Atamai i Aoaoga Faavae Iloiloga 4
Faaaoga Fuaitau o Mau o le Atamai i Aoaoga Faavae
O se tasi faamoemoega o le atamai i aoaoga faavae o le fesoasoani atu lea ia te oe e aoao pe faapefea ona faaaoga i lou olaga aoaoga faavae o loo aoaoina i fuaitau o mau o le atamai i aoaoga faavae. O lenei lesona o le a tuuina atu ai ia te oe avanoa e faataitai ai ona faaaoga fuaitau o mau o le atamai i aoaoga faavae i ata faataitai e talitutusa ma tulaga e ono feagai ai ma oe i lou lava olaga.
Sauniuniga a le tamaitiiti o le vasega: Valaaulia tamaiti o le vasega e manatunatu loloto i auala ua latou faaaogaina ai i o latou olaga soo se upumoni na aoaoina i fuaitau o mau o le atamai i aoaoga faavae na latou suesue i ai i lenei tausaga.
Gaoioiga e Mafai ona Faaaoga e Aoao Ai
E ono manaomia ona aoaoina se lesona o fuaitau o le atamai i aoaoga faavae e sui tulaga ai i lenei lesona toe iloilo. Tagai i le faasologa o lesona na tuuina atu e le taitai faatonu po o le taitai faamaopoopo o le eria po o le risone e faamautinoa ai o le a aoaoina lesona taitasi o fuaitau o le atamai i aoaoga faavae a o faagasolo le seminare.
E faapefea ona faatatau mau i lo’u olaga?
O se alii talavou e igoa ia Niko sa faaaluina le tele o lona taimi e suesue ai i tusitusiga paia. E na te iloa tala i tusitusiga paia e tele ma ua ia taulotoina le tele o mau. Ae ui i ana taumafaiga, e faafaigata ia Niko ona iloa pe faapefea ona faatatau mau i ona lava tulaga ma ana fesili.
-
O le a sau tala e ono fai ia Niko e fesoasoani ai ia te ia e na te iloaina ai pe faapefea ona faatatau tusitusiga paia i lona olaga?
-
O le a se taimi na e faaaogaina ai se upumoni mai tusitusiga paia i lou olaga?
O lenei lesona o le a fesoasoani ia te oe e faaaoga upumoni o loo aoaoina i fuaitau o mau o le atamai i aoaoga faavae i tulaga moni o mea e tutupu i le olaga.
Faaali atu le siata lenei ina ia mafai ona faasino i ai tamaiti o le vasega a o faagasolo le lesona. Filimaoti po o fea o fuaitau o le a silisili ona aoga e faamamafa ma toe iloilo.
Mau faasino ma fasifuaitau autu o mau
Ua tuuina atu i lalo ia mau faasino ma fasifuaitau autu o mau o le atamai i aoaoga faavae mai le afa muamua o le Feagaiga Fou. Toe iloilo lenei siata, ma, pe afai e te lei faia, mafaufau e faailoga nei fuaitau i totonu o au tusitusiga paia.
|
Mau Faasino |
Fasifuaitau Autu o Mau |
|
“Aua o le aso nei ua fanau ai i le aai o Tavita, lo outou Faaola, o le Alii ia o Keriso.” | |
|
“Afai e le fanau se tasi i le vai ma le Agaga, e le mafai ona sao o ia i le malo o le Atua.” | |
|
“Aua ua faapea lava ona alofa mai o le Atua i le lalolagi, ua ia aumai ai lona Atalii e Toatasi.” | |
|
“Ia faapea ona pupula atu lo outou malamalama i luma o tagata.” | |
|
“Ia outou o mai ia te au, o outou uma o e tigaina ma mafatia i avega, o a’u foi e malolo ai outou.” | |
|
Na fetalai Iesu, “Ou te avatu foi ia te oe ki o le malo o le lagi.” | |
|
“Ai se tasi e fia fai lona finagalo, e iloa ai e ia le mataupu.” | |
|
“E te alofa atu i le Alii lou Atua. … E te alofa atu i lē lua te tuaoi.” | |
|
Na poloai mai Iesu Keriso, ia aai ma feinu i le faamanatuga “e fai ma faamanatuga ia te au.” | |
|
“O le ola e faavavau foi lenei, ia latou iloa oe le Atua moni e toatasi … ma Iesu Keriso.” | |
|
“Aua o le agaga e leai sona aano ma ni ivi, pei o a’u nei ua outou vaavaai i ai.” |
-
O a ni auala ua e faaaogaina ai pe e mafai ona faaaogaina ai i lou olaga nisi o upumoni o loo aoaoina i nei fuaitau o mau o le atamai i aoaoga faavae?
Faaaogaina o aoaoga faavae i tulaga moni o loo tutupu i le olaga
Fesoasoani i tagata aoga e faataitai ona faaaoga fuaitau o mau o le atamai i aoaoga faavae i tulaga moni o loo tutupu i le olaga. O se tasi o auala e faia ai lenei mea o le faasoa atu o ata faataitai taitasi nei ma fai i tagata aoga e filifili se fuaitau o mau o le atamai i aoaoga faavae e mafai ona fesoasoani i le tagata o i lena tulaga.
Mafaufau e faaeseese le faiga o lenei gaoioiga i le faaali atu o laupepa i le potu atoa ua tusia ai mau faasino (ia tasi le mau faasino i le laupepa). Faailoa atu se ata faataitai i le vasega, ona valaaulia lea o tagata aoga e tutu i talane o le pepa o loo i ai le mau faasino ua latou lagona e sili ona tali atu ai i le ata faataitai. Ona valaaulia lea o tagata aoga e faamatala pe aisea ua latou filifilia ai lena mau faasino. Ona fai atu lea i isi tagata aoga e faasoa mai ni mafuaaga faaopoopo pe aisea ua latou lagona ai o le a fesoasoani lena fuaitau o mau i lena ata faataitai.
O loo mulimuli mai ni faataitaiga se lua o ata faataitai e mafai ona faaaogaina mo lenei gaoioiga. A manao ai, fatu nisi ata faataitai e fesootai ma isi fuaitau o mau o le atamai i aoaoga faavae o loo lisi i le siata.
-
Ua fesili atu lau uo ia te oe, “O le a le mea e taua ai lava Iesu Keriso?”
-
A o amata ona aoao se uo e uiga i le talalelei, ua ia fesili, “Aisea e manaomia ai ona ou papatiso? E lē mafai ona tau a ona ou avea ma se tagata lelei?”
Mo isi ata faataitai e lua o le a sosoo mai, mafaufau pe vaevae le vasega i ni paga po o ni vaega toalaiti. Ia atofa mo paga po o vaega taitasi se tasi o ata faataitai. Valaaulia tagata aoga e talatalanoa i fesili o loo mulimuli mai i ata faataitai.
-
Ua e lagonaina le lofituina i le olaga ma ua e mafaufau po o fea e te liliu i ai mo se mapusaga.
-
Ua faamamafa atu e ou matua le taua o le faia o oe ma faataitaiga mo isi tagata.
-
O le fea o fuaitau o mau o le atamai i aoaoga faavae ua e manatu e fesootai ma lenei ata faataitai?
-
O a nisi upu po o fasifuaitau faapitoa mai lenei fuaitau o mau o le atamai i aoaoga faavae o le a sili ona fesoasoani i lenei tulaga ?
Tuu se taimi mo tagata aoga e fatu ai se ata faataitai se tasi pe sili atu e fesootai i le fuaitau o mau mo le atamai i aoaoga faavae ua lisiina i lenei lesona. A maea, valaaulia ni nai volenitia e faasoa mai i a latou ata faataitai i le vasega. A maea ona faasoa mai e se tagata aoga lana ata faataitai, ona valaaulia lea o nisi tagata aoga e filifili se fuaitau o mau o le atamai i aoaoga faavae ua latou manatu e sili ona fesootai ma le ata faataitai.
Uunai tagata aoga ia faaauau ona vaavaai mo auala e faaaoga ai i o latou olaga aoaoga faavae o loo aoaoina i fuaitau o mau o le atamai i aoaoga faavae.