vështrimin pas te një dritë e fortë.

Një Atë Qiellor i dashur i bekoi me zbulesë Kornelin dhe Pjetrin për t’i ndihmuar ata ta kuptonin më mirë vullnetin e Tij. Ndërsa vepruan sipas zbulesës që morën, ata u bekuan me më shumë dritë dhe njohuri. Ky mësim mund të të ndihmojë ta rritësh kuptueshmërinë tënde rreth mënyrës se si Ati Qiellor mund të ta zbulojë vullnetin e Tij.

Dërgimi i një mesazhi të rëndësishëm

Përfytyro sikur të duhet t’i japësh një mesazh të rëndësishëm dikujt që nuk është me ty.

Cilat janë disa mënyra se si ti mund t’ia përcjellësh mesazhin atij?
Cilat janë disa mënyra se si Ati Qiellor mund të të japë mesazhe të rëndësishme?

Ati Qiellor ka shumë mesazhe të rëndësishme për t’ua treguar fëmijëve të Tij. Disa mesazhe janë për të gjithë, ndërkohë që të tjera janë të personalizuara vetëm për ty. Ati Qiellor komunikon me individët nëpërmjet zbulesës personale. Ndërsa e studion këtë mësim, kërko mënyra se si Perëndia mund të zbulojë mesazhet e Tij të rëndësishme që ti të jesh në gjendje ta dallosh zbulesën kur vjen.

Ati Qiellor ia zbulon vullnetin e Tij Pjetrit si dhe Kornelit

Përsërite historinë e Kornelit dhe Pjetrit te Veprat e Apostujve 10:1–28, 44–48 (shih edhe mësimin “Veprat e Apostujve 10, Pjesa 1”). Ndërsa e përsërit, kërko mënyrën se si ata arritën ta kuptonin atë që Ati Qiellor po u zbulonte atyre.

Çfarë mësove rreth zbulesës nga ky rrëfim?

Çfarë mund të mësosh rreth Atit Qiellor nga të vërtetat për zbulesën që përcaktove?
Çfarë bekimesh dhe të vërtetash Pjetri dhe Korneli mund të mos kishin arritur t’i merrnin nëse nuk do të kishin vepruar nisur nga ajo që morën?

Rresht pas rreshti

Një e vërtetë rreth zbulesës e ilustruar në këtë rrëfim është që Ati Qiellor e zbulon të vërtetën e Tij rresht pas rreshti (shih te 2 Nefi 28:30).

Vër re që as Korneli dhe as Pjetri nuk e morën menjëherë të gjithë informacionin që Perëndia kishte për ta. Kornelit i tha engjëlli që të kërkonte Pjetrin dhe “ai do të të thotë çfarë duhet të bësh” (Veprat e Apostujve 10:5–6). Pasi Pjetri mori vegimin e tij, ai ishte “me mëdyshje ç’kuptim mund të kishte vegimi që kishte parë” (Veprat e Apostujve 10:17). Ai nuk e kuptoi plotësisht domethënien e vegimit derisa u takua me Kornelin.

Plaku Dejvid A. Bednar, i Kuorumit të Dymbëdhjetë Apostujve, përshkroi se çfarë kuptimi mund të ketë kjo për ne. Shih materialin filmik “Patterns of Light: Spirit of Revelation” [“Modelet e Dritës: Shpirti i Zbulesës”] (3:04), që gjendet në ChurchofJesusChrist.org ose lexo thënien vijuese.

Patterns of Light: Spirit of Revelation
Elder David A. Bednar explains the patterns of light by which God communicates with us and how those patterns lead to the spirit of revelation.

“Shtimi shkallë‑shkallë i dritës që rrezatohet nga dielli që lind, është si të marrësh nga Perëndia një mesazh ‘rresht pas rreshti, parim pas parimi’ (2 Nefi 28:30). Më së shpeshti, zbulesa vjen me shtesa të vogla përgjatë kohës dhe dhurohet në pajtim me dëshirën, denjësinë dhe përgatitjen tonë. … Kjo mënyrë zbulese pritet të jetë më shumë e zakonshme sesa e rrallë.”

(Dejvid A. Bednar, “Shpirti i Zbulesës”, Liahona, maj 2011, f. 88)

Shkrimi në një copë letër me një stilolaps ose laps.

Të vepruarit sipas zbulesës

Për shkak se Korneli dhe Pjetri vepruan sipas zbulesave që morën në fillim, ata u bekuan me një kuptueshmëri më të plotë. Kjo ilustron një të vërtetë tjetër që gjendet te Veprat e Apostujve 10: Ati Qiellor do të na bekojë me zbulesë tjetër ndërsa ndjekim zbulesën që marrim.

Plaku Ronald A. Rasband, i Kuorumit të Dymbëdhjetë Apostujve, shpjegoi rëndësinë e të vepruarit sipas zbulesës nga Ati Qiellor. Shih materialin filmik “Shpirti i Shenjtë na Udhëzoftë”, që gjendet në ChurchofJesusChrist.org, nga kodi kohor 14:41 deri 15:19, ose lexo thënien vijuese.

Let the Holy Spirit Guide
Elder Rasband teaches that the Holy Ghost inspires, testifies, teaches, and prompts us.

“Nëse tregojmë vëmendje ndaj nxitjeve që na vijnë, ne do të rritemi në shpirtin e zbulesës dhe do të marrim gjithnjë e më shumë këndvështrim dhe drejtim prej Shpirtit. Zoti ka thënë: ʻVëre besimin tënd në atë Shpirt që drejton për të bërë mirëʼ [Doktrina e Besëlidhje 11:12].

E marrshim me seriozitet thirrjen e Zotit: ʻMerrni zemër, sepse unë do t’ju udhëheq përgjatë udhësʼ [Doktrina e Besëlidhje 78:18]. Ai na udhëheq nëpërmjet Frymës së Shenjtë. Jetofshim pranë Shpirtit, duke vepruar me të shpejtë ndaj nxitjeve tona të para, duke e ditur se ato vijnë prej Perëndisë.”

(Ronald A. Rasband, “Shpirti i Shenjtë na Udhëzoftë”, Liahona, maj 2017, f. 96)

Si mund ta përgatitësh veten për të marrë zbulesë?

Zbulesë për jetën tënde

Fakultative: Dëshiron të Mësosh më Shumë?

Si mund ta dalloj zbulesën nëpërmjet Frymës së Shenjtë?

Merr parasysh të shohësh materialin filmik “Feeling the Holy Ghost” [“Të Ndiesh Frymën e Shenjtë”] (3:17), që gjendet në ChurchofJesusChrist.org, për të dëgjuar rreth mënyrave të ndryshme se si njerëzit e ndiejnë dhe dallojnë Frymën e Shenjtë.

Feeling the Holy Ghost
Feelings of the Holy Spirit can be likened to hope, joy and peace in your heart and mind.

Çfarë duhet të bëj nëse nuk e ndiej se marr zbulesë nga Ati Qiellor, edhe kur e kërkoj atë?

Plaku Dejvid A. Bednar, i Kuorumit të Dymbëdhjetë Apostujve, shpjegoi:

The Spirit of Revelation
The spirit of revelation is real—and can and does function in our individual lives and in the Church.

“Në shumë prej pasigurive dhe sfidave që hasim në jetën tonë, Perëndia kërkon që ne të bëjmë më të mirën, të veprojmë e të mos detyrohemi të veprojmë (shih te 2 Nefi 2:26) dhe t’i mirëbesojmë Atij. Ne mund të mos shohim engjëj, të dëgjojmë zëra qiellorë apo të marrim mbresa shpirtërore tronditëse. Shpeshherë mund të vazhdojmë përpara duke shpresuar e duke u lutur – por pa siguri absolute – që të jemi duke vepruar sipas vullnetit të Perëndisë. Por, kur i nderojmë besëlidhjet tona dhe zbatojmë urdhërimet, kur mundohemi gjithnjë e më rregullisht të bëjmë mirë e të bëhemi më të mirë, ne mund të ecim me vetëbesimin që Perëndia do t’i drejtojë hapat tanë.”

(Dejvid A. Bednar, “Shpirti i Zbulesës”, Liahona, maj 2011, f. 90)

Çfarë zakonesh apo veprimesh mund të më pengojnë të marr zbulesë?

Plaku Dejvid A. Bednar, i Kuorumit të Dymbëdhjetë Apostujve, pohoi:

“Në shkrimet e shenjta ndikimi i Frymës së Shenjtë shpeshherë përshkruhet si ‘[një] zë [i] qetë, [i] ulët’ (1 Mbretërve 19:12; 1 Nefi 17:45; shih edhe [te] 3 Nefi 11:3) dhe një ‘zë … i një butësie të përsosur’ (Helamani 5:30). Për arsye se Shpirti neve na pëshpërit me të butë dhe brishtësi, është e lehtë të kuptohet përse duhet t’i shmangim informacionet e papërshtatshme, pornografinë dhe substancat e sjelljet [varësuese]. Këto mjete të kundërshtarit mund ta dëmtojnë e në fund ta asgjësojnë aftësinë tonë për të dalluar e për t’iu përgjigjur mesazheve të imta të Perëndisë të dërguara prej Shpirtit të Tij.”

(Dejvid A. Bednar, “Shpirti i Zbulesës”, Liahona, maj 2011, f. 88)

Çfarë mund të bëj që ta rrit aftësinë time për të marrë zbulesë?

Presidenti Dallin H. Ouks, i Presidencës së Parë, pohoi:

“Vazhdimi i mëtejshëm i shërbimit dhe i punës nga ana jonë është një mënyrë e rëndësishme që të kualifikohemi për zbulesë. Gjatë studimit tim të shkrimeve të shenjta kam vënë re se më së shumti zbulesa për fëmijët e Perëndisë vjen kur ata janë në lëvizje, jo ndërkohë që janë të ulur në banesat e tyre duke pritur që Zoti t’u tregojë hapin e parë që duhet të ndërmarrin. …

Ne do të marrim nxitje të Shpirtit kur të kemi bërë gjithçka që mundemi, kur të jemi jashtë në diell duke punuar në vend që të ulemi në hije duke u lutur për drejtimin lidhur me hapin e parë që duhet të ndërmarrim. Zbulesa vjen kur fëmijët e Perëndisë janë në lëvizje.

Prandaj bëjmë gjithçka mundemi. Më pas ne e presim Zotin për zbulesën e Tij. Ai ka afatin e Tij kohor.”

(Dallin H. Oaks, “In His Own Time, In His Own Way”, Ensign, gusht 2013, f. 22, 24)