Գործք Առաքելոց 12․1-19

Առաքյալները հակադրության հանդիպեցին, երբ փորձում էին առաջ տանել Փրկիչի գործը: Հակոբոսը մարտիրոսացավ Հերովդեսի հրամանով: Պետրոսը բանտարկվեց, բայց ազատվեց հրեշտակի կողմից՝ Եկեղեցու անդամների աղոթքների արդյունքում: Այս դասի նպատակն է օգնել ձեզ ավելի շատ վստահել Երկնային Հորը և աղոթքին տված Նրա պատասխաններին:

Դրականորեն ընդունեքուսանողներիպատասխանները: Ընդունեք ուսանողների պատասխանները՝ ուղղակի «շնորհակալություն» ասելով կամ նրանց պատասխանում որևէ հատուկ բան գովելով: Դրանով դուք ցույց կտաք, որ նրանց ներդրումը գնահատվում է և կարևոր է ուսումնական փորձառության համար: Դա կքաջալերի ուսանողներին ավելի ակտիվորեն կիսվել պատասխաններով, գաղափարներով և փորձառություններով:

Ուսանողի նախապատրաստում.Ուսանողներին խնդրեք դասից առաջ հիշել մի փորձառություն, երբ նրանք կամ ուրիշները իրենց աղոթքներին սպասված պատասխաններ են ստացել և մի փորձառություն, երբ աղոթքները, կարծես թե, անպատասխան են մնացել կամ պատասխանները տարբերվում էին սպասվածից:

Հնարավոր ուսումնական վարժություններ

Տարբեր արդյունքներ

Ուշադիր եղեք ուսանողների հանգամանքներին և համապատասխանորեն հարմարեցրեք հետևյալ սցենարները: Ուսանողներին հիշեցրեք դասի ընթացքում օգտվել իրենց նախապատրաստած նյութերից:

Պատկերացրեք տարբեր արձագանքներ հետևյալ իրավիճակներին.

Մի երիտասարդ տղամարդ տարիների ընթացքում ջանասիրաբար աղոթում է, որպեսզի իր հայրը բուժվի քաղցկեղից, սակայն հայրը ոչ մի կերպ չի առողջանում:

Մի երիտասարդ կին մեծ եռանդով աղոթում է իր մոր համար, որպեսզի նա բուժվի քաղցկեղից, և մի տարվա պայքարից հետո մայրը հրաշքով առողջանում է:

• Ե՞րբ են ձեր կամ ուրիշների աղոթքները ստացել պատասխաններ, որոնք տարբերվում էին սպասվածից:

• Դուք ինչպե՞ս արձագանքեցիք:

• Երկնային Հոր հանդեպ ունեցած ձեր վստահության աստիճանը ինչպե՞ս է ազդել ձեր պատասխանի վրա:

Ձեր օրագրում նշեք, թե ինչ հրաշքներ կամ օրհնություններ կուզեիք ստանալ: Մտածեք, թե Աստծուն ավելի շատ վստահելն ինչպես կարող է բարելավել ձեր կյանքը: Այս դասն ուսումնասիրելիս փնտրեք ճշմարտություններ և օրինակներ, որոնք կարող են օգնել ձեզ ավելի շատ վստահել Երկնային Հորը և աղոթքներին տված Նրա պատասխաններին:

Եկեղեցու անդամների հալածանքը

Եկեղեցու՝ ավետարանը տարածող անդամները և ղեկավարները հալածանքի էին ենթարկվում հռոմեացի և հրեա ղեկավարների կողմից: Եկեղեցու որոշ ղեկավարներ, օրինակ՝ Պետրոսը և Հովհաննեսը, հրաշքով ազատվեցին Աստծո կողմից (տես Գործք Առաքելոց 5.17-21), այնինչ Ստեփաննոսը և ուրիշները՝ ոչ (տես Գործք Առաքելոց 7.54-60):

Գործք Առաքելոց 12.1-4 հատվածները կարդալիս պատկերացրեք, որ դուք Եկեղեցու անդամ եք և այդ իրադարձությունների մասնակից: Vex բառը նշանակում է հալածել կամ վնասել: Հատված 4-ը նշանակում է, որ Հերովդեսը նշանակեց 16 զինվորների հսկել Պետրոսին, մինչև նրա հրապարակավ մահապատիժը:

• Որպես Եկեղեցու անդամ, ի՞նչ զգացմունքներ և հարցեր կունենայիք այդ պահին:

Կարդացեք Գործք Առաքելոց 12.5-ը՝ փնտրելով, թե Եկեղեցու անդամներն ինչպես արձագանքեցին:

• Ինչո՞ւ էր դժվար հավատք գործադրել՝ Պետրոսի համար աղոթելիս:

• Ձեր կարծիքով, Եկեղեցու անդամներն ի՞նչ հասկացան Երկնային Հոր մասին, որը նրանց մղեց դա անել:

Կարդացեք Գործք Առաքելոց 12.6-11 հատվածները՝ փնտրելով, թե Եկեղեցու անդամների աղոթքներն ինչպիսի պատասխան ստանցան:

• Ի՞նչ զգացմունքներ կամ մտքեր կունենայիք, եթե վկա դառնայիք աղոթքի այդ պատասխանին:

• Այդպիսի իրադարձությունն ինչպե՞ս կարող էր ազդել Երկնային Հոր հանդեպ ձեր հավատքի վրա:

• Աղոթքի մասին ի՞նչ ճշմարտություններ կարող ենք սովորել այս պատմությունից։

Անկեղծ և ջերմեռանդ աղոթք

Այս պատմությունը պարզաբանում է այն ճշմարտությունը, որ մեր անկեղծ և ջերմեռանդ աղոթքները մեր և մյուսների կյանք են հրավիրում Աստծո հրաշքները և օրհնությունները:

Եթե ուսանողների համար օգտակար լինի օրինակ բերել, կարող եք կիսվել անձնական փորձառությամբ, նախագահ Բալլարդի հետևյալ օրինակով կամ «Խաղաղության սկզբունքները. Աղոթք» (2:49) տեսանյութով ChurchofJesusChrist.org կայքից:

Հավատքով լի աղոթքից բխող հրաշքները հաճախ փոքր և հասարակ են, այլ ոչ թե մեծ և ցայտուն:

Կարող եք դիտել «Արդ ուշադիր եղեք և միշտ աղոթեք» տեսանյութը 12:17-13:07 ChurchofJesusChrist.org կայքում կամ կարդացեք հետևյալ հայտարարությունը և իմացեք, թե ինչպիսի հրաշք տեղի ունեցավ աղոթքի արդյունքում Տասներկու Առաքյալների Քվորումից նախագահ Մ. Ռասսել Բալլարդի կյանքում:

Անձնական փորձից գիտեմ աղոթքի զորության մասին։ Վերջերս մենակ էի գրասենյակում։ Հենց նոր բժշկական միջամտություն էր կատարվել ձեռքիս վրա։ Ձեռքս սևացել, կապտել, այտուցվել էր և ցավում էր։ Սեղանի մոտ նստած՝ չէի կարողանում կենտրոնանալ կարևոր և վճռորոշ գործերի վրա, որովհետև ցավը ինձ շեղում էր:

Ես ծնկի իջա աղոթելու և խնդրեցի Տիրոջը, որ օգնի ինձ կենտրոնանալ, որ կարողանայի կատարել իմ աշխատանքը։ Ես կանգնեցի և վերադարձա սեղանիս կիտված թղթերին: Գրեթե անմիջապես պարզություն և կենտրոնացում եկավ մտքիս, և ես կարողացա ավարտել իմ առջև դրված հրատապ խնդիրները:

(Մ․ Ռասսել Բալլարդ, «Արդ ուշադիր եղեք և միշտ աղոթեք», Ensign կամ Լիահոնա, նոյեմբերի 2020, 79)

• Դուք կամ ուրիշները ի՞նչ փորձառություններ եք ունեցել, երբ Աստված պատասխանել է աղոթքներին:

• Այդ փորձառությունները ձեզ ի՞նչ են սովորեցրել Երկնային Հոր՝ ձեր և ուրիշների հանդեպ ունեցած ցանկությունների և զգացմունքների վերաբերյալ:

• Այդ փորձառություններն ինչպե՞ս են ազդել Երկնային Հորը վստահելու ձեր ցանկության և կարողության վրա:

Երբ ուսանողները պատասխանեն, շնորհակալություն հայտնեք նրանց՝ իրենց փորձառություններով և գաղափարներով կիսվելու համար և օգնեք հասկանալ, թե որքան կարևոր է նրանց ներդրումը:

Վստահեք Աստծուն

Կարդացեք Գործք Առաքելոց 12.12-17-ը և տեսեք, թե ինչպես է ավարտվում այս պատմությունը: Նկատի ունեցեք, որ հատված 17 -ում հիշատակված Հակոբոսը նույն Հակոբոսը չէ, որ հիշատակվում է հատված 2 -ում:

Երբեմն մենք չենք ստանում մեր աղոթքների սպասված պատասխանը: Հակոբոսի մարտիրոսությունը դրա օրինակներից մեկն է: Սրբերը, հավանաբար, նրա համար ևս աղոթել էին, սակայն նա սպանվեց Հերովդեսի կողմից (տես Գործք Առաքելոց 12.2):

Մտածեք դասի սկզբում ներկայացված սցենարների մասին, ինչպես նաև ձեր կյանքից այն դեպքերի մասին, երբ Աստված չի պատասխանել այնպես, ինչպես դուք էիք սպասում:

• Ի՞նչ գիտեք Երկնային Հոր մասին, որը կօգնի ձեզ վստահել Նրան նմանատիպ իրավիճակներում:

Առաջին Նախագահությունից նախագահ Դալլին Հ․ Օուքսը մի բան է ուսուցանել, որը կարող է օգտակար լինել այն պահերին, երբ մեր աղոթքները սպասված պատասխան չեն ստանում: Կարող եք դիտել «Հիվանդների բժշկումը» տեսանույթը 15:19-16:55-ը կամ կարդալ հետևյալ հայտարարությունը:

Որպես Աստծո զավակներ, իմանալով Նրա մեծ սիրո և նրա անսահման գիտելիքի մասին, թե ինչը լավագույնը կլինի մեր հավերժական բարօրության համար, մենք ապավինում ենք Նրան: Ավետարանի առաջին սկզբունքը հավատն է առ Տեր Հիսուս Քրիստոսը, իսկ հավատ նշանակում է վստահություն: Ես զգացել եմ այդ վստահությունը, երբ հորեղբորս որդին ելույթ ունեցավ մի դեռահաս աղջկա թաղմանը, որը մահացել էր ծանր հիվանդությունից: Նա ասաց այս խոսքերը, որոնք սկզբից ապշեցրին, ապա շինություն տվեցին ինձ. «Ես գիտեմ, որ Տիրոջ կամքով էր, որ նա մահացավ: Նրան լավ բժշկական օգնություն էր ցուցաբերվել: Նրան քահանայության օրհնություններ էին տրվել: Նրա անունը տաճարի օրհնությունների ցուցակում էր: Հազարավոր մարդիկ աղոթում էին, որ նրա առողջությունը վերականգնվեր: Եվ ես գիտեմ, որ այս ընտանիքում բավականաչափ հավատք կար, որպեսզի նա բժշկվեր, եթե միայն Տիրոջ կամքը չլիներ նրան տուն տանել այժմ»: Ես զգացել եմ այդ նույն վստահությունը քաղցկեղից մահացած մեկ այլ ընտիր աղջնակի հոր խոսքերում: Նա հայտարարեց. «Մեր ընտանիքի հավատքն առ Հիսուս Քրիստոսն է, և այն կախված չէ արդյունքից»: Այդ ուսմունքները ճշմարիտ են հնչում իմ ականջին: Մենք անում ենք հնարավոր ամեն բան հարազատի բժշկության համար, իսկ թե արդյունքը ինչ կլինի, ապավինում ենք Տիրոջը:

(Դալլին Հ․ Օուքս, «Հիվանդների բժշկումը», Ensign կամ Լիահոնա, մայիս 2010, 50)

• Նախագահ Օուքսն ի՞նչ է ուսուցանել, որը դուք կարևոր եք համարում հիշել: Ինչո՞ւ:

Այսօրվա ձեր սովորածի հիման վրա ձեր օրագրում գրեք մի գրառում, որը կանդրադառնա հետևյալ հուշումներից մեկին կամ մի քանիսին.

1. Ի՞նչ եք սովորել Երկնային Հոր մասին, որը ամրապնդում է ձեր վստահությունը Նրա հանդեպ:

2. Ի՞նչ եք սովորել աղոթքի մասին, որը դուք կցանկանայիք հիշել:

3. Այն տպավորությունները, որոնք դուք ստացել եք Սուրբ Հոգուց այն մասին, թե ինչպես բարելավել ձեր աղոթքը, կամ ինչպես կարող եք ավելի շատ վստահել Երկնային Հորը:

Երբ ուսանողները բավականաչափ ժամանակ ունենան գրելու համար, խնդրեք նրանց կիսվել իրենց գրառումներով զույգերով կամ փոքր խմբերով: Ավարտեք՝ բերելով անձնական վկայություն Երկնային Հոր և ձեր աղոթքներին Իր ժամանակին և ձևով պատասխանելու Նրա կարողության և պատրաստակամության մասին: Հրավիրեք մի քանի կամավորների կիսվել իրենց վկայություններով:

Բացատրական և պատմական տեղեկություններ

Ի՞նչ պետք է հասկանանք, երբ մեզ թվում է, որ չենք ստացել մեր աղոթքի պատասխանը

Երեց Ռիչարդ Գ. Սքոթը Տասներկու Առաքյալների Քվորումից բացատրել է.

Երբ թվում է, որ հրատապ աղոթքը չի ստանում պատասխան, դա կարող է նշանակել, որ մենք չենք հասկանում որոշ ճշմարտություններ աղոթքի մասին կամ չենք ճանաչում պատասխանները, երբ դրանք գալիս են: …

… Նա լսում է յուրաքանչյուր աղոթք և պատասխանում է դրանց Իր ձևով:

(Ռիչարդ Գ. Սքոթ, «Սովորենք հասկանալ աղոթքների պատասխանները», Ensign, նոյեմբեր 1989, 30-31)

Իմ աղոթքներն ինչպե՞ս կարող են օրհնել Եկեղեցու այսօրվա ղեկավարներին

Սուրբ գրություններից մենք սովորում ենք, որ Առաջին Նախագահությունը աջակցվում է «եկեղեցու վստահությամբ, հավատքով և աղոթքով» (տես Վարդապետություն և Ուխտեր 107․22): Երբ Թոմաս Ս. Մոնսոնը (1927–2018) Եկեղեցու նախագահ էր, նա կիսվել է հետևյալով. «Ինչպես նշել էի նախորդ համաժողովներին, ես շնորհակալություն եմ հայտնում ինձ համար ասված ձեր աղոթքների համար: Ես դրանց կարիքն ունեմ և զգում եմ դրանք» («Տերն ընդ ձեզ մինչև նոր հանդիպում», Ensign կամ Լիահոնա, նոյեմբերի 2012, 111):

Օժանդակ ուսումնական վարժություններ

Գործք Առաքելոց 12-14 Տերը կավարտի Իր գործը՝ անկախ ընդդիմությունից

Ուսանողներին առաջարկեք ընտրել Գործք Առաքելոց 12-14-ից հետևյալ պատմություններից մեկը և տեսնել, թե ինչպիսի ընդդիմության է հանդիպել Տիրոջ գործը, թե Տերն ինչպես է օգնել Իր ժողովրդին դիմակայել այդ ընդդիմությանը, և այդ գործն ինչպես է շարունակվում մինչ օրս:

Գործք Առաքելոց 12.1–19, 24Գործք Առաքելոց 13․4-12, 43-52Գործք Առաքելոց 14․1-23

Ուսանողները կարող են դիտել «Հավատքի պաշտպանները» տեսանյութը (6:56) ChurchofJesusChrist.org կայքում, որտեղ մի երիտասարդ կին օգնում է միսիոներներին առաջ տանել Տիրոջ գործը՝ չնայած ընդդիմությանը: Այնուհետև ուսանողները կարող են կիսվել օրինակներով այն մասին, թե ինչպես է Տիրոջ գործը շարունակվում մեր օրերում՝ անկախ ընդդիմությունից: Այնուհետև կարող եք դիտել «Աստծո ճշմարտությունը պետք է առաջ գնա» 12:07-16:03-ը՝ տեսնելու համար, թե Տասներկու Առաքյալների Քվորումից նախագահ Մ. Ռասսել Բալլարդն ինչ օրինակներ է բերում այն մասին, թե նրանք ինչ կարող են անել՝ Տիրոջ գործը առաջ տանելու համար:

//media.ldscdn.org/webvtt/mormon-channel/mormon-messages-2017/2017-01-004-defenders-of-the-faith-eng.vtt

Ընդդիմության նպատակները

Այս դասի ընթացքում կենտրոնացեք ընդդիմության և այն բանի վրա, թե ընդդիմությունն ինչպես կարող է մեզ նախապատրաստել Աստծո արքայության համար (տես Գործք Առաքելոց 14.22)՝ օգնելով մեզ ավելի շատ մոտենալ Հիսուս Քրիստոսին: Երբ ուսանողները հասկանան, որ Պետրոսը, Պողոսը և Բառնաբասը ընդդիմության են հանդիպել, առաջարկեք նրանց ճշմարտություններ բացահայտել Գործք Առաքելոց 14.22 ; 2 Նեփի 2.11 , Վարդապետություն և Ուխտեր 122․7-9 հատվածներում: Կարող եք նաև ցուցադրել «Մարգարե Ջոզեֆ Սմիթը» 3:08-4:15-ը ChurchofJesusChrist.org: Ուսանողներին խնդրեք կիսվել, թե ինչ են տեսել տեսանյութում այն մասին, թե ինչու է առաջանում ընդդիմությունը: