Galuega 10, Vaega 2

Mataupu Faavae o le Mauaina o Faaaliga

O se tamaitai talavou ma se tusi i luga o ona vae ma uuina se moligao o loo tilotilo atu i luga o lona tauau i se malamalama susulu.

Sa faamanuiaina e se Tama Faalelagi alofa ia Konelio ma Peteru i se faaaliga e fesoasoani ai ia i laua ia malamalama atili i Lona finagalo. A o la faatinoina le faaaliga na la mauaina, sa faamanuiaina i laua i le malamalama ma le poto atili. O lenei lesona e mafai ona fesoasoani ia te oe e faateleina ai lou malamalama i le ala e mafai ai e le Tama Faalelagi ona faaali atu Lona finagalo ia te oe.

Auina atu o se sāvali tāua

Manatu faalemafaufau e tatau ona e tuuina atu se sāvali tāua i se tasi e le o faatasi ma oe.

O a nisi o auala e mafai ona e faaoo atu ai le sāvali ia i latou?
O a nisi o auala e ono faaoo mai ai e le Tama Faalelagi ni sāvali tāua ia te oe?

E tele sāvali tāua a le Tama Faalelagi e faasoa mai i Ana fanau. O nisi sāvali e mo tagata uma, ae o isi e patino mo na o oe lava. E fesootai mai le Tama Faalelagi i tagata taitoatasi e ala i faaaliga patino mo le tagata lava ia. A o e suesueina lenei lesona, vaavaai mo auala e mafai ai e le Atua ona faaali mai Ana sāvali tāua ina ia mafai ai ona e iloa faaaliga i taimi e oo mai ai.

Ua faaali mai e le Tama Faalelagi Lona finagalo ia Peteru ma Konelio

Toe faamanatu le tala ia Konelio ma Peteru i le Galuega 10:1–28, 44 - 48; (tagai foi i le lesona “Galuega 10, Vaega 1”). A o e toe faamanatu, vaavaai pe na faapefea ona la malamalama i le mea na faaali mai e le Tama Faalelagi ia i laua.

O le a se mea ua e aoaoina e uiga i faaaliga mai lenei tala?

O le a se mea e mafai ona e aoaoina e uiga i le Tama Faalelagi mai upumoni e uiga i faaaliga ua e iloaina?
O a faamanuiaga ma upumoni na semanū e lē maua e Peteru ma Konelio pe ana la le faatinoina mea na la mauaina?

Lea fuaitau i luga o lea fuaitau

O se upumoni e uiga i faaaliga o loo faapupula mai i lenei tala e faapea e faaali mai e le Tama Faalelagi Lana upumoni i lea fuaitau i luga o lea fuaitau (tagai i le 2 Nifae 28:30).

Ia mātau e lei vave maua e Konelio po o Peteru ia faamatalaga uma sa tuuina mai e le Atua mo soo se tasi o i laua. Na ta’u atu e le agelu ia Konelio e saili ia Peteru, ma “o ia na te ta’u atu ia te oe mea e tusa ona e faia” (Galuega 10:5–6). Ina ua uma ona maua e Peteru lana faaaliga vaaia, sa “masalosalo Peteru i lona lava loto pe se a lea faaaliga ua iloa e ia” (Galuega 10:17). Sa lei malamalama atoatoa o ia i le uiga o le faaaliga vaaia seia oo ina ua feiloai ma Konelio.

Na faamatala mai e Elder David A. Bednar o le Korama a Aposetolo e Toasefululua, pe faape’ī lenei mea mo i tatou. Matamata le vitio “Patterns of Light: Spirit of Revelation” (3:04), o loo maua i le ChurchofJesusChrist.org, pe faitau le faamatalaga lenei.

Mamanu o le Malamalama: Agaga o Faaaliga
Ua faamalamalama mai e Elder David A. Bednar ia mamanu o le malamalama lea e talanoa mai ai le Atua ia i tatou, ma le ala e oo atu ai na mamanu i le agaga o faaaliga.

O le faateleina faifai malie o le susulu o le malamalama mai le oso a’e o le la, e pei lava o le mauaina o se feau mai le Atua i lea “upu ma lea upu, o le fuaiupu ma lea fuaiupu” (2 Nifae 28:30). O le tele lava o taimi, e oo mai faaaliga i nai faaopoopoga laiti mo sina taimi, ma e tuuina mai e tusa ma o tatou manaoga, agavaa, ma tapenapenaga. … O lenei mamanu o faaaliga e matele ina taatele atu nai lo le lē aumaua.

(David A. Bednar, “O Le Agaga o Faaaliga,” Liahona, Me 2011, 88.

Tusitusi i luga o se fasipepa i se peni po o se penitala.

Faatinoina o faaaliga

Ona sa faatino e Konelio ma Peteru faaaliga na la mauaina muamua, sa faamanuiaina i laua i se malamalama atoatoa. Ua faapupula mai e lenei mea se isi upumoni o loo maua i le Galuega 10: O le a faamanuiaina i tatou e le Tama Faalelagi i faaaliga faaopoopo a o tatou mulimuli i faaaliga tatou te mauaina.

Sa faamalamalama mai e Elder Ronald A. Rasband o le Korama a Aposetolo e Toasefululua, le tāua o le faatinoina o faaaliga mai le Tama Faalelagi. Matamata le vitio “Tuu Atu i le Agaga Paia e Taitai,” o loo maua i le ChurchofJesusChrist.org, mai le faailotaimi 14:41 e oo i le 15:19, pe faitau le faamatalaga lenei.

Agaga e Taitai Mai
Ua aoao mai Elder Rasband e musuia le Agaga Paia, molimau mai, aoao, ma uunaia i tatou.

A tatou gauai atu i uunaiga lea e oo mai ia i tatou, o le a tatou tuputupu ae i le agaga o faaaliga ma maua atili se malamalamaaga ma taitaiga e uunaia e le Agaga. Na fetalai mai le Alii, “Ia tuu atu lou faalagolago i le Agaga lena lea na te taitai ia fai mea lelei” [Mataupu Faavae ma Feagaiga 11:12].

Tau ina ia tatou manatu mamafa i le valaau a le Alii ina “ia fiafia, ona o le a Ou taitaia outou i le ala” [Mataupu Faavae ma Feagaiga 78:18]. Na te taitaiina i tatou e ala i le Agaga Paia. Tau ina tatou ola faalatalata i le Agaga, i le vave ona faatino o tatou ulua’i uunaiga, i le iloaina ai e mai le Atua ia.

(Ronald A. Rasband, “Tuu Atu i le Agaga Paia e Taitai,” Liahona, Me 2017, 96)

E mafai faapefea ona e saunia ia maua faaaliga?

Faaaliga mo lou olaga

Tuu i le Faitalia: O e Manao e Aoao Atili?

E mafai faapefea ona ou iloa faaaliga e ala i le Agaga Paia?

Mafaufau e matamata le vitio “Feeling the Holy Ghost” (3:17), o loo maua i le ChurchofJesusChrist.org, e faalogologo ai i auala eseese e lagona ai ma iloa e tagata le Agaga Paia.

Feeling the Holy Ghost
Feelings of the Holy Spirit can be likened to hope, joy and peace in your heart and mind.

O le a se mea e tatau ona ou faia pe afai ou te lē lagonaina o o’u maua faaaliga mai le Tama Faalelagi, e tusa lava pe ou te sailia?

Na faamalamalama mai e Elder David A. Bednar o le Korama a Aposetolo e Toasefululua e faapea:

The Spirit of Revelation
The spirit of revelation is real—and can and does function in our individual lives and in the Church.

I le tele o faaletonu ma luitau tatou te fetaiai i o tatou olaga, e manaomia e le Atua i tatou ina ia faia le mea sili tatou te mafaia, e filifili ai ae le o le tau faatonuina (tagai 2 Nifae 2:26), ma ia faalagolago atu ia te Ia. Atonu tatou te lē vaai i ni agelu, faalogo i ni leo mai le lagi, pe mauaina foi ni uunaiga maoae faaleagaga. Tatou te ono fetaomi soo foi i luma ma le faamoemoe ma le tatalo—ae e aunoa ma se mautinoa a’ia’i—o loo tatou faia e tusa ma le finagalo o le Atua. Ae a tatou faamamaluina a tatou feagaiga ma tausi i poloaiga, a o tatou taumafai atili e lē aunoa e faia mea lelei ma atili pea ona lelei, e mafai ona tatou savavali ma le mautinoa o le a taialaina e le Atua la tatou savaliga.

(David A. Bednar, “O Le Agaga o Faaaliga,” Liahona, Me 2011, 90.)

O a ni aga masani po o ni amioga e ono mafai ona taotaomia ai au mai le mauaina o faaaliga?

Na saunoa mai Elder David A. Bednar o le Korama a Aposetolo e Toasefululua e faapea:

I tusitusiga paia, o loo tele ina faamatala mai le uunaiga a le Agaga Paia o se “leo itiiti ma le filemu” (1 Tupu 19:12; 1 Nifae 17:45; tagai foi 3 Nifae 11:3) ma se ‘siufofoga filemu o le fimalie atoatoa’ (Helamana 5:30). Talu ai e musumusu lemu mai lava ma le lē gaoiā le Agaga, e faigofie ona malamalama i le mafuaaga e tatau ai ona tatou aloese mai faasalalauga e lē talafeagai, ponokalafi, ma amioga ma mea faataumaoi ua fai ma vaisu. O nei meafaigaluega a le fili e mafai ona faaitiitia ai ma i’u ai lava ina faatamaia lo tatou gafatia e iloa ai ma tali atu i feau maaleale mai le Atua, ia e auina mai e ala i le mana o le Agaga Paia.

(David A. Bednar, “O Le Agaga o Faaaliga,” Liahona, Me 2011, 88.

O a ni mea e mafai ona ou faia e faatupulaia ai lo’u gafatia e maua faaaliga?

Na saunoa Peresitene Dallin H. Oaks o le Au Peresitene Sili:

O le agai i luma i a tatou auaunaga ma galuega o se auala taua e agavaa ai mo faaaliga. I a’u suesuega o tusitusiga paia ua ou matauina ai, o le tele o faaaliga i fanau a le Atua e oo mai i taimi latou te galulue ai, e le o taimi latou te nofonofo ai i o latou apitaga ma faatalitali i le Alii e ta’u atu ia i latou le laasaga muamua e fai. …

O le a tatou mauaina uunaiga a le Agaga pe a tatou faia mea uma tatou te mafaia, pe a tatou galulue i fafo i le la nai lo le nofonofo i le paolo ma tatalo mo se taitaiga po o le a le laasaga muamua e fai. E oo mai faaaliga pe a o galulue fanau a le Atua.

O lea la, tatou te faia ai mea uma tatou te mafaia. Ona tatou faatalitali lea i le Alii mo Lana faaaliga. E i ai lava le taimi faatulagaina a le Alii ia.

(Dallin H. Oaks, “In His Own Time, In His Own Way,” Ensign, Aug. 2013, 22, 24)

Mo nisi fautuaga i le ala e faateleina ai lou gafatia ona lagona le Agaga ma maua faaaliga, mafaufau e faitau le “Feeling the Spirit” (Paul VanDenBerghe, New Era, Oct. 2011, 26–29).