Ioane 7–10

Vaaiga Aoao

A o i ai Iesu i Ierusalema e latalata i le taimi o le Tausamiga o Fale Apitaga, sa Ia aoao atu i tagata pe afai latou te fia iloaina pe o le aoaoga faavae na Ia aoao atu e mai le Atua, e manaomia ona latou ola ai. Sa Ia fesoasoani i se fafine na tuuaia i le mulilua. Sa molimau atu Iesu o Ia o le Malamalama o le Lalolagi ma sa faamaloloina se tagata na fanau mai o tauaso. Na aoao mai Iesu o Ia o le Leoleo Mamoe Lelei.

Sauni e Aoao Atu

O nei faamatalaga e tuuina atu ai mo faiaoga ni manatu mo ni mea e tatau ona saunia ae lei amatalia lesona taitasi.

Ioane 7

Faamoemoega o le lesona: O lenei lesona o le a fesoasoani i tagata aoga ia maua o mea e mafai ona latou faia e iloa ai le moni o aoaoga a le Tama Faalelagi ma Iesu Keriso.

Sauniuniga a le tagata o le vasega: Valaaulia tagata aoga e mafaufau po o ai, pe o le a foi se mea sa aupito sili ona aoga i le tapueina o lo latou malamalamaaga ma talitonuga i le taimi nei e uiga ia Iesu Keriso ma Ana aoaoga. Valaaulia i latou e tusi o latou manatu i luga o se fasi pepa ma aumai le pepa i le vasega.

Anotusi e faaali: Faamatalaga mai ia Peresitene Bonnie L. Oscarson
Anomea mo tagata aoga: Mafai ona faaaoga Mo le Malosi o le Autalavou (tamaitusi, 2011), kopi e faaaoga i luga o lau masini faaneionapo po o le kopi lolomi

Fautuaga mo aoaoga i fesootaiga faavitio: O tusitusiga paia i totonu o le siata e mafai ona vaevaeina i tagata aoga i totonu o ni vaega taapeape. E mafai e tagata aoga taitasi ona sauni e faasoa mai ni manatu sa latou faitauina e uiga ia Iesu Keriso.

Atamai i Aoaoga Faavae: Ioane 7:17

Faamoemoega o le lesona: O lenei lesona o le a fesoasoani i tagata aoga e tauloto lenei mau faasino o aoaoga faavae ma fuaitau autu o tusitusiga paia, faamatala le aoaoga faavae, ma faaaoga mataupu faavae o le mauaina o malamalamaaga faaleagaga i tulaga moni faale-olaga.

Sauniuniga a le tagata o le vasega: Valaaulia tagata aoga e mafaufau i poloaiga eseese, aoaoga, po o mataupu faavae a le Faaola e tatau ona taumafai talavou ia maua ai se molimau.

Fautuaga mo aoaoga i fesootaiga faavitio: Mafaufau e faaali anotusi mo le Ioane 7:17 i le polokalama feaveai faatekinolosi mo le Atamai i Aoaoga Faavae. (Ina ia maua lenei anotusi, oomi le faamau Taulotoina, ma saili le Ioane 7:17.) E mafai ona faaaoga e tagata aoga le polokalama faatekinolosi e tauloto ai faatasi fasifuaitau autu o mau.

Ioane 8

Faamoemoega o le lesona: O lenei lesona o le a fesoasoani i tagata aoga e maua ai se malamalamaaga i uiga o Iesu Keriso ma fesoasoani ia i latou e lagona ai le mana o Lona alofa mutimutivale.

Sauniuniga a le tagata o le vasega: Valaaulia tagata aoga e mafaufau i se taimi na latou alofa mutimutivale ai i se isi po o se taimi na latou manaomia pe faamoemoeina se alofa mutimutivale.

Vitio: “Alu Ia oe, Aua E Te Toe Agasala” (3:21)

Fautuaga mo aoaoga i fesootaiga faavitio: Mafaufau e faaaoga potu e taape i ai e ave ai le avanoa i tagata aoga e talanoa i o latou lagona i le maea ai ona matamata i le vitio. E te ono valaaulia le tagata o loo i ai lona aso fanau o loo lata mai e fai ma taitai o le talanoaga. E mafai ona fesili atu le taitai o le talanoaga i fesili o loo lisi i lalo o le vitio i totonu o le lesona.

Ioane 9

Faamoemoega o le lesona: O lenei lesona o le a fesoasoani i tagata aoga e malamalama ai i le auala e mafai ai ona tumau faamaoni i mea ua latou iloa e uiga i le Faaola e oo lava i taimi o faigata ona faamalosia a latou molimau ia te Ia.

Sauniuniga a le tagata o le vasega: Valaaulia tagata aoga e mafaufau i ni taimi na latou tumau faamaoni ai i mea ua latou iloa ma talitonu i ai e uiga ia Iesu Keriso a o feagai ai ma feteenaiga.

Vitio: “Faamalolo e Iesu se Tagata na Fanau mai o Tauaso” (7:47; matamata mai le faailotaimi 0:00 i le 4:01)

Fautuaga mo aoaoga i fesootaiga faavitio: Faatasi o se vasega, matamata le vitio “Faamalolo e Iesu se Tagata na Fanau mai o Tauaso.” A o matamata tagata aoga, vaalaulia i latou e faaaoga le talanoa [chat] e faasoa ai faamaoniga o le mataupu faavae mai le olaga o le tagata tauaso na faamalolo.

Ioane 10

Faamoemoega o le lesona: O lenei lesona o le a fesoasoani i tagata aoga e lagona ai le talitonuga sili ia Iesu Keriso o lo latou Leoleo Mamoe ma faatupulaia lo latou manao e faalogo i Lona siufofoga ma mulimuli ia te Ia.

Sauniuniga a le tagata o le vasega: Valaaulia tagata aoga e faitau i le tusitusiga o le “ O Le Leoleo Mamoe Lelei ” i le O Le Taiala i Tusitusiga Paia. Ia talosagaina i latou e sauni e tali le fesili “Aisea e lelei ai le tofi ‘Leoleo Mamoe Lelei’ e faamatala ai Iesu Keriso?”

Anotusi e faaali:Ata o le Leoleo Mamoe Lelei

Vitio: “O le Leoleo Mamoe Lelei” (3:33)
Vitio: “O Auala Ou Te #FaalogoIaTeIa: Elder David A. Bednar” (1:15)
Vitio: “O Auala Ou Te #FaalogoIaTeIa: Sister Joy D. Jones” (2:45)

Fautuaga mo aoaoga i fesootaiga faavitio:Faaaoga le avanoa mo se laupapa paepae e fausia ai se lisi o mea na aoao e tagata aoga e uiga ia Keriso o ia o se Leoleo Mamoe Lelei e mafai ona faaopoopo ao faia le lesona.