Төгс эзэмших сургаал: Матай 5:14–16
“Та нарын гэрэл тэдний өмнө тийнхүү гэрэлтэг”
Аврагч шавь нартаа Өөрийг нь дагаснаар бусдад үлгэр жишээ болохыг зааварлажээ. Энэ хичээл танд сүнслэг мэдлэг олж авах зарчмуудыг ашиглан бусдад үлгэр жишээ болж, Аврагчид илүү ойртоход тусална.
Сүнслэг мэдлэг олж авах зарчмуудыг давтах. Итгэлээр үйлдэх, утга санаа болон асуултыг мөнхийн талаас нь авч үзэх, илүү гүн гүнзгий ойлголтыг тэнгэрээс томилогдсон эх сурвалжаар дамжуулан эрэлхийлэх гэсэн сүнслэг мэдлэг олж авах гурван зарчмыг суралцагчидтай хамт байнга давт. Энэ хичээлээр, эдгээр зарчмыг давтсанаар амьдралд хэрэгжүүлэх дасгал ажлын үеэр ашиглах боломжийг суралцагчдад олгоно.
Суралцагчийн бэлтгэл: Суралцагчдыг амьдралд нь сайн үлгэр жишээ үзүүлдэг хүний талаар бодоход урь. Дараа нь тухайн хүн рүүгээ утсаар ярих юм уу талархлаа илэрхийлсэн зурвас бичих боломжийг тэдэнд олго.
Боломжит суралцах үйл ажиллагаа
Цээжил мөн тайлбарла
Судрын эшлэл, түлхүүр үг хэллэгүүдийг цээжлэх боломжийг суралцагчдад олго. Үүнийг хэрхэн гүйцэтгэж болох жишээг доор өгөв.
Maтай 5:14–16 -г унш.
Матай 5:14–16 дахь “Та нарын гэрэл тэдний өмнө тийнхүү гэрэлтэг” гэсэн судрын түлхүүр үг хэллэгийг дүрслэн зур. Зурахдаа үүнийг санахын тулд эшлэлийг зургандаа оруулах арга замыг бод.
Зургийг харж байхдаа судрын эшлэл, түлхүүр үгийг хэд хэдэн удаа давт. Дараа нь харахгүйгээр тухайн судрын гол хэллэг болон эшлэлийг цээжээр давтаж хэлэхээр оролд.
Дараах үйл ажиллагаагаар зургийнхаа талаар ярихын оронд зургийг ашиглан төгс эзэмших сургаалын судрын хэсгийн үнэнийг тайлбарлахад суралцагчдыг урамшуул.
Зургаа ангийнхантайгаа хуваалцаад, энэ нь төгс эзэмших сургаалын судрын түлхүүр үг хэллэг, эшлэлийг хэрхэн дүрслэн харуулсныг тайлбарла.
Боломжтой бол хэдэн зургийг ангиа тойруулан өлгөж болно. Ингэснээр багш, суралцагчид дараа дараагийн хичээл эсвэл амьдралд хэрэгжүүлэх үйл ажиллагааны үеэр эргэн харах боломжтой болох юм.
Амьдралд хэрэгжүүлэх үйл ажиллагаа
Энэ үйл ажиллагаагаар та сүнслэг мэдлэг олж авах зарчмуудыг ашиглан хэрхэн бусдад үлгэр жишээ болж, Аврагчид илүү ойртоход тэднийг урьж болохоо тодорхойлно.
Төгс эзэмших сургаалыг судлах үндсэн материал (2022)-ын Сүнслэг мэдлэг олж авах хэсгийн 5–12-р догол мөрийг дахин хар.
ChurchofJesusChrist.org дээрх “Bullying—Stop It” (10:22) видео бичлэгийг амьдралд хэрэгжүүлэх үйл ажиллагаандаа жишээ болгон ашиглаж болно.
Видео бичлэгийг хэрхэн ашиглах тухай санааг “Нэмэлт суралцах үйл ажиллагаа”-аас авах боломжтой.
Дараах жишээг уншаад, Раулын оронд байсан бол та ямар хариу үйлдэл үзүүлэх байснаа бод.
Раул пристээр томилогдоод удаагүй байхдаа хэсэг найзтайгаа хамт байв. Тэдний зарим нь бохир онигоо ярьж, Раулын таньдаг хүмүүсийн талаар бүдүүлгээр ярьж эхэлсэн аж. Раулд таагүй санагдаж, тэр тэдний буруу гэдгийг мэдэж байлаа. Түүнийг юу хийвэл дээр вэ хэмээн бодож суутал Раулын бишрэн хүндэлдэг, өөр сүмийн гишүүн Жэсси гэдэг найз нь Раул руу эргэн хараад, “Хүүе ээ, чи яагаад дуугаа хураачихав аа?” гэв.
Хариултаа бэлдэхдээ сүнслэг мэдлэг олж авах зарчим тус бүрийг авч үзээрэй.
Суралцагчдыг ангийнхантайгаа эсвэл жижиг бүлэг болон хамтран ажиллахад урьж болох юм. Дараах зааврыг суралцагчдад үзүүлэх нь тустай байж болно.
Утга санаа, асуултыг мөнхийн талаас нь шинжлэн судлах
Жишээн дээрх хүмүүсийн нэгийг сонго (Жэссийг эсвэл доромжлуулж байгаа хүнийг).
-
Их Эзэн таны сонгосон хүний талаар юу гэж боддог гэж та бодож байна вэ?
-
Энэ хүнийг Их Эзэний мэлмийгээр харах нь Жэссигийн асуултад өгөх Раулын хариултад хэрхэн нөлөөлөх вэ?
Тэнгэрээс томилогдсон эх сурвалжаар дамжуулан илүү гүн ойлголттой болохыг эрэлхийлэх
-
Матай 5:14–16 дээрх зарчмуудыг санаж, хэрэгжүүлэх нь Раулд хэрхэн туслах вэ?
-
Өөр ямар тэнгэрээс томилогдсон эх сурвалж Раулд тус болж болох вэ?
Итгэлээр үйлдэх
-
Яагаад энэ нөхцөлд итгэлээр үйлдэхэд Раулд хэцүү байж болох вэ?
-
Та Раулд итгэлээр үйлдэхийн тулд юу хийхийг санал болгох вэ?
Хариултаа хуваалцахад хэдэн суралцагчийг урь. Суралцагчдын дурдсан сүнслэг мэдлэг олж авах зарчмуудыг тодорхойлж, сайшаан магтаж болно.
Раулд тохиолдсонтой адил, одоо өөрт тань тулгарч буй эсвэл ирээдүйд тулгарч болзошгүй нөхцөл байдлын тухай бодож үз.
-
Таны өнөөдрийн сурч мэдсэн зүйл бусдад үлгэр жишээ болоход тань хэрхэн туслах вэ?
Давтах
Дараагийн хичээлээр үзэх Матай 5:14–16 -ийн эшлэл, судрын түлхүүр үг хэллэгийг давтахад суралцагчдад тусал. Нэг жишээг энд авч үзье.
Т Матай 5:14–16 -ийн талаар зурсан зургаа хар. Үүнийг харж байхдаа судрын түлхүүр үг хэллэг, эшлэлийг хэд хэдэн удаа давт. Цээжээр хэлэхийг оролд.
Нэмэлт суралцах үйл ажиллагаа
Төгс эзэмших сургаалыг тайлбарлах өөр үйл ажиллагаа
Гал, гэрлийн чийдэн, гар чийдэн зэрэг хэд хэдэн гэрлийн эх үүсвэрийн зургийг үзүүл. Суралцагчдыг дээрх зүйлсээс аль нэгийг сонгоод, үүнийгээ Матай 5:14–16 -д тодорхойлсон үнэнийг тайлбарлахын тулд ашиглахад урь.
Суралцагчдыг тайлбараа бэлдэхдээ дараах асуултуудыг ашиглахад урь.
-
Бид ямар гэрлийг гэрэлтүүлэх ёстой вэ?
-
Бид уг гэрлээр хэрхэн гэрэлтүүлэх вэ?
Амьдралд хэрэгжүүлэх өөр үйл ажиллагаа
ChurchofJesusChrist.org дээрх “Bullying—Stop It” (10:22) видео бичлэгт итгэлээр үйлдэж буй хэдэн залуу эрэгтэй, эмэгтэйн үлгэр жишээ гардаг. Видео бичлэгийг 4:08 дээр түр зогсоож болно. Дараа нь зарим үед итгэлээр үйлдэхэд хүндрэл үүсгэдэг зүйлсийн талаар ярилц. Үүний дараа залуу эрэгтэй хэрхэн итгэлээр үйлдэж, нөхцөл байдлыг мөнхийн талаас нь харж байгааг үзэхэд суралцагчдыг урь. Видео бичлэгийг үзэж дууссаны дараа Матай 5:14–16 -г хэрхэн энэ видео бичлэгт гарсантай адил нөхцөл байдлыг шийдвэрлэхэд туслах тэнгэрээс томилогдсон эх сурвалж болгон ашиглаж болох талаар ярилцаж болно.