Վարդապետության սերտման կրկնություն 10

Կիրառեք վարդապետության սերտման սուրբ գրությունների հատվածները

Վարդապետության սերտման նպատակներից մեկն է օգնել ձեզ սովորել, թե իրական կյանքի իրավիճակներում ինչպես կիրառել վարդապետության սերտման սուրբ գրությունների հատվածներում ուսուցանված վարդապետությունը: Այս դասը ձեզ հնարավորություններ կտա կիրառել այս տարի սովորած հատվածներից մի քանիսը:

Վարդապետություն իրական կյանքի համար

Կրկնեք հետևյալ աղյուսակում ցուցադրված վարդապետության սերտման չորս հատվածները: Հետևյալ սցենարները կարդալիս որոշեք, թե որ հատվածը կարող է օգնել յուրաքանչյուր սցենարում:

Սուրբ գրության հղումը	Սուրբ գրության հիմնական արտահայտությունը
Սուրբ գրության հղումը Մատթեոս 22.36–39	Սուրբ գրության հիմնական արտահայտությունը «Սիրիր քո Տէր Աստուծուն։ … Սիրիր քո ընկերին»։
Սուրբ գրության հղումը Ղուկաս 22.19-20	Սուրբ գրության հիմնական արտահայտությունը Հիսուս Քրիստոսը պատվիրեց` ճաշակեք հաղորդությունը «իմ յիշատակի համար»:
Սուրբ գրության հղումը Ղուկաս 24.36–39	Սուրբ գրության հիմնական արտահայտությունը «Ոգին մարմին ու ոսկորներ չունի. ինչպես տեսնում եք, ես ունեմ»:
Սուրբ գրության հղումը Հովհաննես 17.3	Սուրբ գրության հիմնական արտահայտությունը «Եվ սա է հավիտենական կյանքը, որ ճանաչեն քեզ միայն ճշմարիտ Աստուած և Հիսուս Քրիստոսին»։

1. Կարլոսը ունի մի ընկեր, ով մեկ այլ քրիստոնեական հավատք է դավանում և համոզված է, որ Հիսուս Քրիստոսը հոգի է և չունի ֆիզիկական մարմին:

2. Լիզն իրեն համարում է ամեն ինչ հանդուրժող մարդ՝ նա ընդունում է ցանկացած վարքագիծ, եթե այն անկեղծ է: Այդ պատճառով նրա մոտ որոշ հարցեր են առաջացել Երկնային Հոր՝ ամուսնության և ընտանիքի վարդապետության վերաբերյալ: Այս հարցերի պատճառով Լիզը վերջերս դադարել է հաճախել եկեղեցի և ապրել այլ պատվիրաններով:

3. Մարիան մտահոգված է, թե ինչպես կարող է հաղորդությունը դարձնել ավելի իմաստալի փորձառություն:

4. Ֆրանկը դադարել է ուշադիր լինել սեմինարիայի դասերի և կիրակնօրյա դպրոցի ժողովների ժամանակ, որովհետև նա զգում է, որ արդեն բավարար գիտելիքներ ունի Երկնային Հոր և Հիսուս Քրիստոսի մասին:

Ընտրեք սցենարներից մեկը և մտածեք, թե վարդապետության սերտման որ հատվածին է այն համապատասխանում:

1. Նշեք ձեր ընտրած սցենարը և վարդապետության սերտման համապատասխան հատվածը, որը լավագույնս վերաբերում է իրավիճակին: Սուրբ գրությունների ուսումնասիրության ձեր օրագրում պատասխանեք հետևյալ հարցերին.

• Ձեր ընտրած հատվածը որքանո՞վ է կիրառելի այս սցենարի համար:

• Սցենարում ներկայացված մարդը այս հատվածի օգնությամբ ի՞նչ կարող է հասկանալ Երկնային Հոր, Հիսուս Քրիստոսի վերաբերյալ և մեզ հետ կապված Նրանց ցանկությունների մասին:

• Ի՞նչ գործողություններ կառաջարկեիք, որ տվյալ անձը կատարեր՝ ընտրված ճշմարտությունները կիրառելու համար: Ինչո՞ւ:

Կիրառեք վարդապետության սերտման հատվածները անձնական հանգամանքներում

2. Կատարեք հետևյալ վարժությունը.

Ձեր օրագրում նկարեք մի պատանի և գրեք նրա տարիքը, սեռը և ընտանեկան իրավիճակը: Այդ մարդը կարող է լինել իրական կամ մտացածին: Ներառեք մի քանի խնդիրներ կամ դժվարություններ, որոնք այդ մարդը կարող է ունենալ այս պահին:

Կրկնեք ստորև ներկայացված վարդապետության սերտման հատվածները (ինչպես նաև ձեր կողմից ընտրված հատվածները) և որոշեք, թե որոնք կարող են օգտակար լինել տվյալ սցենարում:

Սուրբ գրության հղումը	Սուրբ գրության հիմնական արտահայտությունը
Սուրբ գրության հղումը Ղուկաս 2.10–12	Սուրբ գրության հիմնական արտահայտությունը «Թէ այսօր ձեզ Փրկիչ ծնուեցավ Դաւիթի քաղաքումը. որ է Քրիստոս Տէրը»:
Սուրբ գրության հղումը Հովհաննես 3.5	Սուրբ գրության հիմնական արտահայտությունը «Եթե մէկը ջրից եւ Հոգուց չծնուի, նա կարող չէ Աստուծոյ արքայությունը մտնել»:
Սուրբ գրության հղումը Հովհաննես 3․16	Սուրբ գրության հիմնական արտահայտությունը «Որովհետեւ Աստուած այնպէս սիրեց աշխարհքը որ իր միածին Որդին տուաւ»:
Սուրբ գրության հղումը Մատթեոս 5.14–16	Սուրբ գրության հիմնական արտահայտությունը «Այսպէս լուսաւորէ ձեր լույսը մարդկանց առաջին»:
Սուրբ գրության հղումը Մատթեոս 11.28–30	Սուրբ գրության հիմնական արտահայտությունը «Ինձ մոտ եկեք, ամեն վաստակածներ եւ բեռնաւորուածներ. եւ ես հանգիստ կտամ ձեզ»:
Սուրբ գրության հղումը Մատթեոս 16.15–19	Սուրբ գրության հիմնական արտահայտությունը Հիսուսն ասաց. «Ես կտամ քեզ երկնքի արքայութեան բանալիները»:
Սուրբ գրության հղումը Հովհաննես 7.17	Սուրբ գրության հիմնական արտահայտությունը «Եթե մեկը կամենում է նրա կամքն անել, նա կիմանա այս վարդապետության համար»։
Սուրբ գրության հղումը Մատթեոս 22.36–39	Սուրբ գրության հիմնական արտահայտությունը «Սիրիր քո Տէր Աստուծուն։ … Սիրիր քո ընկերին»։
Սուրբ գրության հղումը Ղուկաս 22.19-20	Սուրբ գրության հիմնական արտահայտությունը Հիսուս Քրիստոսը պատվիրեց` ճաշակեք հաղորդությունը «իմ յիշատակի համար»:
Սուրբ գրության հղումը Հովհաննես 17.3	Սուրբ գրության հիմնական արտահայտությունը «Եվ սա է հավիտենական կյանքը, որ ճանաչեն քեզ միայն ճշմարիտ Աստուած և Հիսուս Քրիստոսին»։
Սուրբ գրության հղումը Ղուկաս 24.36–39	Սուրբ գրության հիմնական արտահայտությունը «Ոգին մարմին ու ոսկորներ չունի. ինչպես տեսնում եք, ես ունեմ»:

Կարճ գրառում ուղղեք սցենարում ներկայացված պատանուն: Ներառեք հետևյալը.

• Վարդապետության սերտման հատված, որը, ըստ ձեզ, կարող է օգնել նրան հասկանալ Երկնային Հոր և Հիսուս Քրիստոսի ցանկություններն իր համար և ինչու:

• Անձնական փորձառություն, սուրբգրային պատմություն կամ որևէ օրինակ Փրկչի կյանքից, որը կապված է հատվածում ուսուցանվածի հետ, և կարող է քաջալերել այդ մարդուն:

• Գործողություններ, որոնք նա կարող է կատարել՝ ճշմարտությունները կիրառելու համար: (Օրինակ՝ Ղուկաս 22.19-20 հատվածների համար կարող եք խորհուրդ տալ հրավիրել Սուրբ Հոգու ազդեցությունը և մի քանի բան հիշել Փրկչի մասին հաղորդության ժամանակ կամ Հովհաննես 7.17 հատվածի համար կարող եք առաջարկել կարդալ ելույթներ, որոնք նրան կօգնեն ավելի լավ հասկանալ Երկնային Հորը և Հիսուս Քրիստոսին):

• Ձեր սեփական վկայությունը Հիսուս Քրիստոսի մասին և հատվածից ընտրված ճշմարտությունները:

Եթե ձեր նշումը հասցեագրված է իրական մարդուն, կարող եք տալ այն այդ մարդուն կամ քննարկել նրա հետ: