Seminary
Susiha ang Inyong Nakat-onan 5

Susiha ang Inyong Nakat-onan 5

Mateo 21–26; Marcos 11–14; Lucas 19–21; Juan 12–13

Young woman sitting on a bed reading scriptures.

Kini nga leksiyon gituyo alang sa pagtabang kaninyo nga makatimbang-timbang sa mga tumong nga inyong gitakda ug sa personal nga paglambo nga inyong nasinati atol sa inyong pagtuon sa Bag-ong Tugon.

Unsay inyong nakat-onan?

Gahini og panahon nga mapamalandongan ang unsay inyong bag-ong nakat-onan gikan sa inyong pagtuon sa Bag-ong Tugon. Ang mosunod nga mga hulagway tingali makatabang kaninyo. Tingali makatabang usab ang pagdangop ngadto sa bag-o ninyong mugbo nga mga sulat diha sa ihyong journal sa pagtuon. Ang mosunod nga kalihokan makatabang sa inyong pagtimbang-timbang agig resulta sa unsay inyong nakat-onan.

Jesus turning over a table of a money changer in the temple. Outtakes include images of Christ alone and with the crowd of merchants and buyers fleeing, people buying goods, and people looking.
Jesus washing Peter’s feet. Outtakes show similar scenes.
The resurrected Jesus Christ (wearing white robes with a magenta sash) standing above a large gathering of clouds. Christ has His arms partially extended. The wounds in the hands of Christ are visible. Numerous angels (each blowing a trumpet) are gathered on both sides of Christ. A desert landscape is visible below the clouds. The painting depicts the Second coming of Christ. (Acts 1:11)

Writing on a piece of paper with a pen or pencil. 1. Pamalandongi ug tubagi ang mosunod nga mga pangutana diha sa inyong journal sa pagtuon:

  • Unsa man ang bag-o lang ninyong nakat-onan mahitungod kang Jesukristo nga labing makahuluganon kaninyo? Unsa nga mga asoy sa kasulatan ang nakatabang ninyo nga makaangkon niini nga panabot mahitungod Kaniya?

  • Unsa nga mga aksiyon ang inyong gihimo aron mahimong mas mapahinungoron nga disipulo ni Jesukristo?

  • Unsa nga [mga] sunod nga lakang ang inyong buhaton aron molambo isip tinun-an sa Manluluwas?

Higugmaa ang Dios ug higugmaa ang imong silingan

Bag-o lang kamong nagtuon sa pagtulon-an ni Jesus nga ang duha sa labing dagkong sugo nga mao ang [paghigugma sa] Ginoo sa tibuok mong kasingkasing, kalag, ug hunahuna ug ang [paghigugma sa] imong isigkatawo sama sa imong kaugalingon (tan-awa sa Mateo 22:36–39).

Kon kamo adunay kahigayonan nga makigsulti og tawo sa duol, hangyoa sila nga tubagan ang mosunod nga pangutana aron makakuha kamo og dugang nga mga panabot. Kon kamo nag-inusara, hunahunaa kon unsaon ninyo sa pagtubag ang maong pangutana.

  • Ngano kaha nga kining mga sugoa gikonsiderar man nga labing dako nga mga sugo?

Kamo usab bag-ong nakat-on mahitungod sa paghugas ni Jesus sa tiil sa Iyang mga disipulo ug paghatag kanila og bag-ong sugo nga maghigugmaay sa usag usa sama sa Iyang paghigugma kanila (tan-awa sa Juan 13).

Niining duha ka kasinatian sa pagkat-on, tingali gihangyo kamo nga mohimo og plano sa paglihok sa mga pagtulon-an sa Manluluwas ug mosunod sa Iyang ehemplo.

Writing on a piece of paper with a pen or pencil. 2. Tubagi ang labing minos duha sa mosunod nga mga pangutana diha sa inyong journal sa pagtuon:

  • Kumusta ang inyong kasinatian sa paglihok sa mga pagtulon-an sa Manluluwas?

  • Unsay inyong gibati mahitungod sa gugma ni Jesukristo alang kaninyo ug alang sa uban samtang kamo misanong sa mga pagdapit nga gihatag diha sa klase?

  • Unsa ang inyong gusto nga buhaton o ipadayon pagbuhat agig resulta sa mga pagtulon-an sa Manluluwas?

Ang Ikaduhang Pag-anhi ni Jesukristo

Usa ka labing maayong paagi sa pagpasayon sa mga pagtulon-an sa ebanghelyo mao ang pagpasabot niini sa unsay lebel sa usa ka bata. Aron matabangan kamo nga mapasabot ang importante nga aspeto sa Ikaduhang Pag-anhi sa Manluluwas gamit ang inyong kaugalingong mga pulong, pagsulat og usa ka summary sama nga kamo ang nagsulat niini alang sa usa ka bata.

Ang katuyoan sa inyong summary mao ang pagtubag sa duha ka pangutana:

  • Unsa ang atong mahimo aron maandam alang sa Ikaduhang Pag-anhi ni Jesukristo?

  • Nganong mahimayaon man ang Ikaduhang Pag-anhi sa Manluluwas? (Hinumdomi nga sa miagi nga leksiyon, nabasa tingali ninyo ang pagdapit ni Elder Neil L. Andersen nga ihanduraw ug isaysay ang mahimayaong hitabo nga naglibot sa Ikaduhang Pag-anhi [tan-awa sa “Umabot ang Imong Gingharian,” Liahona, Mayo 2015, 122].)

Ang mosunod nga kapanguhaan makatabang ninyo sa pagrebyo sa unsay inyong nakat-onan.

Writing on a piece of paper with a pen or pencil. 3. Irekord ang inyong summary diha sa inyong journal sa pagtuon. Siguroha nga ang inyong pagminubo [summary] motubag sa duha ka pangutana nga nalista sa ulohan niini nga kalihokan.