Սեմինարիա
Ղուկաս 22.47-71, Հովհաննես 18.1-27

Ղուկաս 22.47-71, Հովհաննես 18.1-27

«Այն բաժակը որ իմ Հայրը տուաւ ինձ, ես այն չ’խմե՞մ»

Judas is giving Jesus a kiss on the cheek, a band of men with torches are behind them. Outtakes include soldiers and men with torches leaving, Peter with a knife in his hand with the savior on the ground healing the wounded man, the people who want to arrest Jesus coming with torches, Peter about to cut the man’s ear, Jesus talking to Judas, Jesus looking at Judas, some of the mob, Jesus healed the man, the backs of James and John watching as Jesus is being taken away, Judas stepping forth from the crowd, Jesus allowing the soldier to bind his hands, and Jesus on the ground with the wounded man, looking up at his disciples.

Հիսուս Քրիստոսը լիովին պատրաստ էր կատարել Երկնային Հոր կամքը: Դա հատկապես ակներև դարձավ Գեթսեմանիի պարտեզում՝ Նրա տառապանքների, հաջորդող ձերբակալության և Խաչելության ժամանակ: Այս դասը կարող է օգնել ձեզ հետևել Հիսուս Քրիստոսի օրինակին, թե ինչպես ընտրել Երկնային Հոր կամքը ձեր կյանքում:

Ուսանողի պատրաստում. Ուսանողներին առաջարկեք հիշել, թե երբ են որոշել անել այն, ինչ Երկնային Հայրն էր ցանկանում, այլ ոչ թե այն, ինչ իրենք էին նախընտրում: Խնդրեք ուսանողներին մտածել, թե ինչն էր դժվար, և ինչու նրանք ընդունեցին հենց այդ որոշումը:

Հնարավոր ուսումնական վարժություններ

Առաջնահերթություն տվեք Երկնային Հոր կամքին

Որպեսզի օգնեք ուսանողներին մտածել, թե ինչն է իրենց խանգարում առաջնահերթություն տալ Երկնային Հոր կամքին, կարող եք օգտագործել հետևյալ սցենարը: Հրավիրեք ուսանողներից մեկին առաջ գալ և դասարանի հետ կիսվել սցենարում ներկայացված ընտրությունների մասին իր մտքերով:

Drawing of two doors and siding.

Ցուցադրեք վերևում բերված նկարը կամ գրատախտակին նկարեք երկու հասարակ դուռ:

Պատկերացրեք, որ դուք կանգնած եք երկու դռների առջև: Ընտրելով առաջին դուռը, դուք կհետևեիք Երկնային Հոր կամքին, բայց կանցնեիք դժվարին փորձություններով: Եթե դուք ընտրեիք երկրորդ դուռը, կխուսափեիք փորձություններից, բայց չէիք կատարի այն, ինչ Երկնային Հայրն էր ցանկանում ձեզ համար:

  • Ինչո՞ւ մարդը կարող է ընտրել առաջին դուռը, կամ ինչո՞ւ երկրորդ դուռը:

  • Ի՞նչ գիտեք Երկնային Հոր մասին, որը կարող է օգնել ձեզ ընտրել առաջին դուռը:

Մի պահ մտածեք Հիսուս Քրիստոսի կյանքի մասին և այն մասին, թե առաջին դռան ընտրությունը որքանով է նման կյանքի Նրա ընտրությանը: Այսօրվա դասի ժամանակ դուք հնարավորություն կունենաք կարդալ Փրկիչի՝ Իր մահկանացու կյանքի վերջում կատարած ընտրությունների մասին: Ուսումնասիրելիս ուշադիր եղեք, թե Հիսուս Քրիստոսի գործողություններից ինչն է ձեզ ոգեշնչում:

Հիսուս Քրիստոսին դավաճանում են և ձերբակալում են Գեթսեմանիում

Գեթսեմանիի պարտեզում Հիսուս Քրիստոսը խնդրեց Իր Հորը՝ «այս բաժակը անցրու ինձանից», սակայն Նա հաստատեց, որ պատրաստ է կատարել Հոր կամքը՝ ասելով. «Սակայն ոչ թէ իմ կամքը՝ բայց քո կամքը լինի» ( Ղուկաս 22.42): Հիսուսի կողմից նշված բաժակը վերաբերում է Նրա տառապանքներին և մահվանը:

Կարդացեք Հովհաննես 18.1-4-ը՝ փնտրելով, թե Փրկիչն ինչպես շարունակեց ցուցադրել Երկնային Հոր կամքը կատարելու Իր պատրաստակամությունը:

Թվարկեք այն դժվարություններից մի քանիսը, որոնք պետք է «գային Հիսուսի վրա» մոտակա ժամերի ընթացքում, և որոնք նա ընդունեց ( հատված 4):

Կարդացեք Հովհաննես 18.5-11-ը՝ փնտրելով, թե Փրկինչն ինչպես արձագանքեց զինված ամբոխին, որը եկել էր Նրան տանելու:

Լրացուցիչ մանրամասների համար, որոնք գրանցված չեն Հովհաննեսի կողմից և ցուցադրում են Հիսուս Քրիստոսի զարմանահրաշ սերն ու վճռականությունը, կարդացեք Մատթեոս 26.52-54-ը և Ղուկաս 22.50-51-ը : Կարող եք դիտել «Փրկիչը տառապում է Գեթսեմանիում» տեսանյութը ChurchofJesusChrist.org կայքում 5:55-8:30-ը:

Drawing of two doors and siding.

  • Ի՞նչն է ձեզ տպավորել Հիսուսի՝ զինված ամբոխի հետ հանդիպման մեջ:

  • Հիսուս Քրիստոսի օրինակն ի՞նչ է ձեզ օգնում հասկանալ ընդդիմությանը դիմադրելու մասին:

  • Ձեր կարծիքով, Փրկիչն ինչո՞ւ կարողացավ հաղթահարել այս իրավիճակները: Ի՞նչ է սա ուսուցանում Նրա մասին։

Երեց Բեդնարի՝ «Բացատրական և պատմական տեղեկություններ» բաժնում ներկայացված հայտարարությունը կարող է օգտակար լինել որպես Փրկիչի հատկանիշների և Նրա մասին ուսանողների սովորածի վերաբերյալ քննարկման մաս: (Տես Դեյվիդ Ա. Բեդնար, «Հեզ և սրտով խոնարհ», Ensign կամ Լիահոնա, մայիս 2018, 33):

Հիսուս Քրիստոսին բերում են հարցաքննության

Ձերբակալումից հետո Հիսուսին բերեցին Կայիափա անունով քահանայապետի և այլ հրեա ղեկավարների մոտ: Կարդացեք Ղուկաս 22.63-65-ը և գտեք, թե Հիսուսը ինչ անարդար վերաբերմունք ստացավ նրանցից: Կարող եք նաև դիտել «Կայիափան հարցաքննում է Հիսուսին. Պետրոսը ուրանում է Նրան» տեսաֆիլմը (0:00-1:39-ը) ChurchofJesusChrist.org կայքում:

Drawing of two doors and siding.

  • Ձեր կարծիքով, Փրկիչն ինչու էր պատրաստ դիմանալ այդպիսի դաժան և անարդար վերաբերմունքի:

Մորմոնի Գրքում Նեփին և Աբինադին ուսուցանել են, թե Փրկիչն ինչու պատրաստակամորեն հնազանդվեց այդպիսի վերաբերմունքին: Կարդացեք 1 Նեփի 19.8-9 և Մոսիա 15.5-7 հատվածնեը և գտեք, թե նրանք ինչ բացատրություն են տալիս:

Ձեր օրագրում գրեք, թե այս հատվածներն ուսումնասիրելիս ինչ դասեր կարող եք սովորել Հիսուս Քրիստոսի մասին և Հիսուս Քրիստոսից:

Կարող եք գրել մի քանի պատճառ, թե այս դասերի ըմբռնումն ինչու է արժեքավոր կամ անձնապես իմաստալի ձեզ համար:

Եթե ուսանողները օգնության կարիք ունեն այս հատվածներից սովորած դասերի մասին մտածելու համար, կարող եք կիսվել օրինակով: Օրինակներից մեկն է. Հիսուս Քրիստոսը պատրաստ էր տառապել մեզ համար, որովհետև Նա սիրող և բարի է: Եթե ուսանողները որոշեն իրենց օրագրերում գրել այս ճշմարտությունը, խնդրեք մի քանի կամավորի կիսվել, թե ինչու է այս դասը կարևոր իրենց համար:

Խնդրեք նրանց կիսվել, թե ինչ այլ դասեր են նրանք նշել և ինչու:

Այս հատվածները մեզ ուսուցանում են հետևյալ կարևոր դասը. Հիսուս Քրիստոսը ամեն բանում հնազանդվում էր Իր Հոր կամքին:

  • Ձեր կարծիքով, Հիսուսն ի՞նչ հասկացավ Երկնային Հոր մասին, որը Նրան կատարելապես հնազանդ դարձրեց Հոր կամքին:

Եթե դուք առաջարկել եք ուսանողներին նախապատրաստվել դասին, կարող եք խնդրել մի քանի կամավորի դասարանի հետ կիսվել իրենց փորձառություններով:

Որպեսզի օգնեք ուսանողներին քննարկել, թե ինչու է դժվար սեփական կամքը հնազանդեցնել Աստծո կամքին, կարող եք օգտագործել երեց Մաքսվելլի հայտարարությունը «Բացատրական և պատմական տեղեկություններ» բաժնից:

  • Ի՞նչ օրհնություններ եք ստացել՝ որոշելով հետևել Երկնային Հոր կամքին, նույնիսկ, եթե դա դժվար էր:

Նախագահ Ռասսել Մ. Նելսոնը մի քանի հարց է տվել Աստծո կամքին հնազանդվելու մեր պատրաստակամության վերաբերյալ: Մի պահ խորհեք, թե ինչպիսին կլիներ ձեր անկեղծ պատասխանը այդ հարցերին: Մտածեք, թե ձեզանից ինչ կպահանջվի «այո» պատասխանել յուրաքանչյուր հարցին:

Որպեսզի օգնեք ուսանողներին խորհել այս հարցերի շուրջ, կարող եք ցուցադրել հետևյալ հայտարարությունը:

Official portrait of President Russell M. Nelson taken January 2018

Դուք պատրա՞ստ եք թույլ տալ Աստծուն տնօրինել ձեր կյանքը: Դուք պատրա՞ստ եք թույլ տալ, որ Աստված ամենամեծ ազդեցությունն ունենա ձեր կյանքում: Թույլ կտա՞ք, որ Նրա խոսքերը, Նրա պատվիրաններն ու ուխտերը ազդեն ձեր ամենօրյա քայլերի վրա: Թույլ կտա՞ք, որ Նրա ձայնը գերակշռի մյուս ձայներին: Դուք պատրա՞ստ եք թույլ տալ, որ այն, ինչ Նա է ցանկանում, որ դուք անեք, ավելի կարևոր լինի ձեր մնացած բոլոր նպատակներից: Դուք պատրա՞ստ եք, որ ձեր «կամքը կուլ գնացած լին[ի Նրա] կամքին»:

(Ռասսել Մ. Նելսոն, «Թող Աստված տնօրինի», Ensign կամ Լիահոնա, նոյեմբեր 2020, 94)

Drawing of two doors and siding.

Հիմնվելով Փրկիչի հնազանդության մասին ձեր սովորածի վրա՝ մի քանի նախադասությամբ նկարագրեք, թե ինչ կուզեիք հիշել, անել կամ դառնալ: Օգտվեք հետևյալ հուշումներից, որպեզի կարողանաք գրանցել ձեր մտքերն ու ցանկությունները:

  • Ես ցանկանում եմ հիշել, որ Փրկիչը …

  • Հիսուս Քրիստոսի նման ես կարող եմ կատարել Երկնային Հոր կամքը …

  • Հիսուս Քրիստոսին ավելի նմանվելու համար ես կզարգացնեմ հետևյալ հատկանիշը …

Բացատրական և պատմական տեղեկություններ

Ի՞նչ կարող ենք սովորել Փրկիչի մասին Երկնային Հոր կամքին հնազանդվելու Նրա պատրաստակամությունից

Երեց Դեյվիդ Ա. Բեդնարը Տասներկու Առաքյալների Քվորումից ուսուցանել է, որ Փրկիչի հեզությունը հիմնական հատկանիշն էր, որը Նրան օգնեց հնազանդեցնել Իր կամքը Երկնային Հոր կամքին:

Elder David A. Bednar, Quorum of the Twelve Apostles official portrait. 2020.

Տիրոջ պատրաստակամ հնազանդության և ուժեղ ինքնատիրապետման հետևողականությունը ոգեշնչող և ուսուցանող է մեզ համար: Երբ տաճարի պահակների և հռոմեացի զինվորների զինված խումբը ժամանեց Գեթսեմանիի պարտեզ՝ Հիսուսին բռնելու և ձերբակալելու համար, Պետրոսը հանեց իր սուրը և կտրեց քահանայապետի ծառայի աջ ականջը [տես Հովհաննես 18.10 ]: Ապա, Փրկիչը դիպավ ծառայի ականջին ու բուժեց այն [տես Ղուկաս 22.51 ]: Ուշադրություն դարձրեք, որ Նա հասավ օգնության ու օրհնեց Իր հնարավոր գերեվարողին, օգտագործելով նույն երկնային զորությունը, որը կարող էր կանխել Իր գերեվարումն ու խաչելությունը։

… Փրկիչի հեզությունն ապացուցվում է Իր կարգապահ արձագանքով, ուժեղ զսպվածությամբ և անձնական շահի համար Իր անսահման զորությունը գործադրելու չկամությամբ։

(Դեյվիդ Ա. Բեդնար, «Հեզ և սրտով խոնարհ», Ensign կամ Լիահոնա, մայիս 2018, 33)

Ես ինչո՞ւ պետք է ցանկանամ իմ կամքը հնազանդեցնել Աստծո կամքին

Երեց Նիլ Ա. Մաքսվել (1926-2004) Տասներկու Առաքյալների Քվորումից ուսուցանել է.

Last official portrait of Elder Neal A. Maxwell, 1992.

Մեզանից շատերը … սխալմամբ կարծում են, որ ինչ-որ կերպով թույլ տալով, որ մեր կամքը կուլ գնա Աստծո կամքին, մենք կորցնում ենք մեր անհատականությունը (տես Մոսիա 15.7): Իրականում մեզ անհանգստացնում է ոչ թե սեփական եսից հրաժարումը, այլ եսասիրական պատկանելությունները կորցնելու հանգամանքը,, ինչպես օրինակ՝ մեր դերերը, մեր ժամանակը, մեր գերազանցությունը և մեր ունեցվածքը: Զարմանալի չէ, որ Փրկիչը մեզ կարգադրում է կորցնել մեր անձերը (տես Ղուկաս 9.24): Նա պարզապես խնդրում է մեզ կորցնել մեր հին եսը՝ նորը գտնելու համար: Դա չի նշանակում կորցնել ինքնությունը, այլ գտնել ճշմարիտ ինքնությունը: …

… Մեր կամքի ենթարկումը միակ` իսկապես բացառիկ անձնական բանն է, որ մենք կարող ենք դնել Աստծո խորանի վրա: Շատ այլ բաներ, որոնք մենք «տալիս ենք», եղբայրնե՛ր և քույրե՛ր, իրականում այն բաներն են, որոնք Նա նախապես տվել է մեզ: Ինչևէ, երբ ես և դուք, ի վերջո, ենթարկենք մեզ, թույլ տալով, որ մեր անձնական կամքը կուլ գնա Աստծո կամքին, ապա մենք իսկապես ինչ-որ բան կտանք Նրան: Դա միակ ունեցվածքն է, որ իսկապես մերն է, և որը մենք կարող ենք տալ:

(Նիլ Լ. Մաքսվել, «Կուլ գնացած Հոր կամքին», Ensign, նոյեմբեր 1995, 23, 24)

Օժանդակ ուսումնական վարժություն

Ինչ է խորհրդանշում այն բաժակը, որից խմել է Հիսուս Քրիստոսը

Որպեսզի օգնեք ուսանողներին սկսել ավելի շատ գնահատել Փրկիչին և Երկնային Հոր կամքը կատարելու Նրա պատրաստակամությունը, կարող եք ընդսգծել, թե ինչ է խորհրդանշում այն բաժակը, որից խմել է Հիսուս Քրիստոսը: Օգնեք ուսանողներին հասկանալ, որ այն բաժակը, որից, Երկնային Հոր կամքի համաձայն, Հիսուս Քրիստոսը պետք է խմեր, խորհրդանշում էր Նրա տառապանքները և մահը, որոնց արդյունքում Նա հարություն առավ: Կարող եք խնդրել ուսանողներին բաժակի մասին հետևյալ սուրբ գրությունները կարդալիս գրել Փրկիչի մասին իրենց սովորածը: Կարող եք նաև խնդրել նրանց խորհել այն մասին, թե նրանք ինչպես են օրհնվել Հիսուս Քրիստոսի՝ այդ դառը բաժակից խմելու շնորհիվ: