Seminary
Pagrebyo sa Doktrinal nga Kahanas 3

Pagrebyo sa Doktrinal nga Kahanas 3

Sabta ug Ipasabot

A group of young women are shown looking at a teacher. They discuss and talk together with each other.

Importante sa pag-angkon og doktrinal nga kahanas ang pagsabot sa mga piho nga mga tudling sa kasulatan ug ang pagpasabot sa mga kamatuoran nga gitudlo niini. Tinguha niini nga leksiyon nga tabangan ka nga mas makasabot ug magpraktis sa pagpasabot sa doktrina nga gitudlo sa mosunod nga mga tudling sa doktrinal nga kahanas: Mateo 5:14–16; Lucas 2:10–12; Juan 3:5; Juan 3:16.

Sa unsang paagi ka pinakamaayo nga makakat-on?

Adunay daghang paagi sa pagkat-on, ug lahi ang atong paagi sa pagkat-on ug paghinumdom sa impormasyon.

Writing on a piece of paper with a pen or pencil. 1. Basaha ang mosunod nga mga estilo sa pagkat-on, ug iranggo kini gikan sa 1 hangtod sa 4, nga ang 1 mao ang labing duol sa imong pamaagi ug ang 4 mao ang labing layo sa imong pamaagi. Makatabang kini kanimo sa pagtino kon unsang kalihokan ang imong buhaton sa laing bahin sa leksiyon.

  • Paghulagway diha sa imong hunahuna: Makakat-on ako pinaagi sa pagtan-aw ug paghunahuna. Ang pagdrowing, pagkolor, mga tsart, mga graph, ug visual media makatabang kanako nga makakat-on ug mahinumdoman ang impormasyon.

  • Pagpaambit sa ubang tawo: Ang pagsulat ug pagsulti sa ubang tawo makatabang kanako nga mas maayo nga makaproseso ug makakat-on.

  • Independiyenteng pagtuon: Mas gusto nakong magtuon nga mag-inusara, ug kumpiyansa ako sa pagtuki sa mga butang sa independiyente nga paagi.

  • Aktibo nga pagkat-on: Pinakamaayo akong makakat-on pinaagi sa paggamit sa akong mga lanin-laing bahin sa lawas, sama sa paghikap, pagsimhot, pagdungog, ug paglihok sa akong lawas.

Hunahunaa kon giunsa pagtukma sa Manluluwas ang Iyang pagtudlo aron matubag ang mga panginahanglan niadtong Iyang gitudloan.

  • Ngano kaha nga migamit ang Manluluwas og lain-laing mga estilo sa pagtudlo sa ubang tawo? Unsa ang gitudlo niini kanimo mahitungod Kaniya?

Paggamit sa imong estilo sa pagkat-on sa doktrinal nga kahanas

Pagtagana og panahon aron basahon ang mosunod nga mga pakisayran sa doktrinal nga kahanas sa Bag-ong Tugon. Tan-awa kon mahinumdoman nimo ang nalambigit nga importanteng hugpong sa mga pulong sa kasulatan.

  • Unsa niini nga mga tudling ang gibati nimo nga nasabtan nimo pag-ayo? Unsa ang gusto nimong mas masabtan?

Kompletoha ang kalihokan A, B, C, o D gamit ang isa sa mga miaging tudling sa doktrinal nga kahanas (o laing tudling sa doktrinal nga kahanas gikan sa Bag-ong Tugon) nga gusto nimong mas masabtan. Kon adunay panahon, pagkompleto og daghang mga kalihokan gamit ang lain-laing mga tudling sa doktrinal nga kahanas.

A: Paghulagway diha sa imong hunahuna

Paghimo og drowing, collage [gitapot nga mga hulagway], meme, pulong nga sining, word cloud [pundok sa mga pulong nga gihan-ay sa lain-laing hut-ong], o uban pang visual nga representasyon nga nagpakita kon unsa ang gitudlo sa imong tudling. Pindota kini nga mga link alang sa pipila ka mga pananglitan:

Pulong nga siningMga meme

B: Pagpakigbahin sa ubang tawo

Paghimo og plano aron itudlo ang imong tudling. Paghuna-huna og mga pangutana nga imong isukna aron tabangan kadtong imong gitudloan nga makasabot sa tudling, maghimo og video nga nagpasabot sa kahulogan sa mga importanteng pulong ug hugpong sa pulong, o mogamit og musika aron tudloan ang ubang tawo.

C: Pagtuon sa independiyente nga paagi

Pagpili og mga importanteng pulong gikan sa tudling nga tun-an. Irekord ang mga kahulogan, mga cross-reference, o mga pamahayag gikan sa mga lider sa Simbahan nga nagpalawom sa imong pagsabot.

D: Aktibo nga pagkakat-on

Paghimo o pag-ila og mga mahikap nga butang o mga sundanan nga mahimong magrepresenta sa tudling o mga partikular nga pulong o hugpong sa pulong gikan sa tudling. Pananglitan, alang sa Mateo 5:14–16, mahimo kang mogamit og lain-laing mga gigikanan sa kahayag aron ipakita ang “pasigaa ang inyong kahayag.”

Writing on a piece of paper with a pen or pencil. 2. Isumada ang kalihokan nga imong gipili sa imong journal sa pagtuon:

Writing on a piece of paper with a pen or pencil. 3. Aron susihon ang imong kasinatian sa pagkat-on, gamita ang mosunod nga mga opsiyon aron tubagon ang mga pangutana:

(A) Miuyon (B) Medyo miuyon (C) Wala miuyon dili usab supak (D) Wala miuyon

  1. Mas nasabtan nako ang (mga) tudling nga akong gipili.

  2. Gibati nako karon nga mas kompiyansa sa akong abilidad nga ipasabot ang (mga) tudling nga akong gipili sa laing tawo kon kinahanglanon nako.

  3. Nagtuo ako nga mapuslanon kanako ang paggamit og parehong paagi alang sa pagkat-on ug pagsusi sa uban pang mga tudling sa doktrinal nga kahanas.