Zotërimi Doktrinor: Përsëritja e Vlerësimit 2

1 Korintasve 6:19–20 deri te Zbulesa 20:12

Kjo përsëritje e vlerësimit të zotërimit doktrinor është hartuar si një përvojë e të mësuarit për t’i ndihmuar nxënësit të përsëritin 13 fragmentet e zotërimit doktrinor që gjenden nga 1 Korintasve deri te Zbulesa. Ajo gjithashtu do t’i ndihmojë nxënësit të përgatiten për vlerësimin e ardhshëm (“Zotërimi Doktrinor: Vlerësimi 2”) dhe do t’i lejojë ata të tregojnë kuptueshmërinë dhe zbatimin e këtyre fragmenteve.

Ky mësim për përsëritje ka për qëllim të përdoret si një përvojë e të mësuarit me prani fizike ose me videokonferencë.

Përdoreni këtë përsëritje dhe kryejeni vlerësimin e zotërimit doktrinor në çfarëdo kohe pasi të jepen mësim të gjitha fragmentet e zotërimit doktrinor nga 1 Korintasve deri te Zbulesa. Mund të jetë e nevojshme të jepen disa nga mësimet e zotërimit doktrinor përpara se të dalin në rendin e shkrimeve të shenjta në mënyrë që vlerësimi të mund të kryhet përpara fundit të semestrit.

Veprimtari të Mundshme të të Mësuarit

Zotërimi doktrinor në jetën tënde

Merrini parasysh nevojat e nxënësve dhe përzgjidhni nga kjo përsëritje pjesët që do t’i ndihmojnë ata më mirë në përgatitjen për “Zotërimi Doktrinor: Vlerësimi 2”. Gjatë gjithë kësaj përsëritjeje, ftojini nxënësit t’i shënojnë fragmentet që ata nuk i dinë aq mirë dhe të bëjnë plane për t’i studiuar dhe për t’i përsëritur këto fragmente gjatë përgatitjes për vlerësimin.

Kërkojuni nxënësve të reflektojnë për pyetjet vijuese.

Si je bekuar nga studimi i fragmenteve të zotërimit doktrinor nga 1 Korintasve deri te Zbulesa?
Kur ke pasur mundësi ta përdorësh atë që ke mësuar nga këto fragmente në jetën tënde?

Pyetësorët vijues në veprimtaritë e përsëritjes 1 dhe 2 kanë për qëllim t’i ndihmojnë nxënësit t’i shqyrtojnë referencat e zotërimit doktrinor dhe frazat kyç të shkrimit të shenjtë. Mund të përdoren edhe veprimtari të ndryshme për të ndihmuar në shqyrtimin e referencave dhe frazave të shkrimit të shenjtë sipas nevojave të nxënësve.

Veprimtaria e përsëritjes 1: Njihi referencat e shkrimit të shenjtë dhe frazat kyç të shkrimit të shenjtë

Paraqiteni pyetësorin vijues ose jepuni nxënësve kopje të tij.

Si një alternativë për paraqitjen e pyetësorit ose dhënien e kopjeve të tij nxënësve, shkruajeni secilën referencë në copa letre të vogla, të veçanta dhe vendosini ato në një tas. Më pas shkruajeni secilën frazë kyç në copa letre të vogla, të veçanta dhe vendosini ato në një tas tjetër. Ftojeni një nxënës që të zgjedhë në mënyrë rastësore një letër nga cilido tas dhe t’ia lexojë atë klasës. Pyetini anëtarët e klasës nëse e dinë se cila është referenca ose fraza kyç që përputhet. Më pas ftojeni një nxënës tjetër të zgjedhë në mënyrë rastësore një letër nga tasi tjetër. Për të shtuar pritjen, merreni parasysh t’u thoni nxënësve se, nëse janë aq me fat sa të zgjedhin referencën ose frazën kyç përkatëse, ata do të marrin një ëmbëlsirë të vogël. Nëse nuk tërheqin një letër që përputhet, pyeteni klasën se cila është referenca ose fraza kyç që përputhet. Vazhdojeni këtë proces me nxënës të ndryshëm që zgjedhin një copë letër nga cilido tas derisa të mos mbetet asnjë copë letër brenda tasave.

Përgjigjet e duhura: 1-d, 2-g, 3-c, 4-h, 5-e, 6-k, 7-j, 8-a, 9-f, 10-b, 11-i, 12-m, 13-l

Lidhi frazat kyç vijuese në kolonën e majtë me fragmentin e saktë të zotërimit doktrinor në kolonën e djathtë.

1. ___ Në Ringjallje, ka tri shkallë lavdie.	a. 1 Korintasve 6:19–20
2. ___ “Dita e Krishtit … nuk do të vijë, pa ardhur më parë rënia.”	b. 1 Korintasve 11:11
3. ___ “Ashtu sikur të gjithë vdesin në Adamin, kështu të gjithë do të ngjallen në Krishtin.”	c. 1 Korintasve 15:20–22
4. ___ “Shkrimet e shenjta … mund të të bëjnë të ditur për shpëtimin.”	d. 1 Korintasve 15:40–42
5. ___ “Kur të plotësoheshin kohërat, t’i sillte në një krye të vetëm, në Krishtin, të gjitha gjërat.”	e. Efesianëve 1:10
6. ___ “Besimi; në qoftë se s’ka vepra, është i vdekur.”	f. Efesianëve 2:19–20
7. ___ “Por në qoftë se ndonjërit nga ju i mungon urtia, le të kërkojë nga Perëndia.”	g. 2 Thesalonikasve 2:1–3
8. ___ “Trupi juaj është tempulli i Frymës së Shenjtë.”	h. 2 Timoteut 3:15–17
9. ___ Kisha është “ndërtuar mbi themelin e apostujve dhe të profetëve, duke qenë Jezu Krishti vetë guri i qoshes”.	i. Hebrenjve 12:9
10. ___ “Në Zotin as burri s’është pa gruan, as gruaja pa burrin.”	j. Jakob [Bibël] 1:5–6
11. ___ Ati Qiellor është “Ati… [i] shpirtrave”.	k. Jakob [Bibël] 2:17–18
12. ___ “Dhe të vdekurit u gjykuan … sipas veprave të tyre”.	l. 1 Pjetër 4:6
13.___ “Ungjilli u është predikuar edhe të vdekurve.”	m. Zbulesa 20:12

Veprimtaria e përsëritjes 2: Njihi referencat e shkrimit të shenjtë dhe frazat kyç të shkrimit të shenjtë

Paraqiteni pyetësorin vijues ose jepuni nxënësve kopje të tij.

Si një alternativë për të paraqitur pyetësorin ose dhënë kopje të tij nxënësve, caktojini çdo nxënësi një fragment të ndryshëm të zotërimit doktrinor. Informojini ata se qëllimi i tyre është të përdorin sa më pak fjalë të jetë e mundur si të dhëna ndihmëse për ta ndihmuar klasën të përcaktojë referencën përkatëse të shkrimit të shenjtë. Ftojeni një nxënës të ngrihet në këmbë dhe të tregojë një fjalë të re nga fraza kyç e tij e shkrimit të shenjtë çdo pesë sekonda derisa klasa ta përcaktojë me saktësi referencën. Më pas ftojeni klasën të thotë frazën kyç të shkrimit të shenjtë njëzëri përpara se nxënësi i radhës të ngrihet në këmbë për të treguar fjalët kyç nga fragmenti që i është caktuar. Mund t’i ndihmojë nxënësit t’i shqyrtojnë të 13 fragmentet kyç të shkrimit të shenjtë në këtë mënyrë dhe jo vetëm fragmentet e sugjeruara në vijim.

Përgjigjet e duhura: 1) trupi; tempulli; Frymës së Shenjtë; 2) themelin; apostujve; Jezu Krishti; 3) vijë; më parë; rënia; 4) urtia; kërkojë; Perëndia; 5) ungjilli; predikuar; të vdekurve

Plotësoji vendet bosh me fjalën ose fjalët që mungojnë nga frazat kyç të shkrimit të shenjtë.

“ __________ juaj është __________ i _________së ___________” ( 1 Korintasve 6:19–20).
Kisha është “ndërtuar mbi __________ e __________ dhe të profetëve, duke qenë __________ __________ vetë guri i qoshes” ( Efesianëve 2:19–20).
“Dita e Krishtit … nuk do të __________, pa ardhur më __________ __________” ( 2 Thesalonikasve 2:1–3).
“Por në qoftë se ndonjërit nga ju i mungon __________, le të __________ nga __________” ( Jakob [Bibël] 1:5–6).
“__________ u është __________ edhe të __________.” ( 1 Pjetër 4:6).

Veprimtaria e përsëritjes 3: Zbatoje doktrinën

Veprimtaria vijuese do t’i ndihmojë nxënësit të tregojnë kuptueshmërinë për fragmentet e zotërimit doktrinor duke i lejuar ata të shpjegojnë se si fragmentet mund të zbatohen në situata nga jeta reale. Lejojini nxënësit t’i përdorin shkrimet e tyre të shenjta për t’i ndihmuar ata të zgjedhin një ose më shumë fragmente të zotërimit doktrinor që ata e ndiejnë se mund ta ndihmojnë personin e përshkruar në veprimtari. Ftojini ata të shpjegojnë se si fragmenti që ata zgjodhën, mund ta ndihmojë personin. Në secilin skenar mund të zbatohen fragmente të shumta të zotërimit doktrinor.

Kjo veprimtari mund të zhvillohet individualisht, në grupe, si klasë ose duke përdorur një kombinim të të triave. Nxënësit mund të krijojnë gjithashtu skenarët e tyre nga jeta reale për fragmentet e zotërimit doktrinor.

Një njeri i dashur i një mikut tënd ka ndërruar jetë kohët e fundit. Miku yt ka shumë pyetje për atë që na ndodh pas vdekjes.
Vëllai yt duket se po has vështirësi dhe po e vë në dyshim a është vërtet Perëndia në dijeni për të.
Një udhëheqës i Kishës të kërkon t’u japësh këshilla moshatarëve të tu në një mësim të ardhshëm të Shkollës të së Dielës për faktin se si mund të qëndrojnë besnikë kur përballen me ide të rreme dhe tundime.

Veprimtaria e përsëritjes 4: Përdori parimet e marrjes së njohurisë shpirtërore

Merreni parasysh ta përdorni skenarin vijues për t’i ndihmuar nxënësit të përsëritin parimet e marrjes së njohurisë shpirtërore. Mund të jetë e efektshme që nxënësit ta zhvillojnë këtë veprimtari në dyshe ose në grupe të vogla.

Ke një mike që do të diplomohet së shpejti në shkollën e mesme dhe është në ankth rreth vendimeve të rëndësishme që do të marrë në jetën e saj gjatë viteve të ardhshme.

Mësoji mikes tënde tri parimet vijuese të marrjes së njohurisë shpirtërore dhe se si ajo mund t’i përdorë ato për të marrë ndihmë nga Ati Qiellor për shqetësimet e saj:

Veproni me besim.

Shqyrtojini konceptet dhe pyetjet me një këndvështrim të përjetshëm.

Kërkoni kuptueshmëri të mëtejshme nëpërmjet burimeve të caktuara në mënyrë hyjnore.

Cilat fragmente të zotërimit doktrinor nga kjo gjysmë e kursit mund ta ndihmojnë miken tënde? Si mund ta ndihmojnë atë këto fragmente?
Në ç’mënyrë është e dobishme t’i përdorësh parimet e marrjes së njohurisë shpirtërore kur ne po kërkojmë përgjigje për pyetjet apo shqetësimet tona?
Si i ke përdorur këto parime për t’i ndihmuar të tjerët ose për të zgjidhur shqetësimet e tua?

Veprimtaria e përsëritjes 5: Fragmente me kuptim të veçantë në jetën tënde

Ftojini nxënësit të reflektojnë mbi fragmentin e zotërimit doktrinor që ka ndikuar më shumë tek ta dhe i ka ndihmuar ta rritin kuptueshmërinë ose dashurinë e tyre për Atin Qiellor dhe Jezu Krishtin. Shpjegoni se ata do të kenë mundësi ta tregojnë fragmentin që zgjodhën si pjesë e vlerësimit.

Merreni parasysh t’u shpërndani nxënësve fletushkën vijuese për t’i ndihmuar ata të përgatiten për vlerësimin (“Zotërimi Doktrinor: Vlerësimi 2”).

Pamja

New Testament Seminary Teacher Manaul - 2023

Zotërimi Doktrinor: Vlerësimi 2 – Udhëzuesi Studimor

Mësoje përmendsh referencën dhe frazën kyç të shkrimit të shenjtë

Njihu me fragmentet e shkrimit të shenjtë për zotërimin doktrinor dhe frazat kyç të shkrimit të shenjtë. Nëse dëshiron, mund ta shkarkosh dhe ta përdorësh programin për telefonat celularë Doctrinal Mastery [Zotërimi Doktrinor] që të të ndihmojë për përsëritjen.

1 Korintasve 6:19–20	“Trupi juaj është tempulli i Frymës së Shenjtë.”
1 Korintasve 11:11	“Në Zotin as burri s’është pa gruan, as gruaja pa burrin.”
1 Korintasve 15:20–22	“Ashtu sikur të gjithë vdesin në Adamin, kështu të gjithë do të ngjallen në Krishtin.”
1 Korintasve 15:40–42	Në Ringjallje, ka tri shkallë lavdie.
Efesianëve 1:10	“Kur të plotësoheshin kohërat, t’i sillte në një krye të vetëm, në Krishtin, të gjitha gjërat.”
Efesianëve 2:19–20	Kisha është “ndërtuar mbi themelin e apostujve dhe të profetëve, duke qenë Jezu Krishti vetë guri i qoshes”.
2 Thesalonikasve 2:1–3	“Dita e Krishtit … nuk do të vijë, pa ardhur më parë rënia.”
2 Timoteut 3:15–17	“Shkrimet e shenjta … mund të të bëjnë të ditur për shpëtimin.”
Hebrenjve 12:9	Ati Qiellor është “Ati [i] shpirtrave”.
Jakob [Bibël] 1:5–6	“Por në qoftë se ndonjërit nga ju i mungon urtia, le të kërkojë nga Perëndia.”
Jakob [Bibël] 2:17–18	“Besimi; në qoftë se s’ka vepra, është i vdekur.”
1 Pjetër 4:6	“Ungjilli u është predikuar edhe të vdekurve.”
Zbulesa 20:12	“Dhe të vdekurit u gjykuan … sipas veprave të tyre.”

Zbatoje doktrinën në situata nga jeta reale

Përdor një ose më shumë fragmente të shkrimit të shenjtë për zotërimin doktrinor për të ndihmuar dikë që dëshiron udhërrëfim për marrjen e vendimeve të rëndësishme në jetën e vet.
Nëse do t’i jepje mësim dikujt se çfarë ndodh në planin e Perëndisë për fëmijët e Tij pas vdekjes, cilat fragmente të zotërimit doktrinor të Dhiatës së Re mund të përdorje? Si mund t’i përdorje këto fragmente për të treguar dashurinë që Perëndia ka për ne?

Ji i përgatitur të tregosh se cili nga fragmentet e zotërimit doktrinor ka ndikuar më shumë tek ti. Çfarë të mëson ai fragment rreth Atit Qiellor dhe Jezu Krishtit?

Parimet e marrjes së njohurisë shpirtërore

Shqyrto paragrafët 5–12 në pjesën “Marrja e Njohurisë Shpirtërore” e materialit Dokumenti Bazë i Zotërimit Doktrinor (2022).