Հայտնություն 21–22

«Ով որ յաղթէ, ամենը կժառանգէ»

Պատկերացնու՞մ եք, թե ինչպիսին կլիներ ապրել Աստծո հետ սելեստիալ արքայությունում: Իր մեծ հայտնության վերջին տեսարաններում Հովհաննեսը տեսավ «նոր երկինք և նոր երկիր» և մի սուրբ քաղաք, որն իջնում էր երկնքից (տես Հայտնություն 21.1–2): Նա վկայեց, որ Աստված «կբնակվի նրանց հետ, և նրանք կլինեն նրա ժողովուրդը» (Հայտնություն 21.3): Այս դասը նպատակ ունի օգնելու ձեզ հասկանալ, որ Երկնային Հոր և Հիսուս Քրիստոսի հետ սելեստիալ արքայությունում ապրելու համար արժե ջանքերը թափել:

Վերջական արդյունքը

Պատկերացրեք, որ դուք սպորտային թիմի անդամ եք և նախապես գիտեք, որ ձեր թիմը պատրաստվում է չեմպիոնական տիտղոս նվաճել մրցաշրջանի վերջում։ Սակայն դուք չգիտեք, թե որքան կտևի մրցաշրջանը, և մարզիչն ակնկալում է, որ բոլոր խաղացողները կներդնեն իրենց առավելագույն ջանքերը՝ թիմում մնալու համար:

• Ինչպե՞ս կարող է այս գիտելիքը ազդել, այն բանի վրա, թե դուք ինչպես եք պատրաստվում և հանդես գալիս յուրաքանչյուր խաղի համար: Ինչո՞ւ։

• Ինչպե՞ս կարձագանքեիք, եթե ձեր թիմը պարտվեր մի քանի խաղ անընդմեջ: Ինչպե՞ս կարող եք խրախուսել ձեր թիմակիցներին այդ պարտություններից հետո:

Այժմ որոշ ժամանակ տրամադրեք վերջին օրերի և Երկրորդ Գալուստի մասին մտածելու համար:

• Որքանո՞վ եք վստահ, որ արդարությունն ի վերջո կհաղթի չարին: Ի՞նչը կարող է օգնել ձեզ բարձրացնել ձեր վստահությունը:

• Դուք կարծում եք, որ Փրկչին հետևելու համար արժե հետևողական կ ջանքեր գործադրել: Ինչո՞ւ այո, կամ ինչո՞ւ ոչ։

Բարի և չարի ճակատամարտի վերջնական արդյունքը բացահայտվել է Աստծո կողմից Իր մարգարեների միջոցով. Տիրոջ կողմը կհաղթի: Հազարամյակի ընթացքում սատանան կկապվի, և Հիսուս Քրիստոսը խաղաղությամբ կկառավարի երկրի վրա հազար տարի (տես Հայտնություն 20.1–4): Այս հազար տարուց հետո սատանան հավիտյան «կգցվի կրակի և ծծումբի լիճը», և տեղի կունենա Վերջին Դատաստանը (տես Հայտնություն 20.7–15): Վերջին Դատաստանից հետո արդարներն ու հավատարիմները կժառանգեն հավերժական կյանքը սելեստիալ արքայությունում

Հայտնություն 21–22 հատվածներն ուսումնասիրելիս փնտրեք Երկնային Հոր օգնությունը, որ մեծացնի հավերժական կյանքի և սելեստիալ փառքի համար ձեր լավագույն ջանքերը գործադրելու ձեր ցանկությունը:

Սկիզբն ու վերջը

Կարևոր իրադարձություններից մեկը, որ Հովհաննեսը տեսավ իր տեսիլքում, Հիսուս Քրիստոսի հաղթանակն էր սատանայի հանդեպ աշխարհի վերջում: Հայտնություն 21–22-ում Հովհաննեսը նկարագրեց այն մարդկանց ճակատագիրը, որոնք կռվել էին Փրկչի կողքին՝ ամբարշտությունը հաղթելու համար:

Կարդացեք Հայտնություն 21.1–7 հատվածները՝ փնտրելով օրհնություններ, որոնք Աստված կտա հավատարիմներին: Կարող եք նշել այն արտահայտությունները, որոնք հատկանշական են ձեզ համար։

Եթե ցանկանում եք ավելին իմանալ 2-րդ հատվածում նշված Նոր Երուսաղեմի մասին, կարող եք այն փնտրել Սուրբ Գրությունների ուղեցույցում :

Նկատի ունեցեք, որ հատված 2 -ում ամուսինը Փրկչի խորհրդանիշն է, իսկ հարսնացուն՝ Եկեղեցու կամ նրանց, ովքեր հավատարմորեն հետևում են Նրան:

7-րդ հատվածում Քրիստոսի որդին կամ դուստրը այն մեկն է, որը պահել է Նրա հետ ունեցած իր ուխտերը:

Ընտրեք Հանձնել ստուգարք:

Պատասխանեք հետևյալ հարցերին.

1. Ձեր օրագրում պատասխանեք հետևյալ հարցերին.

• Ո՞ր օրհնությունները, որոնք Աստված կտա հավատարիմներին, առավել նշանակալից են ձեզ համար: Ինչո՞ւ։

• Ի՞նչ սովորեցիք Երկնային Հոր և Հիսուս Քրիստոսի մասին այս հատվածներից: Ինչո՞ւ է ձեզ համար կարևոր իմանալ այս բաները Նրանց մասին:

Ժառանգեք սելեստիալ արքայությունը

Այս հատվածներում ուսուցանվող բազմաթիվ ճշմարտություններից մի քանիսը ներառում են հետևյալը. սելեստիալ արքայությունում Աստված կբնակվի և կմխիթարի Իր ժողովրդին, և նրանք այլևս չեն ապրի մահ, վիշտ կամ ցավ. և նրանք, ովքեր հավատարմորեն հաղթահարում են մահկանացու կյանքի փորձությունները, կժառանգեն հավերժական օրհնությունները սելեստիալ արքայությունում:

Պատկերացրեք, որ ձեր ընկերներից մեկի կարծիքով սելեստիալ արքայության ձգտումը արժանի չէ այն բոլոր ջանքերին, որոնք անհրաժեշտ են դրա համար:

Պատրաստեք կարճ պատասխան, որով կարող եք կիսվել ձեր ընկերոջ հետ, և որը կարող է օգնել նրան հասկանալ, որ սելեստիալ թագավորությունն արժանի է ցանկացած ջանքի, որն անհրաժեշտ է ավետարանով ապրելու համար: Կարող եք օգտագործել հետևյալ նյութերից մի քանիսը և պատասխանել հետևյալ հարցերին, որոնք կօգնեն ձեզ պատրաստել ձեր պատասխանը.

Տասներկու Առաքյալների Քվորումից երեց Լ. Թոմ Փերին (1922–2015) ուսուցանել է․

Հավատում եմ, որ եթե կարողանայինք հավերժական կյանքի պարզ և ճշմարիտ պատկերը ստեղծել մեր մտքերում, կսկսեինք այլ կերպ մեզ պահել: Մենք կարիք չէինք ունենա ուրիշների դրդմամբ կատարել «դիմակայիր մինչև վերջ» արտահայտության հետ առնչվող շատ քայլերը, ինչպիսիք են՝ [սպասավորել], հաճախել մեր ժողովներին, գնալ տաճար, ապրել բարոյական կյանքով, աղոթել և կարդալ սուրբ գրություններ: Մենք կցանկանայինք անել այս բոլոր բաները և ավելին, որովհետև կգիտակցեինք, որ դրանք մեզ կնախապատրաստեն գնալ այնտեղ, որտեղ մենք ցանկանում ենք գնալ:

(Լ․ Թոմ Փերի, «Հիսուս Քրիստոսի Ավետարանը», Ensign կամ Լիահոնա, մայիս 2008, 44)

Հայտնություն 7․13–17

Հայտնություն 21․22–27

Մոսիա 2.41

Վարդապետություն և Ուխտեր 76․51–52, 59–60, 69–70

Վարդապետություն և Ուխտեր 130․2

Հետևյալ հարցերից մի քանիսը կարող են օգնել ուղղորդել ձեր մտքերը ձեր պատասխանի մասին մտորելիս․

• Ի՞նչն է ձեզ ոգևորում, երբ մտածում եք սելեստիալ արքայությունում ապրելու մասին:

• Ի՞նչ եք սովորել Փրկչի մասին, որը մղում է ձեզ հետևել Նրան և ձգտել ստանալ սելեստիալ արքայությունը:

• Ի՞նչ փորձառություններ եք ունեցել Երկնային Հոր և Հիսուս Քրիստոսի հետ, որ մեծացնում են Նրանց հետ կրկին ապրելու ձեր ցանկությունը:

• Ինչպե՞ս է Նրանց սերն օգնել ձեզ զգալ, որ սելեստիալ արքայությունը հասանելի է:

Չորս-հինգ նախադասությամբ գրեք, թե ի՞նչ կասեիք ձեր ընկերոջը:

2. Չորս-հինգ նախադասությամբ գրեք, թե ի՞նչ կասեիք ձեր ընկերոջը:

Մի քանի րոպե մտածեք Երկնային Հոր և Հիսուս Քրիստոսի սիրո մասին և այն մասին, որ Նրանք ցանկանում են, որ դուք հավերժական կյանք ստանաք: Մտածեք, թե ինչպես կարող եք ցույց տալ ձեր երախտագիտությունը Նրանց ողորմության և շնորհի համար:

Ընտրովի. Ցանկանո՞ւմ եք ավելին իմանալ

Արդյո՞ք Երկնային Հայրը ինձ համար հնարավոր է դարձրել լինել սելեստիալ արքայությունում

Կարճ և ճշմարիտ պատասխանը բացարձակապես այո է: Բայց եթե ցանկանում եք ավելին իմանալ, կարդացեք Էրիկ Բ. Մերդոքի «Դուք կարող եք դա անել» հոդվածը Երիտասարդներին զորացնելու համար ամսագրի 2021 թվականի հուլիսի համարում (էջեր 24–26):

Ինչպե՞ս կարող եմ ավելին իմանալ այն մասին, թե ինչպիսին է սելեստիալ արքայությունը

Կարող եք փնտրել «Սելեստիալ արքայություն» «Ավետարանի թեմաներ» հոդվածը (topics.ChurchofJesusChrist.org): Կարող եք նաև կարդալ «Ինչպիսի՞ն է սելեստիալ արքայությունը» հոդվածը Երիտասարդներին զորացնելու համար ամսագրի 2021 թվականի հուլիսի համարում (էջ 31):

Հայտնություն 21․6 : Ի՞նչ է նշանակում այն, որ Հիսուսը «Ալֆան և Օմեգան» է

Ալֆան հունական այբուբենի առաջին տառն է։ Ալֆա նշանակում է «առաջին» կամ «սկիզբ»: Օմեգա նշանակում է «ցանկացած սերիայի վերջինը» կամ «վերջը»: Երբ երկու բառերը՝ Ալֆա և Օմեգա, միացնում եք, դրանք նշանակում են «սկզբից մինչև վերջ» կամ «առաջինից մինչև վերջինը»: Երբ Հիսուսին անվանում են Ալֆա և Օմեգա, դա նշանակում է, որ Նա է եղել ամեն բանի սկզբում և կլինի ամեն բանի վերջում. Նա հավերժ է:

(Դորոթի Լեոն, «Այս անուններով», Լիահոնա, ապրիլ 1996)

Ճանապարհներից մեկը, որով մենք կարող ենք տեսնել Հիսուս Քրիստոսին՝ որպես Ալֆա և Օմեգա, այն է, որ Նա Աստվածագլխի անդամ է և ստեղծել է աշխարհը (տես Մոսիա 3.8 , Մովսես 1.33 , 2.1): Նա նաև համաձայնեց լինել մեր Փրկիչը նախաերկրային աշխարհում (տես Մովսես 4.2): Հիսուս Քրիստոսի միջոցով մենք հարություն ենք առնելու (տես Ա Կորնթացիս 15.20-22 , Ալմա 11.42-44) և Նա կլինի մեր Դատավորը և մեր Բարեխոսը Հոր առաջ (տես Հռովմայեցիս 14.10-12 , Ալմա 33.22 , 3 Նեփի 27.14-16 , Վարդապետություն և Ուխտեր 45․3-5):

Արդյո՞ք Հայտնություն 22.18-19 հատվածները նշանակում են, որ չեն կարող լինել լրացուցիչ սուրբ գրություններ՝ բացի Աստվածաշնչից

Որոշ մարդիկ մեջբերում են Հայտնություն 22.18–19-ը որպես պատճառ, որ մերժեն Մորմոնի Գիրքը և վերջին օրերի մյուս սուրբ գրությունները: Իր «Իմ խոսքերը… երբեք չեն դադարի» ուղերձում Տասներկու Առաքյալների Քվորումից երեց Ջեֆրի Ռ. Հոլլանդը բացատրել է, թե ինչու է այս պատճառաբանությունը սխալ (Ensign կամ Լիահոնա, մաիս 2008, 91–94):