Төгс эзэмших сургаал: Шалгалтад бэлдэх давтлага 2

1 Коринт 6:19–20-оос Илчлэл 20:12 хүртэл

Энэхүү төгс эзэмших сургаалын шалгалтад бэлдэх давтлага нь 1 Коринтоос Илчлэл хүртэлх төгс эзэмших сургаалын судрын 13 хэсгийг давтахад суралцагчдад туслах зорилготой. Энэ нь мөн суралцагчдад удахгүй болох шалгалтад (“Төгс эзэмших сургаал: 2-р шалгалт”) бэлдэхэд нь туслан, эдгээр судрын хэсгийн талаарх ойлголтоо амьдралд хэрхэн хэрэгжүүлэхээ харуулах боломжийг тэдэнд олгох юм.

Энэ давтлага хичээлийг биечлэн эсвэл видео хурлаар заах хичээлд ашиглах зориулалттай.

1 Коринтоос Илчлэл хүртэлх төгс эзэмших сургаалын судрын бүх хэсгийг заасны дараа ямар ч үед энэ давтлагыг ашиглаж, төгс эзэмших сургаалын шалгалтыг авах боломжтой. Төгс эзэмших сургаалын зарим хичээлийг судрын дарааллаар гарч ирэхээс нь өмнө заах шаардлагатай байж болно. Ингэснээр хичээлийн улирал дуусахаас өмнө шалгалтыг авах боломжтой болох юм.

Боломжит суралцах үйл ажиллагаа

Төгс эзэмших сургаал таны амьдралд

Суралцагчдын хэрэгцээ шаардлагыг бодолцож үзээд, энэ давтлагын “Төгс эзэмших сургаал: 2-р шалгалтад бэлтгэхэд нь тэдэнд хамгийн сайн туслах хэсгийг сонго. Суралцагчдыг энэ давтлагын туршид мэдэхгүй судрын хэсгүүдээ тэмдэглэхийн зэрэгцээ шалгалтад бэлтгэхдээ эдгээр судрын хэсгийг судалж, давтах төлөвлөгөө гаргахад урь.

Дараах асуултуудыг эргэцүүлэн бодохыг суралцагчдаас хүс.

• 1 Коринтоос Илчлэл хүртэлх төгс эзэмших сургаалын судрын хэсгүүдийг судалснаар та хэрхэн адислагдсан бэ?

• Та эдгээр судрын хэсгээс сурсан зүйлээ амьдралдаа хэрэгжүүлж чадсан уу?

Давтах үйл ажиллагаа 1; 2 дээрх доорх асуулт хариултууд нь суралцагчдад төгс эзэмших сургаалын судрын эшлэл, түлхүүр үг хэллэгийг давтахад туслах зорилготой. Суралцагчдын хэрэгцээ шаардлагаас хамааран судрын эшлэл, үг хэллэгийг давтахад өөр үйл ажиллагаануудыг мөн ашиглаж болно.

Давтах үйл ажиллагаа 1: Судрын эшлэл, түлхүүр үг хэллэгийг мэдэх

Дараах шалгалтын асуултуудыг харуул эсвэл үүний хуулбарыг суралцагчдад өг.

Шалгалтын асуултуудыг харуулах юм уу хуулбарыг нь суралцагчдад өгөхийн оронд судрын эшлэл бүрийг тус бүр жижиг цаасан дээр бичээд, аяган дотор хий. Дараа нь түлхүүр үг хэллэг бүрийг тус тусад нь жижиг цаасан дээр бичээд, өөр нэг аяганд хий. Нэг суралцагчийг аль нэг аяганаас нэгийг нь сонгон, ангийнханд уншиж өгөхөд урь. Тохирох судрын эшлэл эсвэл түлхүүр үг хэллэгийг нь мэдэх эсэхийг ангийн гишүүдээс асуу. Дараа нь өөр нэг суралцагчийг нөгөө аяганаас нь нэг цаас сонгоход урь. Сонирхлыг нь өдөөхийн тулд, хэрэв холбогдох эшлэл эсвэл түлхүүр үг хэллэгийг сонгож чадах юм бол бяцхан амттан авах болно гэж суралцагчдад хэлж болно. Хэрэв тэд тохирохыг нь сонгож чадаагүй бол ангийнхнаас тохирох судрын эшлэл эсвэл түлхүүр үг хэллэг нь юу болохыг асуу. Аль ч аяганд нэг ч цаас үлдэхгүй болох хүртэл аяга тус бүрээс хуудас цаасыг өөр бусад суралцагчаар үргэлжлүүлэн сонгуул.

Зөв хариулт: 11-d, 2-g, 3-c, 4-h, 5-e, 6-k, 7-j, 8-a, 9-f, 10-b, 11-i, 12-m, 13-l

Зүүн баганад байгаа дараах түлхүүр үг хэллэгийг баруун баганад байгаа төгс эзэмших сургаалын судрын зөв хэсэгтэй тааруул.

1. ___ Амилалтад алдар суугийн гурван зэрэг бий.	a. 1 Коринт 6:19–20
2. ___ “Эхлээд урвалт гарахаас нааш Христийн өдөр ирэхгүй.”	b. 1 Коринт 11:11
3. ___ “Адам дотор бүгд үхдэгчлэн Христ дотор бүгд амьдруулагдах болно.”	c. 1 Коринт 15:20–22
4. ___ “Ариун судрууд мэргэн ухааныг чамд өгөх чадалтай.”	d. 1 Коринт 15:40–42
5. ___ “Цагийн дүүрлийг гүйцэлдүүлэхийн тулд … бүх юмсыг Христ дотор нэгтгэх зорилго байжээ.”	e. Ефес 1:10
6. ___ “Итгэл нь хэрэв үйлсгүй бол өөрөө үхмэл юм.”	f. Ефес 2:19–20
7. ___ “Харин та нарын хэн нэг нь мэргэн ухаанаар дутвал, Бурханаас гуйг.”	g. 2 Тесалоник 2:1–3
8. ___ “Та нарын бие бол Ариун Сүнсний сүм.”	h. 2 Тимот 3:15–17
9. ___ Сүм “элч нар болон эш үзүүлэгчдийн суурин дээр босгогдож байгаа бөгөөд Христ Есүс Өөрөө булангийн чулуу нь ажээ.”	i. Еврей 12:9
10. ___ “Эзэн дотор эр хүнгүйгээр эм хүн гэж үгүй бөгөөд эм хүнгүйгээр эр хүн гэж үгүй юм.”	j. Иаков 1:5–6
11. ___ Тэнгэрлэг Эцэг бол “сүнсний Эцэг” болой.	k. Иaков 2:17–18
12. ___ “Үхэгсэд үйлсийнхээ дагуу … шүүгдэв.”	l. 1 Петр 4:6
13.___ “Сайн мэдээ нь үхэгсдэд ч хүртэл тунхаглагдсан.”	m. Илчлэл 20:12

Давтах үйл ажиллагаа 2: Судрын эшлэл, түлхүүр үг хэллэгийг мэдэж авах

Дараах шалгалтын асуултуудыг харуул эсвэл хуулбарыг нь суралцагчдад өг.

Шалгалтын асуултуудыг харуулах юм уу хуулбарыг нь өгөхийн оронд суралцагч тус бүрд төгс эзэмших сургаалын судрын өөр өөр хэсгийг оноож өг. Тэдний зорилго бол аль болох цөөхөн үгийг сэжүүр болгон өгөх замаар ангийнханд холбогдох судрын эшлэлийг тодорхойлоход нь туслах явдал болохыг хэл. Нэг суралцагчийг босоод, ангийнхныг эшлэлийг зөв тодорхойлох хүртэл судрын түлхүүр үг хэллэгүүдээс нэг нэг шинэ үгийг таван секунд тутам хуваалцахад урь. Дараа нь дараачийн суралцагч босоод, оноосон судрын хэсгийнхээ түлхүүр үг хэллэгийг хуваалцахын өмнө судрын түлхүүр үг хэллэгийг хамтдаа цээжээр уншихад ангийнхныг урь. Зөвхөн дараах санал болгосон судрын хэсгүүдийг давтахын оронд судрын 13 түлхүүр үг хэллэгийг бүгдийг нь энэ арга замаар давтах нь суралцагчдад тустай байж болох юм.

Зөв хариулт: (1) бие; Ариун Сүнсний; сүм (2) элч нар; суурин; Христ Есүс; (3)Эхлээд; урвалт; ирэхгүй; (4) мэргэн ухаанаар; Бурханаас; гуйг; (5) Сайн мэдээ; үхэгсдэд; тунхаглагдсан

Хоосон зайг судрын түлхүүр үг хэллэгээс орхигдсон үг эсвэл үгсээр бөглө.

1. “Та нарын __________ бол __________ _________ юм” ( 1 Коринт 6:19–20).

2. Сүм “__________ болон эш үзүүлэгчдийн __________ дээр босгогдож байгаа бөгөөд __________ __________ Өөрөө булангийн чулуу нь ажээ” ( Ефес 2:19–20).

3. “__________ __________ гарахаас нааш Христийн өдөр __________” ( 2 Тесалоник 2:1–3).

4. “Та нарын хэн нэг нь __________ дутвал __________ __________” ( Иаков 1:5–6).

5. “__________ нь __________ ч хүртэл __________” ( 1 Петр 4:6).

Давтах үйл ажиллагаа 3: Сургаалыг ашиглах

Дараах үйл ажиллагаа нь төгс эзэмших сургаалын судрын хэсгийг бодит амьдрал дээрх нөхцөл байдалд хэрхэн ашиглаж болохыг тайлбарлах боломж олгон, тэдгээрийн талаарх ойлголтоо харуулахад нь суралцагчдад тусална. Уг үйл ажиллагаагаар дүрсэлсэн, хүнд тустай гэж бодож байгаа төгс эзэмших сургаалын судрын нэг эсвэл хэд хэдэн хэсгийг сонгоход нь суралцагчдад туслахын тулд судраа ашиглах боломжийг олго. Сонгосон судрын хэсэг нь тухайн хүнд хэрхэн тусалж болохыг тайлбарлахад тэднийг урь. Төгс эзэмших сургаалын судрын олон хэсгийг жишээ тус бүр дээр ашиглаж болно.

Энэ үйл ажиллагааг ганцаарчлан, бүлгээр эсвэл ангиараа гүйцэтгэж болох ба гурвууланг хослуулан гүйцэтгэж болно. Суралцагчид мөн төгс эзэмших сургаалын судрын хэсэгт зориулан өөрсдийн бодит жишээг зохиож болно.

1. Таны найзын хайртай хүн саяхан нас баржээ. Найзад тань үхлийн дараа бидэнд юу тохиолддог талаар асуух зүйл олон байгаа.

2. Танай ахад хэцүү байгаа бололтой. Тэр Бурхан үнэхээр түүнийг мэддэг гэдэгт эргэлзэж байна.

3. Буруу үзэл санаа, уруу таталттай тулгарах үедээ хэрхэн итгэлтэй хэвээр үлдэж болох талаар ирэх Ням гаргийн ангийн хичээлээр ангийнхандаа зөвлөгөө өгөхийг Сүмийн удирдагч танаас хүсжээ.

Давтах үйл ажиллагаа 4: Сүнслэг мэдлэг олж авах зарчмуудыг ашиглах

Сүнслэг мэдлэг олж авах зарчмуудыг давтахад нь суралцагчдад туслахын тулд дараах жишээг ашиглахыг бод. Энэ үйл ажиллагааг хосоороо эсвэл жижиг бүлгээр хийж гүйцэтгэх нь суралцагчдад үр дүнтэй байж болох юм.

Танд ахлах сургуулиа удахгүй төгсөх гэж байгаа найз байдаг бөгөөд тэр дараагийн хэдэн жил амьдралдаа гаргах чухал шийдвэрүүдийнхээ талаар санаа зовж байгаа аж.

Найздаа сүнслэг мэдлэг олж авах дараах гурван зарчмын тухай мөн түүний асуудлыг шийдвэрлэхэд Тэнгэрлэг Эцэгийн тусламжийг авахын тулд тэдгээрийг хэрхэн ашиглаж болох тухай заа.

Итгэлээр үйлдэх

Утга санаа, асуултыг мөнхийн талаас нь шинжлэн судлах

Тэнгэрээс томилогдсон эх сурвалжаар дамжуулан илүү гүн гүнзгий ойлголт олж авахыг эрэлхийлэх

• Уг хичээлийн энэ хагас дээрх төгс эзэмших сургаалын аль хэсгүүд таны найзад тус болох вэ? Эдгээр судрын хэсэг түүнд хэрхэн тусалж болох вэ?

• Бид асуулт эсвэл асуудлынхаа хариултыг эрэлхийлэхдээ сүнслэг мэдлэг олж авах зарчмуудыг ашиглах нь хэр тустай вэ?

• Та бусдад туслахад эсвэл өөрийн асуудлыг шийдвэрлэхийн тулд эдгээр зарчмыг хэрхэн ашиглаж байсан бэ?

Давтах үйл ажиллагаа 5: Таны хувьд онцгой утга агуулгатай судрын хэсгүүд

Суралцагчдыг төгс эзэмших сургаалын судрын аль хэсэг тэдэнд хамгийн их нөлөөлж буйг болон Тэнгэрлэг Эцэг, Есүс Христ хоёрын талаарх ойлголт, Тэднийг гэх хайраа нэмэгдүүлэхэд нь тусалсан талаар эргэцүүлэн бодоход урь. Шалгалтын нэг хэсэг болгож, сонгосон судрын хэсгээ хуваалцах боломж тэдэнд гарна гэдгийг тайлбарла.

Шалгалтад бэлдэхэд нь тэдэнд туслахын тулд дараах тараах материалыг өгөх талаар бодож үз (“Төгс эзэмших сургаал: 2-р шалгалт”).

New Testament Seminary Teacher Manaul - 2023

Төгс эзэмших сургаал: 2-р шалгалтын зааварчилгаа

Судрын эшлэл, түлхүүр үг хэллэгийг цээжлэх

Төгс эзэмших сургаалын судрын хэсэг, түлхүүр үг хэллэгийг сайн мэддэг бол. Та давтлагадаа Doctrinal Mastery гар утасны аппликэйшныг татаж аваад, ашиглаж болох юм.

1 Коринт 6:19–20	“Та нарын бие бол Ариун Сүнсний сүм.”
1 Коринт 11:11	“Эзэн дотор эр хүнгүйгээр эм хүн гэж үгүй бөгөөд эм хүнгүйгээр эр хүн гэж үгүй юм.”
1 Коринт 15:20–22	“Адам дотор бүгд үхдэгчлэн Христ дотор бүгд амьд болгогдоно.”
1 Коринт 15:40–42	Амилалтад гурван түвшний алдар суу байдаг.
Ефес 1:10	“Цагийн дүүрлийг гүйцэлдүүлэхийн тулд … бүх юмсыг Христ дотор нэгтгэх зорилго байжээ.”
Ефес 2:19–20	Сүм “элч нар болон эш үзүүлэгчдийн суурин дээр босгогдож байгаа бөгөөд Христ Есүс Өөрөө булангийн чулуу нь ажээ.”
2 Тесалоник 2:1–3	“Эхлээд урвалт гарахаас нааш Христийн өдөр ирэхгүй.”
2 Тимот 3:15–17	“Ариун судрууд мэргэн ухааныг чамд өгөх чадалтай.”
Еврей 12:9	Тэнгэрлэг Эцэг бол “сүнсний Эцэг.”
Иаков 1:5–6	“Харин та нарын хэн нэг нь мэргэн ухаанаар дутвал, Бурханаас гуйг.”
Иаков 2:17–18	“Итгэл нь хэрэв үйлсгүй бол өөрөө үхмэл юм.”
1 Петр 4:6	“Сайн мэдээ нь үхэгсдэд ч хүртэл тунхаглагдсан.”
Илчлэл 20:12	“Үхэгсэд үйлсийнхээ дагуу … шүүгдэв.”

Сургаалыг бодит амьдрал дээрх нөхцөл байдалд хэрэгжүүлэх

• Амьдралдаа чухал шийдвэр гаргахын өмнө удирдамж заавар авах хэрэгтэй хэн нэгэнд туслахын тулд төгс эзэмших сургаалын судрын нэг эсвэл хэд хэдэн хэсгийг ашигла.

• Хэрэв та хэн нэгэнд үхлийн дараа Өөрийн хүүхдүүдэд Бурхан юу төлөвлөсөн тухай заах бол Шинэ Гэрээний төгс эзэмших сургаалын судрын ямар ямар хэсгийг ашиглах байсан бэ? Та Бурханы биднийг гэх хайрыг харуулахын тулд судрын эдгээр хэсгийг хэрхэн ашиглаж болох вэ?

Төгс эзэмших сургаалын судрын аль аль хэсэг танд хамгийн их нөлөөлсөн талаар хуваалцахад бэлд. Тухайн хэсэг Тэнгэрлэг Эцэг, Есүс Христ хоёрын талаар танд юу заадаг вэ?

Сүнслэг мэдлэг олж авах зарчмууд

2022 оны Төгс эзэмших сургаалыг судлах үндсэн материалын “Сүнслэг мэдлэг олж авах” хэсгийн 5–12-р догол мөрийг давт.