Toe Vakaiʻi Hono 13 ʻo e Fakataukei Fakatokāteliné
Ako Maʻuloto e Ngaahi Potufolofola mo e Ngaahi Kupuʻi Lea Mahuʻinga he Folofolá
ʻE lava ke tokoniʻi koe ʻi hoʻo manatuʻi e feituʻu ke maʻu ai e ngaahi potufolofolá mo e meʻa ʻoku nau akoʻí ʻi he taimi ʻokú ke vahevahe ai e ngaahi moʻoni ʻo e ongoongoleleí mo e niʻihi kehé. ʻOku fakataumuʻa ʻa e lēsoni ko ʻení ke tokoniʻi koe ke ke ako maʻuloto ʻa e ngaahi fakamoʻoni fakafolofolá mo e ngaahi kupuʻi lea mahuʻinga ki ha niʻihi ʻo e ngaahi potufolofola fakataukei fakatokāteline ʻo e Fuakava Foʻoú.
Ako maʻuloto e ngaahi kupuʻi lea mahuʻinga ʻi he folofolá ʻo fakaʻaongaʻi ha ngaahi ‘ata
ʻE lava ke tokoni atu ʻa e lēsoni ko ʻení ke ke toe vakaiʻi ʻa e ngaahi potufolofola fakataukei fakatokāteline ko ʻení mo fakakaukau ki he founga ʻe lava ke tokoniʻi ai koe ʻe he ngaahi moʻoni ʻoku akoʻi aí ʻi he ngaahi tūkunga lahi. Kapau kuo teʻeki ai ke ke fakaʻilongaʻi e ngaahi potufolofola ko ʻení mo honau ngaahi kupuʻi lea mahuʻinga ʻi hoʻo folofolá, fakakaukau ke fai ia.
|
Fakamoʻoni Fakafolofolá |
Kupuʻi Lea Mahuʻinga mei he Folofolá |
|---|---|
Fakamoʻoni Fakafolofolá | Kupuʻi Lea Mahuʻinga mei he Folofolá “Ko homou sinó ko e fale tapu ʻo e Laumālie Māʻoniʻoní.” |
Fakamoʻoni Fakafolofolá | Kupuʻi Lea Mahuʻinga mei he Folofolá “ʻOku ʻikai ai ʻa e tangatá kae ʻi he fefiné, pea ʻoku ʻikai ai ʻa e fefiné kae ʻi he tangatá, ʻi he ʻEikí.” |
Fakamoʻoni Fakafolofolá | Kupuʻi Lea Mahuʻinga mei he Folofolá “ʻOku hangē ʻoku mate kotoa pē ʻia ʻĀtamá, ʻe pehē foki ʻe moʻui kotoa pē ʻia Kalaisi.” |
Fakamoʻoni Fakafolofolá | Kupuʻi Lea Mahuʻinga mei he Folofolá ʻI he Toetuʻú, ʻoku ʻi ai ʻa e ngaahi nāunau ʻe tolu. |
Fakahaaʻi mai ʻa e Kupuʻi lea mahuʻingá
ʻE lava ke tokoni ʻa e ngaahi ʻatá mo e ngaahi fakaʻilonga kehe ki he sió ke tau manatuʻi ʻa e fakamatala mahuʻingá. Fakakaukau ki he founga ʻe tokoniʻi ai koe ʻe hono fakaʻaongaʻi ʻo e ngaahi fakatātaá ke ke manatuʻi ʻa e ngaahi fakamoʻoni fakafolofolá mo e ngaahi kupuʻi lea mahuʻingá.
-
Ko e hā ʻoku fakafofongaʻi ʻe he ngaahi fakataipe ko ‘eni?
Ko e ngaahi sīpinga ʻeni ʻo e ngaahi potufolofola fakataukei fakatokāteline ʻoku fakatātaaʻi ʻaki hono fakaʻaongaʻi ʻo e ngaahi fakataipé pe ngaahi ʻīmisí. Sio ki he ngaahi fakatātaá, pea vakai pe te ke lava ʻo ʻiloʻi ha potufolofola fakataukei fakatokāteline mo hono kupuʻi lea mahuʻingá.
1. Fakakakato ʻa e ʻekitivitī ko ení pea fakakau ia ʻi hoʻo tohinoa akó:
ʻI ha fanga kiʻi kaati tohi kehekehe ʻe fā pe laʻipepa iiki, toe hiki ʻa e ngaahi potufolofola fakataukei fakatokāteline takitaha naʻe lisi atu kimuʻá. Tā ʻi he tafaʻaki ʻe taha ʻo e kaati takitaha ha fakatātā ke tokoni atu ke ke manatuʻi ʻa e ngaahi kupuʻi lea mahuʻingá. Te ke lava ʻo tā haʻo ngaahi fakatātā pē ʻaʻau pe fakaʻaongaʻi ha ngaahi fakatātā hangē ko e clip art, emojis, pe ʻū tā. ʻOku ʻikai fie maʻu ʻe he ʻekitivitī ko ʻení ke ke hoko ko ha tokotaha tāvalivali taukei. ʻOku totonu ke fakangalongataʻa hoʻo tā fakatātaá ka ʻoku ʻikai totonu ke ke taʻeʻapasia pe toʻo maʻamaʻa ʻa e ngaahi tefito toputapú.
ʻI hoʻo ʻosí, fakaʻaongaʻi hoʻo ngaahi fakatātaá ke toe vakaiʻi ʻa e ngaahi kupuʻi lea mahuʻinga ʻo e folofolá. Kapau ʻe lava, vahevahe hoʻo fakamatalá mo ha kaungāmeʻa pe mēmipa ʻo e fāmilí. Feinga ke ke manatuʻi ʻa e lahi taha ʻo e ngaahi kupuʻi lea mahuʻingá ki he lahi taha ʻe lavá.
Fakaʻaongaʻi ʻo e ngaahi kupuʻi lea mahuʻinga ʻi he moʻuí
Ke toe vakaiʻi ʻa e ngaahi potufolofola naʻá ke toki ako maʻuloto, fai ʻa e kiʻi sivi ko ʻení, feinga ke ʻiloʻi ʻa e potufolofola fakataukei fakatokāteline ʻe lava ke tokoni lahi taha ʻi he ngaahi tūkunga takitaha ko ʻení:
-
ʻOku pehē ʻe ha finemui, “Ne u fanongo ʻi ha feituʻu ʻe toetuʻu e tokotaha kotoa pē koeʻuhí ko Sīsū Kalaisi. Ko e moʻoni ia?”
-
ʻOku fifili ha kaungāmeʻa pe ko e hā ʻoku fie maʻu ai ke tau tokangaʻi hotau sinó kapau te tau toetuʻu pē.
-
ʻOku ʻikai fakakaukau ha kaungāmeʻa ia ʻe ʻaonga e feingá ki he nofomalí.
-
Ne toki mālōlō ha kui tangata ʻa ha talavou, pea ʻoku ʻi ai ha ngaahi fehuʻi ʻa e talavoú fekauʻaki mo e moʻui hili ʻa e maté.