Fifehezana fotopampianarana: Matio 11:28–30
“Mankanesa aty Amiko … fa Izaho no hanome anareo fitsaharana”
Nampianatra i Jesoa Kristy fa raha manatona Azy isika dia, hanamaivana ny enta-mavesatsika ary hanome antsika fitsaharana Izy. Ity lesona ity dia hanome anao fahafahana hanazava ny fahatakaranao an’ity fotopampianarana ity amin’ny alalan’ny fampiharana ireo fitsipiky ny fahazoana fahalalana ara-panahy amin’ny rafi-tantara iray izay mitovitovy amin’ny zavatra izay efa niainanao teo amin’ny fiainanao manokana.
Ianaro tsianjery sy hazavao
Manaova fanazaran-tena amin’ny fanaovana tsianjery ny andinin-tsoratra masina sy ny andian-teny manan-danja anatin’ny soratra masina ho an’ny Matio 11:28–30 amin’ny alalan’ny fampiasana ny litera voalohany amin’ireo teny tsirairay izay mandrafitra an’ilay andian-teny.
“Matio __:28–__: Mankanesa atỳ a_, ianareo r__ izay m____ fatratra s__ mavesatra e____, fa Izaho no h___ anareo f___.”
Ny application Maîtrise de la doctrine dia afaka manampy anao koa hitadidy ity adian-teny manan-danja ao amin’ny soratra masina ity.
Manazava ny fahamarinana
Tadidio ny atao hoe zioga (jereo ity sary manaraka ity). Avereno jerena ny Matio 11:28-30, dia mitadiava fahamarinana izay nampianarin’ny Mpamonjy.
1. Vitao ao anatin’ny diary fandalinanao ity manaraka ity:
Raha ny sarin’ilay zioga noresahana dia hazavao ny fomba ahafahan’ny Mpamonjy manampy antsika amin’ireo enta-mavesatra izay entintsika. Aza hadinoina ny mampiditra ny anjara andraikitsikarehefa miara-miasa amin’i Kristy isika.
Fizàrana mampihatra
Raha ilaina dia, avereno jerena ireo fitsipiky ny mahazo fahalalana ara-panahy amin’ny alalan’ny fandalinana ireo andiam-pehezanteny faha 5–12 ao amin’ny “Fahazoana fahalalana ara-panahy” izay hita ao anatin’ny fizarana misy ny Tahirin-kevitra fototra ho an’ny Fifehezana fotopampianarana 2020). Avy eo dia ampifandraiso amin’ireto fehezan-teny manaraka tsirairay ireto ny fitsipika mifanaraka amin’ny mahazo fahalalana ara-panahy.
(Jereo ny Valin’ny andiam-panontaniana manan-danja izay hita any amin’ny farany lesona mba hitadiavana ireo valiny marina.)
-
Afaka miaro antsika amin’ny fampahalalana diso sy amin’ireo izay mikatsaka ny hamotika ny finoana ny fianarana mamantatra ireo loharano tsy azo antoka sy miala amin’izany.
-
Rehefa mikatsaka ny hampitombo ny fahatakarantsika isika sy ny hamaha ireo olana, dia zava-dehibe ny hianteherantsika amin’ny fijoroana ho vavolombelona izay efa ananantsika momba an’i Jesoa Kristy sy ny Famerenana ny filazantsarany amin’ny laoniny ary ireo fampianaran’ireo mpaminany voatendriny.
-
Mikatsaka ny fanampian’ny Fanahy Masina isika mba hahitana ireo zavatra amin’ny fomba hahitan’ny Tompo azy ireny.
-
Manao asa amim-pinoana
-
Mamakafaka ireo hevi-dehibe sy ireo fanontaniana amin’ny fomba fijery mibanjina ny mandrakizay
-
Mikatsaha fahatakarana bebe kokoa amin’ny alalan’ireo loharanom-pahalalana izay nosafidin’ Andriamanitra
Rafi-tantara
2. Ataovy ao anatin’ny diary fandalinanao soratra masina ity manaraka ity:
Mamoròna rafi-tantaran’olona noforomporonina mitovitovy taona aminao izay mizioga enta-mavesatra ankehitriny ary ataovy anatina fehezan-teny roa na telo. Asio anarana, sy enta-mavesatra manokana, ary antsipiriany iray na roa momba ny fahatsapan’ilay olona ao anatin’izany.
Mahazo fahalalana ara-panahy
Eritrereto ny fomba ahafahanao mampiasa ireo fitsipiky ny fahazoana fahalalana ara-panahy mba hanampiana ilay olona ao amin’ilay rafi-tantara. Valio ireto fanontaniana manaraka ireto mba hanampiana anao.
Manao asa amim-pinoana
-
Inona ny zavatra nataonao ka nahatonga anao hatoky an’ Andriamanitra sy hitodika any Aminy rehefa nisedra olana ianao?
-
Inona avy ireo lesona nianaranao avy tamin’ny fampiharana finoana an’i Jesoa Kristy teo aloha ka afaka manampy amin’ity toe-javatra ity? Amin’ny fomba ahoana?
Mamakafaka ireo hevi-dehibe sy ireo fanontaniana amin’ny fomba fijery mibanjina ny mandrakizay
-
Inona ny zavatra fantatrao momba an’i Jesoa Kristy izay mahatonga Azy afaka manampy tamin’ny fitondrana ireo enta-mavesatra?
-
Ahoana no mahatonga ny fiatrehana ireo enta-mavesatra sy ireo olana i eo amin’ny fiainantsika ho anisan’ny zava-dehibe ao amin’ny drafitry ny Raintsika any An-danitra?
Mikatsaka fahatakarana bebe kokoa amin’ny alalan’ireo loharanom-pahalalana nofinidin’ Andriamanitra
-
Ahoana no ahafahan’ny fahafantarana ny fotopampianarana izay hita ao amin’ny Matio 11:28–30 hanampy amin’ny fiatrehana io olana na enta-mavesatra io?
-
Inona ny andinin-tsoratra masina na fanambarana ara-paminaniana hafa izay mety afaka hanampy? Amin’ny fomba ahoana?
Mitondra ny enta-mavesatra
3. Ataovy ao anaty diary fandalinanao ity sahanasa manaraka ity:
Manorata taratasy ho an’ilay olona amin’ny rafi-tantara amin’ny alalan’ny fampiasana ny zavatra izay hitanao. Ampidiro ireo fahamarinana izay hita ao amin’ny Matio 11:28–30 sy ireo loharanom-pahalalana hafa mba hanomezana fampiononana sy fankaherezana azy.
-
Fitsipika inona ao amin’ny mahazo fahalalana ara-panahy no tsapanao fa nanampy anao indrindra tamin’ny fanomanana ny famaliana io rafi--tantara io? Nahoana?
Valin’ny andiam-panontaniana manan-danja: 1. D; 2. A; 3. B