Nag-atubang og bakak nga mga pasangil ug pisikal nga pagdagmal, si Pablo dili mapahilom. Bisan og gigapos sa mga kadena o gidala atubangan sa mga lider ug mga hari, si Pablo matinud-anong mipakigbahin sa iyang gamhanang pagsaksi kang Jesukristo ug sa Iyang ebanghelyo. Kini nga leksiyon gituyo aron matabangan ka nga makapalambo og mas dako nga tinguha sa pagsunod sa ehemplo ni Pablo sa pagpamatuod kang Jesukristo ug sa Iyang ebanghelyo sa imong inadlaw-adlaw nga kinabuhi.
Pagpakigbahin sa pagpamatuod
Sa usa ka relihiyoso o espirituhanong pagsabot, ang pagpamatuod o paghatag og pagpamatuod kasagaran nagpasabot sa pagpakigbahin og personal nga mga pagtuo sa espirituhanong kahibalo nga gihatag pinaagi sa Espiritu Santo (tan-awa sa Giya sa mga Kasulatan, “ Mopamatuod ” ug “ Pagpamatuod ”).
Kanus-a nimo nabati ang gahom sa pagpakigbahin sa imong kaugalingong pagpamatuod o sa pagpaminaw sa usa ka tawo nga mipakigbahin sa ilang pagpamatuod? Sa unsang paagi kini nakaapekto kanimo?
Unsa ka kaandam nga mopakigbahin sa imong pagpamatuod ngadto sa uban? Nganong lagmit ang usa ka tawo mahimong magduha-duha sa pagpakigbahin sa iyang pagpamatuod?
Unsa nga mga pangutana ug mga kabalaka ang anaa kanimo mahitungod sa pagpamatuod ngadto sa uban mahitungod sa imong mga gituhoan?
Niini nga leksiyon, imong tun-an ang pagpamatuod ni Pablo sa Manluluwas ug sa unsang paagi ang Manluluwas nakaapekto sa kinabuhi ni Pablo. Imo usab nga makat-onan unsa ang reaksiyon sa uban sa pagpamatuod ni Pablo. Sa imong pagtuon, ikonsiderar kon unsaon sa Manluluwas pagpanalangin ang imong kinabuhi samtang ikaw andam nga mopakigbahin sa imong pagpamatuod Kaniya ug sa Iyang ebanghelyo, dili igsapayan kon unsa ka lig-on sa imong tan-aw ang imong pagpamatuod.
Ang pagpamatuod ni Apostol Pablo
Bisan pa man sa paglatos, pagbato, ug dili makataronganon nga pagkabilanggo, si Pablo balik-balik nga mipakigbahin sa iyang pagpamatuod kang Jesukristo ug sa Iyang ebanghelyo. Sa imong pagbasa sa sugilanon ni Pablo, pagbansay sa paghanduraw unsa ang nahitabo niini nga asoy.
Magkat-on sa paghanduraw. Ang paghanduraw usa ka importante nga kahanas sa pagtuon sa kasulatan nga makatabang kanimo nga mas makabati og koneksiyon sa unsa ang nahitabo sa asoy sa kasulatan. Sa paghanduraw, hunahunaa nga ikaw anaa panahon sa asoy. Sa imong pagbasa, handurawa ang mga talan-awon, mga tingog, ug mga pagbati nga lagmit nimong masinati.
Ang mosunod nga mga tudling naglangkob og mga bahin sa pagpamatuod ni Pablo ug ang mga reaksiyon niadtong nakadungog kaniya. Pagpili og usa sa mga tudling nga basahon, ug hunahunaa kon sa unsang paagi kaha ikaw tingali maapektohan sa iyang pagpamatuod kon atoa ka ngadto.
Ang pagpamatuod ni Pablo
Ang reaksiyon sa katawhan
Ang pagpamatuod ni Pablo
Si Pablo gigapos sa mga kadena human siya gidakop didto sa Jerusalem. Siya gitugotan sa pagsulti ngadto sa mga tawo samtang nagbarog gawas sa Antonia Fortress.
Si Pablo gidakop gawas sa templo sa Jerusalem ug dayon gidala atubangan sa mga pangulong Judio. Siya gisukit-sukit niini nga mga pangulong Judio ug gibilanggo. Ang Romanong kapitan nga maoy midakop ni Pablo nasayod sa panagkunsabo sa usa ka grupo sa mga Judio aron patyon si Pablo, maong iyang gipadala si Pablo ngadto sa Caesarea. Didto sa Caesarea, si Pablo gitugotan sa pagsulti aron sa pagpanalipod sa iyang kaugalingon atubangan sa Romanong gobernador nga si Felix.
Human sa duha ka tuig nga pagkabilanggo, si Pablo miatubang sa bag-ong gobernador ug nangayo og higayon sa pagpamatuod atubangan ni Caesar. Si Hari Agripa nakigsabot aron mamati sa pagpamatuod ni Pablo sa dili pa ang iyang panaw ngadto sa Roma.
Sa imong journal sa pagtuon, isulat unsa ang imong nakat-onan. Seguroa ang paglakip sa mosunod nga mga punto:
Unsa nga pihong mga butang ang mipatigbabaw kanimo mahitungod sa pagpamatuod ni Pablo kang Jesukristo ug sa Iyang ebanghelyo?
Unsa ang nakapadani kanimo mahitungod kang Pablo niini nga mga bersikulo?
Nganong motuo ka nga si Pablo adunay kaisog ug kalig-on sa pagpamatuod kang Kristo sa ingon kalisod nga mga sitwasyon?
Ngano kaha nga importante ang pagpakigbahin sa pagpamatuod bisan kon ang uban lagmit mosalikway niini?
Basaha ang mosunod nga pamahayag, pamalandongi unsaon niini pagtabang kanimo nga makabaton sa kaisog sa pagpamatuod sama sa gibuhat ni Pablo.
Samtang naghatag og gibug-aton nga ang pagpakigbahin sa atong pagpamatuod ngadto sa uban dili kinahanglan nga hingpit ug mahimong magkinahanglan og pagbansay, si Elder Dieter F. Uchtdorf sa Korum sa Napulog Duha ka Apostoles mipakigbahin sa mosunod.
Imahe
Opisyal nga hulagway ni Elder Dieter F. Uchtdorf sa Korum sa Napulog Duha ka Apostoles, 2006. Gitawag isip Ikaduhang Magtatambag sa Unang Kapangulohan, 3 sa Pebrero 2008. Gihimong opisyal nga hulagway niadtong 2008 nga gipuli sa litrato nga gikuha niadtong 2004.
Sa bisan unsang paagi nga natural o normal para nimo, ipaambit sa mga tawo ngano nga si Jesukristo ug ang Iyang Simbahan importante para nimo. …
Sabta nga dili imong trabaho ang pagkabig sa mga tawo. Mao kana ang tahas sa Espiritu Santo. Imong tahas ang pagpakigbahin kon unsa ang anaa sa imong kasingkasing ug ang pagpuyo sumala sa imyong gituohan.
2. Kompletoha ang mosunod nga kalihokan, ug tubaga ang mga pangutana sa ubos diha sa imong journal sa pagtuon:
Sa imong journal sa pagtuon, paghimo og duha ka kolum. Sa usa ka kolum, pamalandongi ug irekord ang imong personal nga pagpamatuod, lakip ang personal nga mga kasinatian nga nagpalig-on ug nakapahimo sa imong pagpamatuod sa Langitnong Amahan, ni Jesukristo, ug sa Ilang ebanghelyo. Sa pikas nga kolum, irekord ang bisan unsa nga mga hunahuna ug mga impresyon mahitungod sa unsaon nimo pagpakigbahin niini nga pagpamatuod ngadto sa uban sa imong inadlaw-adlaw nga kinabuhi, sama sa gibuhat ni Pablo.
Sa unsa nga mga paagi nga ang Manluluwas usa ka ehemplo sa pagpakigbahin sa pagpamatuod bisan pa man sa tubag o reaksiyon sa uban? (tan-awa sa Doktrina ug mga Pakigsaad 138:25–26).
Ikaw lagmit mobati og pagduha-duha o kanerbiyos mahitungod sa pagpamatuod sa Manluluwas. Unsaon niini pagtabang kanimo sa paghunahuna kon unsa ang gibati sa Manluluwas mahitungod sa imong mga paningkamot sa pagpamatuod Kaniya?
Opsiyonal: Gustong Makakat-on Pa og Dugang?
Asa man ko makakat-on og dugang mahitungod sa unsa ang pagpamatuod ug unsaon pagpalig-on sa akong kaugalingong pagpamatuod?
Alang sa tabang sa pagsabot kon unsa ang usa ka pagpamatuod ug unsaon sa pagpalig-on sa imong kaugalingon nga pagpamatuod, basaha ang Gospel Topics nga artikulo nga “Testimony [Pagpamatuod]” (topics.ChurchofJesusChrist.org).
Alang sa mga ehemplo kon sa unsang paagi ang uban mipalig-on sa ilang mga pagpamatuod, ikonsiderar ang pagtan-aw sa bidyo nga “Increase Your Testimony [Palamboa ang Inyong Pagpamatuod]” (4:59), anaa sa ChurchofJesusChrist.org.
Nganong importante man nga magmaisogon sa akong pagpamatuod?
Si Elder Quentin L. Cook sa Napulog Duha ka Apostoles mitudlo:
Imahe
Opisyal nga hulagway ni Elder Quentin L. Cook. Gitawag ngadto sa Korum sa Napulog Duha ka Apostoles niadtong 6 sa Oktubre 2007.
Ang “mga maisug diha sa pagpamatuod ni Jesus” [ Doktrina ug mga Pakigsaad 76:79 ] mao ang yano, mahinungdanon nga pagsulay niadtong makapanunod sa mga panalangin sa celestial nga gingharian ug niadtong anaa sa mas ubos nga terrestrial nga gingharian. …
Ang pagkamaisugon sa atong pagpamatuod ni Jesus mao ang tikanganang bato sa pagkwalipay alang sa kalooy sa Manluluwas ug sa celestial nga gingharian.
Unsaon man nako sa pagpakigbahin sa akong pagpamatuod sa normal ug sa natural nga mga paagi?
Alang sa mga ehemplo kon unsaon sa pagpakigbahin sa imong pagpamatuod sa normal ug natural nga mga paagi, ikonsiderar ang pagtan-aw sa bidyo nga “Sharing Your Beliefs [Pagpakigbahin sa Inyong mga Gituohan]” (2:02), anaa sa ChurchofJesusChrist.org. Mahimo usab nimong ikonsiderar ang pagsuhid sa web page nga “Mapakigbahin nga Sulod [Content] alang sa mga Higala,” anaa sa ChurchofJesusChrist.org, o ang pagbasa sa artikulo nga “Mga Baroganan sa Pagpangalagad: Unsaon sa Pagpakigbahin sa Pagpamatuod sa Mas Natural nga Paagi” (Liahona, Mar. 2019, 8–11).