Եփեսացիս 2-5

Գտեք հավերժական ճշմարտություններ

Որքանո՞վ եք վստահ սուրբ գրություններում ճշմարտություն գտնելու ձեզ կարողության մեջ: Մարգարեները ուսուցանում են ճշմարտություններ, որոնք գալիս են Երկնային Հորից մեր օգուտի համար: Օրինակ՝ Պողոսը Եփեսոսում բնակվող Սրբերին ուսուցանում էր ճշմարտություններ աշխարհին հաղթելու և Հիսուս Քրիստոսին ավելի նմանվելու մասին: Այս դասի նպատակն է օգնել ձեզ սովորել, թե ինչպես սուրբ գրություններում գտնել ճշմարտություններ, որոնք կօգնեն ձեզ կյանքում և ձեզ ավելի կմոտեցնեն Փրկչին:

Զարգացրեք սուրբ գրությունների ուսումնասիրման ձեր հմտությունները Օգտակար կլինի, եթե ուսանողները զարգացնեն սուրբ գրություններ ուսումնասիրելու իրենց հմտությունները, որոնց թվում են՝ նմանեցնել սուրբ գրություններն իրենց կյանքին, բացահայտել թեմաներ և ձևանմուշներ, հասկանալ խորհրդանիշեր, գերագույն համաժողովի նյութեր գտնել, սուրբ գրություններ նոթագրել, ցուցակներ կազմել, ամփոփել կարդացածը, գտնել և օգտագործել խաչաձև հղումներ, դժվար բառեր սահմանել և այլն:

Ուսանողի նախապատրաստում. Ուսանողներին առաջարկեք ուսումնասիրել սուրբ գրությունները մինչև հաջորդ դասը՝ փնտրելով ճշմարտությունները: Խնդրեք նրանց մտածել, թե ինչպես կարող են բացահայտել այդ ճշմարտությունները:

Հնարավոր ուսումնական վարժություններ

Գտեք արժեքը

«Ոսկու մասնիկները» տեսանյութը (3:15) ոսկի որոնող երկու մարդկանց մասին է: Կարդացեք պատմությունը կամ դիտեք տեսանյութը ChurchofJesusChrist.org կայքում 0:00-2:26-ը: Մտածեք, թե ինչ հոգևոր դասեր եք քաղելու այդ պատմությունից:

Հաճախ մենք նմանվում ենք այն երիտասարդ առևտրականին Բոստոնից, որն, ըստ պատմության, 1849 թ. խանդավառությամբ էր լցվել՝ լսելով Կալիֆորնիայի ոսկու տենդի մասին: Նա վաճառեց իր ողջ ունեցվածքը՝ իր բախտը Կալիֆորնիայի գետերում որոնելու համար, քանզի նրան ասել էին, որ դրանք լի էին ոսկու այնպիսի մեծ բնակտորներով, որ մի հոգին դժվար թե կարողանար դրանք տանել:

Անվերջանալի թվացող օրերը հաջորդում էին իրար, իսկ երիտասարդ տղան իր ամանը ընկղմում էր գետի մեջ և հանում էր առանց սպասվող նյութի: Նրա միակ վարձատրությունը քարերի մեծացող կույտն էր: Հուսալքված ու կոտրված, նա պատրաստ էր կանգ առնել, մինչև այն օրը, երբ մի ծեր, փորձառու հետազոտող նրան ասաց. «Դու բավականին մեծ քարակույտ ունես այդտեղ, իմ տղա»:

Երիտասարդ տղան պատասխանեց. «Այստեղ ոսկի չկա: Ես տուն եմ վերադառնում»:

Քարերի կույտի մոտով քայլելով՝ ծերունին ասաց. «Օ՜, այստեղ բավականին ոսկի կա: Դու միայն պետք է իմանաս, թե որտեղ կարող ես այն գտնել»: Նա վերցրեց երկու քար և դրանք իրար խփեց: Քարերից մեկը կիսվեց և բացված տեղից երևացին ոսկու մի քանի մասնիկներ, որոնք շողում էին արևի տակ:

Նկատելով հետազոտողի գոտկատեղից ամրացված ուռուցիկ կաշվե քսակը՝ երիտասարդ տղան ասաց. «Ես փնտրում եմ ոսկու այնպիսի բնակտորներ, ինչպիսին քո քսակում են, ոչ թե փոքրիկ մասնիկներ»:

Ծերունին մեկնեց իր քսակը դեպի երիտասարդ տղան, որը նայեց դրա մեջ, մտածելով, որ կտեսնի մի քանի մեծ ոսկու բնակտորներ: Նա ապշեց, երբ տեսավ, որ քսակը լի էր ոսկու հազարավոր մանր մասնիկներով:

Ծերունին ասաց. «Տղա, ինձ թվում է, որ դու այնքան զբաղված ես մեծ բնակտորներ որոնելով, որ կորցնում ես քո քսակը ոսկու այս թանկարժեք մասնիկներով լցնելու հնարավորությունը: Այս փոքր մասնիկները համբերությամբ հավաքելով՝ ես մեծ հարստություն եմ կուտակել»:

(Մ. Ռասել Բալլարդ, «Գտնել ուրախություն ծառայությունը սիրելու միջոցով», Ensign կամԼիահոնա, մայիս 2011, 46)

• Այս պատմությունն ի՞նչ առնչություն ունի սուրբ գրություններում ճշմարտություններ գտնելու հետ:

Կարդացեք հետևյալ հայտարարությունները և գնահատեք դրանց ճշմարտացիությունը ըստ մեկից հինգ սանդղակի (որտեղ մեկը = երբեք ճշմարիտ չէ ինձ համար, իսկ հինգը = միշտ ճշմարիտ է ինձ համար)Ես վստահ եմ, որ կարող եմ սուրբ գրություններում Սուրբ Հոգու օգնությամբ ճշմարտություններ գտնել:

Սուրբ գրություններում ճշմարտություններ գտնելը օրհնություն է իմ կյանքում և օգնում ինձ ավելի մոտենալ Երկնային Հորը և Հիսուս Քրիստոսին:

Կարող եք դասին նախապատրաստված ուսանողներին առաջարկել կիսվել իրենց փորձառություններով:

Գտեք ճշմարտություններ սուրբ գրություններում

Սուրբ գրությունների որոշ ճշմարտություններ ավելի դժվար է գտնել, քան մնացածը: Փնտրեք Երկնային Հոր օգնությունը Սուրբ Հոգու միջոցով և փորձեք բացահայտել ճշմարտություններ Եփեսոսի Սրբերին ուղղված Պողոսի ուղերձում: Սուրբ Հոգին կօգնի ձեզ՝ վկայելով ձեզ այս ճշմարտությունների մասին (տես Մորոնի 10.5 , Հովհաննես 16.13):

Այս բաժնի նպատակն է օրինակ ծառայել, և օգնել ուսանողներին տեսնել, թե նրանք ինչպես կարող են ճշմարտություններ գտնել սուրբ գրությունների հատվածներում: Կարող եք օգտագործել այլ ճշմարտություններ Եփեսիացիս 2-5 գլուխներից, եթե դրանք ավելի օգտակար կլինեն ուսանողների համար:

Կարող եք կիսվել «Բացահայտեք վարդապետությունը և սկզբունքները. Ուսանողների վկայությունները» տեսանյութով (2:38), որպեսզի ուսանողներին օգնեք տեսնել այս հմտությունը զարգացնելու արժեքը: Այս տեսանյութը մատչելի է ChurchofJesusChrist.org կայքում:

Ուսանողներին առաջարկեք կիսվել, թե նրանք ինչպես են ճշմարտություններ գտնում սուրբ գրություններում:

Երբ Պողոսը տնային կալանքի տակ էր Հռոմում, նա գրեց եփեսիացիներին, որպեսզի նրանց քաջալերի և խորհուրդ տա, թե ինչպես շարունակել մոտենալ Հիսուս Քրիստոսին, և ինչպես հաղթահարել սատանայի հոգևոր հարձակումները: Փորձեք բացահայտել ճշմարտությունները այդ Սրբերին ուղղված Պողոսի նամակում:

Հետևյալը սուրբ գրություններում հավերժական ճշմարտություններ գտնելու ձևերից մեկն է: Կարդացեք Եփեսիացիս 2.4-10 հատվածները և կատարեք հետևյալ քայլերը.

Գրեք հետևյալ քայլերը գրատախտակին, որպեսզի ուսանողները կարողանան անդրադառնալ դրանց դասի ընթացքում:

1. Փնտրեք հատկապես կարևոր բառեր, արտահայտություններ կամ հատվածներ: Կարող եք նշել դրանք ձեր սուրբ գրություններում:

2. Ամփոփեք այդ բառերի, արտահայտությունների կամ հատվածների գլխավոր գաղափարը: (Օրինակ՝ կարո՞ղ եք ամփոփել այն, ինչ Պողոսն ասել է շնորհի մասին հատված 8 -ում:)

3. Ձևակերպեք ձեր սովորածը ճշմարտության տեսքով, որը դուք կարող եք կիրառել ձեր կյանքում:

• Ո՞րն է ձեր գտած ճշմարտությունը: Ինչպե՞ս եք բացահայտել այդ ճշմարտությունը:

Մի քանի ուսանողների խնդրեք կիսվել: Գովեք նրանց իրենց ջանքերի համար: Հնարավոր ճշմարտություններից են. Աստված ողորմած է և սիրում է մեզ (տես Եփեսացիս 2.4), երբ մենք հավատ ենք գործադրում առ Հիսուս Քրիստոս, մենք փրկվում ենք Նրա շնորհով (տես Եփեսացիս 2.5, 8), միայն մեր գործերը բավարար չեն մեզ փրկելու համար (տես Եփեսացիս 2.8–9): Երբ ուսանողները կիսվեն, կարող եք լրացուցիչ հարցեր տալ, օրինակ՝

• Այս ճշմարտությունն ինչպե՞ս է ձեզ օգնում զգալ, որ Երկնային Հայրը և Հիսուս Քրիստոսը սիրում են ձեզ կամ օգնում ձեզ ավելի նմանվել Իրենց:

• Ինչպե՞ս եք կիրառել կամ ինչպե՞ս կարող եք կիրառել այս ճշմարտությունը ձեր կյանքում:

Փորձեք բացահայտել ճշմարտությունները

Օգտակար կի ուսանողներին թույլ տալ ինքնուրույն ճշմարտություններ գտնել: Այնուհետև նրանք կարող են գտնել մի այլ ուսանողի, որն ուսումնասիրել է նույն հատվածը և համեմատել իրենց գտած ճշմարտությունները:

Օգտագործեք նախապես թվարկված քայլերը: Ընտրեք հետևյալ հատվածներից մեկը կամ երկուսը և այնտեղ հավերժական ճշմարտություններ փնտրեք:

• Եփեսացիս 3․13–19

• Եփեսացիս 4.20-32 հատվածները, այդ թվում՝ Ջոզեֆ Սմիթի Թարգմանությունը ծանոթագրություն 26 ա-ում (Կարող է օգտակար լինել իմանալ, որ այս հատվածներում նշված «հին մարդը» խորհրդանշում է նախկին մեղսավոր սովորույթները, իսկ «նոր մարդը»՝ Հիսուս Քրիստոսի միջոցով արդար կյանք ապրելը):

• Եփեսացիս 5.17-21

Ընտրեք գտած ճշմարտություններից մեկը և խորհեք, թե այն ինչպես կարող է ձեզ օգնել զգալ Երկնային Հոր և Հիսուս Քրիստոսի սերը ձեր հանդեպ կամ օգնել ձեզ ավելի շատ նմանվել Նրանց:

Օգտագործելով մատչելի նյութեր (թուղթ, գունավոր մատիտներ, թվային սարքեր և այլն), ստեղծեք պաստառ, որը կարող է ներառվել Երիտասարդներին զորացնելու համար ամսագրում: Ձեր պաստառում ներառեք հետևյալը.

• Ձեր բացահայտած սկզբունքը և այն հատվածը կամ հատվածները, որտեղ դուք այն գտել եք:

• Հասարակ պատկեր կամ նկար, որը օգնում է կարդացողին հասկանալ ճշմարտությունը կամ ցուցադրում է, թե որևէ մեկն ինչպես կարող եք օգտագործել այս ճշմարտությունը իր կյանքում:

Կարող եք ցուցադրել պաստառների օրինակներ ChurchofJesusChrist.org կայքից: Հետևյալ հղումը կարող է օգտակար լինել. https://www.churchofjesuschrist.org/media/collection/inspirational-picture-quotes-images?lang=eng:

Կամ տեսեք, թե արդյոք Երիտասարդներին զորացնելու համար ամսագրի ամենաթարմ թողարկումը ներառում է պաստառ:

Ուսանողներին խնդրեք կիսվել իրենց պաստառներով և բացատրել դրանք: Կարող եք տալ լրացուցիչ հարցեր, օրինակ. «Ինչպես եք գտել այս ճշմարտությունը»: «Այն ինչպե՞ս է ձեզ օգնում զգալ, որ Երկնային Հայրը և Հիսուս Քրիստոսը սիրում են ձեզ»: «Տերն ինչպե՞ս է ձեզ օրհնել՝ այս ճշմարտությամբ ապրելու ձեր ջանքերի համար»:

Խորհեք ճշմարտություններ գտնելու մասին

Հիշեք, թե ինչպես եք հավերժական ճշմարտություններ փնտրել սուրբ գրություններում:

• Ինչպե՞ս եք զգացել, որ ձեզ հաջողվել է դրանք գտնել:

• Ի՞նչն էր դժվար:

• Ճշմարտությունների որոնումն ինչպե՞ս ձեզ օգնեց տեսնել Երկնային Հոր սերը ձեր հանդեպ:

• Ինչպե՞ս կարող եք օգտագործել ձեր այսօրվա գտածը ձեր անձնական կամ ընտանեկան ուսումնասիրություններում:

Բացատրական և պատմական տեղեկություններ

Եփեսացիս 2․4-9 : Ի՞նչ է շնորհը, և ի՞նչ է դա ինձ համար

Առաջին Նախագահությունում ծառայելիս նախագահ Դիտեր Ֆ. Ուխդորֆը սահմանել է Աստծո շնորհը որպես «աստվածային օգնության և ուժի օժտումը, որոնցով մենք աճում ենք թերի և սահմանափակ էակներից, ինչպիսին հիմա ենք, դառնալով վեհացած էակներ, ունենալով ճշմարտություն և լույս, մինչև որ փառավորվենք ճշմարտությամբ և իմանանք բոլոր բաները» [ Վարդապետություն և Ուխտեր 93․28 ]» («Շնորհի պարգևը», Ensign կամ Լիահոնա, մայիս 2015, 107): Շնորհի մասին լրացուցիչ տեղեկությունների համար կարդացեք ամբողջ ելույթը ChurchofJesusChrist.org կայքում:

Փրկչի շնորհի մասին լրացուցիչ գաղափարների համար կարդացեք Մոսիա 2.20-24 և Փիլիպպեցիներ 2.12-13 հատվածները:

Եփեսացիս 4․22 Ի՞նչ է նշանակում «հանել … հին մարդուն»

Պողոսն ուսուցանել է, որ երբ մենք ընտրում ենք մկրտության արարողությունը, մենք ուխտ են կապում վերջ դնել մեր հին սովորություններին (կամ «հանել … հին մարդուն» [ Եփեսացիս 4.22 ]) և սկսում ենք նոր կյանք, որպես Հիսուս Քրիստոսի հետևորդներ (տես Հռովնեմացիս 6.1–6 , Վարդապետություն և Ուխտեր 20.37): Մենք պետք է նաև հրաժարվենք մեր մեղքերից և այն ամենից, որոնք մեզ կարող են խանգարել ավելի մոտենալ երկնային Հորը: Մենք չենք կարող ինքնուրույն կառավարել այդ գործընթացը: Այն տեղի է ունենում միայն Հիսուս Քրիստոսի, Նրա Քավության և Սուրբ Հոգու սրբագործող ազդեցության շնորհիվ:

Օժանդակ ուսումնական վարժություններ

Ավելի խորը ըմբռնեք ճշմարտությունը

Երբ ուսանողները Եփեսիացիս գլխում մի ճշմարտություն բացահայտեն, առաջարկեք նրանց ավելի խորը ըմբռնել այդ ճշմարտությունը: Նրանք կարող են օգտվել սուրբ գրությունների նյութերից, Ավետարանի թեմաներից (topics.ChurchofJesusChrist.org), Ավետարանի գրադարան հավելվածից կամ այլ մատչելի նյութերից: Նրանք կարող են նաև կիսվել, թե ինչ են սովորել այս ճշմարտությունների մասին, և ինչպես են կիրառում դրանք իրենց կյանքում:

Մորմոնի Գրքի գաղափարները Հիսուս Քրիստոսի շնորհի մասին

Եթե ուսանողների համար Հիսուս Քրիստոսի շնորհը քննարկելն ավելի օգտակար լինի, քան սուրբ գրություններում սկզբունքներ փնտրելը, կարող եք նրանց առաջարկել ուսումնասիրել Եփեսիացիս 2.1-12 հատվածները: Ապա թող համեմատեն, թե ինչպիսին կլիներ իրենց կյանքը առանց Հիսուս Քրիստոսի շնորհի (տես հատվածներ 1–3), և ինչպիսին է իրենց կյանքը Նրա շնորհով (տես հատվածներ 4–8): Այնուհետև նրանք կարող են ուսումնասիրել Մորմոնի Գրքի այն հատվածները, որոնք ուսուցանում են Փրկչի շնորհի մասին (տես 2 Նեփի 10.24–25 , Հակոբ 4.6–7 ; Հելաման 12.24 , Եթեր 12.27 , Մորոնի 10.32–33), ապա բացահայտեն, թե իրենց որ կարիքների համար ունեն Փրկչի շնորհի անհրաժեշտությունը և կազմեն ծրագիր՝ այդ շնորհը ավելի հաճախ փնտրելու համար: