Luka 24:1–12, 36–48

O Le Toetu o Iesu Keriso

Tuugamau gaogao o Iesu Keriso - pueina i Kosena, Iuta

Ina ua mavae le falelauasiga o le Faaola, sa aumai e soo faamaoni mea manogi i le tuugamau. Nai lo le mauaina o le tino maliu o le Faaola, sa latou maua se tuugamau avanoa. Na tautino mai e agelu ua toetu mai le Alii. Mulimuli ane i lena afiafi, ina ua faapotopoto faatasi le au soo, sa Ia afio ane ma faaali atu ia i latou Lona tino toetu. O lenei lesona e mafai ona fesoasoani ia te oe e faateleina ai lou malamalama i le Toetu o le Faaola ma le auala e aafia ai lou olaga.

O Le Toetu o Iesu Keriso

Iloilo le ata o le tuugamau avanoa o Iesu Keriso o loo maua i le amataga o lenei lesona, ma mafaufau loloto i au tali i fesili nei.

O le a le uiga o lenei ata ia te oe?

Tusitusi i luga o se fasipepa i se peni po o se penitala.

Ina ua maea ona ofofua atu e Iesu Keriso Lona soifua i luga o le satauro, sa ave ifo Lona tino ma afifi i se ie lino mama ma tuuina i totonu o se tuugamau. Ina ua mavae le Sapati, sa toe foi atu Maria le Makatala ma nisi o tamaitai faatuatua i le tuugamau i le taeao po (tagai Luka 24:10; Ioane 20:11–18)).

Faitau le Luka 24:1–12, ma vaavaai mo mea na latou maua ma aoaoina a o i ai i le tuugamau o le Faaola.

O le a sou manatu i mea na mafaufau i ai ma lagonaina e le au soo ina ua mavae mea sa latou vaaia ma faalogoina?

E lei pine ona mavae lenei aafiaga, sa faaali atu Iesu Keriso i ni soo se toalua i le ala i Emau (tagai Luka 24:13–32). Sa laua toe foi atu i Ierusalema e faasoa atu lo la aafiaga i le au Aposetolo (tagai Luka 24:33–35).

Faitau le Luka 24:36–48, ma vaavaai mo le mea na tupu ina ua faapotopoto soo o Iesu e talanoaina le faaali mai o le Faaola toetu.

E mafai foi ona e mafaufau e matamata le vitio “The Risen Lord Appears to the Apostles” (2:19), o loo maua i le ChurchofJesusChrist.org.

The Risen Lord Appears to the Apostles
The resurrected Christ appears to the Apostles and tells them, “Peace be unto you.” They touch His hands and feet and He eats with them. He tells them He will send them as His Father sent Him. Luke 24:36–41, 44–49; John 20:21

O leLuka 24:36–39 o se fuaitau o le atamai i aoaoga faavae. Mafaufau e faailoga fuaitau o le atamai i aoaoga faavae i se auala iloga ina ia mafai ai ona e mauaina gofie. O le a e aoao atili e uiga i lenei fuaitau o le atamai i aoaoga faavae i le lesona e sosoo ai.

O le a se mea e tumatila ia te oe i nei fuaiupu mai afioga a le Faaola i Ona soo?

Aisea e te manatu ai o nisi o muai fetalaiga a le Faaola ia i latou o le “Ia outou manuia”? (Luka 24:36).
O le a se mea ua e aoaoina mai nei fuaiupu e uiga i le po o ai le Faaola ma le mea e finagalo o Ia ia malamalama i ai Ona soo?

Faateleina lou malamalama i le Toetu o le Faaola

O se tasi o upumoni tatou te aoao mai nei fuaiupu e faapea E i ai se tino toetu o aano ma ivi o Iesu Keriso.

O le a le uiga o le toetu?

Toetu, “o le toe faatasia lea o le tino agaga ma le tino faaletino o aano ma ivi pe a mavae le oti,” ua mafai mo i tatou taitoatasi ona o Iesu Keriso (Taiala i Tusitusiga Paia, “ Resurrection,” scriptures.ChurchofJesusChrist.org). Ona o Lana Togiola ma le Toetu, o le Faaola ua mafai ai e i tatou taitoatasi ona nonofo faatasi ma avea e faapei o Ia.

Mafaufau loloto i soo se fesili o ia te oe e uiga i le Toetu o le Faaola ma lona uiga i lou olaga. O nisi o fesili atonu o loo ia te oe e uiga i le aoaoga faavae o le Toetu o le Faaola o loo lisiina atu lea i lalo. Mafaufau e lisi fesili nei i totonu o lau api talaaga mo suesuega.

Aisea e taua ai le i ai o se tino o aano ma ivi o Iesu Keriso?
O le a le taua o le Toetu o le Faaola i lo’u olaga?

O se tasi o auala e maua ai tali i a tatou fesili o le suesue lea i mea na aoao mai e perofeta ma aposetolo a le Alii. O loo i lalo nisi o aoaoga mai ia Elder D.Todd Christofferson o le Korama a Aposetolo e Toasefululua. A o e suesue i nei upu, vaavaai mo tali i nisi o au fesili. Mafaufau foi e saili soo se upu faaopoopo a auauna faauuina a le Alii e mafai ona fesoasoani ia te oe.

The Resurrection of Jesus Christ
D. Todd Christofferson shares many of the scriptural witnesses of the Resurrection of Jesus Christ as well as his own testimony.

Mafaufau mo sina taimi i le taua o le Toetu i le iloaina ai atoatoa o le faasinomaga moni o Iesu le Nasareta ma foia ai finauga ma fesili faalefilosofia o le olaga. Afai e moni lava na toetu Iesu, o lona uiga e mautinoa lava o Ia o se tagata paia. E leai se tagata ola ua i ai se mana e toe ola mai ai pe a mavae le oti. Ona sa toetu o Ia, e le mafai ai la ona faapea o Iesu ua na o se kamuta, se faiaoga, se aoao, po o se perofeta. Ona sa toetu o Ia, e ao la ona avea Iesu ma se Atua, o le Alo e Toatasi na Fanaua o le Tama.

O lea, o mea sa Ia aoaoina e moni; e le mafai ona pepelo le Atua.

O lea, o Ia o le Foafoa o le lalolagi, e pei ona Ia fetalai mai.

O lea, e moni le lagi ma seoli, e pei ona Ia aoao mai.

O lea, e i ai se lalolagi o agaga lea sa Ia asiasi i ai ina ua mavae Lona maliu.

O lea, o le a Ia toe afio mai, e pei ona fetalaia e agelu, ma “nofotupu patino i luga o le fogaeleele” [Mataupu Faavae o le Faatuatua 1:10].

O lea, e i ai se toetutu ma se faamasinoga mulimuli mo tagata uma.

(D. Todd Christofferson, “O Le Toetu o Iesu Keriso,” Liahona, Me 2014, 113)

Afai e lava se taimi, mafaufau e matamata le vitio “He Lives—Celebrate Easter Because Jesus Christ Lives” (2:26) a o e sauni e tali fesili nei. O loo maua lenei vitio i le ChurchofJesusChrist.org.

He Lives Again and So Will You
Ona o le Toetu, ua soifua ai Iesu Keriso. Ona o Ia, e te manumalo ai i le agasala ma maua ai le olioli e faavavau. Aoao atili i le auala e te iloa ai, talia, ma faasoa atu le olioli o le Toetu i le helives.mormon.org.

Tuu i le faitalia: O e Manao e Aoao Atili?

Aisea e taua ai le Toetu o Iesu Keriso ia te au?

I lana saunoaga “O Le A le Mea Ua Faia e lo Tatou Faaola mo i Tatou?” Na aoao mai e Peresitene Dallin H. Oaks o le Au Peresitene Sili le ala e aafia ai i tatou taitoatasi i le Toetu o le Faaola (Liahona, Me 2021, 75–77).