Mateo 16:13–18

“Ikaw Mao ang Kristo”

Gipangutana ni Jesus ang Iyang mga disipulo kon kinsa Siya sigon sa gihunahuna sa ubang tawo ug kon unsa ang gituohan sa mismong mga Apostoles mahitungod Kaniya. Mitubag si Pedro pinaagi sa iyang pagpamatuod nga si Jesus mao ang Kristo, nga iyang nadawat pinaagi sa pagpadayag sa Espiritu Santo. Makatabang kanimo kini nga leksiyon nga masabtan ug mabati ang importansya sa pagdawat og pagpamatuod kang Jesukristo gikan sa Langitnong Amahan pinaagi sa Espiritu Santo.

Pakig-istorya sa Manluluwas

Hunahunaa nga ikaw ug ang pipila ka suod nga higala nakabaton og oportunidad nga makig-istorya sa Manluluwas nga si Jesukristo.

Sa imong hunahuna sama sa unsa kaha nga makaistorya ang Manluluwas?
Kon mangutana Siya kanimo kon unsa ang gihunahuna o gisulti sa mga tawo karon mahitungod Kaniya, unsa man ang imong isulti?

Basaha ang Mateo 16:13–14 aron makita kon giunsa pagtubag sa Iyang mga disipulo ang parehong pangutana.

Basaha ug markahi ang sunod nga mas personal nga pangutana sa Manluluwas nga anaa sa Mateo 16:15. Isulat sa imong journal sa pagtuon kon unsaon nimo pagtubag kon isukna kanimo sa Manluluwas kini nga pangutana.

Samtang nagpadayon ka sa pagtuon niini nga leksiyon, hunahunaa kon unsa ang imong gibuhat o mabuhat aron makabaton o mapalig-on ang imong pagpamatuod sa Manluluwas.

Ang girekord lamang sa mga kasulatan mao ang tubag ni Apostol Pedro sa pangutana sa Manluluwas.

Basaha ang Mateo 16:16, ug markahi kon giunsa pagtubag ni Pedro.

Unsay buot ipasabot nga si Jesus mao “ang Kristo”?
Unsay buot ipasabot nga Siya “ang Anak sa buhing Dios?”

Kon manginahanglan ka og tabang sa pagtubag niini nga mga pangutana, tan-awa ang “Jesukristo” ug “Ang Gidihogan” sa Giya ngadto sa mga Kasulatan.

Ikonsiderar ang pagmarka sa Mateo 16:17 aron mahinumdoman nga giingnan sa Manluluwas si Pedro nga siya “bulahan” tungod sa iyang pagpamatuod.

Rebyoha ang mosunod nga mga sitwasyon, ug tukia ang mga paagi nga ang pagpamatuod kang Jesukristo mahimong usa ka panalangin niadto nga mga sitwasyon.

Nag-antos ka sa usa ka kondisyon o sakit nga gilimitahan ang imong pisikal nga kalihokan
Nahimo kang adunahan kaayo o pobre kaayo
Gibati nimo nga gipasagdan ka o morag wala mahisakop
Namatyan ka og minahal sa kinabuhi

Unsa ka lahi kaha ang imong mga reaksyon niini nga mga sitwasyon kon wala kay pagpamatuod kang Jesukristo?
Unsa nga mga kasinatian ang nasinati nimo o sa usa ka tawo nga imong nailhan diin nakatabang ang pagpamatuod kang Jesukristo?

Pagpamatuod

Hunahunaa nga adunay tawo nga miingon kanimo, “Maayo nga adunay pagpamatuod si Pedro, pero nakauban niya ang Manluluwas kada adlaw. Unsaon man nako pagbaton og pagpamatuod kang Jesukristo kon wala gayod nako Siya nakauban?” Samtang nagtuon ka niini nga seksiyon sa leksiyon, hunahunaa kon unsaon nimo pagtubag.

Basaha ang Mateo 16:17, nga mangita sa kamatuoran mahitungod sa kon unsaon nga kita makadawat og pagpamatuod kang Jesukristo. (Hinumdomi: ang “Bar-jona” nagpasabot nga “anak ni Jonas.”)

Unsa nga kamatuoran ang imong nakita mahitungod sa kon unsaon nga makadawat og pagpamatuod kang Jesukristo?

Lagmit nga nagtuki ka og kamatuoran nga pareho sa mosunod: ang pagpamatuod kang Jesukristo moabot pinaagi sa pagpadayag gikan sa Langitnong Amahan.

Nganong importante man nga mahibaloan nga ang atong Langitnong Amahan ang tinubdan sa pagpadayag?
Ngano kaha nga gusto man nga ipadayag sa Langitnong Amahan ngari kanato ang kamatuoran mahitungod kang Jesukristo?

Kini nga pagpamatuod kang Jesukristo nga naggikan sa Amahan ipadayag pinaagi sa Espiritu Santo (tan-awa sa 1 Mga Taga-Corinto 12:3). Si Presidente Russell M. Nelson nagtudlo:

Ang labing importante nga kamatuoran nga saksihan sa Espiritu Santo kaninyo mao nga si Jesus mao ang Kristo, ang Anak sa buhing Dios.

(Russell M. Nelson, “Pagpadayag alang sa Simbahan, Pagpadayag alang sa Atong mga Kinabuhi,” Liahona, Mayo 2018, 96)

Hinumdomi nga ang pagpamatuod kang Jesukristo personal kaayo ug lahi para sa kada usa kanato.

Sa imong journal sa pagtuon, isulat kon unsa sa mosunod ang pinakamaayong naghulagway sa imong mga gibati:

Nakadawat ako og pagpamatuod kang Jesukristo pinaagi sa Espiritu Santo pero gusto nako nga mas molig-on pa kini.
Wala nako gibati nga nakadawat ako og pagpamatuod kang Jesukristo pinaagi sa Espiritu Santo.
Ang akong pagpamatuod kang Jesukristo sama ka lig-on sa gusto nako.
Wala nako masabti kon nganong gustohon nako ang pagpamatuod kang Jesukristo.

Hunahunaa kon unsa na kaha ang kahimtang sa imong kaugalingong pagpamatuod kang Jesukristo samtang nagbuhat ka sa usa o dugang pa sa mosunod nga mga kalihokan. Ang usa ka paagi nga madawat nato ang pagpadayag gikan sa Espiritu Santo mao ang pinaagi sa mga hunahuna ug mga pagbati. Paghatag og pagtagad sa imong mga hunahuna ug mga pagbati nga nakatabang kanimo sa pagtinguha, pagbaton, o pagpalig-on sa imong pagpamatuod kang Jesukristo.

Kalihokan A: Unsa ang atong mabuhat aron makabaton o mapalig-on ang atong mga pagpamatuod kang Jesukristo?

Paghimo og listahan sa pipila sa mga aksiyon nga gihunahuna ug gibati nimo nga mabuhat nimo aron makabaton o madugangan ang imong pagpamatuod kang Jesukristo. Aron magdugang sa imong listahan, hunahunaa ang mga kasinatian nga nasinati ni Pedro kauban ang Manluluwas diha sa Bag-ong Tugon. Pananglitan, rebyoha ang Lucas 5:1–11 ug Mateo 14:22–33. Tukia ang mga desisyon nga gibuhat ni Pedro niadto nga mga kasinatian nga lagmit nga nakaapekto sa iyang pagpamatuod kang Jesukristo. Tinguhaa ang giya sa Espiritu Santo samtang imong gisulat kon sa unsang paagi ka makabuhat og parehong mga desisyon. Ikonsiderar kon giunsa pagpakita sa mga kasinatian ni Pedro ang importansya sa pagbaton og pagpamatuod kang Jesukristo.

Kalihokan B: Sa unsang paagi nakabaton sa ilang pagpamatuod kang Jesukristo ang tawo nga imong gisaligan?

Tawag, pag-text, o pag-email sa usa ka ginikanan, sakop sa pamilya, o gisaligan nga higala. Hangyoa sila nga ipaambit kon giunsa nila pagbaton sa ilang pagpamatuod kang Jesukristo ug nganong importante kini para kanila. Pangutana mahitungod sa mga aksiyon nga gibati nila nga pinakamapuslanon sa pagbaton niana nga pagpamatuod. Paghatag og pagtagad sa mga impresyon nga gibati nimo mahitungod sa kon unsaon nimo pagsunod ang ilang ehemplo.

Kalihokan C: Asa ako makakat-on og dugang mahitungod sa pagbaton og pagpamatuod kang Jesukristo pinaagi sa Espiritu Santo?

Basaha o tan-awa ang bahin sa pamahayag nga “Magtukod og Kuta sa Pagkaespirituhanon ug Proteksyon,” ni Elder Ronald A. Rasband sa Korum sa Napulog Duha ka Apostoles (Liahona, Mayo 2019, 107–10), nga mangita og mga panglantaw sa kon unsaon ug nganong magtinguha og pagpamatuod pinaagi sa Espiritu Santo.

Increase Your Testimony
Strengthen your testimony of God and His teachings by recognizing the feelings of the Holy Spirit.

The Hope of God's Light
Many of us have wondered if God knows us or if He even exists. Todd was someone who wasn’t surprised when he didn’t get an immediate answer to a prayer. But could God be giving us small but obvious answers? And how patient do we need to be?

Unsa ang imong gihunahuna ug gibati samtang nagbasa sa pamahayag o nagtan-aw og video?
Asa pa ka mahimong mangita og dugang pang mga kasinatian ug impormasyon sa mga pagpamatuod kang Jesukristo pinaagi sa Espiritu Santo?
Nganong importante man nga ipadayon ang pagpalambo ug pagpalig-on sa imong pagpamatuod kang Jesukristo ug sa Iyang gipahiuli nga ebanghelyo?

1. Tubagi ang mosunod diha sa imong journal sa pagtuon:

Paghunahuna og usa ka tawo nga mahimong makabenepisyo sa imong nakat-onan. Pagsulat kanila og mubo nga sulat nga magpasabot kon unsa ang imong nakat-onan nga makahatag kanila og benepisyo. Ikonsiderar ang pagpaambit sa imong pagpamatuod kang Jesukristo ug kon giunsa nimo pagbaton niana nga pagpamatuod.

Kon mahuman na ka sa imong sulat, undang kadali ug paminaw sa mga pag-aghat gikan sa Espiritu Santo sa kon unsa ang kinahanglan nimong buhaton aron makabaton o mapalig-on ang imong pagpamatuod kang Jesukristo. Isulat ang mga impresyon nga aduna ka diha sa imong journal sa pagtuon, ug pagbuhat og plano aron magbuhat og aksiyon para niini.

Opsiyonal: Gustong Makahibalo pa og Dugang?

null

The Power of a Personal Testimony
Our firm personal testimony will motivate us to change ourselves and then bless the world.

Unsaon nako pagpalig-on ang akong pagpamatuod kang Jesukristo?

Si Presidente Jean B. Bingham, Kinatibuk-ang Presidente sa Relief Society, mihatag niini nga mga panglantaw:

Ang ato bang mga pagpamatuod natukod diha sa tukurang bato ni Jesukristo ug sa Iyang ebanghelyo? Kon ang mga bagyo sa kinabuhi motukmod kanato, magkabuang ba kita sa pagpangita og libro nga motudlo o post sa internet alang sa panabang? Ang paggahin og panahon sa pagtukod ug paglig-on sa atong kahibalo ug pagpamatuod kabahin ni Jesukristo mamunga og bilihong mga pagtulon-an sa mga panahon sa pagsulay ug kalisdanan. Ang inadlaw nga pagbasa sa mga kasulatan ug pagpamalandong sa mga pulong sa buhi nga mga propeta, paghimo og makahuluganong personal nga pag-ampo, mahunahunaong pag-ambit sa sakramento matag semana, paghatag og serbisyo ingon nga ang Manluluwas mobuhat—matag usa niining yano nga mga kalihokan mahimong tukuran alang sa malipayong kinabuhi.

(Jean B. Bingham, “Nga ang Imong Hingpit nga Kalipay Mapuno,” Liahona, Nob. 2017, 87)

Unsa ka importante ang pagpakabuhi pinaagi sa pagpamatuod kang Jesukristo?

Si Elder Quentin L. Cook sa Korum sa Napulog Duha ka Apostoles mipasabot:

Ang ika-76 nga seksyon sa Doktrina ug mga Pakigsaad miklaro niini nga ang “mga maisug diha sa pagpamatuod kang Jesus” [Doktrina ug mga Pakigsaad 76:79] mao ang yano, mahinungdanon nga pagsulay niadtong makapanunod sa mga panalangin sa celestial nga gingharian ug niadtong anaa sa mas ubos nga terrestrial nga gingharian. Aron mahimong maisog, kita kinahanglang magtutok sa gahom ni Jesukristo ug sa Iyang maulaon nga sakripisyo sa pagbuntog sa kamatayon ug, pinaagi sa paghinulsol, aron malimpyo kita gikan sa sala ug mosunod sa doktrina ni Kristo. Nagkinahanglan usab kita sa kahayag ug kahibalo sa kinabuhi sa Manluluwas ug sa mga pagtulon-an nga maggiya nato sa dalan sa pakigsaad, lakip sa sagradong mga ordinansa sa templo. Kinahanglan kitang magmakanunayon kang Kristo, magbusog sa Iyang pulong, ug molahutay sa kataposan.

(Quentin L. Cook, “Maisug diha sa Pagpamatuod ni Jesus,” Liahona, Nob. 2016, 43)

null

Living Apostles Testify of Jesus Christ
Latter-day Saint apostles witness of Jesus, the son of God. Each testimony shows that Christ is our Savior and that He loves us. President Russell M. Nelson testifies that Christ leads the Church.

Unsa ang bato nga gisulti ni Jesus nga tukoran Niya sa Iyang Simbahan?

Samtang gitudloan si Pedro sa Manluluwas mahitungod sa pagpadayag, migamit Siya og madulaong pulong sa ngalan ni Pedro, nagpahayag ngadto ni Simon, “Ikaw mao si Pedro [Petros], ug sa ibabaw niini nga bato [petra] pagatukuron ko ang akong simbahan” (Mateo 16:18). Ang Greek nga pulong nga petros nagpasabot og nag-inusarang gamay nga bato. Ang Greek nga pulong nga petra masabot usab nga “usa ka bato,” pero dugang pa niini, nagpasabot usab kini sa batoon nga yuta, dagkong bato ilawom sa yuta, o dagkong bugon sa mga bato. Gikan niini nga mga pulong atong nakat-onan nga dili diha ni Pedro isip usa ka tawo nga ang Simbahan pagatukoron, pero diha sa tukurang bato sa pagpadayag.