Төгс эзэмших сургаалын давтлага 23
Ойлгох ба тайлбарлах
Төгс эзэмших сургаалын нэг зорилго бол төгс эзэмших сургаалын хэсгүүдэд агуулагдсан сургаалыг ойлгож, өөрийн үгээр тайлбарлаж чаддаг болоход тань туслах явдал юм. Энэ хичээл нь Шинэ Гэрээний хоёр дахь хагасын төгс эзэмших сургаалын судрын 13 хэсгийн талаарх ойлголтоо гүнзгийрүүлж, үнэнийг тайлбарлах боломжийг танд олгоно.
Төгс эзэмших сургаалын судрын хэсгийг Тогтмол суралцаж, давтахад урамшуулах нь. Төгс эзэмших сургаалын хэсгүүдийг цээжилж, ойлгож, тайлбарлаж, ашиглахад суралцаж, дадлага хийх шаардлагатай. Төгс эзэмших сургаалын хичээлийг долоо хоног бүр зааж, суралцагчдыг олж мэдсэн зүйлээ тогтмол эргэж харахыг урамшуул. Doctrinal Mastery аппликэйшн нь суралцагчдад төгс эзэмших сургаалын судрын хэсгүүдээ үргэлжлүүлэн суралцахад туслах үнэ цэнтэй эх сурвалж гэдгийг санаарай.
Суралцагчийн бэлтгэл: Суралцагчдыг Шинэ Гэрээний хоёр дахь хагасын төгс эзэмших сургаалын судрын 13 хэсгийг товчхон давтаад, дараа нь илүү сайн ойлгохыг хүсэж буй нэгийгээ сонгоход урь.
Боломжит суралцах үйл ажиллагаа
Төгс эзэмших сургаалын судрын хэсгийн талаарх хичээлийг энэ давтлага хичээлийн оронд зааж болох юм. Төгс эзэмших сургаалын судрын хэсгүүдийн талаарх хичээл тус бүрийг семинар явагдаж байх үеэр заасан байхад анхаарахын тулд орон нутгийн захирал юм уу зохицуулагчийн өгсөн цагийн хуваарийг үзнэ үү.
Асуулт тавих
-
Та хэн нэгнээс асуулт асуусандаа хэзээ талархаж байсан бэ? (Жишээлбэл: Та асуулт асууснаар ямар нэг зүйлийг мэдэж авсан эсвэл найз юм уу эцэг эхээсээ зөвлөгөө авахыг эрэлхийлснээр үнэ цэнтэй зөвлөгөө авсан байж болох юм.)
Суралцагчдад туршлагынхаа талаар бодоход нь туслах үүднээс хувийн туршлагаасаа хуваалцах талаар бодож үз.
-
Есүс Христийн сайн мэдээнээс суралцахдаа асуулт асуух нь яагаад чухал байдаг зарим шалтгаан юу вэ?
Тэргүүн зөвлөлийн ерөнхийлөгч Хэнри Б.Айринг “Асуулт тавьж, асуултад хариулах нь бүх суралцах, зааж сургахын цөм юм” хэмээн хэлсэн (“The Lord Will Multiply the Harvest” [evening with a General Authority, Feb. 6, 1998], 5–6, in Teaching Seminary: Preservice Readings [2004], 98).
Төгс эзэмших сургаалын судрын хэсгүүдийн талаар асуулт асуух нь тэдгээрийг илүү сайн ойлгож, Аврагчийн тусламжийг амьдралдаа илүү бүрэн дүүрэн урин авчрахад бидэнд тусална.
Төгс эзэмших сургаалын судрын 13 хэсгийн бүх эшлэлийг үзүүлэх юм уу тэдгээрийг хаанаас олж болохыг суралцагчдад харуулах талаар бодож үз. Хүсвэл энэ давтлагаар Шинэ Гэрээний төгс эзэмших сургаалын судрын 24 хэсгийг бүгдийг нь ашигла эсвэл ангийнхны хэрэгцээ шаардлагаас хамааран хэдийг нь сонго.
Шинэ Гэрээний төгс эзэмших сургаал: 1 Коринт–Илчлэл
“Та нарын бие бол Ариун Сүнсний сүм.” | |
“Эзэн дотор эр хүнгүйгээр эм хүн гэж үгүй бөгөөд эм хүнгүйгээр эр хүн гэж үгүй юм.” | |
“Адам дотор бүгд үхдэгчлэн, Христ дотор бүгд амьд болгогдоно.” | |
Амилалтад алдар суугийн гурван зэрэг бий. | |
“Цагийн дүүрлийг гүйцэлдүүлэхийн тулд … бүх юмсыг Христ дотор нэгтгэх зорилго байжээ.” | |
Сүм “элч нар болон эш үзүүлэгчдийн суурин дээр босгогдож байгаа бөгөөд Христ Есүс Өөрөө булангийн чулуу нь ажээ.” | |
“Эхлээд урвалт гарахаас нааш Христийн өдөр ирэхгүй.” | |
“Ариун судрууд мэргэн ухааныг чамд өгөх чадалтай.” | |
Тэнгэрлэг Эцэг бол “сүнсний Эцэг” болой. | |
“Харин та нарын хэн нэг нь мэргэн ухаанаар дутвал, Бурханаас гуйг.” | |
“Итгэл нь хэрэв үйлсгүй бол өөрөө үхмэл юм.” | |
“Сайн мэдээ нь үхэгсдэд ч хүртэл тунхаглагдсан.” | |
“Үхэгсэд үйлсийнхээ дагуу … шүүгдэв.” |
Төгс эзэмших сургаалын судрын аль нэгэн хэсгийг ашиглан дараах үйл ажиллагааг ангиараа хийгээд дараа нь өөрсдийн сонгосон төгс эзэмших сургаалын судрын өөр нэг хэсгийг ашиглан уг үйл ажиллагааг давтахад суралцагчдыг урь. Суралцагчид ангийнхны хэрэгцээ шаардлагаас хамааран бүлгээрээ, хоёр хоёроороо эсвэл бие даан ажиллаж болно.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F58%2F10%2F581080c3dae8ae599275e8a3003fb2056d0896a0%2F581080c3dae8ae599275e8a3003fb2056d0896a0.jpeg/full/!250,/0/default)
Төгс эзэмших сургаалын судрын 13 хэсгээс илүү сайн ойлгохыг хүсэж буй нэг хэсгийг сонго. Тухайн хэсгээ анхааралтай унш. Төгс эзэмших сургаалын судрын үг, хэллэгийг дүгнээд, уг хэсгийн талаар ойлгосон зүйлээ мөн уг хэсгийн талаар танд эсвэл өөр хэн нэгэнд байж болох асуултуудыг тэмдэглэ. Жишээлбэл: Та Ефес 2:19–20 -ийн талаар “Булангийн чулуу гэж юу вэ? Есүс Христийг яагаад үүнтэй зүйрлэсэн бэ?” гэж асууж болох юм. Эсвэл та 2 Тесалоник 2:1–3 -т байх “урвалт” гэх үг ямар утгатай болохыг асууж болох юм.
Аль болох олон асуулт бич.
Суралцагчид сонгосон төгс эзэмших сургаалын судрын хэсгээ судлах тэмдэглэлдээ эсвэл цаасан дээр бичээд, асуултаа тойруулан бичиж болно.
Аль болох олон асуулт бичсэн бол ойлгоход хамгийн чухал гэж бодож байгаа хэдэн асуултаа сонгон ашиглах боломжтой судраас суралцах хэрэгслүүдийг ашиглан тэдгээрт хариул. Эдгээр хэрэгсэлд Судруудын Удирдамж, Topical Guide, the Bible Dictionary, судрын зүүлт тайлбар, Gospel Library аппликэйшн эсвэл Ерөнхий чуулган дээр хэлсэн үг багтдаг. Та мөн ойр тойрных нь шүлгүүдийг унших эсвэл судрын хам сэдвийг ойлгохыг хичээх зэрэг энэ жил сурсан судраас суралцах зарим аргаа ашиглахыг илүүд үзэж болох юм. Судлах тэмдэглэлдээ хариултаа бичиж тэмдэглэ.
Зарим асуултад амархан хариулах боломжгүй бөгөөд зарим нь илүү их цаг гаргаж, залбирч, тунгаан бодох шаардлагатай байж болохыг сана.
Суралцагчдын оролцоог илүү дэмжиж, илүү төрөлжүүлэх үүднээс тэднээс сонгосон төгс эзэмших сургаалын судрын хэсэг, асуултуудаа нэрээ бичсэн өөр цаасан дээр бичихийг хүсэх талаар бодож үз. Дараа нь цаасаа өөр нэг суралцагчтай солилцоход суралцагчдыг урь. Эсвэл суралцагчдыг цаасаа урдах хүн рүүгээ дамжуулахад урь. Ингэснээр цааснууд холилдож, бусдад тараагдана.
Суралцагчдад ашиглах боломжтой судраас суралцах хэрэгслүүдийг ашиглан авсан цаасан дээрх асуултуудад өгөх хариултаа олж, уг хариултаа цаасан дээрээ бичих цаг өг. Хангалттай хугацаа өнгөрсний дараа цаасан дээр нэр нь байгаа суралцагчдад цаасыг нь буцааж өгөхөд суралцагчдыг урь.
Сонгосон төгс эзэмших сургаалын судрын хэсгээ, бичсэн зарим асуулт, өөрсдийн болон ангийнхныхаа олсон хариултыг хуваалцахад хэдэн суралцагчийг урь. Та мөн судрын аль хэсэг тэдэнд Аврагчийн тухай эсвэл Түүний сайн мэдээний талаар ойлгоход тусалдаг болохыг тэднээс асууж болно.
Цаг байвал (эсвэл өөр өдөр) суралцагчдыг төгс эзэмших сургаалын судрын өөр нэг хэсгийг ашиглан тухайн үйл ажиллагааг давтахад урих талаар бодож үз.