Eperu 1–6

Vaaiga Aoao

I lalo o le mamafatu o sauaga eseese, e toatele Kerisiano Iutaia na o ese mai i le Ekalesia ma toe foi atu i le saogalemu o tapuaiga faa-Iutaia i le sunako. Na manao Paulo e faailoa i Kerisiano Iutaia nei o Iesu Keriso e sili atu nai lo Mose ma o Lana galuega na aumaia ai se feagaiga fou e maualuga atu i le feagaiga tuai i lalo o le tulafono a Mose. Na aoao atu Paulo e faapea na afio ifo Iesu Keriso mai Lona nofoalii faalelagi e soifua o se tagata i le lalolagi ma faia se Togiola e le iu mo i tatou. O le uunaia o le Au Paia e lafoai uiga le talitonu, sa saili ai Paulo e fesoasoani ia i latou e toe foi atu i feagaiga sa latou osia.

Sauni e Aoao Atu

O nei faamatalaga e tuuina atu ai i faiaoga ni manatu o ni mea latou te manaomia e ao ona saunia mamao i ai mo lesona taitasi.

Eperu 1–10

Faamoemoega o le lesona: O lenei lesona e mafai ona fesoasoani e tapue ai le faatuatua o tagata aoga i le Faaola a o latou aoao i Lona mana i luga o mea uma e ala i le faailoaina ma le suesueina o nisi o Ona faalagiga ma matafaioi.

Sauniuniga a le tagata aoga: Valaaulia tagata aoga e vaavaai mo suafa o Iesu Keriso i le taimi o a latou suesuega faaletagata lava ia pe faaleaiga o tusitusiga paia ma o mai saunia i le vasega e faasoa mai suafa na latou mauaina.

Fautuaga faafaiaoga i fesootaiga i vitio: Mafaufau e faaali atu se ata o Iesu Keriso ma faaaoga le vaega o talanoaga tusitusia e mafai ai e tagata aoga ona lisi ia faalagiga ma matafaioi a Keriso latou te mauaina i le Eperu. E mafai foi e tagata aoga ona uta i luga le ulutala po o le matafaioi na latou filifilia e suesue. E mafai ona fesoasoani lenei mea e faailoa ai le ulutala po o le matafaioi na suesueina e le toatele o tagata aoga. Ona mafai lea e tagata aoga ona faasoa mai pe aisea latou te manatu ai o lena faalagiga po o le matafaioi sa sili ona suesueina pe aisea foi e ono anoa ai i le autalavou.

Eperu 2–4

Faamoemoega o le lesona: O lenei lesona ua faamoemoe e faateleina ai le talitonuga o tagata aoga e mafai e Iesu Keriso ona fesoasoani ia i latou i taimi e manaomia ai.

Sauniuniga a le tagata aoga: Valaaulia tagata aoga e toe faamanatu le fuaitau o le atamai i aoaoga faavae Alema 7:11–13 ma o mai saunia i le vasega e faasoa mai pe aisea ua latou manatu ai o se fuaitau taua lenei ia malamalama i ai.

Vitio: “Where Can I Turn for Peace?” (4:03); “Aapa Atu ia te Ia i le Faatuatua” (3:54)

Anotusi e faaali atu: O le siata mo tagata aoga e faatumu

Fautuaga faafaiaoga mo fesootaiga i vitio: Mo le gaoioiga o le siata, mafaufau e faaaoga le vaega o le laupapa paepae po o se pepa mo ripoti i luga o le upega tafailagi e fatu ai le siata ma faasoa atu i le vasega. Valaaulia tagata aoga e faatumu le siata i luga o le lau i mea latou te maua, e faaopoopo i le faamaeaina i a latou api faamaumau mo suesuega.

Eperu 3–4

Faamoemoega o le lesona: O lenei lesona ua faamoemoe e fesoasoani i tagata aoga e faatoilalo ai le le talitonu ina ia mafai ai ona latou maua faamanuiaga folafolaina a le Faaola.

Sauniuniga a le tagata aoga: Valaaulia tagata aoga e mafaufau e uiga i mafuaaga latou te talitonu ai ia Iesu Keriso ma pe faapefea ona faamanuiaina i latou mo le talitonu ia te Ia.

Fautuaga faafaiaoga mo fesootaiga i vitio: Pe a faasoa atu le faamatalaga faatatau e uiga i le fanauga a Isaraelu, atonu e aoga le faasoa atu o se lau ua i ai ni ata o Mose ma le fanauga a Isaraelu i le vao.

Eperu 7–10

Faamoemoega o le lesona: O lenei lesona ua faamoemoe e fesoasoani e faamalosia ai le faatuatua o tagata aoga ia Iesu Keriso o lo latou Faaola ma le Togiola e ala i le fesoasoani ia i latou ia malamalama i faatusa anamua i le tulafono a Mose.

Manatua: O lenei lesona o loo talanoaina ai anotusi e le o aofia ai i lenei vaiaso o le faasologa mo le Sau, Mulimuli Mai ia te Au. Ina ia tuuina atu ni avanoa e talanoaina ai le atamai i aoaoga faavae ma isi anotusi talafeagai i le vaiaso e sosoo ai o le Sau, Mulimuli Mai ia te Au, sa sii mai lenei lesona iinei. E mafai e tagata aoga ona suesue le anotusi o lenei lesona i tasi o nei vaiaso.

Sauniuniga a le tagata aoga: Valaaulia tagata aoga e aumai se mea faitino i le vasega ma faamatala mai pe faapefea ona molimau mai pe faamanatu atu ai ia i latou e uiga ia Iesu Keriso. Mo se faataitaiga, e mafai e se tagata aoga ona aumaia se titina ma faamatala atu e faamanatu atu ai ia i latou ia Iesu Keriso ona e mafai ona Ia tineia, pe faamagalo, a tatou agasala.

Vitio: “The Tabernacle” (7:18)

Fautuaga faafaiaoga mo fesootaiga i vitio: Mafaufau e fatu se PowerPoint po o se isi aoaoga vaaia lea e mafai ona faaalia ai ata ma faauigaga o upu i taimi talafeagai i le lesona.

Iloiloga O Le Atamai I Aoaoga Faavae 22

Faamoemoega o le lesona: O lenei lesona e faamoemoe e fesoasoani i tagata aoga e tauloto ai nisi o tusi faasino o mau ma fasifuaitau o mau autu o mau o le atamai i aoaoga faavae i le Feagaiga Fou.

Sauniuniga a le tagata aoga: Valaaulia tagata aoga e talanoa ma se tagata o le aiga po o se uo e uiga i le auala na musuia ai e le taulotoina o mau lena tagata o le aiga po o se uo pe fesoasoani ia i latou e latalata atili atu ai i le Faaola.

Anomea: O se fasipepa ma se peni mo tagata aoga taitasi

Fautuaga faafaiaoga mo fesootaiga i vitio: Mafaufau e tuu atu i tagata aoga e tusi ni ata e faaaoga ai le faatinoga o faamatalaga faaopoopo. E mafai ona feauauai tagata aoga e tusi ni faaataataga ma taumatemate le fuaitau o le atamai i aoaoga faavae.