Գաղատացիս 1

«Ոչ թէ մարդկանցից... այլ Յիսուս Քրիստոսի... ձեռովը»

Եղե՞լ է արդյոք այնպես, որ ձեր շփոթեցրել են աշխարհի բոլոր տարբեր կարծիքներն ու փիլիսոփայությունները: Գաղատացի Սրբերը նմանատիպ փորձության միջով էին անցել, երբ ստիպված էին Քրիստոսի ճշմարիտ ավետարանից իրենց հեռացնող ուսմունքներ ուսումնասիրել: Այս դասի նպատակն է օգնել ձեզ սովորել, թե ինչպես կարելի է խուսափել խաբեությունից և շփոթմունքից՝ ականջ դնելով Հիսուս Քրիստոսի՝ հին և ժամանակակից մարգարեներին տված խոսքերին:

Համապատասխանություն ապահովեք Դասը սկսելով համապատասխան հարցով, իրավիճակով կամ խնդրով, ուսանողներին կստիպեք սուրբ գրություններում փնտրել ավետարանի սկզբունքներ և վարդապետություններ, որոնք նրանց առաջնորդություն և ուղղություն կտան:

Ուսանողի նախապատրաստում. Ուսանողներին առաջարկեք դասից առաջ օրինակներ պատրաստել այն մասին, թե սատանան ինչ գաղափարներ և ուսմունքներ է օգտագործում՝ նրանց խաբելու կամ Հիսուս Քրիստոսի ճշմարիտ ավետարանից հեռացնելու նպատակով:

Հնարավոր ուսումնական վարժություններ

Կեղծ գաղափարների հանդիպելիս

Ցուցադրեք հետևյալ սցենարները կամ ուսանողներին առաջարկեք սեփական օրինակներ բերել, թե մարդիկ երբ կարող են խաբվել աշխարհիկ գաղափարներով: Ուսանողներին խնդրեք դասից առաջ զույգերով կամ փոքր խմբերով քննարկել սցենարները և համապատասխան հարցերը:

Մտածեք, թե ինչպես կարձագանքեիք հետևյալ իրավիճակներին.

ա. Դուք տեսնում եք, որ ձեր ընկերներից շատերը սոցիալական ցանցերում կիսվում են հանրաճանաչ տեսանյութով: Այդ տեսանյութը պարունակում է գաղափարներ, որոնք հակասում են տանը և Եկեղեցում ձեր սովորածին:

բ. Դպրոցում ձեր ընկերներից մի քանիսը, որոնք Հիսուս Քրիստոսի Վերջին Օրերի Սրբերի Եկեղեցու անդամներ են, կարծիքներ են հայտնում, որը հակասում է Եկեղեցու ուսունքներին:

• Որքա՞ն հաճախ եք հանդիպում նման իրավիճակների:

• Ձեր կարծիքով, դուք ի՞նչ պետք է անեք այսպիսի իրավիճակներում: Ինչո՞ւ։

Գաղատացի Սրբերը նույնպես հանդիպեցին նրանց ուսմունքներին, ովքեր ձգտում էին «Քրիստոսի աւետարանը փոխել»( Գաղատցիս 1.7): Օրինակ, որոշ հրեա քրիստոնյաներ աղավաղում էին ավետարանի ուսմունքները և կասկածի տակ էին դնում Պողոսի այն ուսմունքը, որ փրկությունը կարող է գալ միայն Հիսուս Քրիստոսի միջոցով:

Պողոսը զգուշացնում է գաղատացի Սրբերին, որ նրանք չհավատան կեղծ գաղափարներին

Պողոսը մի նամակ գրեց՝ ընդդեմ գաղատացի Սրբերի մեջ տարածում ստացած կեղծ ուսմունքների

Կարդացեք Գաղատացիս 1.6-9 : Փնտրեք, թե Պողոսն ինչ է ասել այն մարդկանց մասին, ովքեր ուրիշ ավետարան էին քարոզում, և ոչ այն, որը քարոզում էր ինքը՝ որպես Տիրոջ Առաքյալ:

• Ձեր կարծիքով, ի՞նչն է կարևոր այս հատվածներում: Ինչո՞ւ։

Պողոսը զգուշացրեց գաղատացի Սրբերին մերժել «ցանկացած ուրիշ ավետարան» ( Գաղատացիս 1.9)՝ Հիսուս Քրիստոսի ավետարանից բացի:

Ուսանողներին հիշեցրեք, որ հետևյալ հարցերին պատասխանելիս նրանք կարող են օգտվել նախօրոք պատրաստված նյութերից:

• Որոնք են մեր օրերում կեղծ գաղափարների օրինակները, որոնք կարող են մարդկանց հեռացնել Հիսուս Քրիստոսի ճշմարիտ ավետարանից:

• Ո՞ր ճշմարիտ սկզբունքներն են սխալ ընկալվել կամ աղավաղվել աշխարհի կողմից:

• Որո՞նք են այդ գաղափարներին կամ ուսմունքներին հետևելու հնարավոր հետևանքները: Ե՞րբ եք հանդիպել այդպիսի հետևանքների:

Հնարավորության դեպքում դիտեք «Աստվածայնորեն նշանակված աղբյուրները» տեսանյութը 3:14-4:43-ը՝ հետևանքների մի քանի օրինակներ տեսնելու համար: Այս տեսանյութը կարելի է գտնել ChurchofJesusChrist.org կայքում։

Divinely Appointed Sources

Մենք կարող են դիմել մարգարեներին և առաքյալներին՝ ճշմարտություն ստանալու համար

Գաղատացի Սրբերին ուղղված իր նամակում Պողոսը հիշեցրել է ավետարանի հիմնական ճշմարտությունների և իր իշխանության ու ուսմունքների աղբյուրի մասին:

Կարդացեք Գաղատացիս 1.1-5, 10-12-ը՝ փնտրելով, թե Պողոսն ինչով է կիսվել, որն օգնեց Սրբերին խուսափել խաբեությունից և կեղծ ուսմունքներից:

• Ավետարանական ո՞ր ճշմարտությունների մասին է Պողոսը հիշեցրել գաղատացիներին:

• Ձեր կարծիքով, հատվածներ 3-5 -ում Երկնային Հոր և Հիսուս Քրիստոսի վրա կենտրոնանալն ինչպե՞ս կարող է օգնել մեզ խուսափել խաբված լինելուց:

• Հատվածներ 1, 11-12 -ում Պողոսն ի՞նչ է ուսուցանել գաղատացիներին այն մասին, թե նրանք ինչու պետք է հավատան իր ուսմունքներին:

Պողոսը հիշեցրեց գաղատացիներին, որ ինքն առաքյալ է, ով կանչվել է «ոչ թէ մարդկանցից… այլ Յիսուս Քրիստոսի… ձեռովը» ( Գաղատացիս 1.1) և ստացել է ավետարանը «Յիսուս Քրիստոսի… ձեռովը» ( Գաղատացիս 1.12): Պողոսի խոսքերում ներկայացված ճշմարտություններից մեկն այն է, որ Հիսուս Քրիստոսը հայտնում է ճշմարիտ վարդապետությունը Իր մարգարեներին և առաքյալներին:

Տասներկու Առաքյալների Քվորումից երեց Նիլ Լ․ Անդերսենը ուսուցանել է հին և ժամանակակից մարգարեների խոսքերի կարևորությունը.

Երկաթյա ձողը ներկայացնում է Աստծո խոսքը: Ես նախընտրում եմ սրա մասին մտածել հետևյալ կերպ. Աստծո խոսքը պարունակում է երեք հզոր տարր, որոնք միահյուսվում են և պահպանում են միմյանց՝ ձևավորելով անշարժ ձող: Այս երեք տարրերը ներառում են. առաջինը՝ սուրբ գրությունները կամ հին մարգարեների խոսքերը: ..

Երկրորդ տարրն է անձնական հայտնությունը և ոգեշնչումը, որը գալիս է մեզ Սուրբ Հոգու միջոցով: …

… Երրորդ տարրը մի կարևոր հավելում է, որը միահյուսվելով մյուս երկուսի հետ[,] … ներկայացնում է կենդանի մարգարեների խոսքերը:

(Նիլ Լ․ Անդերսեն, «Կառչեք մարգարեների խոսքերից» [Բրիգամ Յանգ Համալսարանի հոգևոր հավաք, մարտի 4, 2007], speeches.byu.edu)

• Մեզ այդ աղբյուրները տրամադրելու Աստծո ջանքերն ի՞նչ են ուսուցանում Նրա մասին:

• Քրիստոսի՝ հին և ժամանակակից մարգարեների կողմից մատուցած խոսքերին ականջ դնելով, ինչպե՞ս կարող եք խուսափել խաբված լինելուց:

• Անձնական հայտնությունն ինչպե՞ս կարող է ձեզ օգնել խուսափել խաբված լինելուց:

Հնարավորության դեպքում դիտեք «Աստվածայնորեն նշանակված աղբյուրները» տեսանյութը 4:44-9:11-ը՝ տեսնելով, թե հին և ժամանակակից մարգարեների խոսքերը, ինչպես նաև անձնական հայտնությունն ինչպես է օգնել մի քանի երիտասարդների՝ ճշմարտություն գտնել և խուսափել խաբեությունից:

Divinely Appointed Sources

• Ի՞նչն էր ձեզ համար առանձնահատուկ այն գործում, թե Տերն ինչպես օգնեց այս անհատներին արձագանքել իրենց դժվարին իրավիճակներին:

• Այս տեսանյութը դիտելիս ի՞նչ մտքեր կամ զգացումներ եք ունեցել, որոնք կապված էին ձեր կյանքի հանգամանքների հետ:

Ժամանակի առկայության դեպքում կարող եք օգտագործել «Աստվածայնորեն նշանակված աղբյուրները» վարժությունը «Օժանդակ ուսումնական վարժություններ» բաժնից:

Ձեր անձնական իրավիճակը

Մտածեք, թե ինչ սովորեցիք և զգացիք այսօր: Սուրբ Հոգու միջոցով փնտրեք Երկնային Հոր օգնությունը և բացահայտեք, թե որ դեպքերում կարող եք խոցելի լինել խաբեության համար: Կեղծ ուսմունքներից կամ աշխարհիկ գաղափարներից որո՞նք կարող են վնասակար լինել Հիսուս Քրիստոսի մասին ձեր վկայության համար: Արդյո՞ք դուք կարդում եք, դիտում կամ լսում եք որևէ բան, որը կարող է ձեզ խաբել:

• Ի՞նչ եք սովորել այս դասից, որը ձեզ ամենից շատ է օգնել: Ինչո՞ւ։

• Ի՞նչ փոփոխություններ եք ցանկանում կատարել ձեր կյանքում, որոնք ձեզ կպաշտպանեն խաբեությունից:

• Ինչպես կարող եք ավելի լավ ականջ դնել Հիսուս Քրիստոսի՝ հին և ժամանակակից մարգարեների կողմից ներկայացված խոսքերին: Ի՞նչ ազդեցություն կունենա այն ձեր կյանքի վրա, եթե դուք դա անեք:

Ուսանողներին բավարար ժամանակ տվեք՝ խորհելու և գրելու համար: Կամավոր ուսանողներին առաջարկեք կիսվել: Հորդորեք նրանց հայտնություն փնտրել այն մասին, թե նրանք ինչ կարող են անել խաբեությունից խուսափելու համար:

Բացատրական և պատմական տեղեկություններ

Պողոսն արդյո՞ք ուսուցանել է, որ մենք չպետք է լսենք երկնային հրեշտակներից ստացված ուղերձները

Գաղատացիս 1․8–10-ում գրված Պողոսի ուսմունքները, երբեմն, սխալմամբ են կիրառվում և վիճարկվում՝ ընդդեմ հրեշտակների տեսիլքների և վերականգնված ավետարանի քարոզման։ Սակայն, Պողոսը չէր ուսուցանում, որ հրեշտակների բոլոր հայտնությունները պետք է մերժել, քանի որ սուրբ գրություններն ուսուցանում են, որ իսկապես հրեշտակները վերջին օրերում կգան, որպեսզի ավետարանը նորովի քարոզեն (տես Հայտնություն 14․6)։ Փոխարենը՝ Պողոսն ուսուցանում էր, որ եթե հրեշտակը գա և շեղի մարդկանց ճշմարիտ ավետարանից, ապա այդ հրեշտակին պետք է մերժել (տես նաև Ալմա 30․53)։

Ճշմարտություն փնտրելիս ես ինչո՞ւ պետք է աստվածայնորեն նշանակված աղբյուրներ օգտագործեմ

Դիտեք «Բացահայտեք ճշմարտությունը» տեսանյութը (4:48) ChurchofJesusChrist.org կայքում: Այս տեսանյութում նախագահ Դիտեր Ֆ․ Ուխդորֆը՝ այն ժամանակ Առաջին Նախագահությունից, համեմատություն է օգտագործել, որպեսզի բացատրի, թե աստվածային աղբյուրներում ճշմարտություն փնտրելը որքան ավելի կարևոր է, քան մարդկանց իմաստությանը վստահելը:

Բացահայտել ճշմարտությունը

Պողոսի ուսմունքները որքանով են կիրառելի մեր օրերում

Առաջին Նախագահությունից նախագահ Դալլին Հ. Օուքսը ուսուցանել է.

Ճշմարտությունը և ծրագիրը

Մենք ապրում ենք մեծ տարածում ունեցող տեղեկատվության դարում։ Բայց այդ տեղեկություններից ոչ բոլորն են ճշմարիտ։ Մենք պետք է զգույշ լինենք ճշմարտությունը փնտրելիս և դա գտնելու համար անհրաժեշտ աղբյուրներն ընտրելիս։ Մենք չպետք է աշխարհիկ հռչակը կամ իշխանությունը համարենք ճշմարտության որակյալ աղբյուրներ։ Մենք պետք է զգույշ լինենք այն տեղեկատվությանը կամ խորհրդին վստահելիս, որոնք առաջարկում են ժամանցային աստղերը, հայտնի մարզիկները կամ համացանցի անանուն աղբյուրները: Մասնագիտական ունակությունը մեկ ոլորտում չի կարելի շփոթել մեկ այլ ոլորտում ճշմարտության մասին մասնագիտական ունակության հետ։

(Դալլին Հ. Օուքս, «Ճշմարտությունը և ծրագիրը», Ensign կամ Լիահոնա, նոյեմբեր 2018, 25)

Օժանդակ ուսումնական վարժություններ

Գաղատացիս 3․28 Դարձեք մեկ Քրիստոսում

Որոշ դասարանների համար ավելի հարմար կլինի կենտրոնանալ Գաղատացիս 3.28-ի և այն ճշմարտության վրա, որ մենք բոլորս մեկ ենք Քրիստոսում՝ անկախ մեր պատմություններից: Ուսանողներին խնդրեք մտածել, թե մարդիկ ինչպես են իրենց խմբերի բաժանում: Օրինակներից են՝ ռասան, կրոնը, սեռը կամ սեռական կողմնորոշումը: Բացատրեք, որ գաղատացի Սրբերը բաժանվել էին հրեաների և հեթանոսների:

Ուսանողներին առաջարկեք ուսումնասիրել Գաղատացիս 3.26-29-ը՝ փնտրելով, թե Պողոսն ինչ է ուսուցանել Քրիստոսում մեկ դառնալու մասին: Խնդրեք նրանց կիսվել, թե ինչ են սովորել, որը կարող է օգնել Եկեղեցու ներկա անդամներին ավելի համախմբված լինել: Խնդրեք նրանց կարդալ Հովհաննես 17.20-23-ը և պատասխանել հետևյալ հարցերին. «Փրկիչն ի՞նչ է արել և ի՞նչ է շարունակում անել՝ մեզ միավորելու համար: Միմյանց հետ, Իր և Հոր հետ միավորելու Նրա ցանկությունն ի՞նչ է ուսուցանում մեզ Նրա մասին: Մենք ինչպե՞ս կարող ենք ավելի միավորված լինել միմյանց և Աստծո հետ»:

Աստվածայնորեն նշանակված աղբյուրներ

Երբ ուսանողները բացահայտեն Գաղատացիս 1.11-12 հատվածներում ներկայացված ճշմարտությունը և քննարկեն մի քանի «ուրիշ ավետարաններ», որոնք կարող են մեզ խաբել կամ հեռացնել Հիսուս Քրիստոսի ճշմարիտ ավետարանից, խնդրեք նրանց աստվածայնորեն նշանակված աղբյուրներ փնտրել՝ աշխարհի խաբուսիկ ուղերձներին հակադրվող ճշմարտություններ գտնելու համար: Օրինակ՝ ուսանողները կարող են բացահայտել, որ աշխարհը կարող է ամուսնությունը սահմանել Տիրոջ սահմանումից (տղամարդու և կնոջ միջև) տարբերվող ձևով: Կարող եք նրանց խնդրել փնտրել « Ընտանիք․ Հայտարարություն աշխարհին » հռչակագիրը և գտնել ճշմարտություններ, որոնք նրանց կօգնեն չխաբվել այդ գաղափարներով: