Иаков 2
“Итгэл нь хэрэв үйлсгүй бол өөрөө үхмэл юм”
Есүс Христэд итгэдэг гэж хэлдэг, Түүнд итгэх итгэлээ хэрэгжүүлдэг хоёр хүний хооронд ямар ялгаа байж болох вэ? Иаков Есүс Христэд итгэх жинхэнэ итгэл нь зөвхөн тухайн хүний боддог эсвэл хэлдэг зүйлээр бус харин хийж буй зүйлээс нь харагдахын чухал ялгааг өгсөн юм. Энэ хичээл танд зөв шударга үйлдлээр дамжуулан Есүс Христэд итгэх итгэлээ хэрхэн илүү бүрэн дүүрэн хэрэгжүүлэхээ шалгаж үзэх боломжийг олгоно.
Суралцагчдыг идэвхтэй оролцогчид болоход туслах. Заахаар бэлдэхдээ суралцагчдын хийх зүйлд төвлөр. Суралцагчдыг судраас болон нэг нэгнээсээ суралцахын тулд хичээж чармайхад урамшуул. Ингэснээр суралцагчдын судраас суралцах чадвартаа итгэх итгэл нэмэгдэнэ. Мөн суралцагчдын олж мэдсэн зүйлээ амьдралд хэрэгжүүлэх магадлал өснө.
Суралцагчийн бэлтгэл: Есүс Христэд итгэх хүчтэй итгэл бүхий өөрсдийн таньдаг хэн нэгний талаар бодоход суралцагчдыг урь. Боломжтой бол суралцагчдыг энэ хүнээс дараахтай адил зүйлийг асуухад урь. “Есүс Христэд итгэх итгэл тань таны үйлдэл, зан авирт хэрхэн нөлөөлдөг вэ? Есүс Христэд итгэх итгэлийнхээ ачаар та юуг өөрөөр хийж болох вэ?” Суралцагчдыг олж мэдсэн зүйлээ хуваалцахаар бэлдэж ирэхэд урь.
Боломжит суралцах үйл ажиллагаа
Адислал хүлээн авах нь гал асаахтай адил
Самбарт галын зураг зурахыг бод.
Та Тэнгэрлэг Эцэгээс адислал авахыг эрэлхийлж байна уу аль эсвэл залбирлынхаа хариултыг авахыг эрэлхийлж байна уу? Адислал авахыг эрэлхийлэх үйл явцыг гэрэл болон дулаан гаргаж авахын тулд гал асаахтай харьцуулах нь тустай байж болох юм.
-
Та гал гаргахын тулд ямар алхмууд хийх вэ?
-
Чүдэнз асаах нь хэр чухал вэ?
Адислал хүлээн авах нь гал асаахтай юугаараа адил болохыг олж мэдэхийн тулд Арван хоёр төлөөлөгчийн чуулгын ахлагч Дэйл Г.Рэнландын дараах мэдэгдлийг уншина уу. Та ChurchofJesusChrist.org дээр байгаа “Ерөөл олшрох нь” видеог цагийн код 1:02-аас 3:27 хүртэл үзэж болно.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F19%2F4b%2F194b74b9c2d0eebee992ee331a605cbfc33a4ac2%2F194b74b9c2d0eebee992ee331a605cbfc33a4ac2.jpeg/full/!250,/0/default)
ЗурагOfficial portrait of Elder Dale G. Renlund of the Quorum of the Twelve Apostles, January 2016.Тэнгэрийн адислалуудыг их хэмжээний овоолж хураасан модтой зүйрлэцгээе. … Энэ овоолсон мод нэлээн их түлш бөгөөд хэдэн өдрийн турш гэрэл, дулаанаар хангаж чадна. …
Овоолсон модноос илч дулаан гаргахын тулд чүдэнз зурж, гал асаах хэрэгтэй. Зомголд гал хурдан авалцаж, том хэмжээний моднуудыг шатахад хүргэдэг. …
Чүдэнз зурах, зомголд гал асаах зэрэг нь модноос гарч болох энерги, илчийг ялгаруулах боломжтой болгох жижиг үйлдлүүд юм. Хэчнээн их мод овоолсон ч чүдэнз зурахаас нааш яах ч үгүй. …
Үүний адил, Бурханы бидэнд өгөхийг хүсдэг ихэнх адислал Есүс Христэд итгэх итгэл дээрээ суурилан үйлдэхийг биднээс шаарддаг. … Гэсэн ч шаардлагатай үйлдэл нь эцсийн дүнд бидний хүлээн авах адислалуудтай харьцуулахад ямагт өчүүхэн байдаг.
(Дэйл Г.Рэнланд, “Ерөөл олшрох нь,” 2019 оны 4-р сарын Ерөнхий чуулган, 82)
-
Та ахлагч Рэнландын зүйрлэлээс ямар ямар ойлголтыг олж авах вэ?
-
“Есүс Христэд итгэх итгэл дээрээ суурилан үйлдэх” гэдгийг юу гэсэн утгатай гэж та бодож байна вэ?
Дараах асуултуудыг эргэцүүлэн бодоод, судлах тэмдэглэлдээ хариулах боломжийг суралцагчдад олгох талаар бодож үз.
Дараах асуултуудыг тунгаан бод.
-
Та ямар арга замуудаар Есүс Христэд итгэдэг вэ? Энэ итгэлийнхээ ачаар та ямар ямар үйлдэл хийх вэ?
-
Та Есүс Христэд итгэх итгэлээ хэрэгжүүлснээр ямар хариулт болон адислалуудыг Бурханаас хүлээн авсан бэ? Өөр ямар ямар арга замаар Их Эзэн таныг итгэлээр үйлдээсэй гэж хүсэж байна гэж та бодож байна вэ? Яагаад?
Суралцах явцдаа та эдгээр асуултын хариултыг эрэлхийлэхдээ, удирдамж заавар өгөхийг Тэнгэрлэг Эцэгээс залбиран гуй.
Есүс Христэд итгэх итгэл
Иаков Есүс Христэд итгэх итгэлээр үйлдэхийн ач холбогдлыг бидэнд өөр нэгэн зүйрлэл ашиглан заасан.
Иаков 2:14–16 -г уншаад, хэрэв энэ нөхцөл байдлыг өөрийн нүдээр харсан бол танд ямар бодол орж ирэх байсныг төсөөлөхийг хичээ. ( 15-р шүлэг дэх “нүцгэн” гэдэг үг нь хувцас муутай гэсэн утгатай.)
Самбарын өмнө хоёр суралцагчийг гарч ирэхийг урьж болно. Нэг суралцагчаас гуйлгачин болж, нөгөө суралцагчаас гуйлгачинд туслах хүний дүр үзүүлэхийг хүс. Нөгөө хоёр суралцагчийг сударт гарч буй үйл явдлыг жүжигчлэн үзүүлж байх үед гурав дахь суралцагчийг Иаков 2:15–16 -г чанга уншихад урь.
-
Та Иаковын зүйрлэлээс юу сурч мэдэж болох вэ?
Иаков 2:17–18, 26 -г уншаад (мөн Иаков 1:22 -ыг үзнэ үү), энэ зүйрлэлээр дамжуулан Иаковын дүрсэлсэн үнэнийг хайж ол.
-
Та Иаковын заасан зүйлийг хэрхэн нэгтгэн дүгнэх вэ?
Иаковын заасан үнэнийг Есүс Христэд итгэх жинхэнэ итгэл нь зөв шударга үйлдлийг шаарддаг гэж илэрхийлж болох юм.
-
Яагаад Есүс Христ биднийг итгэлээ үйлдэл болгоосой хэмээн хүсдэг гэж та бодож байна вэ?
Иаковын захидалд байнга давтагддаг нэг сургаал бол бид ядуу, өвчтэй, тусламж хэрэгтэй хүмүүсийг халамжлах ёстой гэсэн санаа болохыг онцлох нь тустай юм ( Иаков 1:27 ; 2:1–9 ; 5:14–15 -ыг үзнэ үү). Ийм үйлдлүүд нь Есүс Христэд итгэх итгэлийг харуулдаг.
-
Аврагч Есүс Христийг болон Түүний сайн сайхныг санаж байх нь хэрхэн итгэлээр үйлдэх сэдлийг бидэнд төрүүлэх вэ?
Итгэлээр үйлдэхийн жишээ
Есүс Христэд итгэх итгэлээрээ үйлддэг хүмүүсийн жишээг бодох нь сүнслэгээр өдөөж болох юм. Иаков 2:21–25 -ыг уншаад, Хуучин Гэрээнээс итгэлээр үйлдсэн хүмүүсийн жишээг тодорхойл.
Тустай гэж үзвэл, дараахтай адил асуултуудыг тавьж болно.
-
Өөрийн үйлсийн ачаар Абрахам юу гэж дуудагдах болсон бэ? ( Иаков 2:23 -ыг үзнэ үү). Түүний итгэлтэй үйлдлүүд энэ нэр цолыг авахад яагаад хүргэсэн гэж та бодож байна вэ?
-
Бидний үйлс бидний итгэлийг хүчирхэгжүүлж, төгөлдөржүүлэхэд хэрхэн тусалдаг гэж та бодож байна вэ? ( Иаков 2:22 -ыг үзнэ үү).
Рахаб Бурханы үйлчлэгчдийг хамгаалахын тулд өөрийн амь насыг эрсдэлд оруулан итгэлээ хэрэгжүүлснийг тайлбарлах нь тустай байж болно ( Иошуа 2:1, 3 ; 6:17, 23, 25 ; Еврей 11:31 -ийг үзнэ үү).
Дараах асуултуудад өгөх хариултаа хоёр цаасан дээр бичихэд суралцагчдыг урьж болох юм. Суралцагчид суралцагчийн бэлтгэлээ энэ үйл ажиллагаанд ашиглаж болно.
-
Амьдрал эсвэл судар дээрх ямар хүн Есүс Христэд итгэх итгэлээ үйлдлээрээ харуулсан гэж та бодож байна вэ? Та энэ жишээнээс юуг ойлгож авсан бэ?
-
Аль талаараа Есүс Христ зөв шударга үйлсийн жишээ вэ? Бидний зөв шударга үйлдэл хэрхэн бидэнд түүнтэй адилхан болоход тусалдаг вэ?
Хариултаа бичсэнийх нь дараа суралцагчдыг хоёр цаасаа хоёуланг нугалаад, хоёр гартаа нэг нэгээр нь барихад урь. Суралцагчид дараа нь өрөөний дундуур яваад, хуваалцах хүнээ сонгож болно. Суралцагч бүр нөгөө суралцагчийнхаа хариултыг сонсохын тулд баруун эсвэл зүүн гарыг нь сонгоно. Суралцагчид энэ үйл ажиллагааг өөр суралцагчтай давтан гүйцэтгэж болно.
Итгэлээр өдөөгдсөн үйлдлээр дамжуулан адислал хүртэх
Ерөнхийлөгч Рассэлл М.Нэлсон бидний итгэл, үйлдэлтэй холбоотой дараах урилгыг өгсөн.
ЗурагOfficial portrait of President Russell M. Nelson taken January 2018Аливаа зүйлийг сайн хийж сурахад зүтгэл хэрэгтэй байдаг. Есүс Христийн үнэн дагалдагч болоход ч мөн адил юм. Түүнд итгэх итгэл, найдвараа нэмэгдүүлэхэд зүтгэл хэрэгтэй. …
…Хэрэв танд илүү их итгэл байсан бол та яах байсан бэ? Бодоод үз дээ. Энэ талаар бич. Тэгээд илүү их итгэл шаардсан зүйлийг хийснээр илүү их итгэлтэй бол.
(Рассэлл М.Нэлсон, “Христ амилсан бөгөөд Түүнд итгэх итгэлээр уулсыг нүүлгэж чадна,” 2021 оны 4-р сарын Ерөнхий чуулган, 106)
Дараах асуултуудыг тунгаан бод.
-
Хэрэв танд илүү их итгэл байсан бол та юу хийх байсан бэ?
-
Төрсөн сэтгэгдлийнхээ дагуу үйлдэхийн тулд та ямар ямар алхам хийж чадах вэ?
Цаг гарган төрсөн сэтгэгдлийнхээ дагуу үйлдэж эхэл. Жишээлбэл: Та юу хийх ёстой гэж бодож байгаагаасаа хамааран мессеж илгээж, залбирч, хуанлидаа сануулга тавьж эсвэл дараагийн алхмаа төлөвлөж болно.
Хийхээр төлөвлөж эсвэл хийж эхэлсэн зүйлсээ хуваалцахад бэлэн байгаа суралцагч байгаа эсэхийг асуу. Бодол санаагаа хуваалцах нь суралцагчдыг сүнслэгээр өдөөдөг.
Есүс Христэд итгэх итгэл нь яагаад бидний үйлдлийг тодорхойлох ёстой талаарх гэрчлэл эсвэл хувийн туршлагаа хуваалцахыг бод.
Тайлбар ба нөхцөл байдлын талаарх мэдээлэл
Итгэл болон үйлсийн талаарх Иаковын сургаал Паулын сургаалтай зөрчилддөг байсан уу?
Иаков 2:14 дээр Иаков үйлс гэдэг үгийг төлөөлөгч Паулаас арай өөр утгаар ашигласан. Паул үйлс гэсэн нэр томьёог ашиглахдаа Мосегийн хуулийн үйлсийг хэлж байв ( Ром 3:27–31 ба Галат 2:15–16 -г үзнэ үү). Харин Иаков үйлс гэдэг үгийг итгэл үнэмшлийн үйлдэл эсвэл зөв шударга ажил үйлс гэсэн утгаар ашигласан.
Итгэл нь үйлсгүй бол үхмэл юм бол итгэлгүй үйлс нь юу вэ?
Арван хоёр төлөөлөгчийн чуулгын ахлагч Дэвид А.Бэднар ийн заажээ.
ЗурагElder David A. Bednar, Quorum of the Twelve Apostles official portrait. 2020.Жинхэнэ итгэл Есүс Христэд төвлөрч, үргэлж зөв шударга үйлс рүү хөтөлдөг. … Үйлс нь дан ганцаараа Аврагчид итгэх итгэл биш бөгөөд харин зөв зарчмуудын дагуу үйлдэх нь итгэлийн гол бүрэлдэхүүн хэсэг юм.
(David A. Bednar, “Ask in Faith,” Ensign or Liahona, May 2008, 95)
Нэмэлт суралцах үйл ажиллагаа
Иаков 1:22 . “Зүгээр нэг сонсогчид биш, үгийг хэрэгжүүлэгчид бай”
Есүс Христэд итгэх итгэлээр үйлдэхийн ач холбогдлыг ойлгоход туслах сургаалуудыг олж мэдэхэд суралцагчдыг урь.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F15%2F9f%2F159ff658ffd98ab4e6cdf092cded55f65015b615%2F159ff658ffd98ab4e6cdf092cded55f65015b615.jpg/full/!250,/0/default)
Иаков 2:9 . “Та нар хүнийг алаг үзвэл, та нар нүгэл үйлдэнэ”
Энэ зарчмыг бид өөрсдийн үйлсээр дамжуулан итгэлээ хэрхэн харуулж болохын жишээ болгон зааж болно. Нэг суралцагчийг таамгаар сонгоод, түүнд жижигхэн амттан өг. Та энэ суралцагчид тохиолдлын шалтгаанаар (жишээлбэл: Өмссөн хувцасных нь өнгө гэх мэт) амттан өгснөө ангийнханд хэл. “Энэ хүүхдэд амттан өгсөн нь та нарт ямар сэтгэгдэл төрүүлсэн бэ? Бид яагаад заримдаа хүмүүст бусдаас илүү сайн ханддаг вэ?” гэх мэтчилэн асуу. Нэг суралцагчийг Иаков 2:1–4 -ийг чанга уншихад урь. Шүлгүүдийг дагаж уншаад, Иаков гэгээнтнүүдэд юу анхааруулсныг олж мэдэхийг ангийнхнаас хүс. Тэд юу олж харсан бэ? Бид заримд нь бусдаас илүү сайн хандахаас хэрхэн зайлсхийж болох вэ?
Суралцагчдыг Иаков 2:8 -ыг дотроо уншаад, ялгаварлахаа болихын тулд Иаковын гэгээнтнүүдэд юу хийхийг сануулсныг олж мэдэхэд урь. Аль ч нөхцөлд орсон байсан, хүмүүсийг яг ижилхэн хайрлахын жишээг үлгэрлэн харуулдаг өөрийн таньдаг хэн нэгний талаар бодохыг суралцагчдаас хүс. Суралцагчдыг ямар бодол орж ирснийг мөн яагаад гэдгээ хуваалцахад урь. Есүс Христ бусдыг яаж адилхан хайрлахыг хэрхэн үлгэрлэн харуулсан бэ? Суралцагчдыг бусдыг хэрхэн харах, тэдэнд хэрхэн анхаарал халамж тавих тал дээр Аврагчийн үлгэр жишээг хэрхэн илүү сайн дагаж болох талаар бодоход урь.
Иаков 2:19–20 . Бурханд итгэх итгэлтэй байх нь Түүний оршин байдгийг хүлээн зөвшөөрөхөөс өөр юм.
Энэ үйл ажиллагааг ахлагч Рэнландын мэдэгдэл эсвэл видео, дагалдах асуултууд зэргийн дараа зааж болно. Суралцагчид итгэл болон үйлсийн хоорондох холбоог хэрхэн илүү сайн ойлгож болох вэ? Иаков 2:19–20 -ийг уншаад, хүмүүс Бурханд итгэх итгэлгүйгээр Түүнд итгэж болдгийг харуулсан Иаковын өгсөн жишээнүүдийг хайж олоход тэднийг урь. Суралцагчид юуг олж харсан бэ? Бурханд итгэх итгэлтэй байх, Бурханд итгэх хоёрын хоорондын ялгааг та хэрхэн дүрслэх вэ?