Mateo 6:19–34
“Unaha Ninyo Pagpangita ang Gingharian sa Dios”
Isip bahin sa Wali sa Bukid, gitudloan ni Jesukristo ang Iyang mga disipulo nga “unahon … [pagtukod] ang gingharian sa Dios” (Mateo 6:33). Niini nga leksiyon, makabaton ka og oportunidad nga pamalandongan ug ipaambit ang importansiya sa pag-una sa Dios sa imong kinabuhi.
Basaha ang mosunod nga mga sitwasyon sa tinuod nga kinabuhi:
-
Adunay batan-ong lalaki sa California, USA, nga usa ka talentadong surfer, pero naka-eskedyul ang seminary sa parehong oras sa pagpraktis para sa iyang surf team sa high school.
-
Giimbita ang usa ka batan-ong babaye sa Brazil nga magbuhat og lugar sa pagpasidungog sa pagsaulog sa ika-15 nga adlaw nga natawhan sa iyang higala, pero kinahanglan siyang magsuot og bestida nga wala mahiuyon sa iyang mga sumbanan.
-
Adunay batan-ong lalaki sa New Zealand nga usa ka talentadong rugby player nga gitagna nga makadawat og tanyag nga magdula isip propesyonal, pero anaa siya sa edad nga mangalagad sa full-time nga misyon.
Mga pananglitan kini sa mga sitwasyon diin mahimong mopili ang mga batan-on nga unahon ang Dios sa ilang kinabuhi, bisan pa kon dili kini sayon.
-
Unsa nga mga pangutana o mga kabalaka ang lagmit nga aduna ang kabatan-onan niini nga mga sitwasyon mahitungod sa pag-una sa Dios sa ilang kinabuhi?
-
Unsa nga mga pangutana o mga kabalaka ang lagmit nga aduna ka ug ang imong mga higala mahitungod sa pag-una sa Dios sa inyong kinabuhi?
Samtang nagtuon ka niini nga leksiyon, hangyoa ang Ginoo nga tabangan ka sa pagsulbad sa imong mga kabalaka ug mabati ang importansiya sa pag-una Kaniya.Tun-i ang usa sa mosunod nga mga grupo sa mga bersikulo. Tinguhaa ang giya sa Espiritu Santo aron tabangan ka sa pagpangita ug pagsabot sa mga kamatuoran nga gitudlo sa Manluluwas nga makatabang kanimo sa pag-una sa Dios sa imong kinabuhi.
Mahimong mopili ang mga estudyante kon unsang han-ay sa mga bersikulo ang ilang tun-an, o mahimo silang sangonan sa Opsiyon A o Opsiyon B. Lagmit nga makatabang kon ipakita ang mosunod nga mga opsiyon diha sa pisara.
Opsiyon A: Mateo 6:19–24. Niini nga mga bersikulo, gigamit sa Manluluwas ang pulong nga mga bahandi aron ipasabot ang labing gihatagan nato og bili, ug mata isip simbolo sa atong panglantaw o pagpokus sa kinabuhi. Giklaro sa Hubad ni Joseph Smith kon unsa ang gitudlo sa Ginoo sa bersikulo 22, “Kon ang atong mga mata bug-os ngadto sa himaya sa Dios, ang atong tibuok nga mga lawas” (Hubad ni Joseph Smith, Mateo 6:22 [sa Apendiks sa Hubad ni Joseph Smith]; tan-awa usab sa Doktrina ug mga Pakigsaad 88:67). Usab, lagmit nga makatabang kon hinumdoman nga ang pulong nga mammon nagpasabot sa pagkakalibutanon o mga bahandi .
Opsyon B: Mateo 6:25–34. Giklaro sa Hubad ni Joseph Smith niini nga mga bersikulo nga ang Ginoo nakig-istorya sa Iyang mga Apostoles mahitungod sa ilang responsibilidad nga “moadto … sa kalibutan … ug tudloan ang katawhan” (Hubad ni Joseph Smith, Mateo 6:25–26 [sa Apendiks sa Hubad ni Joseph Smith]). Partikular ang panudlo sa Ginoo sa Napulog Duha ka Apostoles niini nga panahon, pero magamit usab kanato ang baroganan nga Iyang gitudlo. Pamatikdi ang mga pananglitan kon giunsa pag-atiman sa Dios ang Iyang mga binuhat, lakip na kita. Samtang nagtuon ka, paghatag og espesyal nga pagtagad sa bersikulo 33: ang Hubad ni Joseph Smith niini nga bersikulo nagsugod, “Busa, ayaw pangita sa mga butang niini nga kalib[o]tan apan paninguha kamo sa pagtukod og una sa gingharian sa Dios” (Hubad ni Joseph Smith, Mateo 6:38 [sa Apendiks sa Hubad ni Joseph Smith]).
-
Samtang nagbasa ka sa mga pulong sa Manluluwas ug gidapit ang giya sa Espiritu Santo, unsa ang imong nakita nga makahuluganon kanimo? Nganong makahuluganon man kini?
Nagtudlo ang Manluluwas og tinuod nga mga baroganan dinhi niini nga mga bersikulo, lakip na ang dili nato parehong maalagaran ang Dios ug ang salapi (o pagkakalibotanon) ug kon tinguhaon nato og una ang pagtukod sa gingharian sa Dios, niana Siya mopanalangin kanato sa unsay Iyang nahibaloan nga atong gikinahanglan.
-
Unsa ang imong nahibaloan mahitungod sa Langitnong Amahan ug ni Jesukristo nga makapadasig kanimo nga unahon Sila sa imong kinabuhi?
2. Complete the following activity in your study journal.
-
Unsa ang imong nakat-onan mahitungod sa pag-una sa Dios?
-
Kanus-a nimo giuna ang Dios sa imong kinabuhi?
-
Unsa nga mga panalangin ang imong nakita isip resulta sa imong desisyon?
Pagtagana og panahon aron hunahunaon kon sa unsang paagi nga magamit nimo ang mga pagtulon-an sa Manluluwas nga unahon ang Dios sa imong kinabuhi. Ipadayon ang pagtinguha og inspirasyon gikan sa Espiritu Santo samtang nagkompleto ka niini nga leksiyon.
Hunahunaa nga ang inyong kapangulohan sa stake o district midapit sa imong korum o klase nga magbuhat og video aron tabangan ang kabatan-onan sa imong lugar nga madasig sa pag-una sa Dios sa ilang kinabuhi. Nagplano ang kapangulohan nga ipakita ang video sa usa ka kalihokan para sa kabatan-onan.
2. Kompletoha ang mosunod nga kalihokan diha sa imong journal sa pagtuon.
Paghimo og detalyadong outline para sa imong video. (Dili ka kinahanglang magrekord og video; kinahanglan lamang kang magbuhat og plano.) Ilakip ang mosunod sa imong outline:
-
Dili mominos sa usa ka kamatuoran nga gitudlo sa Manluluwas sa Mateo 6 ug usa ka pagpasabot kon sa unsang paagi nga kini makatabang sa kabatan-onan sa pag-una sa Dios sa ilang kinabuhi.
-
Usa ka pananglitan karong panahona bahin sa usa ka tawo nga giuna ang Dios sa ilang kinabuhi. Kini nga pananglitan mahimong personal nga kasinatian o kasinatian sa usa ka tawo nga imong nailhan. Pagsulat og simpleng kasumahan sa pananglitan.
Paglakip usab og usa o labaw pa sa mosunod sa imong outline:
-
Usa ka pamahayag sa lider sa Simbahan
-
Mga hulagway o mga biswal nga mahimo nimong ilakip ug kon kanus-a nimo kini ilakip
-
Imong personal nga pagpamatuod
Mahimo nimong ipaambit sa pamilya ug mga higala ang imong plano para sa usa ka video. Ang maayong panahon sa pagbuhat niini lagmit sa higayon nga hisgotan kini nga hilisgotan kauban ang imong pamilya diha sa inyong pagtuon sa Dali, Sunod Kanako.
Kon aduna kay abilidad, ikonsiderar ang pagbuhat sa imong video ug pagpaambit niini sa ubang tawo.
Pilia ang Sugdi ang Buluhaton nga button o ang Pagsumiter nga tab aron i-upload ang imong outline.