Atamai i Aoaoga Faavae: Ioane 7:17

“Ai se Tasi e Fia Fai Lona Finagalo, e Iloa ai e Ia le Mataupu”

Young adult woman ponders scriptures near lake.

I lau suesuega o le Ioane 7, sa e aoao ai na valaaulia i tatou e Iesu e fai le finagalo o le Tama Faalelagi ina ia mafai ona tatou iloa e moni Lana mataupu (tagai i le fuaiupu 17). O lenei lesona o le a fesoasoani ia te oe e tauloto ai mau tauloto faaleaoaoga faavae ma lona fasifuaitau autu o tusitusiga paia, faamatala le mataupu, ma faaaoga mataupu faavae o le mauaina o le malamalama faaleagaga i se tulaga moni faale-olaga.

Sauniuniga a le tagata o le vasega:Valaaulia tagata aoga e mafaufau e uiga i poloaiga eseese, aoaoga, po o mataupu a le Faaola e tatau ona taumafai talavou ia i ai se latou molimau.

Gaoioiga e ono Mafai Ona Aoao Ai

O lenei lesona o le atamai i aoaoga faavae ua faatulagaina ia aoaoina pe a uma le “Ioane 7,” o le lesona faatatau mo le fuaitau o le atamai i aoaoga faavae Ioane 7:17 . Afai e manaomia le tuu o le lesona lenei o le atamai i aoaoga faavae i se isi vaiaso, ia mautinoa e aoao atu ai foi le lesona faatatau e o faatasi ai i le vaiaso foi lena.

Tauloto ma faamatala

Tuu atu se avanoa mo tagata aoga e tauloto ai le mau faasino mo Ioane 7:17 ma le fasifuaitau autu o le mau. O se tasi o auala e tauloto ai o se vasega o le tusi lea o mau faasino o le mau ma fasifuaitau autu o mau i luga o le laupapa i ni vaega eseese se tolu. Vaevae le vasega i ni vaega se tolu, ma atofa atu i vaega taitasi se fasifuaiupu eseese. Valaaulia vaega e tauloto a latou fasifuaiupu i le faasologa ma ia tauloto faatasi. Mafaufau e atofa i tagata aoga fasifuaiupu eseese seia oo ina latou iloa mau faasino ma fasifuaitau o mau autu mai o [latou] manatuaga. O le polokalama faatekinolosi mo le Atamai i Aoaoga Faavae, e maua i luga o le ChurchofJesusChrist.org, e mafai ona fesoasoani i tagata aoga e tauloto ai.

Ioane 7:17

“Ai se tasi e fia fai lona finagalo,

e iloa ai e ia le mataupu.”

Faitau le faamatalaga lenei mai ia Peresitene Dallin H. Oaks o le Au Peresitene Sili.

E tatau ona tatou manatua o le mauaina o se molimau e le o se mea tuumamaina ae o se faagasologa lea e tatau ona tatou faia o se mea.

(Dallin H. Oaks, “Molimau,” Ensign po o Liahona, Me 2008, 27)

E te manatu e faapefea ona faatatau le saunoaga a Peresitene Oaks i le mea na aoao mai e le Faaola i le Ioane 7:17 ?

Faataitai le faaaogaaga

Vaevae le vasega i ni vaega toalaiti. Valaaulia taitasi tagata aoga e filifili se tasi o mataupu faavae o le mauaina o le malamalama faaleagaga (tagai Pepa Autu o Atamai i Aoaoga Faavae [2022], “Mauaina o le Malamalama Faaleagaga,” parakalafa 5-12). Fai atu i tagata aoga e faamatala le mataupu faavae i le latou vaega i le maea ai o le iloiloga o le mataupu faavae.

Faaaoga ni nai minute e iloilo ai mataupu faavae i le parakalafa 5—12 i le vaega o le “Mauaina o le Malamalama Faaleagaga” i le Pepa Autu o le Atamai i Aoaoga Faavae (2022). Filifili se tasi o mataupu faavae e suesue atili ai.

E faapefea ona e faamatalaina faapuupuu le mataupu faavae na e filifilia i se tagata e le masani i ai?

A ua e malamalama i le mataupu faavae o le mauaina o le malamalama faaleagaga, e mafai ona e fesoasoani ia te oe ma isi e maua se molimau po o le feagai ma le le mautonu. Faaaoga lenei ata faataitai e faataitai ai ona e fesoasoani i se uo.I le lua faatalatalanoaga ma lau uo o Luis, na ia tau atu ia te oe e leai sana molimau i le [filifili se aoaoga faavae]. E te manatua mea sa e aoao mai le Ioane 7:17, ma lou mautinoa e mafai ona e faamatala atu e mafai ona ia maua le molimau o lenei aoaoga faavae mai le [faamatala le mea e mafai e Luis ona maua ai se molimau e uiga i lenei aoaoga faavae]. E mafai ona e iloa ua le fiafia Luis pe a tali atu ia te oe, “Ua uma ona ou faataitaia i nisi o taimi, ae ou te le o lagona lava ua ou iloa e moni.”

O a ni nai mafuaaga atonu e le manatu ai Luis ua i ai sana molimau?

I le faaaogaina o le mataupu faavae o le mauaina o le malamalama faaleagaga, fesoasoani ia Luis ia malamalama po o a faafitauli e ono manaomia ona faatoilalo ia maua ai se molimau. E mafai ona e faaaogaina fesili nei po o isi e te mafaufau i ai e saunia ai se tali e fesoasoani ai ia Luis.

Faatino i le faatuatua

Aisea e te manatu e taua ai le faaauau pea ona ola i aoaoga a le Faaola e tusa lava pe le oo mai se molimau i le taimi tatou te manaomia ai?
O le a se aafiaga e mafai ona e faasoa atu ia Luis e uiga i le taumafaiga e manaomia ina ia maua ai se molimau?

Iloilo manatu ma fesili faatasi ma se vaaiga e faavavau

O le a sou manatu i le mea atonu e finagalo le Tama Faalelagi i se tasi e pei o Luis e iloa e uiga i le mauaina o se molimau?
E mafai faapefea e le malamalama o se molimau e sau mai le Tama Faalelagi ae le na o le taimi, ona avea o se mea e mafai ona fesoasoani ia Luis? (tagai i le Mataio 16:13–17).

Saili le malamalama atili e ala i punavai paia ua atofaina

O a nisi o punavai ua tofia mai le lagi e ono fesoasoani ia Luis e liliu atu ai i le Alii mo se fesoasoani i le mauaina o lana molimau?

O se tasi o faataitaiga o le faaaogaina o se punavai ua atofaina mai le lagi o le sue lea o le lauga a Peresitene Dallin H. Oaks “Molimau,” o loo maua i luga o le ChurchofJesusChrist.org, ma faasoa se faamatalaga puupuu mai ai e ono fesoasoani ia Luis.

I le faaaogaina o mafaufauga sa e maua a o e manatunatu i mataupu faavae o le mauaina o le malamalama faaleagaga, tusi se tali ia Luis. Atonu e te manao e aofia ai se aafiaga patino ia te oe, lau molimau, ma se valaaulia mo Luis e galue i le faatuatua.

Mafaufau e valaaulia tagata aoga e faasoa a latou fuafuaga ma isi tagata aoga o le vasega. Atonu e fesoasoani le faasoa atu o se aafiaga patino ia te oe i le mauaina o se molimau i soo se aoaoga a le Faaola.

Toe iloilo

Fesoasoani i tagata aoga e iloilo le mau faasino ma fasifuaitau autu omau mo le Ioane 7:17 . Faaaoga le gaoioiga toe faamanatu lenei i se lesona e tatau ona aoao atu i se taimi lata mai.

Tusi le mau faasino o le mau ma fasifuaitau o le mau i luga o le laupapa i laina e tolu, e pei ona faamatalaina i le vaega na muamua atu o le lesona “Tauloto ma faamatala”. A maea ona valaaulia lea o tagata aoga e fai fasifuaitau taitasi, tapeese se tasi o laina ma valaaulia tagata aoga e toe fai fasifuaitau taitasi. A uma ona fai faalua, tapeese se isi fasifuaitau. Toe fai le faagasologa seia aveese uma laina e tolu ma ia lagona e tamaiti aoga le to’a i le taulotoina o laina uma e tolu.