Gjoni 1:1–16
“Fjala u Bë Mish”
Apostulli Gjon e shkroi Ungjillin e tij për të na ndihmuar të besojmë se Jezusi është Krishti (shih Gjoni 20:30–31). Gjoni dha mësim se Jezu Krishti u largua nga shtëpia e Tij qiellore për të jetuar në tokë dhe për t’u bërë Shëlbuesi ynë. Qëllimi i këtij mësimi është të të ndihmojë të kuptosh se kush ishte Jezu Krishti para lindjes së Tij në vdekshmëri dhe ta vlerësosh më thellë dashurinë që Ai tregoi duke përmbushur misionin e Tij në tokë.
Përgatitja e nxënësve: Ftojini nxënësit të përsiatin se çfarë dinë mbi faktin se kush ishte Jezu Krishti para se të vinte në tokë. Nxitini ata të gjejnë të paktën një fragment të shkrimit të shenjtë që e përshkruan Atë para lindjes së Tij në vdekshmëri.
Veprimtari të Mundshme të të Mësuarit
Çfarë vlere ka?
Tregojeni figurën e mëposhtme ose sillni në klasë një top që përdoret në një sport të njohur dhe bëni pyetjet e mëposhtme. Mund të përdoret një send tjetër nëse të mësuarit më shumë rreth sendit do t’i ndihmonte nxënësit të kuptojnë se vlen më shumë sesa mendonin fillimisht.
-
Sa mendoni se vlen ky top?
-
Po sikur të jetë përdorur në një lojë të kampionatit botëror apo të ishte nënshkruar nga një lojtar me emër?
Njohja e historisë së një objekti mund ta rritë kuptueshmërinë tonë për vlerën e tij. Kjo mund të jetë e vërtetë edhe për njerëzit.
Para se të bëni pyetjen tjetër, merreni parasysh të shfaqni një figurë të Jezu Krishtit, siç është figura në fillim të këtij mësimi.
-
Si mund t’ju ndihmojë kuptueshmëria se kush ishte Jezu Krishti para lindjes së Tij që të kuptoni vlerën e jetës dhe misionit të Tij në tokë?
Ungjilli i Gjonit mund të na ndihmojë të kuptojmë se kush ishte vërtet Jezusi i Nazaretit dhe pse duhet të kërkojmë të mësojmë nga fjalët dhe shembulli i Tij. Gjoni shkroi për të forcuar besimin tuaj se Jezusi është Krishti, Mesia i premtuar (shih Gjoni 20:30–31). Ungjilli i Gjonit fillon duke përshkruar lavdinë dhe fuqinë e Jezu Krishtit edhe para se Ai të vinte në tokë.
Nëse nxënësit do të përfitonin nga një hyrje më e hollësishme në Ungjillin e Gjonit, merreni parasysh të përdorni sendin e parë në pjesën “Komente dhe Informacion për Rrethanat” të këtij mësimi.
Jezu Krishti në jetën para lindjes
Merreni parasysh ta përsëritni veprimtarinë e mëposhtme në tabelë dhe t’i ftoni nxënësit të shkruajnë vëzhgimet e tyre në kolonat e duhura gjatë gjithë mësimit.
Kopjoje grafikun e mëposhtëm në ditarin tënd të studimit:
|
Jezusi në jetën para lindjes |
Jeta e Jezusit në tokë |
Duke përdorur njohuritë e tua aktuale për Jezu Krishtin, shkruaj në kolonën e majtë fjalë dhe fraza që përshkruajnë se kush ishte Jezu Krishti, si ishte Ai dhe çfarë bëri para lindjes së Tij.
Lexoji fragmentet e mëposhtme të shkrimeve të shenjta dhe thënien e Plakut Robert E. Uells, të Të Shtatëdhjetëve dhe mbaji shënim përshkrimet shtesë të Jezu Krishtit në të njëjtën kolonë. (Fraza “në fillim” siç përdoret në këto fragmente i referohet ekzistencës para lindjes.)
Merre parasysh t’i shkruash referencat e mëposhtme të shkrimeve të shenjta në anën e majtë të tabelës. Nëse është e nevojshme, ndihmojini nxënësit të gjejnë Përkthimin prej Joseph Smith-it në shtojcën Përkthimi i Joseph Smith-it ose te “Ndihma për Studimin” në programin Gospel Library [Biblioteka e Ungjillit].
Përkthimi prej Joseph Smith-it, Gjoni 1:1–5 (në shtojcën Përkthimi i Joseph Smith-it ose programin Gospel Library [Biblioteka e Ungjillit])
Jezusi gjithashtu u zgjodh dhe u dërgua nga Ati për të organizuar dhe krijuar këtë tokë, sistemin tonë diellor, galaktikën tonë, madje botë pa numër.
Jezu Krishti ishte dhe është Jehova i Dhiatës së Vjetër, Perëndia i Adamit dhe i Noeut, Perëndia i Abrahamit, Isakut dhe Jakobit. Jehova iu shfaq profetëve të lashtë dhe bisedoi me ta. Kur Ai foli, e bëri atë në emër të Atit dhe Ai tha ato që Ati i Tij do të kishte thënë. Jehova i Dhiatës së Vjetër u bë Jezu Krishti i Dhiatës së Re kur lindi në vdekshmëri.
(Robert E. Wells, “Our Message to the World”, Ensign, nëntor 1995, f. 65.)
Rishikoje listën që bëre në anën e majtë të faqes së ditarit tënd dhe shkruaj një përmbledhje me një fjali se kush ishte Jezu Krishti në jetën para lindjes.
Ftojini vullnetarët të lexojnë përmbledhjet e tyre.
Jeta e Jezusit në tokë
Vështroje figurën e mëposhtme. Në kolonën e djathtë të grafikut tënd, shkruaj disa përshkrime për rrethanat e përulura që kanë të bëjnë me lindjen e Shpëtimtarit.
Një kuptim i fjalës denjim është “të zbresësh mes”. Prandaj, zbritja e Shpëtimtarit për të jetuar në tokë midis nesh nganjëherë përshkruhet si “denjim [i] Perëndisë” ( 1 Nefi 11:26). Jezu Krishti u largua vullnetarisht nga froni i Tij qiellor dhe erdhi në një botë të rënë ku do të përjetonte sprova dhe vuajtje të mëdha.
Lexoji fragmentet e mëposhtme të shkrimeve të shenjta, duke kërkuar vështirësitë që duroi Shpëtimtari në tokë dhe pse. Shtoji këto përshkrime në anën e djathtë të faqes së ditarit tënd të studimit.
Rishikoje listën që bëre në kolonën e djathtë dhe shkruaj një përmbledhje me një fjali të asaj që Jezu Krishti duroi në tokë.
Gjej një çast për ta krahasuar atë që Jezusi la pas me atë që Ai duroi me dëshirë në tokë.
Merreni parasysh t’u jepni nxënësve kohë për t’iu përgjigjur pyetjeve të mëposhtme në ditarët e tyre të studimit. Pastaj ftojini vullnetarët të lexojnë pjesë të përgjigjeve të tyre me zë të lartë.
-
Çfarë ke mësuar apo ndier për Atin Qiellor dhe Jezu Krishtin ndërsa i studiove këto fragmente të shkrimeve të shenjta?
-
Si mendon, pse Jezu Krishti do të ishte i gatshëm të zbriste “nën gjithçka” ( Doktrina e Besëlidhje 88:6)?
-
Si ndikon kuptueshmëria për denjimin e Jezu Krishtit në ndjenjat e tua për Të?
Jep dëshmi për dashurinë e Jezu Krishtit dhe shpreh mirënjohje për gatishmërinë e Tij që denjoi të na shpëtonte.
Komente dhe Informacion për Rrethanat
Çfarë është unike në lidhje me Ungjillin sipas Gjonit?
Rreth 92 përqind e materialit në Ungjillin sipas Gjonit nuk gjendet në analet e tjera të Ungjijve. Kjo ndoshta sepse Gjoni po shkruante për anëtarët e Kishës që tashmë kishin një kuptueshmëri për Jezu Krishtin – një publik dukshëm i ndryshëm nga ai i Mateut, Markut dhe Llukës. Ungjilli sipas Gjonit është i pasur nga ana doktrinore; disa nga temat kryesore të tij janë hyjnia e Jezusit si Biri i Perëndisë, Shlyerja e Krishtit, jeta e përjetshme, Fryma e Shenjtë, nevoja për të lindur përsëri, rëndësia e dashurisë për të tjerët dhe rëndësia e besimit te Shpëtimtari. Një nga kontributet kryesore të Gjonit është përfshirja e mësimeve të Shpëtimtarit për dishepujt e Tij në orët para arrestimit të Tij, duke përfshirë Lutjen e madhe Ndërmjetësuese.
1 Nefi 11:26.
A quhen të dy Ati Qiellor dhe Jezu Krishti, Perëndi, në shkrimet e shenjta?
“Ka tre persona të veçantë në Kokën e Perëndisë [Kreun-Perëndi]: Perëndia, Ati i Përjetshëm; Biri i Tij, Jezu Krishti; dhe Fryma e Shenjtë.
Perëndia i njohur si Jehova është Biri, Jezu Krishti ( Isa. 12:2 ; 43:11 ; 49:26 ; 1 Kor. 10:1–4 ; 1 Tim. 1:1 ; Zbu. 1:8 ; 2 Ne. 22:2). Jezusi vepron nën drejtimin e Atit dhe është në harmoni të plotë me të. Tërë njerëzit janë vëllezërit dhe motrat e tij, sepse ai është më i vjetri nga fëmijët shpirtërorë të Elohimit. Disa referenca të shkrimeve të shenjta i referohen Atij me fjalën Perëndi.Për shembull, shkrimi thotë se ‘Perëndia krijoi qiellin dhe tokën’ ( Zan. 1:1), por në fakt ishte Jezusi i cili ishte Krijuesi nën drejtimin e Perëndisë, Atit ( Gjo. 1:1–3, 10, 14 ; Heb. 1:1–2).”
(Udhëzuesi për Shkrimet e Shenjta, “ Perëndi, Kokë e Perëndisë [Kreu-Perëndi] ”, scriptures.ChurchofJesusChrist.org)
Mosia 15:1 dhe Gjoni 20:26–28 shënojnë dy shembuj të tjerë të Jezusit që identifikohet si Perëndi.
Në cilat mënyra specifike zgjodhi Jezu Krishti të na denjonte?
Peshkopi Riçard C. Exhli, ish-këshilltar në Peshkopatën Kryesuese, dha mësim:
“Ai zbriti për të lindur nga gruaja e vdekshme. …
Ai zbriti për t’u pagëzuar prej njeriut, edhe pse ishte i përsosur dhe pa mëkat.
Ai zbriti për t’i dhënë shërbesë më të përulurit të të përulurve. …
Ai zbriti për t’iu nënshtruar vullnetit të Atit, duke vuajtur Vetë që të tundohej, tallej, fshikullohej, dëbohej dhe mohohej, edhe pse Ai ishte i gjithëfuqishëm.
Ai zbriti për t’u gjykuar nga bota, edhe pse ishte Gjykatësi i botës.
Ai zbriti për t’u ngritur në kryq dhe vrarë për mëkatet e botës, edhe pse asnjë njeri nuk mund t’ia merrte jetën.”
(Richard C. Edgley, “The Condescension of God”, Ensign, dhjetor 2001, f. 20.)
Pse Jezu Krishti ishte i gatshëm të zbriste deri në thellësitë që zbriti?
Peshkopi Riçard C. Exhli, ish-këshilltar në Peshkopatën Kryesuese, shpjegoi:
“Ai zbriti jo për shkak të detyrimit, as për lavdi, por vetëm për dashuri. Zbritja e Tij për të na shëlbuar nëpërmjet Shlyerjes ishte çmimi që pagoi për të siguruar shpëtim dhe ekzaltim.”
(Richard C. Edgley, “The Condescension of God”, Ensign, dhjetor 2001, f. 19.)
Veprimtari Plotësuese të të Mësuarit
Ideja e të mësuarit me mjete pamore
Pasi nxënësit të plotësojnë grafikun që krahason jetën para lindjes së Jezusit dhe jetën e Tij në tokë, merrni parasysh të paraqitni fotografi për t’i ndihmuar nxënësit që mësojnë me mjete pamore të kuptojnë denjimin e Jezu Krishtit. Për shembull, figura në fillim të këtij mësimi të Jezu Krishtit si Krijuesi, mund të paraqitet në anën e majtë të tabelës. Piktura të tilla si në vijim mund të paraqiten në anën e djathtë të tabelës. Ftojini nxënësit të krahasojnë dhe dallojnë atë që shohin te pikturat dhe pse besojnë se Jezusi do të zbriste vullnetarisht nga ajo që shohin në të majtë me atë që shohin në të djathtë.
Lavdia pas vdekshmërisë e Jezu Krishtit
Ndihmojini nxënësit të kuptojnë fuqinë dhe lavdinë që iu kthye Jezu Krishtit pas jetës së Tij në tokë dhe me të cilën Ai do të zbresë në Ardhjen e Tij të Dytë. Merrni parasysh të shfaqni një figurë të tillë si ajo që vijon dhe t’i ftoni nxënësit të lexojnë fragmente të shkrimeve të shenjta si Mateu 25:31 dhe Doktrina e Besëlidhje 29:11 . Nxënësit gjithashtu mund të lexojnë ose këndojnë “Jezus’, Dje Lindur n’Varf’ri” (Himne, nr. 115).