Վարդապետության սերտում. Գնահատման կրկնություն 2

Ա Կորնթացիս 6.19-20-Հայտնություն 20.12

Վարդապետության սերտման գնահատման այս կրկնության նպատակն է օգնել ուսանողներին կրկնել Ա Կորնթացիս-Հայտնություն գրքերում գտնվող վարդապետության սերտման 13 հատվածները: Այն նաև կօգնի ուսանողներին պատրաստել հաջորդ գնահատմանը («Վարդապետության սերտում. Գնահատում 2») և կօգնի նրանց ավելի լավ հասկանալ ու կիրառել այս հատվածները:

Այս դասը նախատեսված է որպես անհատական կամ առցանց ուսուցման փորձառություն:

Այս կրկնությունն օգտագործեք և վարդապետության սերտման այս գնահատումն անցկացրեք ցանկացած ժամանակ՝ Ա Կորնթացիս-Հայտնություն գրքերում գտնվող վարդապետության սերտման հատվածները ուսուցանելուց հետո: Գուցե նաև անհրաժեշտ լինի ուսուցանել վարդապետության սերտման դասերից մի քանիսը՝ նախքան կանդրադառնաք դրանց սուրբ գրություններում, որպեսզի կարողանաք անցկացնել գնահատումը կիսամյակի ավարտից առաջ:

Հնարավոր ուսումնական վարժություններ

Վարդապետության սերտումը ձեր կյանքում

Նկատի ունեցեք ուսանողների կարիքները և ընտրեք այս կրկնության այն հատվածները, որոնք առավել օգտակար կլինեն «Վարդապետության սերտում. Գնահատում 2» գնահատմանը պատրաստվելու գործում: Այս կրկնության ընթացքում ուսանողներին առաջարկեք նշել այն հատվածները, որոնք իրենց ծանոթ չեն և ծրագրել դրանց ուսումնասիրությունն ու կրկնությունը գնահատմանը պատրաստվելիս:

Ուսանողներին խնդրեք խորհել հետևյալ հարցերի շուրջ:

• Ինչպե՞ս եք դուք օրհնվել՝ ուսումնասիրելով վարդապետության սերտման Ա Կորնթացիս-Հայտնություն հատվածները:

• Ե՞րբ եք կարողացել կյանքում օգտագործել այն, ինչ սովորել եք այս հատվածներից:

Կրկնության 1-ին և 2-րդ վարժություններում ներկայացված ստուգարքները կարող են օգնել ուսանողներին կրկնել հղումները և հիմնական արտահայտությունները: Կարող եք նաև օգտագործել տարբեր վարժություններ՝ օգնելով ուսանողներին վերանայել հղումները և սուրբ գրությունների արտահայտությունները՝ ըստ իրենց կարիքների:

Կրկնության վարժություն 1. Իմացեք հղումներն ու հիմնական արտահայտությունները

Ցուցադրեք հետևյալ ստուգարքը կամ ուսանողներին տրամադրեք դրա օրինակները:

Որպես ստուգարքը ցուցադրելու կամ ուսանողներին դրա պատճենները տրամադրելու այլընտրանք, գրեք յուրաքանչյուր հղում առանձին, փոքր թղթի վրա և դրեք դրանք ամանի մեջ: Այնուհետև գրեք յուրաքանչյուր հիմնական արտահայտությունը առանձին, փոքր թղթի վրա և դրեք դրանք մեկ այլ ամանի մեջ: Առաջարկեք ուսանողներից մեկին պատահականորեն ընտրել մեկ թուղթ ամաններից մեկից և կարդալ այն դասարանի համար: Հարցրեք դասարանի անդամներին, արդյոք նրանք գիտեն, թե որն է համապատասխան հղումը կամ հիմնական արտահայտությունը: Այնուհետև առաջարկեք մեկ այլ ուսանողի պատահականորեն ընտրել թուղթ մյուս ամանի միջից: Ավելի մեծ սպասելիքներ առաջացնելու համար ուսանողներին ասեք, որ եթե նրանց հաջողվի ընտրել համապատասխան հղումը կամ հիմնական արտահայտությունը, նրանք կստանան փոքրիկ հյուրասիրություն: Եթե նրանք չեն գտնում համապատասխան հղումը կամ հիմնական արտահայտությունը, դասարանին հարցրեք, թե որոնք են դրանք: Շարունակեք այս գործընթացը և խնդրեք տարբեր ուսանողների ընտրել թերթիկ ցանկացած ամանից, մինչև ամանի մեջ թերթիկ չմնա:

Պատասխանները. 1-դ, 2-է, 3-գ, 4-ը, 5-ե, 6-ի, 7-ժ, 8-ա, 9-զ, 10-բ, 11-թ, 12-խ, 13-լ

Համապատասխանեցրեք ձախ սյունակում գտնվող հետևյալ հիմնական արտահայտությունները աջ սյունակում գտնվող վարդապետության սերտման ճիշտ հատվածների հետ:

1. ___ Հարության ժամանակ կան փառքի երեք աստիճաններ։	ա. Ա Կորնթացիս 6.19–20
2. ___ «Քրիստոսի Երկրորդ գալուստը չի գա, եթէ առաջ չգայ ապստամբությունը»:	բ. Ա Կորնթացիս 11․11
3. ___ «Քանզի ինչպես Ադամով ամենը մեռնում են, այնպես էլ Քրիստոսով ամենը կենդանանում են»:	գ. Ա Կորնթացիս 15.20–22
4. ___ «Սուրբ գրությունները … կարող են քեզ իմաստուն անել փրկության համար»։	դ. Ա Կորնթացիս 15.40–42
5. ___ «ժամանակների լրութեան տնտեսութեան համար, որ ամեն բան բովանդակուի Քրիստոսումը»:	ե. Եփեսացիս 1․10
6. ___ «Հաւատքը, եթէ գործ չ’ունենայ, ըստ ինքեան մեռած է»։	զ. Եփեսացիս 2.19-20
7. ___«Եթե մեկը ձեզանից իմաստութեան պակասություն ունի, թող խնդրէ Աստուածանից»:	է. Բ Թեսաղոնիկեցիս 2.1–3
8. ___ «Ձեր մարմինները Սուրբ Հոգու տաճար են»:	ը. Բ Տիմոթեոս 3.15–17
9. ___ Եկեղեցին «առաքեալների և մարգարէների հիմքի վերայ է շինուած. որի անկիւնի գլուխը Յիսուս Քրիստոսն է»:	թ. Եբրայեցիս 12․9
10. ___ «Բայց դարձեալ ոչ կինն առանց մարդի, եւ ոչ մարդն առանց կնկայ, Տէրումը»:	ժ. Հակոբոս 1.5–6
11. ___ Երկնային Հայրը «հոգիների Հայրն է»։	ի. Հակոբոս 2.17–18
12. ___ «Մեռելները դատվեցան … իրանց գործերի համեմատ»:	լ. Ա Պետրոս 4.6
13.___ «Ավետարանը [քարոզվեց] նաև մեռելներին»։	խ. Հայտնություն 20.12

Կրկնության վարժություն 2. Իմացեք սուրբ գրությունների հղումները և սուրբ գրությունների հիմնական արտահայտությունները

Ցուցադրեք հետևյալ ստուգարքը կամ ուսանողներին տրամադրեք դրա օրինակները:

Որպես ստուգարքը ցուցադրելու կամ ուսանողներին դրա պատճենները տրամադրելու այլընտրանք, յուրաքանչյուր ուսանողի հանձնարարեք վարդապետական սերտման մեկ հատված: Տեղեկացրեք նրանց, որ իրենց նպատակն է օգտագործել հնարավորինս քիչ բառեր որպես հուշումներ՝ սուրբ գրությունների համապատասխան հղումը բացահայտելու համար: Առաջարկեք ուսանողներից մեկին կանգնել և յուրաքանչյուր հինգ վայրկյանը մեկ կիսվել նոր բառով սուրբ գրության իրենց հիմնական արտահայտությունից, մինչև դասարանը ճիշտ բացահայտի հղումը: Այնուհետև հրավիրեք դասարանին միաձայն արտասանել սուրբ գրության հիմնական արտահայտությունը, նախքան հաջորդ ուսանողը ոտքի կանգնի՝ կիսվելու իր հանձնարարված հատվածից հիմնական բառերով: Սա կարող է օգնել ուսանողներին կրկնել սուրբ գրությունների բոլոր 13 հիմնական արտահայտությունները, այլ ոչ միայն հետևյալ առաջարկվող հատվածները:

Պատասխանի բանալին՝ (1) մարմին, տաճար, Սուրբ Հոգի, (2) հիմք, առաքյալներ, Հիսուս Քրիստոս, (3) գալ, ապստամբություն, առաջ, (4) իմաստություն, խնդրել, Աստված; (5) Ավետարան, քարոզել, մեռելներ

Դատարկ տեղերը լրացրեք սուրբ գրությունների հիմնական արտահայտությունների բառերով:

1. «Ձեր __________ __________ __________ են» ( Ա Կորնթացիս 6.19-20):

2. Եկեղեցին «__________ և մարգարէների __________ վերայ է շինուած, որի անկիւնի գլուխը __________ է» ( Եփեսացիս 2.19–20):

3. «Քրիստոսի Երկրորդ գալուստը… չի __________, եթէ __________ չգայ __________» ( Բ Թեսաղոնիկեցիս 2:1–3):

4. «Բայց եթէ մէկը ձեզանից __________ պակասութիւն ունի թող __________ __________» ( Հակոբոս 1․5–6)։

5. «__________ __________ նաև __________» ( Ա Պետրոս 4.6):

Կրկնության վարժություն 3. Կիրառել վարդապետությունը

Հետևյալ վարժությունը կօգնի ուսանողներին ցույց տալ, թե ինչպես են ըմբռնում վարդապետության սերտման հատվածները և ինչպես կարելի է դրանք կիրառել իրական կյանքի իրավիճակներում: Ուսանողներին թույլ տվեք օգտագործել սուրբ գրությունները, որպեսզի կարողանան ընտրել վարդապետության սերտման մեկ կամ մի քանի հատված, որոնք, իրենց կարծիքով, կարող են օգնել վարժության մեջ նկարագրված մարդուն: Խնդրեք նրանց բացատրել, թե իրենց ընտրած հատվածներն ինչպես կարող են օգնել այդ մարդուն: Յուրաքանչյուր սցենարի համար կարելի է կիրառել վարդապետության սերտման մի քանի հատված:

Այս վարժությունը կարելի է կատարել անհատապես, խմբերով, դասարանով կամ դիտարկել այդ երեքի համադրությունը: Ուսանողները կարող են ստեղծել նաև իրենց սցենարները վարդապետության սերտման հատվածների համար:

1. Ձեր ընկերոջ սիրելին վերջերս է մահացել: Ձեր ընկերը շատ հարցեր ունի այն մասին, թե ինչ է կատարվում մեզ հետ մահից հետո:

2. Ձեր եղբայրը կարծես պայքարում է և հարցականի տակ է դնում՝ արդյոք Աստված իրականում գիտի իր մասին:

3. Եկեղեցու ղեկավարը խնդրում է ձեզ Կիրակնօրյա դպրոցի առաջիկա դասին խորհուրդ տալ ձեր դասընկերներին, թե նրանք ինչպես կարող են հավատարիմ մնալ, երբ բախվում են կեղծ գաղափարների և գայթակղությունների:

Կրկնության վարժություն 4. Օգտագործեք հոգևոր գիտելիքներ ձեռք բերելու սկզբունքները

Կարող եք օգտագործել հետևյալ սցենարը, որպեսզի օգնեք ուսանողներին կրկնել հոգևոր գիտելիքներ ձեռք բերելու սկզբունքները: Ուսանողների համար օգտակար կլինի այս վարժությունը կատարել զույգերով կամ փոքր խմբերով:

Դուք ունեք ընկեր, որը շուտով ավարտելու է միջնակարգ դպրոցը և նյարդայնանում է այն կարևոր որոշումներից, որոնք նա պետք է կայացնի իր կյանքի առաջիկա մի քանի տարիների ընթացքում:

Ուսուցանեք ձեր ընկերոջը հոգևոր գիտելիքներ ձեռք բերելու հետևյալ երեք սկզբունքները, և նա ինչպես կարող է դրանք օգտագործել՝ ստանալու Երկնային Հոր օգնությունը իր մտահոգությունների համար:

Գործեք հավատքով

Քննեք հասկացությունները և հարցերը հավերժության հեռանկարով

Ձգտեք մեծացնել հասկացողությունը աստվածային աղբյուրների միջոցով

• Դասընթացի այս կեսում ներկայացված վարդապետության սերտման ո՞ր հատվածները կարող են օգնել ձեր ընկերոջը: Այս հատվածներն ինչպե՞ս կարող են օգնել նրան:

• Հոգևոր գիտելիքներ ձեռք բերելու սկզբունքներն ինչպե՞ս են օգնում այն ժամանակ, երբ մենք փորձում ենք պատասխաններ ստանալ մեր հարցերին կամ մտահոգություններին:

• Ինչպե՞ս եք օգտագործել այս սկզբունքները՝ ուրիշներին օգնելու կամ ձեր սեփական խնդիրները լուծելու համար:

Կրկնեք 5-րդ վարժությունը. Ձեր կյանքում հատուկ նշանակություն ունեցող հատվածներ

Ուսանողներին առաջարկեք խորհել, թե վարդապետության սերտման որ հատվածն է առավել մեծ ազդեցություն թողել նրանց վրա և օգնել նրանց ավելի լավ հասկանալ կամ սիրել Երկնային Հորն ու Հիսուս Քրիստոսին: Բացատրեք, որ նրանք հնարավորություն կունենան կիսվելու իրենց ընտրած հատվածով՝ որպես գնահատման մաս:

Կարող եք ուսանողներին բաժանել հետևյալ թերթիկը, որպեսզի նրանք կարողանան պատրաստվել գնահատմանը («Վարդապետության սերտում. Գնահատում 2»):

Վարդապետության սերտում. Գնահատում 2. ուսումնական ուղեցույց

Անգիր սովորեք հղումը և սուրբ գրության հիմնական արտահայտությունը

Ծանոթացեք սուրբ գրությունների վարդապետության սերտման հատվածներին և սուրբ գրությունների հիմնական արտահայտություններին: Ներբեռնեք և օգտագործեք Doctrinal Mastery mobile հավելվածը, որը կօգնի ձեզ կրկնելիս:

Ա Կորնթացիս 6.19–20	«Ձեր մարմինները Սուրբ Հոգու տաճար են»:
Ա Կորնթացիս 11․11	«Բայց դարձեալ ոչ կինն առանց մարդի, եւ ոչ մարդն առանց կնկայ, Տէրումը»:
Ա Կորնթացիս 15.20–22	«Քանզի ինչպես Ադամով ամենը մեռնում են, այնպես էլ Քրիստոսով ամենը կենդանանում են»:
Ա Կորնթացիս 15.40–42	Հարության ժամանակ կան փառքի երեք աստիճաններ։
Եփեսացիս 1․10	«ժամանակների լրութեան տնտեսութեան համար, որ [ամեն բան ի մի հավաքի] բովանդակուի Քրիստոսումը»:
Եփեսացիս 2.19-20	Եկեղեցին «առաքեալների և մարգարէների հիմքի վերայ է շինուած. որի անկիւնի գլուխը Յիսուս Քրիստոսն է»:
Բ Թեսաղոնիկեցիս 2.1–3	«Քրիստոսի Երկրորդ գալուստը չի գա, եթէ առաջ չգայ ապստամբությունը»:
Բ Տիմոթեոս 3.15–17	«Սուրբ գրությունները … կարող են քեզ իմաստուն անել փրկության համար»։
Եբրայեցիս 12.9	Երկնային Հայրը «հոգիների Հայրն է»։
Հակոբոս 1.5–6	«Եթե մեկը ձեզանից իմաստութեան պակասություն ունի, թող խնդրէ Աստուածանից»:
Հակոբոս 2.17–18	«Հաւատքը, եթէ գործ չ’ունենայ, ըստ ինքեան մեռած է»։
Ա Պետրոս 4.6	«Ավետարանը մեռելներին էլ [քարոզվեց]»։
Հայտնություն 20.12	«Մեռելները դատվեցան … իրանց գործերի համեմատ»:

Կիրառեք վարդապետությունը իրական կյանքում

• Օգտագործեք վարդապետության սերտման սուրբ գրությունների մեկ կամ մի քանի հատվածներ, որպեսզի օգնեք մեկին, որը ցանկանում է առաջնորդություն ստանալ՝ իր կյանքում կարևոր որոշումներ կայացնելիս:

• Նոր Կտակարանի վարդապետության սերտման ո՞ր հատվածները կօգտագործեիք, եթե դուք որևէ մեկին ուսուցանեիք, թե ինչ է տեղի ունենում մահից հետո Իր զավակների համար Աստծո ծրագրում: Ինչպե՞ս կարող եք օգտագործել այս հատվածները՝ մեր հանդեպ Աստծո սերը ցուցադրելու համար:

Պատրաստ եղեք կիսվելու ձեզ վրա ամենամեծ ազդեցությունը թողած վարդապետության սերտման հատվածներով: Այդ հատվածն ի՞նչ է ուսուցանում ձեզ Երկնային Հոր և Հիսուս Քրիստոսի մասին։

Հոգևոր գիտելիքներ ձեռք բերելու սկզբունքները

Կարդացեք «Ձեռք բերել հոգևոր գիտելիքներ» բաժնի 5-12-րդ պարբերությունները, որոնք գտնվում են Վարդապետության սերտման հիմնարար փաստաթղթում(2022)։