Վարդապետության սերտման կրկնություն 15

Կիրառեք վարդապետության սերտման սուրբ գրությունների հատվածները

Վարդապետության սերտման նպատակներից է օգնել ձեզ սովորել, թե ինչպես ճիշտ կիրառել վարդապետության սերտման հատվածները՝ Հիսուս Քրիստոսի ավետարանն ուրիշներին ուսուցանելիս: Այս դասը ձեզ հնարավորություններ կտա փորձել կիրառել վարդապետության սերտման որոշ հատվածներ տարբեր ուսումնական իրավիճակներում:  

Հնարավոր ուսումնական վարժություններ

Ուսանողի նախապատրաստում. Ուսանողներին առաջարկեք հիշել, թե նրանք ինչպես են օգտագործել սուրբ գրությունները՝ հարցերին պատասխանելու կամ ուրիշներին Հիսուս Քրիստոսի ավետարանն ուսուցանելու համար: Հորդորեք նրանց դասից առաջ պատրաստվել՝ կիսվելու այդպիսի իրավիճակներով և իրենց ուսուցանած սուրբ գրություններով:

Վարդապետության սերտման սուրբ գրությունների հատվածներին վերաբերող դասը կարող է ուսուցանվել այս կրկնության դասի փոխարեն: Վերանայեք տարածաշրջանի, շրջանի տնօրենի կամ համակարգողի կողմից տրամադրված դասացուցակը՝ համոզվելով, որ սուրբ գրությունների վարդապետության սերտման հատվածներին վերաբերող յուրաքանչյուր դաս կուսուցանվի սեմինարիայի ընթացքում:

Կանոնիկ գրքերը պարունակում են բազմաթիվ պատմություններ, թե մարդիկ ինչպես են օգտագործել սուրբ գրությունները՝ ուրիշներին ուսուցանելիս: Օրինակ՝ Հիսուս Քրիստոսը ուսուցանել է Իր երկու աշակերտներին Էմմաուսի ճանապարհին ( Ղուկաս 24.27), Նեփին հորդորել է իր եղբայրներին ստանալ արույրե թիթեղները (տես 1 Նեփի 4.2), իսկ Մորոնին հրահանգներ է տվել երիտասարդ Ջոզեֆ Սմիթին ( Ջոզեֆ Սմիթ - Պատմություն 1.36–41):

Դասին նախապատրաստված ուսանողներին առաջարկեք կիսվել իրենց փորձառություններով՝ հետևյալ հարցերին պատասխանելիս:

• Ե՞րբ եք դուք կամ ձեր ծանոթը օգտագործել սուրբ գրությունները՝ ուրիշներին ուսուցանելու համար:

• Ձեր կարծիքով, ինչո՞ւ է կարևոր ուրիշներին ուսուցանելիս մեր սեփական բացատրություններից բացի օգտագործել սուրբ գրությունները:

Կրկնեք վարդապետության սերտման հղումների և հիմնական արտահայտությունների հետևյալ ցանկը: Մտածեք, թե ինչ իրավիճակներում կարող էիք օգտագործել այդ հատվածները՝ որևէ մեկին ուսուցանելու համար:

Նոր Կտակարանի վարդապետության սերտում. Ա Կորնթացիս–Հայտնություն

Ցուցադրեք կամ բաժանեք հետևյալ աղյուսակը, որպեսզի ուսանողները օգտագործեն այն դասի ընթացքում: Ուսանողները կարող են ունենալ այդ աղյուսակի օրինակը նախորդ դասից:

Ա Կորնթացիս 6.19–20	«Ձեր մարմինները Սուրբ Հոգու տաճար են»:
Ա Կորնթացիս 11․11	«Բայց դարձեալ ոչ կինն առանց մարդի, եւ ոչ մարդն առանց կնկայ, Տէրումը»:
Ա Կորնթացիս 15.20–22	«Քանզի ինչպես Ադամով ամենը մեռնում են, այնպես էլ Քրիստոսով ամենը կենդանանում են»:
Ա Կորնթացիս 15.40–42	Հարության ժամանակ կան փառքի երեք աստիճաններ։
Եփեսացիս 1․10	«ժամանակների լրութեան տնտեսութեան համար, որ [ամեն բան ի մի հավաքի] բովանդակուի Քրիստոսումը» :
Եփեսացիս 2.19-20	Եկեղեցին «առաքեալների և մարգարէների հիմքի վերայ է շինուած. որի անկիւնի գլուխը Յիսուս Քրիստոսն է»:
Բ Թեսաղոնիկեցիս 2.1–3	«Քրիստոսի Երկրորդ գալուստը չի գա, եթէ առաջ չգայ ապստամբությունը»:
Բ Տիմոթեոս 3.15–17	«Սուրբ գրությունները … կարող են քեզ իմաստուն անել փրկության համար»։
Եբրայեցիս 12.9	Երկնային Հայրը «հոգիների Հայրն է»։
Հակոբոս 1.5–6	«Եթե մեկը ձեզանից իմաստութեան պակասություն ունի, թող խնդրէ Աստուածանից»:
Հակոբոս 2.17–18	«Հաւատքը, եթէ գործ չ’ունենայ, ըստ ինքեան մեռած է»։
Ա Պետրոս 4.6	«Ավետարանը [քարոզվեց] նաև մեռելներին»։
Հայտնություն 20.12	«Մեռելները դատվեցան … իրանց գործերի համեմատ»:

Կարող եք թերթիկի վրա ստեղծել մի վերնագիր հետևյալ իրավիճակներից յուրաքանչյուրի համար և դրանք տեղադրել դասարանի տարբեր անկյուններում: (Կարող եք նաև ուսանողներին առաջարկել ստեղծել սեփական իրական իրավիճակներ):

ԹաղումՄիսիաԵրիտասարդների հոգևոր հավաքԸնկեր

Դասարանը բաժանեք չորս փոքր խմբերի և յուրաքանչյուր խմբի հանձնարարեք վերոնշված իրավիճակներից մեկը: Խմբերից յուրաքանչյուրին տվեք ստորև ներկայացված հարցերից մի քանիսը և առաջարկեք նրանց քննարկել դրանք:

Յուրաքանչյուր խմբի հնարավորություն տվեք անդրադառնալ իրավիճակներից յուրաքանչյուրին: Ուսանողներին ասեք, որ նրանք կարող են օգտագործել նույն սուրբ գրությունների հղումները տարբեր սցենարների համար:

Թաղում

Պատկերացրեք, որ ձեզ խնդրել են խոսել սիրած մարդու հուղարկավորության ժամանակ:

• Վարդապետության սերտման ո՞ր երեք հատվածներով կկիսվեիք:

• Ձեր կարծիքով, այդ հատվածներն ինչո՞վ կարող էին օգտակար լինել:

Ընտրեք այս սցենարի համար ընտրված սուրբ գրությունը և կարդացեք ամբողջ հատվածը:

• Ուրիշ ի՞նչ եք սովորել հիմնական արտահայտությունից բացի:

Միսիա

Պատկերացրեք, որ դուք և ձեր զուգընկերը ուսուցանում եք մեկին, ով չի հասկանում, թե մեզ ինչու է անհրաժեշտ վերականգնված եկեղեցին:

• Վարդապետության սերտման ո՞ր երեք հատվածներով կկիսվեիք:

• Ձեր կարծիքով, այդ հատվածներն ինչո՞վ կարող էին օգտակար լինել:

Ընտրեք այս սցենարի համար ընտրված սուրբ գրությունը և կարդացեք ամբողջ հատվածը:

• Ուրիշ ի՞նչ եք սովորել հիմնական արտահայտությունից բացի:

Երիտասարդների հոգևոր հավաք

Պատկերացրեք, որ դուք ընգրկված եք երիտասարդական հանձնաժողովում, որին հանձնարարված է թեմաներ ընտրել ձեր ցցում կամ շրջանում կայանալիք երիտասարդների հոգևոր հավաքի համար:

• Վարդապետության սերտման ո՞ր երեք հատվածներով կկիսվեիք:

• Ձեր կարծիքով, այդ հատվածներն ինչո՞վ կարող էին օգտակար լինել:

Ընտրեք այս սցենարի համար ընտրված սուրբ գրությունը և կարդացեք ամբողջ հատվածը:

• Ուրիշ ի՞նչ եք սովորել հիմնական արտահայտությունից բացի:

Ընկեր

Պատկերացրեք, որ դուք ունեք մի ընկեր, ով դժվարանում է իրեն Երկնային Հորը և Հիսուս Քրիստոսին մոտ զգալ: Նա ձեզանից խորհուրդ է հարցնում:

• Վարդապետության սերտման ո՞ր երեք հատվածներով կկիսվեիք:

• Ձեր կարծիքով, այդ հատվածներն ինչո՞վ կարող էին օգտակար լինել:

Ընտրեք այս սցենարի համար ընտրված սուրբ գրությունը և կարդացեք ամբողջ հատվածը:

• Ուրիշ ի՞նչ եք սովորել հիմնական արտահայտությունից բացի:

Երբ խումբն ավարտի այս վարժությունը, կարող եք դասարանին տալ հետևյալ հարցերը.

• Այս վարժությունն ինչպե՞ս է օգնել ձեզ ավելի լավ հասկանալ սուրբ գրությունների օգտագործման անհրաժեշտությունը ուրիշներին ուսուցանելիս:

• Վարդապետության սերտման հատվածներից ո՞րն եք սկսել ավելի լավ գնահատել այս վարժության շնորհիվ:

• Մենք ի՞նչ ենք սովորում Հիսուս Քրիստոսի մասին այս վարժությունից:

Ուսանողներին հորդորեք շարունակել հնարավորություններ փնտրել՝ Հիսուս Քրիստոսի ավետարանն ուրիշներին ուսուցանելիս վարդապետության սերտման հատվածները օգտագործելու համար: