Վարդապետության սերտման կրկնություն 14

Հասկանալ և բացատրել

Վարդապետության սերտման նպատակներից մեկն է օգնել ձեզ հասկանալ վարդապետության սերտման հատվածներում ներկայացված Փրկիչի ուսմունքները և կարողանալ բացատրել դրանք ձեր խոսքերով: Այս դասը ձեզ հնարավորություն կտա ավելի լավ հասկանալ և բացատրել Նոր Կտակարանի վարդապետության սերտման սուրբ գրությունների հատվածներից մեկի կամ մի քանիսի մասին ճշմարտությունները:  

Կրկնություն

Հետևյալ վարժության ժամանակ սցենարներից յուրաքանչյուրը համապատասխանեցրեք վարդապետության սերտման այն հատվածի հետ, որը, ձեր կարծիքով, լավագույնս կուսուցաներ սցենարում ներկայացված մարդուն կամ մարդկանց:

Պատասխանները կարող եք գտնել այս դասի վերջում:

1. Ա Կորնթացիս 6.19–20

2. Ա Կորնթացիս 11․11

3. Ա Կորնթացիս 15.20–22

4. Ա Կորնթացիս 15.40–42

1. Ձեր ընտանիքի որոշ անդամներ հուսալքված են, որովհետև իրենց սիրելի մարդը վերջերս մահացավ, և նրանք կարծում են, որ երբեք չեն տեսնի նրան:

2. Որոշ մարդիկ կարծում են, որ իրենց մարմինները իրենցն են, և կարող են դրանց հետ վարվել՝ ինչպես կամենան: Նրանք չեն գիտակցում, որ Փրկիչը գին է վճարել մեզ փրկագնելու համար, ինչը բառացիորեն նշանակում է որ Նա «մեզ հետ է գնել»: Այդ պատճառով մենք չենք պատկանում ինքներս մեզ, այլ պարտք ենք Փրկիչին:

3. Բազմաթիվ մարդիկ հավատում են, որ կա դրախտ և դժոխք, բայց սխալ են հասկանում մահից հետո կյանքի և հարություն առած մարմինների մասին ճշմարտությունը:

4. Ձեր ընկերը հարցնում է ձեզ, թե դուք ինչու եք ավելի կարևորում ամուր ամուսնությունը և ընտանեկան հարաբերությունները, քան պրոֆեսիոնալ հաջողությունը և փողը:

Հասկացեք և բացատրեք

Նախագահ Ռասսել Մ. Նելսոնն ուսուցանել է, թե սուրբ գրություններն ինչպես կարող են կապել մեզ Հիսուս Քրիստոս հետ: Դուք կարող եք դիտել «Նախագահ Նելսոն. Սուրբ գրությունները ուսուցանում են մեզ Հիսուս Քրիստոսի մասին (Երիտասարդների համար)» (0:59) տեսանյութը ChurchofJesusChrist.org կայքում կամ կարդալ հետևյալ հայտարարությունը:

President Nelson – The Scriptures Teach Us About Jesus Christ (for Youth)

As we feast on the words of Christ daily, the words of Christ will tell us how to respond to difficulties we never thought we would face.

[Սուրբ գրություննեը] մեզ սովորեցնում են Հիսուս Քրիստոսի և Նրա ավետարանի մասին, Նրա Քավության մեծության և մեր Հոր երջանկության ու փրկագնման մեծ ծրագրի մասին: Ամեն օր Աստծո խոսքի մեջ ընկղմվելը շատ կարևոր է հոգևոր գոյատևման համար, հատկապես՝ աճող ընդվզման այս օրերին։ Երբ ամեն օր սնվենք Քրիստոսի խոսքերով, Քրիստոսի խոսքերը կասեն մեզ, թե ինչպես արձագանքենք այն դժվարություններին, որոնց երբևէ չենք մտածել, որ կբախվենք:

(Ռասսել Մ. Նելսոն. «Լսի՛ր Նրան», Լիահոնա, մայիս 2020, 89)

Պատկերացրեք, որ սկզբում ձեզ խնդրել են կիսվել մի սուրբ գրությունով, որը օգնել է ձեզ մի բան սովորել կամ զգալ Հիսուս Քրիստոս մասին: Ընտրեք վարդապետության սերտման մեկ հատված այս դասից կամ մեկ ուրիշ հատված Նոր Կտակարանից: Հրավիրեք Սուրբ Հոգուն օգնել ձեզ բացահայտել այնպիսի ճշմարտություններ Փրկիչի մասին, որոնք կօգնեն ձեզ ավելի լավ հասկանալ Նրան, Նրա ավետարանը, Նրա Քավությունը և Երկնային Հոր փրկության ծրագիրը:

1. Ձեր օրագրում պատասխանեք հետևյալ հարցերին.

• Վարդապետության սերտման ո՞ր հատվածն ընտրեցիք:

• Ի՞նչ ճշմարտություն կամ վարդապետություն եք բացահայտել այս հատվածում:

• Ինչպիսի՞ն կլինի մարդու կյանքը, եթե չիմանա ձեր կողմից բացահայտված ճշմարտությունը:

• Այս ճշմարտության ըմբռնումը ինչպե՞ս է ձեզ օգնել ավելի շատ մոտենալ Փրկիչին:

Կրկնողության պատասխանները. 1-բ, 2-դ, 3-ա, 4-գ