Veprat e Apostujve 11, 15

Shpëtimtari e Drejton Kishën e Tij Përmes Zbulesës

Pjetri dhe Jakobi u flasin apostujve, pleqve dhe anëtarëve të tjerë në Jerusalem mbi çështjen e rrethprerjes. Skenat: përfshijnë disa nga njerëzit që po xhirojnë filmin, fotografi të ndryshme të grupeve të njerëzve duke dëgjuar.

Jezusi u tha Apostujve të Tij se ungjilli do t’u predikohej të gjitha kombeve. Megjithatë, kjo gjë do të kërkonte ndryshime të vështira për traditat judease të mbajtura për shumë kohë. Me Ngritjen e Jezusit në qiell, këto ndryshime duhet të bëheshin përmes zbulesës. Qëllimi i këtij mësimi është të thellojë kuptueshmërinë tënde rreth mënyrës se si Shpëtimtari e drejton Kishën e Tij përmes zbulesës ndaj profetit dhe apostujve të Tij.

Pyetja e një shoku

Përfytyro sikur një shok që nuk është i besimit tënd, mëson rreth besimit tënd te profetët dhe apostujt bashkëkohorë. Megjithëse shoku yt beson te profetët dhe apostujt e Biblës, ai e ka të vështirë ta pranojë idenë që Perëndia punon nëpërmjet tyre sot. Ai të pyet: “Si u flet Jezusi profetit dhe apostujve?”

Sa i sigurt je në aftësinë tënde për t’iu përgjigjur kësaj pyetjeje?
Çfarë do t’i thoshe shokut tënd?

Ndërkohë që ka disa mënyra për t’u përgjigjur, Veprat e Apostujve 11 dhe 15 ilustrojnë dy mënyra se si Jezu Krishti e drejton Kishën e Tij nëpërmjet zbulesës.

Zbulesë dhënë profetit

Pas vegimit të Pjetrit dhe përvojës me Kornelin (shih te Veprat e Apostujve 10), ai udhëtoi drejt Jerusalemit dhe ua dha mësim këto të vërteta të sapozbuluara udhëheqësve të tjerë të Kishës.

Pasi mbërriti në Jerusalem, Pjetri ia tregoi vegimin dhe përvojën e tij Kornelit (shih te Veprat e Apostujve 11:1–18).

Lexo te Veprat e Apostujve 11:4–18, duke kërkuar mënyrën se si ti e sheh Perëndinë që udhëheq Kishën.

Çfarë mëson nga ky rrëfim rreth mënyrës se si Zoti e drejton Kishën e Tij?

Nga përvoja e Pjetrit mësojmë se Jezu Krishti e drejton Kishën e Tij me anë të zbulesës për profetin e Tij, Apostullin me më shumë kohë në detyrë.

Si të ka ndihmuar njohja e kësaj të vërtete të forcosh dëshminë tënde për Jezu Krishtin dhe profetin e Tij?
Përse beson se Kisha sot po udhërrëfehet nga zbulesa dhënë profetit të Zotit?

Zbulesë përmes këshillave

Një shembull tjetër i mënyrës se si Shpëtimtari u jep zbulesë profetëve dhe apostujve të Tij është ilustruar te Veprat e Apostujve 15.

Misionarët Pali dhe Barnaba mësuan dhe pagëzuan shumë johebrenj. Disa të krishterë judeas erdhën në Antioki dhe dhanë mësim që meshkujt johebrenj të kthyer në besim duhet të zbatonin ligjin e Moisiut duke u rrethprerë përveçse të jetonin ungjillin e dhënë mësim nga Jezu Krishti dhe Apostujt e Tij (shih te Veprat e Apostujve 15:1, 5; shih edhe tek Udhëzuesi për Shkrimet e Shenjta, “ Rrethprerje”, scriptures.ChurchofJesusChrist.org).

Lexo te Veprat e Apostujve 15:2 për të parë se si Pali dhe Barnaba u munduan ta zgjidhnin problemin.

Si mendon, përse Pali dhe Barnaba kërkuan udhërrëfim nga udhëheqësit e Kishës në Jerusalem?

Një e vërtetë që ilustrohet te Veprat e Apostujve 15, është që duke u këshilluar së bashku dhe duke kërkuar zbulesë nga Perëndia, udhëheqësit e Kishës marrin frymëzim për probleme të vështira. Ndërsa Pjetri dhe udhëheqës të tjerë të Kishës u këshilluan së bashku, ata morën udhërrëfim nga Perëndia. Ata dërguan letra ku i informonin anëtarët e Kishës për vendimin e tyre të frymëzuar për të mos kërkuar rrethprerje për johebrenjtë e kthyer në besim dhe ata përfshinë një ftesë për t’iu bindur urdhërimeve të tjera.

Këshilli është një grup njerëzish që mblidhen bashkë për të diskutuar çështje me rëndësi dhe mënyrën se si t’u përgjigjen atyre. Për të kuptuar më shumë rreth mënyrës se si funksionon një këshill në Kishë, lexo sa vijon nga Manuali i Përgjithshëm:

“Udhëheqësi [i këshillit] i nxit anëtarët të flasin hapur dhe sinqerisht. Rrethanat, moshat, përvojat dhe këndvështrimet e ndryshme të anëtarëve të këshillit e pasurojnë këshillin. Anëtarët tregojnë sugjerimet e tyre dhe dëgjojnë njëri-tjetrin me respekt. Ndërsa ata kërkojnë të dinë vullnetin e Perëndisë, mund të mbizotërojë një frymë frymëzimi dhe uniteti.”

(Manuali i Përgjithshëm: Shërbimi në Kishën e Jezu Krishtit të Shenjtorëve të Ditëve të Mëvonshme, 4.4.3, ChurchofJesusChrist.org)

Si do ta përmblidhje atë se çfarë është një këshill në Kishë?

Këshilli i Jerusalemit

Lexo te Veprat e Apostujve 15:6–15, 22–28, duke kërkuar prova për pjesët e ndryshme të një këshilli. Kopjoje tabelën e mëposhtme në ditarin tënd të studimit. Në kolonën djathtas, shkruaj fjalë ose fraza nga vargjet që përkojnë me frazat në kolonën majtas.

Funksionon nën çelësat e priftërisë
I përqendruar në të mirën e individëve dhe familjeve
Lejon që anëtarët e këshillit të shprehen
Çon në unitet

Udhëheqësit e sotëm i përdorin gjithashtu këshillat për të ftuar udhërrëfimin e Zotit në çështjet e Kishës. Presidenti Rasëll M. Nelson tregoi sa vijon:

Zbulesë për Kishën, Zbulesë për Jetën Tonë
Presidenti Nelson dëshmon se Zoti e udhëheq Kishën nëpërmjet zbulesës dhe se zbulesa vetjake është në dispozicion të çdo njeriu.

“Kur mblidhemi si Këshill i Presidencës së Parë dhe i Kuorumit të Të Dymbëdhjetëve, dhomat tona të mbledhjeve bëhen dhoma zbulese. Shpirti është i pranishëm në mënyrë të dukshme. Teksa ndeshemi me çështje të ndërlikuara, një proces emocionues shpaloset ndërkohë që secili Apostull shpreh lirisht mendimet dhe pikëpamjen e tij. Edhe pse mund të ndryshojmë në këndvështrimet tona fillestare, dashuria që ndiejmë për njëri-tjetrin, është e pandryshueshme. Uniteti ynë na ndihmon të dallojmë vullnetin e Zotit për Kishën e Tij.

Në mbledhjet tona, shumica nuk sundon kurrë! Ne e dëgjojmë plot lutje njëri-tjetrin dhe flasim me njëri-tjetrin derisa jemi të njëzëshëm. Më pas kur kemi arritur të jemi tërësisht të një zëri, ndikimi bashkues i Frymës së Shenjtë është tepër rrëqethës! Ne provojmë atë që Profeti Jozef Smith e dinte kur dha mësim: ʻNga uniteti i ndjenjës ne marrim fuqi nga Perëndiaʼ [Mësimet e Presidentëve të Kishës: Jozef Smithi (2009), f. 421]. Asnjë anëtar i Presidencës së Parë ose i Kuorumit të Të Dymbëdhjetëve nuk do t’ia lërë kurrë vendimet për Kishën e Zotit gjykimit të vet më të mirë!”

(Rasëll M. Nelson, “Zbulesë për Kishën, Zbulesë për Jetën Tonë”, Liahona, maj 2018, f. 95)

Shkrimi në një copë letër me një stilolaps ose laps.

Fakultative: Dëshiron të Mësosh më Shumë?

Zbulesë dhënë udhëheqësve të Kishës

Në bisedën e tij “Doktrina e Krishtit”, Plaku D. Tod Kristoferson, i Kuorumit të Dymbëdhjetë Apostujve, përdori rrëfimet e shënuara te Veprat e Apostujve 11 dhe 15 për të dhënë mësim rreth zbulesës së dhënë udhëheqësve të Kishës. Merr parasysh të studiosh të gjithë bisedën ose të shohësh materialin filmik vijues nga kodi kohor 6:10 deri në 11:34.

The Doctrine of Christ
In the Church today, just as anciently, establishing the doctrine of Christ or correcting doctrinal deviations is a matter of divine revelation.

Cilët janë disa shembuj të zbulesës së vazhdueshme?

Plaku Kuentin L. Kuk, i Kuorumit të Dymbëdhjetë Apostujve, dha mësim rreth zbulesës që merret për Kishën. Shih materialin filmik “Bekimi i Zbulesës së Vazhdueshme të Dhënë Profetëve dhe i Zbulesës Vetjake për ta Udhërrëfyer Jetën Tonë” nga kodi kohor 4:55 deri në 6:42, në dispozicion në ChurchofJesusChrist.org.

Bekimi i Zbulesës së Vazhdueshme të Dhënë Profetëve dhe i Zbulesës Vetjake për ta Udhërrëfyer Jetën Tonë
Plaku Kuk jep mësim se profetët vazhdojnë të marrin zbulesë për ta udhërrëfyer Kishën dhe se ne mund të marrim zbulesë për ta udhërrëfyer jetën tonë.

Plaku Kuk dha gjithashtu mësim se profeti dhe apostujt marrin frymëzim nga Shpirti dhe zbulesë të drejtpërdrejtë nga Shpëtimtari. Shih materialin filmik “Përgatituni që të Takoni Perëndinë” nga kodi kohor 13:37 deri në 14:15.

Përgatituni që të Takoni Perëndinë
Plaku Kuk na mëson se ne përgatitemi për ta takuar Perëndinë duke i përmbushur përgjegjësitë e dhëna në mënyrë hyjnore në punën misionare, punën në tempull dhe forcimin e anëtarëve të Kishës.

Si mund të funksionojnë këshillat në një familje?

Presidenti M. Rasëll Ballard, i Kuorumit të Dymbëdhjetë Apostujve, dha mësim rreth këshillave në familje në bisedën e tij “Këshillat e Familjeve” (Liahona, maj 2016, f. 63–65).