Zotërimi Doktrinor: Vlerësimi 2

1 Korintasve 6:19–20 deri te Zbulesa 20:12

Gjatë gjysmës së dytë të këtij kursi, nxënësit studiuan 13 fragmentet e zotërimit doktrinor që gjenden nga 1 Korintasve deri te Zbulesa. Ky vlerësim është hartuar për të vlerësuar aftësitë e nxënësve për t’i gjetur këto fragmente dhe për t’i përdorur ato në situata nga jeta reale. Ai do të vlerësojë gjithashtu kuptueshmërinë e tyre për parimet e marrjes së njohurisë shpirtërore.

Kryejeni këtë vlerësim të zotërimit doktrinor kurdoherë pasi të jenë dhënë mësim të gjitha fragmentet e zotërimit doktrinor nga 1 Korintasve deri te Zbulesa. Mund të jetë e nevojshme të jepen disa nga mësimet e zotërimit doktrinor përpara se të dalin në rendin e shkrimeve të shenjta në mënyrë që vlerësimi të mund të kryhet përpara fundit të semestrit.

Nëse është e mundur, kryejeni këtë vlerësim me prani fizike në mënyrë që nxënësit të mund ta korrigjojnë atë si klasë menjëherë pasi ta përfundojnë.

Krahas vlerësimit të njohurive aktuale të nxënësve, përvoja e kryerjes dhe e korrigjimit të vlerësimit ka për qëllim të jetë një përvojë kuptimplotë e që krijon dëshmi për nxënësit. Ndërkohë që korrigjoni pyetjet 7–12, ftojini nxënësit të tregojnë se përse e zgjodhën atë përgjigje dhe të shpjegojnë mënyrën se si fragmenti që zgjodhën mund t’i ndihmojë ata në situatat e përshkruara në vlerësim. Ndihmojini nxënësit ta kuptojnë çdo pyetje së cilës mund t’i jenë përgjigjur në mënyrë të gabuar. Gjeni kohë për t’u përgjigjur për çdo pyetje tjetër që mund të kenë nxënësit.

Zotërimi Doktrinor i Dhiatës së Re: Vlerësimi 2

Referencat e zotërimit doktrinor

Për pyetjet 1–3, shkruani shkronjën e referencës përkatëse në vendin bosh pranë çdo fraze. Ju lutemi, mos i përdorni shkrimet tuaja të shenjta për këtë pjesë të vlerësimit.

1. ____ “Besimi; në qoftë se s’ka vepra, është i vdekur.”	a. 1 Korintasve 11:11
2. ____ “Kur të plotësoheshin kohërat, t’i sillte në një krye të vetëm, në Krishtin, të gjitha gjërat.”	b. Efesianëve 1:10
3. ____ “Në Zotin as burri s’është pa gruan, as gruaja pa burrin.”	c. 2 Timoteut 3:15–17
	d. Jakob [Bibël] 2:17–18
	e. Zbulesa 20:12

Frazat kyç të shkrimit të shenjtë

Për pyetjet 4–6, plotësoni fjalët që mungojnë në frazat kyç të shkrimit të shenjtë për zotërimin doktrinor. Ju lutemi, mos i përdorni shkrimet tuaja të shenjta për këtë pjesë të vlerësimit.

4. “__________ juaj është __________ i __________ së __________” ( 1 Korintasve 6:19–20).

5. Kisha është “ndërtuar mbi __________ e __________ dhe të profetëve, duke qenë ___________ __________ vetë guri i qoshes” ( Efesianëve 2:19–20).

6. “Dita e Krishtit … nuk do të __________, pa ardhur më __________ __________” ( 2 Thesalonikasve 2:1–3).

Ju mund t’i përdorni shkrimet tuaja të shenjta për pjesën e mbetur të vlerësimit.

Për pyetjet 7–9, përcaktoni një ose më shumë fragmente të zotërimit doktrinor që mund ta ndihmojnë dikë në situatat vijuese.

7. Një njeri i dashur i një mikut tënd ka ndërruar jetë kohët e fundit. Miku yt ka shumë pyetje për atë që na ndodh pas vdekjes.
8. Vëllai yt duket se po has vështirësi dhe po e vë në dyshim a është vërtet Perëndia në dijeni për të.
9. Një udhëheqës i Kishës të kërkon t’u japësh këshilla moshatarëve të tu në një mësim të ardhshëm të Shkollës të së Dielës për faktin se si mund të qëndrojnë besnikë kur përballen me ide të rreme dhe tundime.

Te pyetjet 10–11, tregoni njohurinë dhe aftësinë tuaj për t’i përdorur parimet e marrjes së njohurisë shpirtërore.

10. Si do t’ia shpjegoje tri parimet vijuese të marrjes së njohurisë shpirtërore dikujt që nuk ka njohuri rreth tyre?

• Veproni me besim.

• Shqyrtojini konceptet dhe pyetjet me një këndvështrim të përjetshëm.

• Kërkoni kuptueshmëri të mëtejshme nëpërmjet burimeve të caktuara në mënyrë hyjnore.

11. Ke një mike që do të diplomohet së shpejti në shkollën e mesme dhe është në ankth rreth vendimeve të rëndësishme që do të marrë në jetën e saj gjatë viteve të ardhshme. Përgjigju për pyetjet vijuese:

• Çfarë gjërash specifike do ta ftoje atë të bënte për të vepruar me besim?

• Si mund ta ndihmoje atë ta shohë situatën e saj me një këndvështrim të përjetshëm?

• Fragmentet e zotërimit doktrinor janë shembuj të burimeve të caktuara në mënyrë hyjnore. Çfarë fragmenti/esh të zotërimit doktrinor mund t’i tregoje mikes tënde? Pse?

12. Nga 13 fragmentet e zotërimit doktrinor që studiove këtë semestër, cili ka ndikuar te ty më shumë dhe përse? Çfarë të mëson ky fragment rreth Atit Qiellor dhe Jezu Krishtit?

Jepuni nxënësve kohë të mjaftueshme për ta përfunduar vlerësimin. Pasi nxënësit ta kenë përfunduar, rishikojeni atë si klasë. Si mësues, vendosni nëse do të ishte më e dobishme për nxënësit që ta korrigjojnë vetë punën e tyre apo t’ia kalojnë atë një shoku të klasës për ta korrigjuar.

Përgjigjet e duhura

1. d. Jakob [Bibël] 2:17–18

2. b. Efesianëve 1:10

3. a. 1 Korintasve 11:11

4. trupi; tempulli; Frymës së Shenjtë

5. themelin; apostujve; Jezu Krishti

6. vijë; më parë; rënia

7. Përgjigjet e mundshme përfshijnë vargjet te 1 Korintasve 15:20–22 dhe 1 Pjetër 4:6 , por nxënësit mund të marrin meritë për përdorimin e cilitdo fragmenti të zotërimit doktrinor që i ndihmon ta shpjegojnë planin e Perëndisë për ne pas vdekjes fizike.

8. Përgjigjet e mundshme përfshijnë vargjet te Hebrenjve 12:9 dhe Jakob [Bibël] 1:5–6 , por nxënësit mund të marrin meritë për përdorimin e cilitdo fragmenti të zotërimit doktrinor që i ndihmon ta shpjegojnë se Perëndia është në dijeni për ne.

9. Përgjigjet e mundshme përfshijnë vargjet te 1 Korintasve 6:19–20 dhe Zbulesa 20:12 , por nxënësit mund të marrin meritë për përdorimin e cilitdo fragmenti të zotërimit doktrinor që përfshin të vërteta që mund të na ndihmojnë të qëndrojmë besnikë kur përballemi me ide të rreme dhe tundime.

10. Nxënësit duhet të jenë në gjendje t’i shpjegojnë shkurtimisht parimet e marrjes së njohurisë shpirtërore. Merreni parasysh t’i ftoni ata t’i krahasojnë përgjigjet e tyre me paragrafët 5–12 të pjesës “Marrja e Njohurisë Shpirtërore” te Dokumenti Bazë i Zotërimit Doktrinor (2022).

11. Nxënësit duhet të jenë në gjendje të shpjegojnë veprimet që lidhen me të vepruarit me besim dhe shqyrtimin e koncepteve dhe pyetjeve me një këndvështrim të përjetshëm. Ata duhet të përcaktojnë gjithashtu një fragment të zotërimit doktrinor që na ndihmon të kuptojmë se si të marrim udhërrëfim për vendime të rëndësishme në jetën tonë. Disa nga fragmentet që nxënësit mund t’i përdorin përfshijnë Efesianëve 2:19–20 dhe 2 Timoteut 3:15–17 .

12. Për sa kohë që nxënësit i përgjigjen kësaj pyetjeje të hapur me sinqeritet dhe plotësisht, atyre duhet t’u njihet merita.

Që t’i ndihmoni nxënësit të shpjegojnë, tregojnë dhe dëshmojnë, ftojini ata të diskutojnë për fragmentin e zotërimit doktrinor që zgjodhën për pyetjen 12 dhe arsyen përse e zgjodhën. Mund të jetë e efektshme që t’u kërkoni sa më shumë nxënësve të jetë e mundur që të flasin gjatë kohës së mbetur. Ftojini ata të tregojnë atë që fragmenti që zgjodhën u mëson atyre rreth Atit Qiellor dhe Jezu Krishtit. Si mësues, merreni parasysh që edhe të lexoni një fragment kuptimplotë të zotërimit doktrinor.Përfundojeni vlerësimin duke dhënë dëshmi për fuqinë nga njohja e doktrinës së Jezu Krishtit që gjendet në shkrimet e Tij të shenjta, dhe të qenit të përgatitur për t’i zbatuar mësimet e Tij në situata nga jeta reale.