1 Иохан 1–5
“Бурхан бол хайр”
Хайр таны амьдралд хэрхэн нөлөөлсөн бэ? Яагаад бид бүгд хайрыг, нэн ялангуяа Бурханы хайрыг мэдрэх ёстой вэ? Төлөөлөгч Иохан буруу номлолд төөрөлдсөн гэгээнтнүүдэд хандан захиа бичжээ. Тэр гэгээнтнүүдийг гэх Бурханы хайрыг мөн энэ хайрыг хэрхэн Есүс Христийн авралын төлөө үйл хэргээс харж болохыг онцолсон. Энэ хичээл нь танд Бурханы таныг гэсэн хайрыг мэдрэхэд туслах зорилготой.
Сайн мэдээг гэрийн нөхцөлд төвлөрүүлэн суралцахад ач холбогдол өгөх. Сайн мэдээнээс суралцах нь гэрт төвлөрсөн үйл ажиллагаа юм. Суралцагчдыг гэртээ сурч мэдсэн зүйлээ ангидаа хуваалцахыг урамшуулах боломжийг эрэлхийл. Мөн тэднийг семинарын үеэр сурч мэдэрсэн зүйлээ гэр бүлийнхэнтэйгээ хуваалцахыг уриал.
Суралцагчийн бэлтгэл: Суралцагчдыг “Бурхан бол …” гэх мэдэгдлийг үнэн зөвөөр нөхөж бичиж болох өөр өөр аргыг хуваалцахаар бэлдэж ирэхэд урь.
Боломжит суралцах үйл ажиллагаа
Бурхан бол …
“Бурхан бол …” гэсэн хэллэгийг үзүүл. Энэхүү мэдэгдлийг үнэн зөвөөр нөхөж бичих аль болох олон арга замыг тодорхойлохдоо хичээлийн бэлтгэлээ эргэцүүлэн бодоход суралцагчдыг урь. Суралцагчид хоёр хоёроороо эсвэл жижиг бүлгээр ажиллаж, уг мэдэгдлийг нөхөж бичиж болох арга замуудыг самбарт бичиж болно. Хэдэн суралцагчийг сайн дураараа яагаад уг мэдэгдлийг тийн нөхөж бичсэнээ хуваалцахад урь.
Судлах тэмдэглэлдээ “Бурхан бол …” гэсэн хэллэгийг бич. Энэ мэдэгдлийг үнэн зөвөөр нөхөж болох аль болох олон арга замыг бич. Жишээлбэл: Та “Бурхан бол бүхнийг мэддэг” эсвэл “Бурхан бол бүхнээс хүчтэй” гэж бичиж болох юм.
1 Иохан 4:8, 16 -г уншаад, Иохан Бурханыг хэрхэн дүрсэлснийг олж мэд.
-
Та юу олж мэдсэн бэ?
-
Бурханыг яагаад хайраар дүрсэлж болно гэж та бодож байна вэ?
Бурханыг тодорхойлох зан чанарын нэг бол биднийг гэсэн Түүний хайр юм. Дараах асуултуудын талаар бод. Үүнд:
-
Тэнгэрлэг Эцэг, Есүс Христ хоёр таныг хувь хүний тань хувьд хайрладаг гэдгийг та нар хэзээ мэдэрч байсан бэ? Яагаад тийм эсвэл яагаад үгүй вэ?
-
Тэд таны хэн болохыг мэддэг мөн хувь хүнийхээ хувьд олсон ололт амжилт, туулсан зовлон бэрхшээлийг тань мэддэг гэдэгт та итгэдэг үү? Яагаад тийм эсвэл яагаад үгүй вэ?
-
Тэд танд хайраа ямар ямар арга замаар харуулсан бэ эсвэл харуулж болох вэ?
Иоханы захиаг судлахдаа эдгээр асуултад хариулахад туслах үнэнүүдийг хайж ол. Мөн таныг гэсэн Тэнгэрлэг Эцэг, Есүс Христ хоёрын хайрыг ойлгож, мэдрэх нь таны амьдралыг хэрхэн өөрчлөх талаар тунгаан бод.
Нэг суралцагчийг дараах догол мөрийг уншихад эсвэл нэгтгэн дүгнэхэд урих талаар бодож үз.
Бурханы хайрын талаарх Иоханы сургаал
Иохан захиануудаа МЭ 80-аас 100 оны хооронд бичсэн байх магадлалтай. Сүмийн зарим гишүүн гностикчид гэж нэрлэгддэг бүлгийн итгэл үнэмшлийг дагах болжээ. Энэ бүлэг нь Есүс бие махбодгүй бөгөөд аврал нь Христэд итгэх итгэлээр биш харин онцгой мэдлэгээр дамжин ирдэг гэж заадаг байв. Иохан Тэнгэрлэг Эцэг, Есүс Христ хоёр хэрхэн Аврагчийн амьдрал, Цагаатгал болон Амилалтаар дамжуулан Өөрсдийн төгс хайрыг харуулсан зэрэг хэд хэдэн чухал сэдвийг заах замаар эдгээр буруу номлолыг няцаасан ( 1 Иохан 1:1–3 ; 3:16 ; 4:9–10 -ыг үзнэ үү).
Самбарт том зүрх зурах талаар бодож үз. Суралцагчид дараах суралцах үйл ажиллагааг хийж, судлах тэмдэглэлдээ зүрхээ зурж байхдаа самбар луу гарч ирэн, ангийнхаа зүрхэн дээр өөрийн дуртай судрын шүлэг, үг хэллэгийг бичиж болно.
1 Иохан 4:19 -ийг уншаад, Иоханы хэлснээр бид яагаад Бурханыг хайрладгаа тэмдэглэх талаар бодож үз.
Судлах тэмдэглэлдээ том зүрх зур. Зүрхнийхээ голд “… учраас Тэнгэрлэг Эцэг, Есүс Христ хоёр намайг хайрладаг гэдгийг би мэднэ” гэж бич. Судрын эшлэл, үг хэллэгийг бичих хангалттай зай үлдээ. Тэнгэрлэг Эцэг, Есүс Христ хоёр хэрхэн “биднийг эхэлж хайрласан” болох талаар тунгаан бод.
Дараах судрын хэсгүүдийг унш. Таныг гэсэн Тэнгэрлэг Эцэг, Есүс Христ хоёрын хайрыг харуулсан үг хэллэгүүдийг хайж олоод, тэмдэглэ. Зүрхэн дотор тэдгээр үг хэллэгийг холбогдох судрын эшлэлтэй нь хамт бич.
Дараах судрын эшлэлүүдийг суралцагчдад харагдах газар байрлуул.
1 Иохан 2:1–2 (Жич: Өмгөөлөгч гэдэг нь биднийг өмгөөлдөг, тайтгаруулдаг, дэмждэг хүн юм. Эвлэрүүлэл гэдэг нь Бурханы шударга ёсыг хангадаг цагаатгагч золиос гэсэн утгатай.)
Тэмдэглэсэн үг хэллэг, эшлэлүүдээ эргэн харж, жагсаан бич. Таны хувьд хамгийн чухал гэж үзсэн үг хэллэгийг сонгоод, дараах үйл ажиллагаанаас хоёр эсвэл гурвыг хийж гүйцэтгэ.
Суралцагчдад энэхүү үйл ажиллагааг хийж байхдаа харахад зориулан дараах зааварчилгааг үзүүл.
Судлах тэмдэглэлдээ дараах зүйлсийг хэрхэн хийхийг харуулсан жишээг суралцагчдад өгөх талаар бодож үз.
-
Сонгосон үг хэллэг тань таны хувь яагаад утга учиртай болохыг тайлбарла.
-
Боломжтой бол Тэнгэрлэг Эцэгийн эсвэл Есүс Христийн хайрыг мэдэрч байсан туршлагаа тайлбарла. Та мөн судар, Сүмийн видео эсвэл ерөнхий чуулганы үгэн дээрх жишээг хуваалцаж болно. (Жишээг харахын тулд Арван хоёр төлөөлөгчийн чуулгын ахлагч Дэйл Г.Рэнландын хэлсэн “Би бүх хүмүүнийг өөртөө татаж болохын тулд” гэх үгийг цагийн код 7:32-оос 9:14 хүртэл үзэх талаар бодож үз.)
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F76%2Ff3%2F76f3f4a83eefdab14ddaae9a1b6fad723c3091bc%2F76f3f4a83eefdab14ddaae9a1b6fad723c3091bc.jpeg/full/!250,/0/default)
//media.ldscdn.org/webvtt/general-conference/april-2016-general-conference/2016-04-1070-dale-g-renlund-eng.vtt
Энэ үг хэллэгийн үнэнийг олж мэдэх нь таны амьдралыг хэрхэн өөрчилсөн, мөн өөрчилж байгаа эсвэл өөрчилж болох талаар тайлбарла. Бурханы хайрын талаарх хувийн гэрчлэлээ нэмэх талаар бодож үз.
Суралцагчдад судлах тэмдэглэлдээ бичих хангалттай цаг гаргаж өг. Бичсэн зүйлээ ангийнхантай сайн дураараа хуваалцахад хэдэн суралцагчийг урь.
Олон нийтийн мэдээллийн хэрэгсэл дээр судрын тэмдэглэлийнхээ зургийг Бурханы хайрын талаарх хувийн гэрчлэлийнхээ хамт хуваалцаж чадсан суралцагчдыг урих талаар бодож үз.
Тэмдэглэлдээ бичсэн уг зүйлээ найз нөхөд, гэр бүлийнхэнтэйгээ эсвэл бүр олон нийтийн мэдээллийн хэрэгслээр хуваалцах талаар бодож үз.
Далын ахлагч Робэрт К.Гэйгийн Бурханы хайрын хүчийн талаарх дараах мэдэгдлийг уншиж байхдаа олж мэдсэн зүйлээ тунгаан бод.
ЗурагFormer Official Portrait of Elder Robert C. Gay. Photographed in March 2017. Replaced February 2021.Түүний хайр бидний айдас, шарх, донтолт, эргэлзээ, уруу таталт, нүгэл, салж сарнисан гэр бүл, сэтгэлийн хямрал, зовнил, архаг хууч өвчин, ядуурал, дарамт, цөхрөл, ганцаардлаас илүү агуу. Түүнд эдгээж чадахгүй, мөн эцэс төгсгөлгүй баяр хөөрийг өгч чадахгүй хэн ч бас юу ч байхгүй гэдгийг бүх хүн мэдээсэй хэмээн Тэр хүсдэг.
(Робэрт К.Гэй, “Есүс Христийн нэрийг өөрсдийн дээр авах нь,” 2018 оны 10-р сарын Ерөнхий чуулган, 99)
-
Эдгээр мэдэгдлийн юу нь таны хувьд хамгийн чухал вэ? Яагаад?
Бурханы хайрыг мэдрэх
Таны таньдаг хүн Бурханы хайрыг мэдэрч эсвэл тэр болгон олж харж байгаагүй гэж боддог гэж төсөөл. Өнөөдөр сурч мэдсэн зүйл, хувийн туршлагынхаа талаар бод.
-
Бурханы хайрыг мэдрэхэд туслах юуг та тэдэнтэй хуваалцаж чадах вэ?
Хариулахаас нь өмнө дээрх асуултыг тунгаан бодох цагийг суралцагчдад гаргаж өгөх нь үр дүнтэй байж болох юм. Мөн асуултыг ангиараа ярилцахаасаа өмнө суралцагчдад бодол санаагаа жижиг бүлгээр хуваалцах боломж олгох нь тустай байж болно.
Та дараа дараагийн хичээлээр, бид хэрхэн Тэнгэрлэг Эцэг, Есүс Христ хоёрт Тэднийг гэх хайраа харуулдгийг мөн зарлигуудыг сахиж, нэг нэгнээ хайрлах талаарх Иоханы нэмэлт сургаалыг судлах болно.
“Би гайхширна” (Дуулал, ду. 98) дууллыг ангиараа дуулах юм уу Бурханы хайрын нөлөөний талаарх хувийн жишээгээ хуваалцах талаар бодож үз.
Тэнгэрлэг Эцэгийн тусламжийг эрэлхийлж, Ариун Сүнсээр дамжуулан Түүний удирдамжийг мэдэр. Бурханы хайрыг хүртэх мөн хүлээн авах боломжтой арга замуудын талаар болон Түүний хайрыг амьдралдаа хэрхэн илүү их ажиглах талаар бод. Үүнийг тасралтгүй хийх нь амьдралдаа мэдрэх баяр баясгаланг хэрхэн нэмэгдүүлж болохыг тунгаан бод.
Тайлбар ба нөхцөл байдлын талаарх мэдээлэл
Бурханы хайрыг танин мэдэж, мэдрэх нь бидний амьдралд хэрхэн нөлөөлөх вэ?
Ахлагч Жон Х.Гробэрг Далын гишүүнээр үйлчилж байхдаа ийн тайлбарласан.
ЗурагFormer official portrait of Elder John H. Groberg of the Presidency of the Seventy, 1994. Released from the presidency effective August 15, 2005. Called as Idaho Falls Idaho Temple president effective November 1, 2005. Status changed to emeritus at October 2005 general conference.Бурханы хайраар дүүрэн байх үед бид өөр үед хийж, харж эсвэл ойлгож чадахгүй байсан зүйлсээ хийж, харж, ойлгож чаддаг болдог. Түүний хайраар дүүрснээр бид өвчин зовлонг тэвчиж, айдсаа дарж, ямар ч үед уучлахад бэлэн байж, маргаанаас зайлсхийж, хүчээ сэлбэж, бүр биднийг ч хүртэл гайхшируулах арга замаар бусдад туслан адислах боломжтой.
Есүс Христ бидний төлөө хэмжээлшгүй их зовлон шаналал, харгислал, шударга бус байдлыг тэвчихдээ төсөөлөхийн аргагүй их хайраар дүүрэн байсан. Биднийг гэх хайраараа дамжуулан Тэр өөр аргаар бол даван туулах боломжгүй байсан саад бэрхшээлийг даван туулж чадсан. Түүний хайранд хязгаар гэж үгүй. Тэрээр биднийг Өөрийг нь дагаж, хязгааргүй хайраас нь хүртэн энэ дэлхийн зовлон шаналал, харгислал, шударга бус байдлыг даван туулж, уучилж, өршөөж, адисал хэмээн урьсан.
(John H. Groberg, “The Power of God’s Love,” Ensign эсвэл Liahona, Nov. 2004, 11)
Нэмэлт суралцах үйл ажиллагаа
Аврагчийн Амилалтын гэрчүүд Түүний бодитойг гэрчилж, хүн нэг бүрийг гэх хайрыг нь танин мэдэхэд бидэнд тусалдаг
Хэрэв Аврагчийн хувь хүнийг гэх хайрын талаар ярилцах нь суралцагчдад тустай гэж үзвэл тэднийг 1 Иохан 1:1–3 , 3 Нифай 11:13–17 -г уншихад урь. Эдгээр судрын хэсэгт, амилсан Аврагчтай уулзсан Иоханы болон Америк дахь хүмүүсийн туршлагыг дүрсэлсэн.
Суралцагчдыг эдгээр туршлага Есүс Христ болон Түүний хайрын талаар бидэнд юу зааж байгааг хуваалцахад урь.
Хэдийгээр бид Аврагчийн бие махбодод хүрэх боломжгүй ч Тэрээр бидэнд судар, Ариун Сүнс зэрэг өөр бусад арга замаар дамжуулан Өөрийг нь таньж мэдэхэд тусалж чадна. Тэрээр үзүүлдэг олон нигүүлслээрээ дамжуулан Өөрийн хайрыг бидэнд харуулах болно ( 1 Нифай 1:20 -ийг үзнэ үү). Аврагчийн Тэднийг гэсэн хайрыг мэдэрч байсан хувийн жишээгээ хуваалцахад суралцагчдыг урь.
1 Иохан 2:1. “Бид Өмгөөлөгчтэй”
Хэрэв Эцэгийн өмнө биднийг өмгөөлөх Аврагчийн үүргийг илүү сайн ойлгох нь суралцагчдад тустай гэж үзвэл тэднийг 1 Иохан 2:1–2 -ыг судлахад урь. Өмгөөлөгч гэдэг нь биднийг дэмжиж, тайтгаруулж, өмгөөлдөг хүн юм гэдгийг хуваалц. Суралцагчдыг Сургаал ба Гэрээ 45:3–5 -ыг уншаад, Аврагч хэрхэн бидний өмгөөлөгч болохыг олж мэдэхэд урь. Филемоны захиаг уншин Паул өөрийг нь мэддэг тул Онесимыг хүлээж авахыг Сүмийн гишүүдээс хүссэнээр хэрхэн Онесимын өмгөөлөгч байсныг олж харах нь суралцагчдад тустай байж болох юм. Эсвэл тэд 1 Самуел 25:1–35 дахь Абигаил, Набал, Давид гурвын түүхийг уншин, Давид Набалыг шийтгэхээр ирэх үед Абигаил хэрхэн Набалын хийсэн алдааны хариуцлагыг өөрөө үүрэхээр болсноор өмгөөлөгчийн үүргийг гүйцэтгэсэн болохыг олж хар. Суралцагчдыг Аврагч хэрхэн тэдний хувьд өмгөөлөгч байсан, байгаа мөн цаашид ч байсаар байна мөн үүнийг ойлгох нь яагаад тэдэнд чухал болох талаар хуваалцахад урь.
Бурхан бол гэрэл, хайр мөн
Бурханы хайраас гадна Бурханы гэрэл дээр төвлөрөх нь суралцагчдад тустай гэж үзвэл тэднийг 1 Иохан 2:8–11 ; 3:16, 23–24 ; 4:7–21 -ийг судлахад урих талаар бодож үз. Тэднийг Аврагчийн хайр ба гэрлийн талаарх Иоханы туршлагыг тунгаан бодоход урь ( Иохан 2:1–11 эсвэл Иохан 5:1–9 дээр цэдэглэгдсэнээр). Тэд мөн Иохан 3:16–17 ; 8:12 ; 12:35–36, 46 ; 15:9–14 ; 19:25–27 -д цэдэглэснээр Иохан Есүсийн сургаалаас юу сурч мэдсэн тухай бодож үзэж болно. Суралцагчдыг эдгээр сургаалыг болон 1 Иохан дээр Бурханы гэрэл, хайрын тухай заасан зүйл хоёрын хооронд олж харсан ижил төстэй зүйлсээ хуваалцахад урь. Суралцагчдыг Бурхан бол гэрэл, хайр болох талаар заасан туршлагуудаа хуваалцахад урь.