1–3 Ioane; Iuta

Vaaiga Aoao

Na tusi le Aposetolo o Ioane e uiga i le alofa o le Atua mo le Au Paia ma le ala na faaalia ai lenei alofa i le misiona laveai a Iesu Keriso. Sa ia aoao mai o lo tatou alofa mo le Tama Faalelagi ma Iesu Keriso e mafai ona faaosofia ai i tatou e tausi a La’ua poloaiga. Sa ia aoao mai foi o le alofa o le Atua mo i tatou e mafai ona musuia ai i tatou e alolofa atu i isi.

Sauni e Aoao Atu

O nei faamatalaga e tuuina atu ai i faiaoga ni manatu o ni mea latou te manaomia ona saunia mamao i ai mo lesona taitasi.

1 Ioane 1–5

Faamoemoega o le lesona: O lenei lesona ua faamoemoe e fesoasoani i tagata aoga ia lagonaina le alofa o le Atua mo i latou.

Sauniuniga a le tagata aoga: Valaaulia tagata aoga e o mai sauni e faasoa mai ni auala eseese e mafai ona latou faauma sao ai le faamatalaga lenei: “O le Atua …”

Vitio: “Ina Ia Mafai Ona Ou Aumai o Tagata Uma ia te A’u” (13:39; maimoa mai le faailotaimi 7:32 i le 9:14)

Fautuaga faafaiaoga mo fesootaiga i vitio: Mafaufau e amata le lesona i le valaaulia o tagata aoga e faauma le faamatalaga “O le Atua …” i le tele o auala latou te mafai ona faia ai. E mafai ona faaleo mai tali a tagata aoga pe tusi a latou tali e faaaoga ai le vaega mo talanoaga tusitusi, pe mafai ona faaaoga le vaega o le laupapa paepae e faaali mai ai le fasifuaitau “O le Atua …” ma faataga tagata aoga e faasoa mai a latou tali. E mafai foi ona faaaoga se polokalama mo faigapalota i luga o upega tafailagi e aumai ai tali a tagata aoga.

1 Ioane 2–4; 2 Ioane

Faamoemoega o le lesona: O lenei lesona ua faamoemoe e fesoasoani i tagata aoga ia malamalama pe mafai faapefea ona latou faaalia le alofa mo le Tama Faalelagi ma Iesu Keriso e ala i le tausia o poloaiga.

Sauniuniga a le tagata aoga: Valaaulia tagata aoga e mafaufau loloto pe o a ni o latou lagona e uiga i le tausia o poloaiga. E mafai foi ona latou fesili atu i tagata latou te iloa po o a mea e faaosofia ai i latou e tausi poloaiga.

Vitio: “E Manuia ma Fiafia i Latou o E Tausi i Poloaiga a le Atua” (5:41; matamata mai le faailotaimi 0:00 i le 2:34)

Ata e faaali atu: O se ata o se tasi o loo opoina Iesu Keriso

Fautuaga faafaiaoga mo fesootaiga i vitio: Pe a fai atu fesili o loo mulimuli i le faamatalaga o le mataupu faavae i le lesona, mafaufau e valaaulia tagata aoga e fai se tusiga i luga o ala o faasalalauga faaagafesootai faatasi ai ma a latou tali. E mafai ona latou taina a latou tali i luga o se saite tafailagi o faasalalauga faaagafesootai ma faasoa atu le lau o le latou masini ma le vasega. Pe e mafai foi ona latou tusia putaputa ma aikona o se anavatau o faasalalauga faaagafesootai i luga o se fasipepa, faatumu a latou tali, ma faaali atu a latou pepa i le vasega.

1 Ioane 2–4

Faamoemoega o le lesona: O lenei lesona e mafai ona fesoasoani i tagata aoga ia malamalama ma faaaoga le poloaiga ia alolofa atu i isi e pei ona latou alolofa atu i le Atua.

Sauniuniga a le tagata aoga: Valaaulia tagata aoga e o mai sauni e faasoa mai ni aafiaga na latou faaalia ai le alofa i isi po o isi na faaalia ai le alofa ia i latou ma le aafiaga na oo mai ai.

Vitio: “Ave i o Tatou Luga le Suafa o Iesu Keriso” (10:24; matamata mai le faailotaimi 4:43 i le 6:15); “Auauna Atu Nei” (2:18)

Fautuaga faafaiaoga mo fesootaiga i vitio: Mafaufau e valaaulia se tagata aoga se toatasi pe toalua e aumai i le fesootaiga i vitio se uo po o se tagata o le aiga latou te manatu o se faataitaiga sili o le alofa atu i isi. A uma ona faailoa e le vasega le upumoni i le 1 Ioane 4:21 , e mafai e nei tagata aoga ona faailoa mai a latou malo taualoa ma talanoa e uiga i le ala e faaalia ai e na malo le alofa mo isi.

Toefaamanatu 23 o le Atamai i Aoaoga Faavae

Faamoemoega o le lesona: O lenei lesona o le a tuu atu ai i tagata aoga se avanoa e faaloloto ai lo latou malamalama ma faamatala upumoni o loo maua i fuaitau e 13 o le atamai i aoaoga faavae mai le afa lona lua o le Feagaiga Fou.

Sauniuniga a le tagata aoga: Valaaulia tagata aoga e toe faamanatu faapuupuu fuaitau e 13 o le atamai i aoaoga faavae mai le afa lona lua o le Feagaiga Fou ona filifili lea o se tasi latou te fia malamalama lelei atili i ai.

Anotusi e faaali atu: O le siata o fuaitau e 13 o le atamai i aoaoga faavae
Anomea mo tagata aoga: O se fasipepa avanoa ma se mea e tusi ai mo tagata aoga taitasi

Fautuaga faafaiaoga mo fesootaiga i vitio: Mafaufau e faataitai le gaoioiga i le lesona e ala i le faaali atu o se tasi o fuaiupu o le atamai i aoaoga faavae i luga o le lau o le masini ma valaaulia tagata aoga e faaaoga le meafaigaluega mo le faia o faamatalaga faaopoopo e li’o ai soo se fasifuaitau ua i ai ni a latou fesili i ai pe e le o malamalama foi i ai. Ona fai atu lea i tagata aoga e faasoa mai o latou atugaluga po o fesili faapitoa. E mafai foi e tagata aoga ona fai mai soo se fesili lautele e uiga i le fuaiupu po o fuaiupu e faaaoga ai le vaega mo talanoaga tusitusi.

Iloilo Lou Aoaoina 11

Faamoemoega o le lesona: O lenei lesona ua faamoemoe e fesoasoani i tagata aoga e iloilo ai sini na latou faatuina ma le tuputupu ae o le tagata lava ia ua latou mauaina mai i a latou suesuega o le Feagaiga Fou.

Sauniuniga a le tagata aoga: Valaaulia tagata aoga e mafaufau loloto i mea ua latou aoaoina e uiga ia Iesu Keriso ma auala latou te lagona ai ua avea atili i latou e faapei o Keriso.

Ata e faaali atu: O se atatusi o se mauga (mai le lesona i le 2 Peteru 1); ni ata eseese o Iesu Keriso o loo aoao atu i nofoaga eseese; o se ata o Iosefa Samita o se talavou

Fautuaga faafaiaoga mo fesootaiga i vitio: I le taimi a o faagasolo le gaoioiga i lalo o le ulutala “Aoao Atu e Pei o Iesu Keriso,” valaaulia tagata aoga e tusi i le vaega mo talanoaga tusitusi se fesili le faapaole e ono i ai i se tasi e faatatau i se tasi o mataupu faavae e tolu o le talalelei (tagai i le laasaga e i le gaoioiga). Ona valaaulia lea o tagata aoga e faitau i fesili uma ua lisiina ma filifili se fesili se tasi pe lua latou te mananao e talanoaina.