Վարդապետության սերտման կրկնություն 10

Կիրառեք վարդապետության սերտման սուրբ գրությունների հատվածները

Վարդապետության սերտման նպատակներից մեկն է օգնել ձեզ սովորել, թե իրական կյանքի իրավիճակներում ինչպես կիրառել վարդապետության սերտման սուրբ գրությունների հատվածներում ուսուցանված վարդապետությունը: Այս դասը ձեզ հնարավորություններ կտա կիրառել այս տարի սովորած վարդապետության հատվածներից մի քանիսը:

Ուսանողի պատրաստում. Ուսանողներին առաջարկեք կրկնել հետևյալ աղյուսակում ցուցադրված վարդապետության սերտման չորս հատվածները: Խնդրեք նրանց պատրաստվել և կիսվել, թե ինչպես կարելի է կիրառել այս հատվածներում ներկայացված ճշմարտությունները:

Հնարավոր ուսումնական վարժություններ

Վարդապետության սերտման սուրբ գրությունների հատվածներին վերաբերող դասը կարող է ուսուցանվել այս դասի փոխարեն: Վերանայեք տարածաշրջանի, շրջանի տնօրենի կամ համակարգողի կողմից տրամադրված դասացուցակը՝ համոզվելով, որ սուրբ գրությունների վարդապետության սերտման հատվածներին վերաբերող յուրաքանչյուր դաս կուսուցանվի սեմինարիայի ընթացքում:

Վարդապետություն իրական կյանքի համար

Կրկնեք հետևյալ աղյուսակում ցուցադրված վարդապետության սերտման չորս հատվածները: Հետևյալ սցենարները կարդալիս որոշեք, թե որ հատվածը կարող է օգնել յուրաքանչյուր սցենարում:

Սուրբ գրությունների հղումներ	Սուրբ գրության հիմնական արտահայտությունը
Մատթեոս 22.36–39	«Սիրիր քո Տէր Աստուծուն։ … Սիրիր քո ընկերին»։
Ղուկաս 22.19-20	Հիսուս Քրիստոսը պատվիրեց` ճաշակեք հաղորդությունը «իմ յիշատակի համար»:
Ղուկաս 24.36–39	«Ոգին մարմին եւ ոսկերք չունի, ինչպէս ինձ էք տեսնում որ ունիմ»:
Հովհաննես 17.3	«Եվ սա է հավիտենական կյանքը, որ ճանաչեն քեզ միայն ճշմարիտ Աստուած և Հիսուս Քրիստոսին»։

Գրատախտակին ուսանողների համար ցուցադրեք հետևյալ սցենարները, որպեսզի դասարան մտնելիս տեսնեն դրանք: Անհրաժեշտության դեպքում կարող եք հարմարեցնել սցենարները՝ դրանք ուսանողների կարիքներին ավելի համապատասխանեցնելու համար: Ժամանակի առկայությունից կախված, ուսանողները կարող են կատարել այս դասի վարժություններից մեկը կամ երկուսը միասին:

Հորդորեք ուսանողներին օգտագործել իրենց մտքերը ուսանողի նախապատրաստման վարժությունից:

1. Կարլոսը ունի մի ընկեր, ով մեկ այլ քրիստոնեական հավատք է դավանում և համոզված է, որ Հիսուս Քրիստոսը հոգի է և չունի ֆիզիկական մարմին:

2. Լիզն իրեն համարում է ամեն ինչ հանդուրժող մարդ՝ նա ընդունում է ցանկացած վարքագիծ, եթե այն անկեղծ է: Այդ պատճառով նրա մոտ որոշ հարցեր են առաջացել Երկնային Հոր՝ ամուսնության և ընտանիքի վարդապետության վերաբերյալ: Այս հարցերի պատճառով Լիզը վերջերս դադարել է հաճախել եկեղեցի և ապրել այլ պատվիրաններով:

3. Մարիան մտահոգված է, թե ինչպես կարող է հաղորդությունը դարձնել ավելի իմաստալի փորձառություն:

4. Ֆրանկը դադարել է ուշադիր լինել սեմինարիայի դասերի և կիրակնօրյա դպրոցի ժողովների ժամանակ, որովհետև նա զգում է, որ արդեն բավականաչափ գիտելիք ունի Երկնային Հոր և Հիսուս Քրիստոսի մասին:

Ընտրեք սցենարներից մեկը և մտածեք, թե վարդապետության սերտման որ հատվածին է այն համապատասխանում:

• Ձեր ընտրած հատվածը որքանո՞վ է կիրառելի այս սցենարի համար:

• Սցենարում ներկայացված մարդը այս հատվածի օգնությամբ ի՞նչ կարող է հասկանալ Երկնային Հոր, Հիսուս Քրիստոսի վերաբերյալ և մեզ հետ կապված Նրանց ցանկությունների մասին:

• Ի՞նչ գործողություններ կառաջարկեիք, որ տվյալ անձը կատարեր՝ ընտրված ճշմարտությունները կիրառելու համար: Ինչո՞ւ:

Կիրառեք վարդապետության սերտման հատվածները անձնական հանգամանքներում

Ձեր օրագրում նկարեք մի պատանի և գրեք նրա տարիքը, սեռը և ընտանեկան իրավիճակը: Այդ մարդը կարող է լինել իրական կամ մտացածին: Ներառեք մի քանի խնդիրներ կամ դժվարություններ, որոնք այդ մարդը կարող է ունենալ այս պահին:

Կարող եք ուսանողներին առաջարկել դա անել թերթիկի վրա: Նրան կարող են ծալել իրենց թերթիկները և անկյունում մի խորհրդանիշ նկարել, ինչը կօգնի նրանց գտնել իրենց թերթիկը` առանց ուրիշներին բացահայտելու, թե ում է պատկանում թերթիկը: Բաժանեք թերթիկները դասարանի անդամներին, որպեսզի նրանք կարողանան պատասխանել հետևյալ հարցերին՝ հիմնվելով ներկայացված սցենարի վրա: Ուսանողները կարող են օգտվել նաև իրենց սեփական սցենարից:

Կրկնեք ստորև ներկայացված վարդապետության սերտման հատվածները (ինչպես նաև ձեր կողմից ընտրված հատվածները) և որոշեք, թե որոնք կարող են օգտակար լինել տվյալ սցենարում:

Ցուցադրեք հետևյալ աղյուսակը որպես հղում: Եթե օգտակար լինի, կարող եք օգտագործել լրացուցիչ կամ այլ հատվածներ:

Սուրբ գրությունների հղումներ	Սուրբ գրության հիմնական արտահայտությունը
Ղուկաս 2.10–12	«Թէ այսօր ձեզ Փրկիչ ծնուեցավ Դաւիթի քաղաքումը. որ է Քրիստոս Տէրը»:
Հովհաննես 3.5	«Եթե մէկը ջրից եւ Հոգուց չծնուի, նա կարող չէ Աստուծոյ արքայությունը մտնել»:
Հովհաննես 3․16	«Որովհետեւ Աստուած այնպէս սիրեց աշխարհքը որ իր միածին Որդին տուաւ»:
Մատթեոս 5.14–16	«Այսպէս լուսաւորէ ձեր լույսը մարդկանց առաջին»:
Մատթեոս 11.28–30	«Ինձ մոտ եկեք, ամեն վաստակածներ եւ բեռնաւորուածներ. եւ ես հանգիստ կտամ ձեզ»:
Մատթեոս 16.15–19	Հիսուսն ասաց. «Ես կտամ քեզ երկնքի արքայութեան բանալիները»:
Հովհաննես 7.17	«Եթե մեկը կամենում է նրա կամքն անել, նա կիմանա այս վարդապետության համար»։
Մատթեոս 22.36–39	«Սիրիր քո Տէր Աստուծուն։ … Սիրիր քո ընկերին»։
Ղուկաս 22.19-20	Հիսուս Քրիստոսը պատվիրեց` ճաշակեք հաղորդությունը «իմ յիշատակի համար»:
Հովհաննես 17.3	«Եվ սա է հավիտենական կյանքը, որ ճանաչեն քեզ միայն ճշմարիտ Աստուած և Հիսուս Քրիստոսին»։
Ղուկաս 24.36–39	«Ոգին մարմին եւ ոսկերք չունի, ինչպէս ինձ էք տեսնում որ ունիմ»:

Կարճ գրառում ուղղեք սցենարում ներկայացված պատանուն: Ներառեք հետևյալը.

• Վարդապետության սերտման հատված, որը, ըստ ձեզ, կարող է օգնել նրան հասկանալ Երկնային Հոր և Հիսուս Քրիստոսի ցանկություններն իր համար և ինչու:

• Անձնական փորձառություն, սուրբգրային պատմություն կամ որևէ օրինակ Փրկիչի կյանքից, որը կապված է հատվածում ուսուցանվածի հետ, և կարող է քաջալերել այդ մարդուն:

• Գործողություններ, որոնք նա կարող է կատարել՝ ճշմարտությունները կիրառելու համար: (Օրինակ՝ Ղուկաս 22.19-20 հատվածների համար կարող եք խորհուրդ տալ հրավիրել Սուրբ Հոգու ազդեցությունը և մի քանի բան հիշել Փրկիչի մասին հաղորդության ժամանակ կամ Հովհաննես 7.17 հատվածի համար կարող եք առաջարկել կարդալ ելույթներ, որոնք նրան կօգնեն ավելի լավ հասկանալ Երկնային Հորը և Հիսուս Քրիստոսին):

• Ձեր սեփական վկայությունը Հիսուս Քրիստոսի մասին և հատվածից ընտրված ճշմարտությունները:

Եթե ուսանողները կատարեցին այս վարժությունը ուրիշի սցենարով, խնդրեք նրանց բացել թերթիկները, որպեսզի յուրաքանչյուր ուսանող կարողանա վերցնել իր թերթիկը: Ուսանողներին առաջարկեք կիսվել այս փորձառությունից իրենց սովորածով: Կարող եք կիսվել նմանատիպ անձնական փորձառությամբ կամ վկայությամբ:

Եթե ձեր նշումը հասցեագրված է իրական մարդուն, կարող եք տալ այն այդ մարդուն կամ քննարկել նրա հետ: