Faamanatu 11 o le Atamai i Aoaoga Faavae

Malamalama ma Faaaoga

O Iesu Keriso o loo tu i le sunako a o Ia faitau mai tusitusiga paia

O lenei lesona o le a fesoasoani ia te oe e toe faamanatu ai upumoni o loo maua i fuaitau o mau o le atamai i aoaoga faavae ma o le a fesoasoani ia te oe e faataitai ai le faaaogaina o nei upumoni i ni tulaga eseese.

Toefaamanatu fuaitau o le atamai i aoaoga faavae

Faaalu sina taimi e toe faamanatu ai fuaitau o le atamai i aoaoga faavae i le Feagaiga Fou. O fea o mau e te iloaina lelei? O fea o mau e itiiti lou iloa i ai?

O a nisi o upumoni o loo aoao mai e nei fuaitau e faapitoa ona anoa ia te oe?

Mau Faasino o Tusitusiga Paia	Fasifuaitau Autu o Mau
Mau Faasino o Tusitusiga Paia Luka 2:10–12	Fasifuaitau Autu o Mau “Aua o le aso nei ua fanau ai i le aai o Tavita, lo outou Faaola, o le Alii ia o Keriso.”
Mau Faasino o Tusitusiga Paia Ioane 3:5	Fasifuaitau Autu o Mau “Afai e le fanau se tasi i le vai ma le Agaga, e le mafai ona sao o ia i le malo o le Atua.”
Mau Faasino o Tusitusiga Paia Ioane 3:16	Fasifuaitau Autu o Mau “Aua ua faapea lava ona alofa mai o le Atua i le lalolagi, ua ia aumai ai lona Atalii pele e toatasi.”
Mau Faasino o Tusitusiga Paia Mataio 5:14–16	Fasifuaitau Autu o Mau “Ia faapea ona pupula atu lo outou malamalama i luma o tagata.”
Mau Faasino o Tusitusiga Paia Mataio 11:28–30	Fasifuaitau Autu o Mau “Ia outou o mai ia te au, o outou uma o e tigaina ma mafatia i avega, o a’u foi e malolo ai outou.”
Mau Faasino o Tusitusiga Paia Mataio 16:15–19	Fasifuaitau Autu o Mau Na fetalai Iesu, “Ou te avatu foi ia te oe ki o le malo o le lagi.”
Mau Faasino o Tusitusiga Paia Ioane 7:17	Fasifuaitau Autu o Mau “Ai se tasi e fia fai lona finagalo, e iloa ai e ia le mataupu.”
Mau Faasino o Tusitusiga Paia Mataio 22:36–39	Fasifuaitau Autu o Mau “E te alofa atu i le Alii lou Atua. … E te alofa atu i lē lua te tuaoi.”
Mau Faasino o Tusitusiga Paia Luka 22:19–20	Fasifuaitau Autu o Mau Na poloai mai Iesu Keriso, ia aai ma feinu i le faamanatuga “e fai ma faamanatuga ia te au.”
Mau Faasino o Tusitusiga Paia Ioane 17:3	Fasifuaitau Autu o Mau “O le ola e faavavau foi lenei, ia latou iloa oe le Atua moni e toatasi, ma Iesu Keriso.”
Mau Faasino o Tusitusiga Paia Luka 24:36–39	Fasifuaitau Autu o Mau “Aua o le agaga e leai sona aano ma ni ivi, pei o a’u nei ua outou vaavaai i ai.”

O se tasi o auala e manatua ai upumoni i tusitusiga paia o le fesootai atu lea i mea faitino o aso uma. Filifili ni fuaitau se lua o mau o le atamai i aoaoga faavae, ma toe faamanatu le fasifuaitau autu e fesootai ma mau taitasi. Ona fai lea o mea nei i fuaitau taitasi:

Tusi pe pue se ata o se mea faitino e te lagona e fesootai i le fasifuaitau autu o le fuaitau. (Mo se faataitaiga, mo le Mataio 5:14–16, e mafai ona e tusia pe pue se ata o se molī).
Tusi se faamalamalamaga puupuu pe faapefea ona fesootai le mea faitino i le upumoni o loo aoaoina i le fuaitau.

Faafesootaiina o upumoni i o tatou olaga

Na aoao mai e Elder David A. Bednar o le Korama a Aposetolo e Toasefululua se upumoni e mafai ona fesoasoani ia i tatou e faaaoga ai fuaitau o le atamai i aoaoga faavae. Na ia aoao mai o mataupu faavae o le talalelei “e maua ai le vaaiga taua o le upumoni e faavavau a o tatou faatautaia tulaga eseese, luitau, faaiuga, ma aafiaga o le olaga faitino” (“‘O Mataupu Faavae o La’u Talalelei,’”Liahona, Me 2021, 123–24). O mataupu faavae o loo maua i fuaitau o le atamai i aoaoga faavae e mafai ona fesoasoani ia i tatou e iloa ai pe faapefea ona tali atu i le tele o tulaga e ono tulai mai i o tatou olaga.

Manatunatu i upumoni a le Faaola

Toe manatunatu i fuaitau o mau o le atamai i aoaoga faavae ma fasifuaitau autu na aoaoina i le afa muamua o le tausaga (tagai i le siata lea e faaali mai i le amataga o le lesona).