Faamanatu 10 o le Atamai i Aoaoga Faavae
Faaaoga Fuaitau o le Atamai i Aoaoga Faavae
O se tasi faamoemoega o le atamai i aoaoga faavae o le fesoasoani atu lea ia te oe e aoao pe faapefea ona faaaoga aoaoga faavae o loo aoaoina i fuaitau o mau o le atamai i aoaoga faavae i tulaga moni o le olaga. O lenei lesona o le a tuuina atu ai ia te oe ni avanoa e faataitai ai ona faaaoga nisi o fuaitau na e suesueina i lenei tausaga.
Aoaoga faavae mo le olaga moni
Toe faamanatu fuaitau e fa o le atamai i aoaoga faavae i le siata lenei. A o e faitauina tulaga faataitai o loo i lalo, fuafua po o le fea o fuaitau o le atamai i aoaoga faavae e ono fesoasoani i tulaga faataitai taitasi.
|
Mau Faasino o Tusitusiga Paia |
Fasifuaitau Autu o Mau |
|---|---|
Mau Faasino o Tusitusiga Paia | Fasifuaitau Autu o Mau “E te alofa atu i le Alii lou Atua. … E te alofa atu i lē lua te tuaoi.” |
Mau Faasino o Tusitusiga Paia | Fasifuaitau Autu o Mau Na poloai mai Iesu Keriso, ia aai ma feinu i le faamanatuga “e fai ma faamanatuga ia te au.” |
Mau Faasino o Tusitusiga Paia | Fasifuaitau Autu o Mau “Aua o le agaga e leai sona aano ma ni ivi, pei o a’u nei ua outou vaavaai i ai.” |
Mau Faasino o Tusitusiga Paia | Fasifuaitau Autu o Mau “O le ola e faavavau foi lenei, ia latou iloa oe le Atua moni e toatasi, ma Iesu Keriso.” |
-
O Kalosi e i ai sana uo e auai i se isi faatuatuaga Kerisiano ua faaalia lona talitonuga e faapea o Iesu Keriso o se agaga ma e leai Sona tino faaletino.
-
E vaai Lise ia te ia lava o se tagata e talia soo se mea, e aofia ai le taliaina o soo se amioga ae ia tau lava ina faamaoni. O lenei mea na taitai atu ai o ia e fesiligia le aoaoga faavae a le Tama Faalelagi mo le faaipoipoga ma le aiga. Ona o ana fesili, sa le’i leva ona le toe auai Lise i le lotu ma le ola ai i isi poloaiga.
-
Ua tau tomanatu Maria pe mafai faapefea ona ia faia le taumafaina o le faamanatuga o se aafiaga e sili atu ona anoa.
-
Ua le toe gauai atu Farani i lana vasega seminare ma sauniga o le Aoga Sa ona ua ia lagona ua lava mea ua ia iloa e uiga i le Tama Faalelagi ma Iesu Keriso.
Filifili se tasi o ata faataitai, ma mafaufau e uiga i le fuaitau o le atamai i aoaoga faavae ua e faafetauia i ai.
1. Lisi po o le fea o ata faataitai na e filifilia ma le fuaitau o le atamai i aoaoga faavae e te lagona ua sili ona talanoaina ai le tulaga. Ona, tali lea o fesili nei i lau api faamaumau mo suesuega.
-
E faapefea e le fuaitau o le atamai i aoaoga faavae na e filifilia ona faatatau i lenei ata faataitai?
-
O le a se mea e mafai ona fesoasoani ai lenei fuaitau i le tagata o loo i le ata faataitai ina ia malamalama ai e uiga i le Tama Faalelagi ma Iesu Keriso ma o La’ua naunautaiga mo i tatou?
-
O a ni faatinoga e mafai ona e fautuaina lenei tagata e fai ina ia faaaoga ai upumoni i le fuaitau na e filifilia? Aisea?
Faaaogaina o fuaitau o le atamai i aoaoga faavae i tulaga faaletagata lava ia
2. Faamaea le gaoioiga lenei:
I lau api faamaumau mo suesuega, tusi ai se ata faatusa faigofie o se talavou, ma tusi i lalo o latou tausaga, itupa, ma tulaga faaleaiga. O lenei tagata e mafai ona moni pe vaai faalemafaufauina foi. Ia aofia ai ni nai fesili patino, faafitauli, po o luitau o loo feagai ma lenei tagata i le taimi nei.
Toe faamanatu fuaitau o le atamai i aoaoga faavae o loo i lalo (ma soo se isi lava ua e filifilia) ma filima’oti pe o a fuaitau e ono fesoasoani i le ata faataitai.
|
Mau Faasino o Tusitusiga Paia |
Fasifuaitau Autu o Mau |
|---|---|
Mau Faasino o Tusitusiga Paia | Fasifuaitau Autu o Mau “Aua o le aso nei ua fanau ai i le aai o Tavita, lo outou Faaola, o le Alii ia o Keriso.” |
Mau Faasino o Tusitusiga Paia | Fasifuaitau Autu o Mau “Afai e le fanau se tasi i le vai ma le Agaga, e le mafai ona sao o ia i le malo o le Atua.” |
Mau Faasino o Tusitusiga Paia | Fasifuaitau Autu o Mau “Aua ua faapea lava ona alofa mai o le Atua i le lalolagi, ua ia aumai ai lona Atalii pele e toatasi.” |
Mau Faasino o Tusitusiga Paia | Fasifuaitau Autu o Mau “Ia faapea ona pupula atu lo outou malamalama i luma o tagata.” |
Mau Faasino o Tusitusiga Paia | Fasifuaitau Autu o Mau “Ia outou o mai ia te au, o outou uma o e tigaina ma mafatia i avega, o a’u foi e malolo ai outou.” |
Mau Faasino o Tusitusiga Paia | Fasifuaitau Autu o Mau Na fetalai Iesu, “Ou te avatu foi ia te oe ki o le malo o le lagi.” |
Mau Faasino o Tusitusiga Paia | Fasifuaitau Autu o Mau “Ai se tasi e fia fai lona finagalo, e iloa ai e ia le mataupu.” |
Mau Faasino o Tusitusiga Paia | Fasifuaitau Autu o Mau “E te alofa atu i le Alii lou Atua. … E te alofa atu i lē lua te tuaoi.” |
Mau Faasino o Tusitusiga Paia | Fasifuaitau Autu o Mau Na poloai mai Iesu Keriso, ia aai ma feinu i le faamanatuga “e fai ma faamanatuga ia te au.” |
Mau Faasino o Tusitusiga Paia | Fasifuaitau Autu o Mau “O le ola e faavavau foi lenei, ia latou iloa oe le Atua moni e toatasi, ma Iesu Keriso.” |
Mau Faasino o Tusitusiga Paia | Fasifuaitau Autu o Mau “Aua o le agaga e leai sona aano ma ni ivi, pei o a’u nei ua outou vaavaai i ai.” |
Tusi se faamatalaga puupuu i le talavou o i le ata faataitai. Ia aofia ai mea nei:
-
O le fuaitau o le atamai i aoaoga faavae e te lagona o le a sili ona fesoasoani ia i latou e malamalama ai i manaoga o le Tama Faalelagi ma Iesu Keriso mo i latou ma pe aisea.
-
O se aafiaga patino, tala mai tusitusiga paia, po o se faataitaiga mai le soifuaga o le Faaola e fesootai ma mea o loo aoaoina i le fuaitau ma e ono uunaia ai lenei tagata.
-
O faatinoga atonu latou te faia e faatino ai upumoni i le fuaitau o le atamai i aoaoga faavae na e fautuaina mai. (Mo se faataitaiga, mo le Luka 22:19–20 e mafai ona e faaaofia ai se fautuaga e uiga i le valaauliaina o le uunaiga a le Agaga Paia ma mea e manatua e uiga i le Faaola i le taimi o le faamanatuga, pe mo le Ioane 7:17 e mafai ona e fautuaina atu ni lauga e mafai ona latou faitau i ai ina ia malamalama atili ai i le Tama Faalelagi ma Iesu Keriso.)
-
O lau lava molimau ia Iesu Keriso ma upumoni na aoaoina i le fuaitau na e filifilia.
Afai na e tusia le faamatalaga i se tagata moni, mafaufau e tuuina atu ia i latou pe talanoa ma i latou e uiga i lau tusiga.