ថ្នាក់​សិក្ខាសាលា
ចំណេះចំណានខាងគោលលទ្ធិ ៖ កូរិនថូស ទី១ ៦:១៩–២០

ចំណេះចំណានខាងគោលលទ្ធិ ៖ កូរិនថូស ទី១ ៦:១៩–២០

« រូបកាយអ្នករាល់គ្នាជាវិហារនៃព្រះវិញ្ញាណបរិសុទ្ធ »

រូបភាព
Two youth walk across a bridge. It is fall. The boys seem to be in conversation. The bridge goes over a lake. In the distance you can see fields and playground equipment.

នៅក្នុងការសិក្សារបស់អ្នកអំពី កូរិនថូស ទី១ ៦ នោះអ្នកបានរៀនអំពីបទដ្ឋានរបស់ព្រះអម្ចាស់ស្តីពីភាពបរិសុទ្ធខាងផ្លូវភេទ និងសារៈសំខាន់នៃរូបកាយរបស់អ្នក ។ មេរៀននេះនឹងជួយអ្នកបង្កើនចំណេះចំណានរបស់អ្នកអំពីការបង្រៀនទាំងនេះ ដោយផ្តល់ឲ្យអ្នកនូវឱកាស ដើម្បីទន្ទេញនូវសេចក្ដីយោង និងឃ្លាបទគម្ពីរគន្លឹះសម្រាប់ កូរិនថូស ទី១ ៦:១៩–២០ ដើម្បីពន្យល់ពីគោលលទ្ធិនេះ និងដើម្បីអនុវត្តតាមគោលការណ៍នៃការទទួលបានចំណេះដឹងខាងវិញ្ញាណទៅនឹងស្ថានភាពជីវិតជាក់ស្ដែង ។

ការបង្រៀនសេចក្ដីពិតដោយសេចក្ដីស្រឡាញ់ ។ សូមខិតខំបង្រៀនដំណឹងល្អ ដូចព្រះអង្គសង្គ្រោះបានបង្រៀន ។ សូមបង្រៀនសេចក្ដីពិតឲ្យបានច្បាស់លាស់ ប៉ុន្តែតែងតែប្រកបដោយស្មារតីនៃសេចក្ដីស្រឡាញ់ ។ ការបង្រៀនដោយសេចក្ដីស្រឡាញ់នឹងជួយដល់សិស្ស ដែលកំពុងពិបាកយល់ពីគោលការណ៍មួយចំនួននៃដំណឹងល្អ ឬបុគ្គលដែលមានមនុស្សជាទីស្រឡាញ់ដែលមិនរស់នៅក្នុងដំណឹងល្អ ដើម្បីរៀនសូត្រសេចក្ដីពិត និងទទួលអារម្មណ៍ជំរុញឲ្យរស់នៅតាមដំណឹងល្អ ។ ( សូមមើល « The Two Sides of Teaching: A Message from Brother Chad H Webb » si.ChurchofJesusChrist.org ) ។

ការរៀបចំរបស់សិស្ស ៖ សូមពិចារណាចែកចាយជាមួយសិស្សនូវស្ថានភាពនៃការអនុវត្តនៅក្នុងមេរៀននេះ ហើយអញ្ជើញពួកគេឲ្យចាប់ផ្តើមគិតអំពីរបៀបដែលពួកគេអាចឆ្លើយតប ។

សកម្មភាពរៀនសូត្រដែលអាចមាន

មេរៀនវគ្គបទគម្ពីរចំណេះចំណានខាងគោលលទ្ធិនេះត្រូវបានរៀបរៀងឡើង ដើម្បីបង្រៀនបន្ទាប់ពីមេរៀន « កូរិនថូស ទី១ ៦ » ដែលជាមេរៀនបរិបទសម្រាប់វគ្គបទគម្ពីរចំណេះចំណានខាងគោលលទ្ធិ កូរិនថូស ទី១ ៦:១៩–២០ ។ ប្រសិនបើមេរៀនវគ្គបទគម្ពីរចំណេះចំណានខាងគោលលទ្ធិនេះត្រូវប្តូរទៅសប្តាហ៍ផ្សេង សូមប្រាកដថា មេរៀនបរិបទដែលត្រូវគ្នានេះត្រូវបានបង្រៀននៅអំឡុងសប្តាហ៍នោះផងដែរ ។

ពន្យល់ និងទន្ទេញ

សូមស្រមៃគិតថាអ្នកកំពុងនៅក្នុងថ្នាក់ ឬការពិភាក្សាក្នុងកូរ៉ុម ពេលមិត្តរួមថ្នាក់ដែលមានអាយុក្មេងជាង សួរគ្រូបង្រៀនថា « តើអ្វីទៅជាច្បាប់ព្រហ្មចារីភាព ? » គ្រូបង្រៀនសុំឲ្យសិស្សផ្សេងទៀត រួមទាំងអ្នកឲ្យឆ្លើយតបផងដែរ ។

ដោយប្រើសេចក្តីពិតដែលបានបង្រៀននៅក្នុងវគ្គបទគម្ពីរចំណេះចំណានខាងគោលលទ្ធិ កូរិនថូស ទី១ ៦:១៩–២០ សូមរៀបចំផែនការនូវអ្វីដែលអ្នកអាចចែកចាយជាមួយមិត្តរួមថ្នាក់របស់អ្នក ដើម្បីជួយពួកគេឲ្យយល់អំពីបទដ្ឋានរបស់ព្រះអម្ចាស់ស្តីពីភាពបរិសុទ្ធខាងផ្លូវភេទ ឬព្រហ្មចារីភាព និងមូលហេតុដែលវាសំខាន់ ។

  • ដោយប្រើការបង្រៀនដែលបានកត់ត្រានៅក្នុង កូរិនថូស ទី១ ៦:១៩–២០ តើអ្នកអាចពន្យល់នរណាម្នាក់អំពីច្បាប់ព្រហ្មចារីភាពរបស់ព្រះអម្ចាស់ និងមូលហេតុដែលច្បាប់នេះសំខាន់ដោយរបៀបណា ?

សូមស្តាប់ចម្លើយរបស់សិស្សដោយយកចិត្តទុកដាក់ ហើយវាយតម្លៃការយល់ដឹងរបស់ពួកគេ ។ ប្រសិនបើចាំបាច់ សូមពិនិត្យមើលបទគម្ពីរ និងគោលការណ៍នានាមកពីមេរៀននៅកូរិនថូស ទី១ ៦ ។

សូមផ្តល់ឱកាសឲ្យសិស្សទន្ទេញសេចក្តីយោងសម្រាប់វគ្គបទគម្ពីរចំណេះចំណានខាងគោលលទ្ធិ កូរិនថូស ទី១ ៦:១៩–២០ និងឃ្លាបទគម្ពីរគន្លឹះដែលភ្ជាប់មកជាមួយ ។ ខាងក្រោមនេះគឺជាឧទាហរណ៍មួយនៃរបៀបធ្វើដូច្នេះ ។

ដើម្បីជួយអ្នកឲ្យទន្ទេញសេចក្ដីយោងសម្រាប់វគ្គបទគម្ពីរចំណេះចំណានខាងគោលលទ្ធិ កូរិនថូស ទី១ ៦:១៩–២០ និងឃ្លាបទគម្ពីរគន្លឹះរបស់វាថា « រូបកាយអ្នករាល់គ្នាជាវិហារនៃព្រះវិញ្ញាណបរិសុទ្ធ » សូមពិចារណាបង្កើតរូបភាពធម្មតា រូបភាពបែបកំប្លែង ឬរូបភាពបែបរចនា ដើម្បីតំណាងឲ្យវគ្គបទគម្ពីរនេះ និងគោលលទ្ធិដែលបានបង្រៀន ។ រូបភាពដែលអ្នកបង្កើតគប្បីគួរឲ្យចងចាំ ប៉ុន្តែក៏គួរមានគារវភាព និងការគោរពចំពោះបទគម្ពីរ និងគោលលទ្ធិដែលវាបង្រៀនផងដែរ ។ អ្នកអាចប្រើរូបភាពដែលអ្នកបានគូរពីមនុស្សម្នាក់ដែលឈរក្បែរព្រះវិហារបរិសុទ្ធក្នុងសកម្មភាពសម្រាប់មេរៀននេះអំពី កូរិនថូស ទី១ ៦ ។ សូមប្រាកដថាអ្នកសរសេរសេចក្ដីយោង កូរិនថូស ទី១ ៦:១៩–២០ និងឃ្លាបទគម្ពីរគន្លឹះនៅកន្លែងណាមួយក្បែររូបភាពរបស់អ្នក ។

ពេលកំពុងសម្លឹងមើលរូបភាពតំណាងដែលអ្នកបានបង្កើត ឬបានជ្រើសរើស សូមថាឡើងវិញនូវសេចក្ដីយោងវគ្គបទគម្ពីរ និងឃ្លាបទគម្ពីរគន្លឹះនៅក្នុងចិត្តរបស់អ្នក រហូតដល់អ្នកមានអារម្មណ៍ថា អ្នកបានចងចាំហើយ ។

រៀនអនុវត្ត

សូមជួយសិស្សឲ្យពិនិត្យមើលគោលការណ៍នៃការទទួលបានចំណេះដឹងខាងវិញ្ញាណឡើងវិញ ។ ខាងក្រោមនេះគឺជាឧទាហរណ៍មួយនៃរបៀបធ្វើដូច្នេះ ។ ជាជម្រើសមួយ សូមពិចារណាអញ្ជើញសិស្សបីនាក់ឲ្យរៀបចំជាមុនដើម្បីសង្ខេបខ្លីៗ និងបង្រៀនគោលការណ៍ទាំងនេះដល់មិត្តរួមថ្នាក់របស់ពួកគេ ។

នៅក្នុងសៀវភៅកំណត់ហេតុការសិក្សារបស់អ្នក សូមកត់ត្រាយ៉ាងខ្លីៗនូវអ្វីដែលអ្នកដឹង និងចងចាំអំពីគោលការណ៍នៃការទទួលបានចំណេះដឹងខាងវិញ្ញាណ ដោយមិនចាំបាច់មើលប្រភពផ្សេងទៀតឡើយ ។ នៅពេលអ្នកបានធ្វើរួច សូមមើល ឯកសារគោលនៃចំណេះចំណានខាងគោលលទ្ធិ ( ឆ្នាំ ២០២២ ) ដើម្បីពិនិត្យមើលចំណេះដឹងរបស់អ្នក និងបន្ថែមព័ត៌មានសំខាន់ៗដែលអ្នកប្រហែលជាខកខាន ។

សូមសញ្ជឹងគិតពីស្ថានភាពខាងក្រោមនេះ ។ បន្ទាប់មកឆ្លើយសំណួរបន្ទាប់ដោយប្រើគោលការណ៍នៃការទទួលបានចំណេះដឹងខាងវិញ្ញាណ និងគោលលទ្ធិដែលបានបង្រៀននៅក្នុង កូរិនថូស ទី១ ៦:១៩–២០ ថា រូបកាយរបស់យើងគឺជាវិហារនៃព្រះ ដែលព្រះវិញ្ញាណអាចគង់នៅ ។ ម្យ៉ាងវិញទៀត អ្នកក៏អាចបង្កើតស្ថានភាពផ្សេងមួយដែលទាក់ទងយ៉ាងខ្លាំងទៅនឹងអ្នក ឬយុវវ័យនៅក្នុងតំបន់របស់អ្នក ។

គោលការណ៍ដ៏នៅអស់កល្បជានិច្ចអំពី រូបកាយរបស់យើងគឺជាវិហារនៃព្រះ ដែលព្រះវិញ្ញាណអាចគង់នៅ អាចត្រូវបានអនុវត្តចំពោះស្ថានភាពផ្សេងទៀតក្រៅពីច្បាប់ព្រហ្មចារីភាព ។ សូមពិចារណាកែសម្រួលស្ថានភាពខាងក្រោមដើម្បីធ្វើឲ្យវាទាក់ទងខ្លាំងទៅនឹងសិស្ស ។

ក្មេងជំទង់ម្នាក់បានធំឡើងដោយដឹងពីបទដ្ឋានរបស់ព្រះអម្ចាស់អំពីច្បាប់ព្រហ្មចារីភាព ប៉ុន្តែបន្ទាប់ពីមានទំនាក់ទំនងប្រាកដប្រជាមួយរយៈមក គាត់មានអារម្មណ៍ចង់បង្ហាញពីអារម្មណ៍របស់គាត់តាមរយៈការមានទំនាក់ទំនងផ្លូវភេទជាមួយមិត្តស្រីរបស់គាត់ ។ គាត់មានសមាជិកគ្រួសារ និងមិត្តភក្តិដែលមានទំនាក់ទំនងផ្លូវភេទមុនពេលរៀបការ ហើយពួកគេទាំងអស់គ្នាហាក់មានភាពរីករាយ ។

ពិនិត្យមើលគោលគំនិត និងសំណួរទាំងឡាយដោយទស្សនវិស័យដ៏នៅអស់កល្បជានិច្ចអែលឌើរ ដេវីឌ អេ បែដណា ក្នុងកូរ៉ុមនៃពួកសាវកដប់ពីរនាក់បានសង្កត់ធ្ងន់ថា « សារៈសំខាន់ដ៏អស់កល្បនៃភាពបរិសុទ្ធអាចយល់បានតែនៅក្នុងបរិបទដ៏ធំនៃផែនការសុភមង្គលរបស់ព្រះវរបិតាសួគ៌សម្រាប់កូនចៅទ្រង់ប៉ុណ្ណោះ » ( « We Believe in Being Chaste » Ensign ឬ Liahona ខែ ឧសភា ឆ្នាំ ២០១៣ ទំព័រ ៤១ ) ។

  • តើទិដ្ឋភាពជាក់លាក់អ្វីខ្លះរបស់ផែនការនៃសេចក្តីសង្គ្រោះរបស់ព្រះវរបិតាសួគ៌ ដែលអ្នកចង់ឲ្យនរណាម្នាក់នៅក្នុងស្ថានភាពនេះយល់ និងសញ្ជឹងគិត ?

  • តើសេចក្ដីពិតនៅក្នុង កូរិនថូស ទី១ ៦:១៩–២០ ជះឥទ្ធិពលដល់របៀបដែលអ្នកយល់ពីច្បាប់ព្រហ្មចារីភាព និងទំនាក់ទំនងរបស់អ្នកជាមួយនឹងក្រុមព្រះយ៉ាងដូចម្ដេច ?

ស្វែងរកការយល់ដឹងបន្ថែមតាមរយៈប្រភពដែលបានតែងតាំងដ៏ទេវភាពសូមពិចារណាជ្រើសរើសប្រភពមួយ ឬច្រើននៃប្រភពដែលបានតែងតាំងដ៏ទេវភាពខាងក្រោម ដើម្បីស្វែងរកសេចក្ដីពិតដែលនឹងអនុវត្ត និងជួយក្នុងស្ថានភាពដែលអ្នកបានជ្រើសរើស ។

សូមឆ្លើយសំណួរខាងក្រោមនេះ ៖

  • តើអ្នកបានរកឃើញអ្វីខ្លះដែលអាចជួយនៅក្នុងស្ថានភាពនេះ ?

ធ្វើសកម្មភាពដោយសេចក្ដីជំនឿ

  • តើមានវិធីអ្វីផ្សេងទៀត ដែលបុគ្គលម្នាក់អាចជ្រើសរើសដើម្បីធ្វើសកម្មភាពដោយសេចក្ដីជំនឿក្នុងស្ថានភាពនេះ ?

  • តើអ្នកមានបទពិសោធន៍អ្វីខ្លះជាមួយព្រះវរបិតាសួគ៌ និងព្រះយេស៊ូវគ្រីស្ទ ដែលនឹងជួយអ្នកឲ្យទុកចិត្តលើទ្រង់ទាំងទ្វេ ហើយធ្វើតាមការបង្រៀនទាំងឡាយរបស់ទ្រង់ទាំងទ្វេ ?

សូមសង្ខេបពីរបៀបដែលគោលការណ៍នីមួយៗនៃការទទួលបានចំណេះដឹងខាងវិញ្ញាណអាចត្រូវបានអនុវត្តចំពោះស្ថានភាពនេះ ។ ប្រសិនបើអ្នកបានបង្កើតស្ថានភាពផ្ទាល់ខ្លួនរបស់អ្នក ត្រូវប្រាកដថា អ្នកដាក់បញ្ចូលការសង្ខេបខ្លីៗអំពីស្ថានភាពនោះផងដែរ ។

បន្ទាប់ពីសិស្សមានពេលសម្រាប់សញ្ជឹងគិត និងឆ្លើយតបនឹងសំណួរមុនៗហើយ សូមពិចារណាអញ្ជើញពួកគេឲ្យចែកចាយស្ថានភាពដែលពួកគេបានប្រើ និងពិភាក្សាអំពីចម្លើយរបស់ពួកគេ ។ វិធីមួយក្នុងការធ្វើបែបនេះអាចជាការដាក់កៅអីទទេមួយនៅខាងមុខបន្ទប់ ហើយអញ្ជើញសិស្សឲ្យស្រមៃថា មនុស្សម្នាក់ក្នុងស្ថានភាពនេះកំពុងអង្គុយលើកៅអីនោះ ។ សូមឲ្យសិស្សគិតអំពីរឿងមួយដែលពួកគេអាចនឹងចែកចាយជាមួយបុគ្គលនោះ ។ បន្ទាប់មកសួរប្រសិនបើសិស្សម្នាក់ទៀតចង់បន្ថែមអ្វីដែលសិស្សទីមួយបាននិយាយ ។ សូមអញ្ជើញសិស្សមួយចំនួនឲ្យចែកចាយគំនិតដែលអាចជួយបុគ្គលនោះក្នុងស្ថានភាពនេះ ។ សូមលើកទឹកចិត្តសិស្សប្រើគ្រប់គោលការណ៍ទាំងបីនៃការទទួលបានចំណេះដឹងខាងវិញ្ញាណ ។

ការរំឭកចំណេះចំណានខាងគោលលទ្ធិ

សកម្មភាពរំឭកឡើងវិញខាងក្រោមនេះគួរតែត្រូវបានប្រើសម្រាប់មេរៀនដែលនឹងត្រូវបានបង្រៀននាពេលខាងមុខដ៏ឆាប់នេះ ៖

សូមអញ្ជើញសិស្សឲ្យរំឭក ឬបង្ហាញរូបភាពដែលពួកគេបានបង្កើតឡើងដើម្បីតំណាងឲ្យ កូរិនថូស ទី១ ៦:១៩–២០ ។ សូមអញ្ជើញពួកគេឲ្យមើលថា តើពួកគេអាចចងចាំឃ្លាបទគម្ពីរគន្លឹះដែលទាក់ទងនឹងវគ្គបទគម្ពីរនេះដែរឬទេ ។ ប្រសិនបើចាំបាច់ សូមអនុវត្តការសូត្រសេចក្ដីយោងបទគម្ពីរ និងឃ្លាគន្លឹះនៃវគ្គបទគម្ពីរចំណេះចំណានខាងគោលលទ្ធិនេះ ។

បោះពុម្ព